ಕುಮಟಾ: ಹಾಂಗಾಚೆ ಹನುಮಂತ್ ಬೆಣ್ಣೆ ಸರ್ಕಾರಿ ಪದವಿ ಪೂರ್ವ ಕಾಲೇಜಾಂತು° ತಾಲೂಕಾ ಸ್ಥರಾಚೆ ಭಗವದ್ಗೀತಾ ಸ್ಪರ್ಧೊ ಚಲೊ. “ಭಗವದ್ಗೀತೆಚೆ ಶ್ಲೋಕ ಪಠಣ ಕರನು ತ್ಯಾ ಪ್ರಮಾಣೆ ಚಲ್ಯಾರಿ ವಿದ್ಯಾರ್ಥಿಯಾನಿ ಶಿಕ್ಷಣಾಂತು° ಯಶ ಫಾವೊ ಕರಯೆತ” ಮ್ಹಣು ಉದ್ಯಮಿ ಮುರಳಿಧರ ಪ್ರಭು ಹಾಂನಿ° ಹ್ಯಾ ವೇಳಾರ ಸಾಂಗಲೆ°. ಎಂ. ರಮೇಶ್ ಉಪಾಧ್ಯಯ್, ಎಂ. ಟಿ. ಗೌಡ, ಸುಧಾ ಶಾನಾಭಾಗ, ಆರ್. ಎಂ. ಶಾನಾಭಾಗ್, ಉಪ ಪ್ರಾಂಶುಪಾಲ ಆರ್. ಎಚ್. ನಾಯ್ಕ್ ಉಪಸ್ಥಿತ ಆಶಿಲಿಂತಿ.

ಉಡುಪಿ: ಕಲ್ಯಾಣಪುರಚೆ ಶ್ರೀ ವೆಂಕಟರಮಣ ದೇವಳಾಂತು° ಚಲಚೆ 94ವೆ° ಭಜನಾ ಸಪ್ತಾಹಾಂತು° ನ. 28ಕ  ಮೂಲ್ಕಿ ರವೀಂದ್ರ ಪ್ರಭು  ಹಾಂಗೆಲೆ  ಭಕ್ತಿ ಸಂಗೀತ ಕ್ರಾಯಕ್ರಮ ಚಲೊ. ದೇವಳಾಚೆ ತರಪೇನ ತಾಂಕಾ° ಗೌರವಾರ್ಪಣ ಜಾಲೆ°. ರಾತಿ  ಪೇಂಟಾ ಉತ್ಸವ, ವಸಂತ ಪೂಜಾ, ಅಷ್ಟಾವಧಾನ ಸೇವಾ, ಪಾಳೆಂತು° ಸೇವಾ, ಮಹಾಪೂಜಾ ಚಲಿ. ಅರ್ಚಕ ಜಯದೇವ ಭಟ್, ಗಣಪತಿ ಭಟ್, ಆಡಳಿತ ಮೊಕ್ತೇಸರ ಅನಂತ ಪದ್ಮನಾಭ  ಕಿಣೆ, ಕಾಶೀನಾಥ್ ಭಟ್, ಸಮಿತಿ ಸಾಂದೆ ಉಪಸ್ಥಿತ ಆಶಿಲೆ. 

ಮುಂಬಯಿ: ಮಾಕ್ಷಿಚೆ ತೀನ ವರಸ ದಾಕೂನ ಫಕತ ಬಾಯಲ ಮನಶಾ° ಕಾತಿರ ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕರತ ಆಶಿಲೆ ವಡಾಲಾಚೆ ಜಿ. ಎಸ್. ಬಿ. ಎಸ್ ಮೆಡಿಕಲ್ ಟ್ರಸ್ಟ್ ಹಾಂನಿ° ಪಯಲೆ ಪಾವಟಿ ಅ. 18ಕ ದಾರಲೆ° ಕಾತಿರ ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕೆಲೆ°. ಬಿ. ಟಿ. ಮಲ್ಯ ಹಾಂನಿ° ತಾಂಗೆಲಿ ಬಾಯಲ ದೇವಾದಿನ ಪ್ರತಿಮಾ ಮಲ್ಯ ಹಾಂಗೆಲೆ ಉಡಗಾಸಾರಿ ಹ್ಯಾ ಶಿಬಿರಾಚೆ ಪ್ರಾಯೋಜನ ಕೆಲೆಲೆ ಹ್ಯಾ ಶಿಬಿರಾಂತು° ಇ.ಎನ್.ಟಿ ವೈದ್ಯ ದಿನೇಶ ಮೊಗ್ರೆ ಆನಿ ಸರ್ಜನ್ ಡಾ. ಲಾಕಿನ್ ವೀರಾ ಹಾಂನಿ° ತೀನ ಸ್ಥರಾರಿ ವೆಗವೆಗಳೆ ತಪಾಸಣಾ ಕೆಲಿ.

ನ.14 ಚಾಳಿಸಾ ವಯಲೆ ಬಾಯಲ ಮನಾಶಾಂಕಯೀ ಕ್ಯಾನ್ಸರ್ ತಪಾಸಣ ಶಿಬಿರ ಚಲೆ°. 16ವೆ° ಶಿಬಿರ ಜಾವನು ಆಶಿಲೆ ಹಾಜೆ ಉಪೇಗ ಖೂಬ ಲೋಕಾನ ಕೆಲೆ°. ಡಾ. ಶೋನಿಕ್ ಪೈ, ಡಾ. ಕೆಥಕಿ ಕುಲಕರ್ಣಿ, ಡಾ. ಶಾಲಿನಿ ರೂಪನಾರಾಯಣ, ಡಾ. ಜ್ಯೋತಿ ಸತ್ಪುತಿ, ಡಾ. ಪ್ರತೀಕ ಸತ್ಪುತು, ಡಾ. ವಿಕಾಸ್ ಗುಪ್ತಾ ಹಾಂನಿ° ತಪಾಸಣಾ ಕೆಲಿ. ರಾಧಾ ಕಿಣಿ ಆನಿ ಅಜಿತಾ ಕಿಣಿ ಪ್ರಾಯೋಜಕ ಆಶಿಲೆ ಮ್ಹಣು ಟ್ರಸ್ಟಿ ಆನಿ ಕಾರ್ಯದರ್ಶಿ ಗೀತಾ ಆರ್. ಪೈ ಹಾಂನಿ° ಕಳಯಲಾ°.