Khaber/News (728)
Children categories
ಭಾರತೀಯ ಸೇನೇಚೆ ವಾಯುದಳಾಂತು ಟೆಕ್ನಿಕಲ್ ಆಫೀಸರ ಹ್ಯಾ ನಾತ್ಯಾನ ದೇಶ ಸೇವೇಚೆ ಸೌಭಾಗ್ಯ ಮೆಳ್ಳೆಲಿ ಕುಮಾರಿ ರಶ್ಮಿ ಜಿ. ಭಟ್ ಹ್ಯಾ ಹುದ್ದ್ಯಾಚೆರ್ ಪಾವಿಲ್ಲಿ ಪ್ರಥಮ ವನಿತಾ ಜಾವನು ಅಪುರಬಾಯೆಚಿ ನಾಮನಾ ಜೊಳ್ಳೇಲಿ ಕೀರ್ತಿಕ ಪಾತ್ರ ಜಾಲ್ಯಾ ಆನಿ ಸಗಳೇಚಿ ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಕ ಅಭಿಮಾನ ಪಾವಯಲಾ.
ಕೇರಳಚೆ ಕೊಚ್ಚಿ ಶಹರಾಂತುಲೆ ಗೋಶ್ರೀಪುರ ಗಾಂವಚೆ ವಿಖ್ಯಾತ ಕೊಚ್ಚಿ ತಿರುಮಲ ದೇವಸ್ವಮ್ ಹ್ಯಾ ದೇವಸ್ಥಾನಾಂತು ಮುಖ್ಯ ಜಾವನು ಪಾಲ್ಲಂಕೆಕ ಖಾಂದೊ ಮಾರನು ದೇವಾಲಿ ಸೇವಾ ದಿನನಿತ್ಯ ಕರನು ಯೆವಚೆ ಗೋಪಿನಾಥ ಭಟ್ ಆನಿ ಶೋಭಾ ಭಟ್ ದಂಪತಿಲಿ ಏಕಮೇವ ಚೆರಡು ಜಾವನು ೧೯೯೩ ಇಸವಿಂತು° ರಶ್ಮಿ ಜನ್ಮಾಕ ಆಯಿಲಿ. ತಿರುಮಲ ದೇವಸ್ಥಾನಾಚೆ ವಿದ್ಯಾಲಯಾಂತು ಅತ್ಯಂತ ಶಿಸ್ತಾರಿ ಧಾವೆ ದರ್ಜೆ ಪರ್ಯಂತ ತಿಗೆಲೆ ಶಿಕಪ ಜಾಲೆ°. ೨೦೦೯ ಜಾತಾನಾ ಹರ ಏಕ ವಿಷಯಾಂತು "ಏ ಪ್ಲಸ್’ ಮಟ್ಟಾರಿ ಅಂಕ ಜೋಡೂನ ತೀ ಉತ್ತೀರ್ಣ ಜಾಲಿ. ಸೌಮ್ಯ ಸ್ವಭಾವಾಚಿ ಆನಿ ಸದಾ ಹಸನ್ಮುಖಿ ಆಶಿಲಿ ರಶ್ಮಿಕ ಜೀವನಾಂತು ಅತ್ಯಂತ ಉತ್ಸಾಹ ಆಶಿಲೊ. ಕೊಚಿಂತೂಚಿ ತೊಪ್ಪುಮ್ಪಡಿ ಪ್ರದೇಶಾಂತು ಸಂತ ಸೆಬಾಸ್ಟಿಯನ್ ಹೈ ಸ್ಕುಲಾಂತು ಪ್ಲಸ್ ಟೂ ಜಾತ್ತನಾ ೯೪% ಅಂಕ ಘೆವನು ಯಶಸ್ವಿ ಜಾಲ್ಲಿ.
ಮುಕಾವೇಲೆ ಶಿಕಪ ಶಂಕರಾಚಾರ್ಯಾಲೆ ಜನ್ಮಸ್ಥಾನ ಮ್ಹಣು ವಿಖ್ಯಾತ ಕಾಲಡಿ ಗಾವಾಂತು ಆದಿಶಂಕರಾ ಇನ್ಸ್ಟಿಟ್ಯೂಟ್ ಒಫ್ ಇಂಜಿನಿಯರಿοಗ್ ಅಂಡ್ ಟೆಕ್ನೋಲೊಜಿಂತು ಸೇರವುನು ಎಲೆಕ್ಟ್ರಾನಿಕ್ಸ್ ಆನಿ ಕಮ್ಯುನಿಕೇಶನ್ ವಿಷಯಾಂತು ಬಿ.ಟೆಕ್ ಬಿರುದ ಜೊಡುಕ ಶಿಕಚೆ ತೆನ್ನಾಚಿ ಕ್ಯಾಂಪಸ್ ಇಂಟರ್ವ್ಯೂ ಚಲತಾನಾ ಟಿ. ಸಿ. ಎಸ್. ಹ್ಯಾ ಕಂಪೆನಿοತು ರಶ್ಮಿ ಕಾಮಾಕ ಚುನಾಯಿತ ಜಾಲಿ. ಬೆಂಗಳೂರಾοತು ತ್ಯಾ ಕಂಪೆನಿοತು ಸೇರವಲಿ ಆನಿ ಥಂಯಿ ಆಪ್ಣಾಲೇ ವೃತ್ತಿ ಜೀವನ ಪ್ರಾರಂಭ ಕೆಲೆ°. ಬೆಂಗಳೂರಾοತು ಏರೋಸ್ಪೇಸ್ ವಿಭಾಗಾಂತು ತಿಣೆ ತೀನಿ ವರ್ಸ ಕಾಮ ಕೆಲೆ°. ಹೊಸ್ಟೆಲಾಂತು ಸಾಂಗಾತಿ ರಾಬೂನು ಆಶಿಲಿ ಸಂಜನಾ ನಾವಾಚಿ ಏಕಿ ಚೆಲ್ಲಿ ಭಾರತೀಯ ಕರಸೇನೆಂತು ಸೆರವಲೇಲೆ ಪಳಯಿಲೆ ರಶ್ಮಿಕ ದೇಶಾಚಿ ಸೇವಾ ಕರಚಿ ಉಮೇದಿ ಆನಿ ಧ್ಯೇಯ ಅನುಭವಾಕ ಆಯಲೆ°. ತಶಿ ಜಾವನು ಸ್ಟಾಫ್ ಸಿಲೆಕ್ಷನ್ ಬೋರ್ಡಾಚೆ ಪರೀಕ್ಷೆಕ ತಯಾರಿ ಕೆಲಿ. ಶುರುವೇಕ ಬರಯಿಲೆ ವೇಳಾರಿ ಹಾರವಲಿ ತರಿ ದುಸರೆ ಪಟಿ ಜಿಕವೂಚೆ ಛಲ ತಿಣೆ ದವೋರ್ನು ಘೆತಲೆ°.
ದೆಕುನು ತೀ ತ್ಯಾ ಪರೀಕ್ಷಾ ಉತ್ತೀರ್ಣ ಜಾಲಿ. ಫಲಿತಾಂಶ ಯೆತಾನಾ ತಿಗೆಲೆ ನಾವ ವಿಜೇತಾಂಗೆಲೆ ಮಧೆ° ಪಳೊವನು ತಿಕಾ ಅತ್ಯಂತ ಸಂತೋಸ ಜಾಲೊ. ೨೦೧೮ ದಶಂಬರಾοತು ತಿಣೆ ಟಿ. ಸಿ. ಎಸ್. ಸೊಡೂನ ಹೈದರಾಬಾದಾಂತು ಏರ್ ಫೋರ್ಸ್ ಎಕಾಡೆಮಿಂತು ಭರತಿ ಜಾಲಿ. ದೇಡ ವರಸ ಭಾರತೀಯ ವಾಯುಸೇನೆಚೆ ಅತೀವ ಕುಶಲತಾಯೆಚೆ ಪರಿಶೀಲನ ಜಾಲೆ°. ಸೊಳಾ ಜನಾಂಕ ವಾಯುದಳಾಚೆ ೯೪ವೆ° ಬ್ಯಾಚ್ ಮ್ಹಣು ವೆಂಚೂನು ಕಾಳ್ಳೆ ಆನಿ ತಾಂತು ಏಕಲೀಚಿ ಚೆಲಿ ಆಶಿಲಿ ರಶ್ಮಿ. ನಂತರ ತಿಕಾ ವಡೋದರಾಂತು ಸಾಂಕೇತಿಕ ಆಫೀಸರ್ ಮ್ಹಣು ನೇಮಣೂಕ ಜಾಲೆ°. ಹೆ° ಏಕ ಫ್ಲ್ಯಾಯಿಂಗ್ ಓಫೀಸರ್ ರಾಂಕ್ ಜಾವನು ಆಸಾ. ಬಾಪೂಸು ಗೋಪಿನಾಥ ಭಟ್ ಕೇವಲ ದೋನಿ ಕ್ಲಾಸ್ ಪರ್ಯಂತ ಶಿಕಲಾ. ಆವಸು ಶೋಭಾ ಭಟ್ ಆಟ ಪರ್ಯಂತ ಶಿಕಿಲಿ. ದೇವಸ್ಥಾನಾಂತುಲೆ ಕಾಮಾನ ಮೆಳಚಿ ಕಮಾಯಿನ ಧುವೆಲೆ ಶಿಕವಣೆಚೊ ಖರ್ಚು ಕಷ್ಟಾರಿ ಕಾಡತಾನಾ ತ್ಯಾ ಕುಟುಂಬಾಕ ಸಮಾಜಾಚೆ ವಿವಿಧ ಸಂಘ ಸಂಸ್ಥೆನಿ ವಿದ್ಯಾರ್ಥಿ ವೇತನ ಮ್ಹಣು ಇತ್ಲೊ ಇತ್ಲೊ ಧನಸಹಾಯು ಕೆಲಾ.
ಬಿರುದ ಪದವಿಕ ಶಿಕತಾನಾ ಮಂಗಳೂರಾಚೆ ವಿಶ್ವ ಕೊಂಕಣಿ ಕೇಂದ್ರಾನ ದಿಲೆಲೆ ಅನುದಾನ ಆನಿ ಪರಿಶೀಲನ ಆಪ್ಣಾಕ ಏಕ ನವೋ ಉಜವಾಡು ದಾಕಯಲೊ ಅಶಿ° ರಶ್ಮಿಕ ಭೊಗತಾ. ಆಪ್ಣಾಲೆ ಸಪನ ಸಾಕಾರ ಕರನು ಘೆವಚೆ ಭಾಗ್ಯ ದೇವಾಲೆ ದಯೇನ ಆನಿ ಮ್ಹಾಲಗಡ್ಯಾಲೆ ಆಶೀರ್ವಾದಾನ ಅಶಿ ರಶ್ಮಿ ಸಾಂಗತಾ. ಹ್ಯಾ ಕಾಮಾಚೆ ತರಬೇತಿಂತು ಅಥವಾ ಶಿಕವಣೆ ವಿಷಯಾಂತು ಏಕಿ ಚೆಲ್ಲಿ ಮ್ಹಣು ಕಾಯಿ ಉಣೆಪಣ ಆಪ್ಣಾಕ ದಿಸನಿ ದೆಕುನು ದೇಶಸೇವೆಚೆ ಧ್ಯೇಯ ಆಶಿಲೆ ಖಂಚೇಯಿ ಚೆಲಿಯಾನಿ ಸೇನೇಚೆ ಖಂಚೇಯಿ ವಿಭಾಗಾಂತು ಕಾಮ ಕರೂಂಕ ಸಾಧ್ಯ ಆಸ್ಸ ಮ್ಹಣು ರಶ್ಮಿ ಸಾಂಗತಾ. ವಿನಯ ಆನಿ ವಿಜಯ ದೊನ್ನಿಚೆಯಿ ನಿದರ್ಶನ ಜಾವನು ಆಶಿಲಿ ರಶ್ಮಿ ಭಟ್ಟಾಕ ಹಾರ್ದಿಕ ಅಭಿನಂದನ. ತಿಗೆಲೆ ಆವಸು ಬಾಪಸುಂಕ ಆಮಗೆಲೆ ಅಭಿವಾದನ. ಸೇನಾಸೇವೆಂತು ರಶ್ಮಿಕ ಆನಿಕಯಿ ಉನ್ನತ ಸ್ತರಾರಿ ಪಾವಚಾಕ ರಶ್ಮಿಕ ದೇವು ಅನುಗ್ರಹ ಕರೊ ಹೀ ಅಮಗೆಲಿ ಶುಭಾಶಂಸಾ.
- ಪಯ್ಯನೂರು ರಮೇಶ ಪೈ
ಬೆಂಗಳೂರು: ಗೌಡ ಸಾರಸ್ವತ ಮಹಿಳಾ ವೃಂದ ಬೆಂಗಳೂರು ಹಾಂನಿ° ಮಾ. ೮ ಕ ಹಾಂಗಾಚೆ ಶ್ರೀ ಕಾಶಿಮಠಾಂತು° ಅಂತರಾಷ್ಟೀಯ ವನಿತಾ ದಿವಸ ಆಚರಣ ಕೆಲೊ. ಹ್ಯಾ ವೇಳಾರ ಮಂಗಳೂರಾಚೆ ಎಕ್ಸ್ಪರ್ಟ ಗ್ರೂಪ್ ಆಫ್ ಇನ್ಸ್ಟಿಟ್ಯೂಟ್ ಹಾಜೀ ಉಪಾಧ್ಯಕ್ಷ ಡಾ|| ಉಷಾ ಪ್ರಭಾ ನಾಯಕ, ಎಂ.ಎ ಪರೀಕ್ಷೆಂತು ಅವಲ್ ಅಂಕ ಜೋಡಿಲಿ ಅಂಧ ವಿದ್ಯಾರ್ಥಿನಿ ಕಾವ್ಯಾ ಭಟ್, ಪಾಕ ತಜ್ಞಾ ಗೀತಾ ಆರ್. ನಾಯಕ ಹಾಂಕಾ° ಸನ್ಮಾನ ಚಲೊ.
ಡಾ|| ಪಿ. ದಯಾನಂದ ಪೈ ಹಾಂನಿ° ಮಹಿಳಾ ಸಬಲೀಕರಣ ಬದಲ್ ಮಾಹಿತಿ ದಿಲಿ. ಜಿ. ಜಿ. ಶೆಣೈ ಹಾಂನಿ° ಶುಭಾಷಯ ಪಾಟಯಲೊ. ಮಹಿಳಾ ವೃಂದಾಚೆ ಅಧ್ಯಕ್ಷಾ ವಸುಧಾ ಕಾಮತ ಹಾಂನಿ° ಸ್ವಾಗತಾಚೆ ಉತ್ರಂ ಸಾಂಗಲಿ°. ಮೋಹಿನಿ ಡಿ.ಪೈ ವೇದಿಕೆರಿ ಉಪಸ್ಥಿತ ಆಶಿಲಿಂತಿ. ಕಾರ್ಯದರ್ಶಿ ಮೀರಾ ಜಿ. ಶ್ಯಾನುಭೋಗ ಹಾಂನಿ° ಆಭಾರ ಮಾನಲೊ.
ಸಭಾ ಕಾರ್ಯಕ್ರಮಾಚೆ ಉಪರಾಂತ ಸಾಂಸ್ಕೃತೀಕ ಕಾರ್ಯಕ್ರಮ ಚಲೊ. ಶೀಲಾ ನಾಯಕ ನಿರ್ದೇಶಿತ ‘ಶ್ರವಣ ಕುಮಾರ’, ಡಾ|| ವಿದ್ಯಾಭೂಷಣ ಹಾಂಗೆಲೆ° ‘ದಾಸರ ಪದಗಳು’ ಪ್ರತಿಭಾ ನಾಟ್ಯಾಲಯಾಚೆ ವಿದ್ಯಾರ್ಥಿಯಾಲೆ° ‘ಅಪ್ರಮೇಯ ಕೃಷ್ಣ’ ನಾಟ್ಯ ಪ್ರದರ್ಶನ ಜಾಲೆ°. ಶ್ರೀ ಪಾರ್ಥಸಾರಥಿಕ ಪೂಜಾ ಜಾತರಿ ಪ್ರಸಾದ ವಾಂಟಪ ಜಾಲೆ°.
More...
कोरोना आकांत मधें द.द.ए.इ परीक्षेंतु कोंकणीक १००% निकाल Featured
Written by Venkateshकोंकणीं शिक्षणांत श्रेश्ठतायेक उमेश किणी स्मारक पुरस्कार प्रदान:
Written by Venkateshಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°

ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ

Well Wishers
Most Read
- शिव तत्व सगळेय संसाराचें जीणेचे सत्व
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- 248. ವೇರ
- ವಿಧಿ ಲಿಖಿತ
- ಕುದ್ಮುಲ ರಂಗರಾವ್
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಘರ ಏಕ್ ದೇವುಳ -2
- GSB Scholarship League Application
- कन्याकुमारिच्या स्वामी विवेकानंद स्मारकाक ५० वरसां
- ಸತ್ಯನಾರಾಯಣ ಪೂಜಾ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಘರ ಏಕ್ ದೇವುಳ
- ರಚನಾ...
- ಜುನಾಗಢ್
- तुळशी काट्टो
- कोरोनान शिकयिलो पाठ
- स्वावलंबन आनी आत्मविश्वास
- ಉದ್ಯೋಗ ಆನೀ ನಿರುದ್ಯೋಗ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಪರಬೆಕ ತಿಸ್ರೆ ಲ್ಹಾರಾಚೆ ಭಯ
- 'ಮಹಾ ಸರಕಾರ"
- भारताचे अमृत स्वातंत्र महोत्सवाचे पांच अमृत घडियो
- ತಾಕೀತ (ತಾಕೀದ)
- SUKRTINDRA ORIENTAL RESEARCH INSTITUTE
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಗುಜರಾತ - ಪಾಲಿಟಾನಾ
- ಹುಂಬರು (ಉಂಬರು)
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಲಾಕ್ಡೌನ್
Homage
Who is Online?
We have 61 guests and no members online










