Kerala (56)
गुरू पूर्णिमा दिसाक कोंकणी कवींगेलो गुरूक आर्गा ओपली
Written by Balakrishna Mallya
कोकणी केन्द्र - गोश्रीपुर आनी कोंकणी भाषा प्रचार सभा मेळनु ६७वें प्रतिमास कोंकणी कवि संगम - 'क्रोधी आषाढ' कोंकणी भाषा भवन, चेरळाय (कोच्ची) हांगा २१, जुलै २०२४ आयतारा सांजे ४.०० वरांचेर घडेयलें. प्रार्थनेचे उपरांत कोंकणी केंद्र - गोश्रीपुर संस्थे वतीन एस. चित्तरंजन नायक हांणी सागळ्यांक येवकार दिलो. गुरू पूर्णिमा दिसाक घडेयलेले ह्ये कवी संमेलनांत कोंकणी कवींगेलो गुरूस्थानीय वरिष्ठ कोंकणी कवी आनी साहित्यकार (स्व.) अनंत भट हांचे स्मरणे मुखार सगळे कवीगणांनीं आर्गां ओपलीं.
आर.एस.भास्कर (उपाध्यक्ष, अखिल भारतीय कोंकणी परिषद), एन.सदानंद कम्मत (उपाध्यक्ष, कोकणी केन्द्र - गोश्रीपुर), के. नारायण नायक (आजीवन वांगडी, कोंकणी भाषा प्रचार सभा), जी. मोहन रावु (आदले सचिव, केरळ कोंकणी अकादमी), एस. रामकृष्ण किणी (संचालक, कोंकणी लांग्वेज इन्स्टिट्युट), विजय कुमार एन. पै (अध्यक्ष, गोश्री कालाक्षेत्र) हांनीं (स्व.) अनंत भट हांकां याद करून दोन दोन उत्रां उलेयलीं. नंतर चलल्ले कविता सादरीकरणांत विलासिनी नारायण नायक, के. नारायण नायक, सुरेश वी. शेणै, जी. मोहन रावु, उमेश टी. भट, अंडिक्कडव सुरेश पै, एस. रामकृष्ण किणी, वसंतकुमारी पी.एस., अनिता डी किणी, एन.सदानन्द कम्मत्त, अंजली किणी, गोश्रीपुरं हरिकुमार, आर.एस.भास्कर, विजयकुमार एन. पै, आर. रामानन्द प्रभु, गोविंद एस. नायक, जया बालकृष्ण कामत्त, कांचना बोस, एन.बालकृष्ण मल्ल्या ह्ये कवींनी आपआपली कविता सादर केली. म्हालगडे कोंकणी नाटक कलाकार श्री. ए. नारायण शेणै आनी रत्नाकर मल्ल्या एम. (आजीवन वांगडी, कोंकणी भाषा प्रचार सभा) हांनीय संगमांत उपस्थित आसले. प्रार्थनेचे उपरांत बसका सोंपली.
To Support Kodial Khaber click the following button.
कोचिन्": हांगाचे नावादिक कवि के. अनंत भट (85) आज शुक्रार सकाळिं मरण पावले. कायं दिसां आदि भलाय्कि ईबाडिल्यान तांकां कोचिच्या हास्पितालान्त दाकल केल्ले. आजि सकाळि तानिं मरण पाव्ले. फाल्यां शेन्वारान्13 जुलायेक तांचे कुडियेचेरि निमाणे संस्कार जातले. तांच्या फाटल्यान धरकान्न पूत आनी लग्न जालि धूव आसा. अनंत भट हे एक प्रनिभावान कवि आसले. आकाशवाणी धारवाड, मंगळूर, पणजी, कोझीकोड, तिरुवनंतपुरम आनी आलाप्पुझा केंद्रांतल्यान कोंकणी प्रसारणान श्री.अनंत भाटाचो प्रवास सुरू जालो. ताच्यो कविता आनी गितां देशभरांतल्या वेगवेगळ्या गायकांनी सुर आनी गायन करपाक सेट केल्यात. ताचें पयलें उजवाडाक आयिल्लें पुस्तक (१९७६) हें संत तुलासीदासाचें कोंकणींतलें चरित्र.
ताच्या गीतांक १९८० वर्सा ‘तपस्विनी’ ह्या कोंकणी चित्रपटांत कास्ट जाल्लो.सुरदासाच्या हिंदी भजनांचो ताणें कोंकणींत अणकार केला (१९७९), आनी ताच्या श्रीरामचरितमानस ह्या कोंकणी अणकाराक २००६ वर्सा केंद्र साहित्य अकादमीचो अणकार पुरस्कार फावो जालो.
भाटमाम विशीं आमी चड वाचताना, हांगा ताच्या काव्यकथनाची भांगराळी रेकॉर्डिंग. धूर्त कोल्याची दंतकथा आशिल्ली कविता तो कथन करता, जी आमकां नीच संवसाराचेर नदर दवरून ताचेर वाडपाक नैतीक दिता.
11 बॅले (संगीत रूपक), 51 कविता (हरवे पान आनी पिकल्ले पान) आनी 101 गितां (गीत माला) आशिल्ल्या ताच्या संकलनांक आमच्या दरेकाच्या घरगुती वाचनालयांत सुवात मेळपाक जाय. निवृत्त बँकर अनंत भाट पिरायेच्या 71 व्या वर्साय बरोवपाचें काम चालूच दवरता. ताचीं भक्ती गीतां आयकल्ल्यां खातीर हांगासर आमकां एक कविता (कथरोपी कवन) एक काणी आसा, जी सोळा वर्सां आदीं कवीच्या आवाजांत स्वता वाचून काडली. अशें बरप कोंकणींतल्या बालसाहित्याच्या प्रकाराक भरपूर उंचायेर व्हरता, आनी शाळांनी कोंकणी पाठ्यपुस्तकांत ताचो आस्पाव करपाक भरपूर फावो.
श्री अनंत भाटमाम, हाणें कोंकणी भाशेंत असंख्य भजन आनी भावगीत रचल्यात, जी कविता आनी भक्ती साहित्यांतल्या सगळ्यांत व्हडल्या कोंकणी योगदाना मदीं आसा. ह्या संदर्भांत आमी इंग्लीश आनी कन्नड सोडल्यार कोंकणींत हरिकठेचें अमृत आमकां मेळोवन दिल्ल्या भद्रगिरी अचूठ दासजी आनी केशव दासजी हांच्या व्हडल्या कदां कडेनय आदरपूर्वक नमस्कार करतात.
श्री अनंत भाटमाम हांचीं भजन जीएसबी घरां मदीं लोकप्रियपणान गायतात जातूंत "आमगेलो देवू श्री व्यासू रघुपति" आनी जायते जे पंडित उपेंद्र भाट-माम आनी श्री पुत्तर पांडुरंग नायक-माम ह्या व्हड सरस्वत गायकांनी वेवस्थीत रितीन सादर केल्यात.
अनंत-माम हांच्या भव्य कृतींनी श्री रामचरित मानसाचो कोंकणी अणकार बृजभाशा हिंदींतल्या मूळ रचना प्रमाणच ताल आनी संदर्भांत आस्पावता.
To Support Kodial Khaber click the following button.
कोच्चींत ६५वें प्रतिमास कोंकणी कवि संगम - "क्रोधी वैशाख" घडेयलें
Written by Editor
कोकणी केन्द्र - गोश्रीपुर आनी कोंकणी भाषा प्रचार सभा मेळनु ६५वें प्रतिमास कोंकणी कवि संगम - 'क्रोधी वैशाख' कोंकणी भाषा भवन, चेरळाय (कोच्ची) हांगा १९, मे २०२४ आयतारा सांजे ४.०० वरांचेर घडेयलें. प्रार्थनेचे उपरांत कोंकणी केंद्र - गोश्रीपुर संस्थे वतीन श्री. एस. चित्तरंजन नायक हांणी सागळ्यांक येवकार दिलो. त्या उपरांत के. नारायण नायक, आर.एस.भास्कर, विजयकुमार एन. पै, एन. बालकृष्ण मल्ल्या, गोश्रीपुरं हरिकुमार, सुरेश वी. शेणाय, एन.सदानन्द कम्मत्त, गोविंद एस. नायक, उमेश टी. भट, एस. रामकृष्ण किणी, जया बालकृष्ण कमत्त, के.एन.आर. भट, पंकज आषर, आर. रामानन्द प्रभु, जी. मोहन रावु, विलासिनी नारायण नायक हांणी कविता सादर केली. प्रार्थनेचे उपरांत बसका सोंपली.
To Support Kodial Khaber click the following button.
"कोंकणी सप्ताह - २०२४" सोमारा ६ तारखेक साकून कोच्चीच्या चेरळाय हांगाच्या कोंकणी भाषा भवनांत कोंकणी भाषा प्रचाराभा आनी कोंकणी केन्द्र - गोश्रीपुर हांच्या जोडपालवान सुरू जाली. सकाळीं १० वरांचेर जाल्ले उक्तावण बसकेंत कोंकणी केन्द्र - गोश्रीपुर संस्थेची सचीव श्रीमती संध्या वी. प्रभून प्रार्थना गीत म्हणलें आनी सागळ्यांक येवकार दिलो. ताजे उपरांतें कोंकणी भाषा प्रचारसभाचे संयुक्त सचीव श्री. सुरेश पै पी. न अध्यक्ष भाषण केलें आनी नामनेचो कोंकणी कार्यकर्तो, कवी आनी वक्तो कॉर्पोरेशन बँक (सेवा निवृत्त). ए.जी.एम. एस. रामकृष्ण किणी हांणी उक्तावण भाषण केलें. श्री. के एन आर भट, श्रीमती एस. वसंतकुमारी पी एस, श्रीमती. अनिता डी. किणी हांनीं कार्यावळीक शुभेच्छा दिली आनी कोंकणी केन्द्र - गोश्रीपुर संस्थेची खजांची श्रीमती एस. सरस्वती एस. प्रभून आपले उपकार मानले. उक्तावण जाले उपरांत श्री. एस. रामकृष्ण किणीन "गोंयांत साकून कोंकण्यांचो विस्थापन" ह्या विषयाचेर पयलो वर्ग घेतलो.
To Support Kodial Khaber click the following button.
24.05.2024 शुक्रारा एर्नाकुलमच्या (केरळ) ‘अनुग्रहा चारिटबळ ट्रस्ट’ हांगा घडयल्ल्या बरोवप्यांच्या आनी रसिकांच्या मित्रसंगमांत ‘उकत्या मळबाखाला..’ ह्या प्रवासवर्णनांच्या संग्रहाचें लोकार्पण जालें. केंद्रीय साहित्य अकादेमी पुरस्कार जैतवंत कवी शरतचंद्र शेणै (केरळ) हांणी संकलित आनी संपादीत केल्ल्या ह्या संकलनांत वत्सला शेणै, आनंदी कामत, वसंतकुमारी, जया राजू, रमा देवी, रामकृष्ण किणी, राधिका शेणै, उषा भट, अनसूया, रेवती श्रीकांत, आनी सूर्या अशोक, अशा इकरा बरोवप्यांनी बरयल्लीं प्रवासवर्णनां आसात. पुस्तकाचें लोकार्पण ‘अनुग्रहा’ ट्रस्टाचे अध्यक्ष आर. भस्कर शेणै हांचे हस्तुकीं जालें आनी पयली प्रत ट्रस्टाचे सचिव मुरळीधर पै हांणी स्विकारली. पुस्तकाचे संपादक शरतचंद्र शेणै हांणी बरोवप्यांची आनी पुस्तकाची वळख करून दिली. अनुग्रहा ट्रस्टाची ट्रस्टी आनी बरोवपी रमा देवी हांगेले प्रार्थनेन शुरुवात जाली. साहित्यिक रामकृष्ण किणी, वसंतकुमारी, के. एन. आर. भट, हांणी आशंसा भाशणां केलीं.
To Support Kodial Khaber click the following button.
To Support Kodial Khaber click the following button.
कोच्चींत विश्व कोंकणी दिवसाच्या अनुबंध ६४वें प्रतिमास कोंकणी कवि संगम - "क्रोधी चैत्र" घडेयलें
Written by Editor
To Support Kodial Khaber click the following button.
कोच्चींत शिवरात्री नाटक "श्रीरामचन्द्र पट्टाभिषेकु" खेळेयलें
Written by Editor
कोच्ची ( गोश्रीपुर) : शिवरात्रिच्या अनुबंध जावनु राती ९.०० वरार उद्यानेश्वर शिवालयाच्या प्रांगणांत पांडुरंग कलाकेंद्राचे बानारा खाला "श्रीरामचन्द्र पट्टाभिषेकु" म्हणु कोंकणी नाटक खेळेयलें. एल कृष्ण भट्ट हांणी बरयल्लें आनी दिग्दर्शीत केलेले ह्या नाटकाची पटकथा एम.अरुण कुमार हांणी बरयल्या. भुरगीं आनी व्हडले सुमार तीस नाटक कलाकारांनी अभिनय केल्ले ह्या नाटकांत एल कृष्ण भट्ट, ए एन शेणै, गोविंद पै, पद्मनाभ पै, दयानंद भट, आकाश बाळिगा, ज्योति पद्मनाभ, रूपा भट, दीपा अरुण, वेंकटरमण भट, धनेश मल्ल्या, श्रीकर प्रभु, राधाकृष्ण भट, गायत्री भट, दिनेश पै, वेंकटरमण कामत, रंजिता महेश, ऐश्वर्या महेश, स्मृति भट, अरुण कामत, महेश कामत, श्रीनाथ बाळिगा आदी कलाकारांनी मुखेल भुमिका केल्ली. आनी बाल कलाकार म्हणु आयुशी डी पै, पार्थिभ पै, कृष्णा पी कामत, देवदत्त कामत, कृष्णमनोहर भट, दर्श कामत, ऋतेश मल्ल्या, विश्वजीथ मल्ल्या हांनीं नाटकांतले कथापात्रांक जीव दिलो. नाटकाचे गींत एल कृष्ण भट आनी प्रसेन कुमार मल्या, आनी संगीत मुरलीधर शेणै, प्रसेन कुमार मल्या हांनीं एक मेळनु दिला. प्रसेन कुमार मल्या हांणी गींत गायलो.
वेषालंकार प्रदीप कुमार वी. पै आनी अक्षता अजयदेव प्रभु हानीं कला दिग्दर्शन रामकुमार मल्या, शिव राय, विजयकुमार कामत हानीं केला. ह्या नाटकांत रामायणाच्या सगळ्या म्हत्वाच्या प्रसंगांक एकठांय करून १० रंग आशिल्लें.
To Support Kodial Khaber click the following button.
डॉ. प्रकाश पर्येंकार हांचे ओट्टू कोच्चींत ६१वें प्रतिमास कोंकणी कवि संगम - "शोभकृत पौष'
Written by Editor
To Support Kodial Khaber click the following button.
"कोंकणी दिन" आनी ६०वें शोभकृत मार्गशीर्ष' कोंकणी कवी संगम
Written by Editor
To Support Kodial Khaber click the following button.
More...
कोची: कोचीन कार्णीवल समिती आनी केरळ कोंकणी अकादमी हांचें जोड पालवान फोर्टकोची बास्टण बांग्ळाव हांगाच्या जिल्लो दायज संग्रहालयांत कोंकणी भाषोत्सव घडयलो.
भाषोत्सवाक लागून सकाळी जाल्ले उक्तावण केरळ कोंकणी अकादमीचे अध्यक्ष पी.एन.कृष्णन हांणें यजमानपण चलयलें. कोंकणी प्रेमी मंडळाचे सचीव विजीत कुमार हांणें दिवली पेटेवंन कार्यावळीचें उक्तावण केल्ले. कोचीन कार्णीवल समितीचे निमंत्रक सेव्यर बोबन आनी कार्यावळ निमंत्रक सुरजी हांचें ह्या वेळार उलोवप जाल्ले. सुरवेक नवनीतकृष्णा के.शेणै हांणे प्रार्थनागीत गायलें.
उपरांत कोंकणी लेखिका स्वर्गस्त एल.सुनिताबाय यादस्तीक कविता गायन स्पर्धा आनी कोंकणी फुडारी स्वर्गस्त बलराज शेठ यादस्तीक इलोकूषन स्पर्धा घडयलीं. स्पर्धेत साबार जाणां वांटेकार जाल्ले. कविता गायन स्पर्धेंत अत्रेष टी.एस,
नवनीतकृष्णा के.वी.शेणै,
अविनंदा कृष्णा प्रभु (सब जूनियर), ज्ञानदेव जी.मल्या, गार्गी एल.शेट, गौतमी एल.शेट (जूनियर), वैष्णवी पी.नायक, अपर्णा कृष्णन (सीनियर), पदमा जी.शेणै, बाबु आलिंगल, अनिता आर.पै (सू.सीनायर) हीं जैतिवंत जाल्ली. इलोकूषन स्पर्धेंत
ज्ञानदेव जी.मल्या, अविनंदा कृष्णा प्रभु, दन्या जी.मल्या, सुरेश आर. हीं जैतिवंत जाल्ली. ज्येष्ठ साहित्यीक आर.एस.भास्कर हांणी जैतिवंतांक यादस्तीक, रोख आनी प्रमाणपत्र भेटेयलें. अकादमीचे सहकार्यदर्शी चंद्रबाबु यु.शेटी हांणे येवकाराची उतरां उलयली जाल्यार निमंत्रक के.प्रकाशन हांणे उपकार मानलो.
कार्यावळींत साबार लोक हाजीर आशिल्ले.
To Support Kodial Khaber click the following button.
कोंकणीन 60 वर्सांत केल्ले उदरगतीची मोलावणी जावप गरजेचें - के.गोकुलदास प्रभु
Written by Editor
एरणाकुळम: फाटल्या साठ वर्सांत कोंकणींत मोलादीक वावर चल्ला, अशें नामनेचे साहित्यीक के.गोकुलदास प्रभु हांणें सांगलें. एरणाकुळम सारांतल्या एरणाकुळत्तप्पन ग्रौंड हांगा चलपी 26वें कोची अंताराष्ट्रीय पुस्तकोत्सवाक लागून आयोजीत केल्ले कोंकणी साहित्य ह्या विषयावेल्या चर्चा सत्रांत अध्यक्ष ह्या नत्यान ते उलेयतालें. कोंकणींत जाल्ले साहित्यीक क्षमतेक लागून भाशेक साहित्य अकादमीचो अंगीकार मेळ्ळो. भारत संविधानाच्या 8 वें वळेरींत कोंकणी आस्पाव जाली. शिक्षण आनी हेर जिणेच्या सगळ्या प्रकारांनी व्हडलीशी उदरगत जाल्या. भाशेंतल्यान इतलें उंचेल्या पांवड्याचें साहित्य तयार जालां की आमच्या दोन लेखकांक ज्ञानपीठ पुरस्कार आनी एका लेखकांक सरस्वती सम्मान मेळ्ळां. हें सगळें पांच दशकाच्या थोड्याच काळांत जालें. देखून कोंकणीन केल्ली उदरगत मोलावपाची गरज आसा अशें ताणों परतून सांगलें.
चर्चा सत्रांत आर.एस.भास्कर हांणी कोंकणी कविता ह्या विषयाचेर प्रपत्र सादर केल्ले. एन.बाळकृष्ण मल्या हांणें कोंकणी भक्ती साहित्य आनी बाल साहित्य ह्या विषयाचेर आनी एस.रामकृष्ण किणी हांणें कोंकणी नाटक ह्या विषयाचेर प्रपत्रां सादर केलीं. के.गोकुलदास प्रभु हांणी कोंकणी कादंबरी आनी कथा ह्या विषयाचेर उलेयलें.
उपरांत केरळ कोंकणी अकादमीचे वतीन घडयलें पुरस्कार समर्पण सुवाळ्यांत अंदू वर्साचो पंढरीनाथ भुवनेंद्र पुरस्कार के.गोकुलदास प्रभु हांणें पी.एस.वसंतकुमारी हांका भेटेयलें. अकादमीचे अध्यक्ष पी.एन.कृष्णन हांणें यजमानपण चलयलें. यदास्तीक, शाल आनी रोक हें आसा पुरस्काराचे स्वरूप.
अकादमीचे सरकार्यदरशी चंन्द्रबाबु यु.शेटी, उपाध्यक्ष सदानंद भट, प्रो.मोहन राव हांणीं उलेयलें. सुर्वेक चंद्रहासन हांणें प्रार्थना गीत गायलें.
To Support Kodial Khaber click the following button.
"कोंकणी कवि सांगम् आनी सुशीला त्रिविक्रम भट स्मरणार्थ पुरस्कार वांटलें
Written by Balakrishna Mallya
कोच्ची : कोंकणी केंद्र - गोश्रीपुर संस्था, कोंकणी भाषा प्रचार सभा आनी सुशीला त्रिविक्रम भट कुटुंबान एकमेळून 3 डिसेंबर 2023 दिसा आयतारा कोंकणी भाषा भवन, चेरलायि, कोच्ची हांगा "शोभकृत कार्तिक कोंकणी कवि संगम्" आनी "श्रीमती (स्व.) सुशीला त्रिविक्रम भट स्मारक पुरस्कार सुवाळो- 2023" आयोजीत केलें.
देनपारां 3.30 ते 4.30 मेरेन 59वें "शोभकृत कार्तिक कोंकणी कवि संगम्" घडयलें. सर्वश्री/श्रीमती : गोविन्द एस नायक, जी. मोहन राव, मनोहर आर. शेणै, चित्तरंजन एस. नायक, के.एन.आर.भट, जया बालकृष्ण कामत, सुरेश वी. शेणै, एन. बालकृष्ण मल्या, एन. सदानन्द कम्मत, आनिता डि किणी, आर.एस.भास्कर, आर. रामानन्द प्रभु, एस.रामकृष्ण किणी, पि.एस. वसन्त कुमारी, विजय कुमार एन. पै, धन्या जी. मल्या, एन. माधव रावु, सरस्वती एस. प्रभु, एस. सुधीश शेणै ह्ये कवींनी आपापली कविता सादर केली.
सांजवेळा 5.00 वरांचेर "श्रीमती (स्व.) सुशीला त्रिविक्रम भट स्मारक पुरस्कार" वितरण सुवाळ्यांत कु. अमृता एस. प्रभुची प्रार्थनाचे उपरांत श्रीमती संध्या वी. प्रभून येवकार दिलो.
कोंकणी केंद्र - गोश्रीपुर संस्थेचे अध्यक्ष श्री. एम. लक्ष्मण किळिकार हांचे अध्यक्षते खाला चलल्ले सभेंतु कोंकणी भाषा प्रचार सभेचे अध्यक्ष आनी निवृत्त न्यायाधीश श्री. एस. मनोहर किणी हाणीं दिवली जळोवनु कार्यावळीचें उक्तावण केलें. सुशीला भट्ट हांचो कोंकणी भाशेचेर आसलो मोग सदांच अजापीत केलें आसा आनी तीणे भाशे खातीर जायत्या तरांनी केल्लीं मोलादीक कामां नवे पिळगेन याद करून त्या पावलांचेर पावल दवरचें अशी उक्तावण भाषण केलेलें श्री. मनोहर किणी हाणीं सांगलें.
सुशीला त्रिविक्रम भट्ट ही सकलकला वल्लभा आशिल्ली आनी कोंकणीच्या सगळ्या आंगांनी तिणें अमूल्य योगदान दिलें, पूण मानाची वासना नासतना तीणें दिलेली नम्र सेवेक समाजान तिचो जाय तो मान केलो ना हें दुख्खाचें सत्य अशें लक्ष्मण किलीकार हांणी अध्यक्ष भाशणांत सांगलें.
मागीर 2023 वर्षाचे श्रीमती. (स्व.) सुशीला त्रिविक्रम भट स्मरणार्थ पुरस्कार वांटलें. श्री. एन. बालकृष्ण मल्या हांका साहित्यकृति पुरस्कार, श्री. एस. रामकृष्ण किणी हांका सेवा पुरस्कार, श्रीमती. अनिता डि. किणी हांका कथारचना पुरस्कार, श्रीमती. विलासिनी नारायण नायक हांका कविता रचना पुरस्कार, श्री. एन. सदानंद कम्मत हांका विशेष पुरस्कार मेळें.
ते उपरांत भुरग्यांचे विविध सांस्कृतिक कार्यक्रमांचे सादरीकरण आसलें. कोंकणी शिक्षक श्रीमती. एस. सरस्वती प्रभुच्या देखरेखीखाला ल्हान भुरग्यांच्या ललित पावलांनी केलेलें रंगारंग नृत्य कार्यक्रम सुवाळ्याची सोबीतकाय जाली.
उपरांत कोंकणी भाषा प्रचार सभेचे संयुक्त सचिव श्री. मनोहर आर. शेणैन सगळ्यांक उपकार सांगलें.
To Support Kodial Khaber click the following button.
श्रीमति सुशीला त्रिविक्रम भट् स्मरणार्थ कोंकणी पुरस्कार - 2023 विजेतांची घोषणा
Written by Editor
To Support Kodial Khaber click the following button.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
Anniversaries
Shabdh Vihaar
Homage
Jobs Finders
Well Wishers
Most Read
- शिव तत्व सगळेय संसाराचें जीणेचे सत्व
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- 248. ವೇರ
- ವಿಧಿ ಲಿಖಿತ
- ಕುದ್ಮುಲ ರಂಗರಾವ್
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಘರ ಏಕ್ ದೇವುಳ -2
- GSB Scholarship League Application
- कन्याकुमारिच्या स्वामी विवेकानंद स्मारकाक ५० वरसां
- ಸತ್ಯನಾರಾಯಣ ಪೂಜಾ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಘರ ಏಕ್ ದೇವುಳ
- ರಚನಾ...
- ಜುನಾಗಢ್
- तुळशी काट्टो
- कोरोनान शिकयिलो पाठ
- स्वावलंबन आनी आत्मविश्वास
- ಉದ್ಯೋಗ ಆನೀ ನಿರುದ್ಯೋಗ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಪರಬೆಕ ತಿಸ್ರೆ ಲ್ಹಾರಾಚೆ ಭಯ
- 'ಮಹಾ ಸರಕಾರ"
- भारताचे अमृत स्वातंत्र महोत्सवाचे पांच अमृत घडियो
- ತಾಕೀತ (ತಾಕೀದ)
- SUKRTINDRA ORIENTAL RESEARCH INSTITUTE
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಗುಜರಾತ - ಪಾಲಿಟಾನಾ
- ಹುಂಬರು (ಉಂಬರು)
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಲಾಕ್ಡೌನ್
Homage
Events
Who is Online?
We have 732 guests and no members online
