‘ಸರಸ್ವತಿ ಪುರಸ್ಕಾರ', `ವಿದ್ಯಾ ಪುರಸ್ಕಾರ’ ರಾಷ್ಟ್ರ ಪ್ರಶಸ್ತಿಂಕ ಕಸ್ತೂರಿ ಸಿರಿಗನ್ನಡ ವೇದಿಕೆ (ರಿ), ಬೆಳಗಾವಿ ಹಾಂಗೆಲೆº ಆಪೋವಣೆ

ಬೆಳಗಾವಿ: ಬೆಳಗಾವಿಂತುº ಮಾಕ್ಷಿಚೆ ಚಾರ ದಶಕ ದಾಕೂನ ನಿರಂತರ ಕಲಾ, ಸಾಹಿತ್ಯ, ಸಂಗೀತ, ಸಂಸ್ಕೃತಿ, ಚಿತ್ರಕಲಾ, ವೈದ್ಯಕೀಯ, ಕನ್ನಡ ನಾಡು-ನುಡಿ, ಇತಿಹಾಸ, ಪರಂಪರಾ ವೈಭವೀಕರಣ ಕರಚೆ ನದರೇನ ಕ್ರಿಯಾಶೀಲ ಜಾವನು ಆಸಚೊ ಸಂಸ್ಥೊ ಕಸ್ತೂರಿ ಸಿರಿಗನ್ನಡ ವೇದಿಕೆನ ಹ್ಯಾ ವರಸ ಹಾರೂಗೇರಿಚೆ ಶ್ರೀ ವೃಷಭೇಂದ್ರ ಶಿಕ್ಷಣ ಸಂಸ್ಥೆಚೆ ಸಹಯೋಗಾನ 2020-21ವರಸಾಚೆ ಶೈಕ್ಷಣಿಕ ವರಸಾಚೆ ಎಸ್.ಎಸ್.ಎಲ್.ಸಿ., ಪಿಯುಸಿ ಆನೀ ಪದವಿ ಪರೀಕ್ಷೆಂತ ಹಿಂದಿ ಭಾಷೆಂತ ಚಡಾನ ಚಡ ಅಂಕ ಜೋಡಿಲೆ ಚೆರಡುವಾಂಕ ರಾಷ್ಟ್ರ ಸ್ಥರಾರ ವೆಗವೆಗಳೆ ಪ್ರಶಸ್ತಿ ಘೋಷಣ ಕೆಲ್ಯಾಂತ ಮ್ಹಣು ವೇದಿಕೆಚೊ ಅಧ್ಯಕ್ಷ ಪ್ರೊ. ಎಲ್. ಎಚ್. ಪೆಂಡಾರಿ (ಕವಿತ್ತ ಕರ್ಮಮಣಿ) ಹಾಂನಿº ಕಳಯಲಾº. 
ಹಿಂದಿ ಭಾಶೆಂತ 100 ಕ 90 ಕಯೀ ಚಡ ಅಂಕ ಜೋಡಿಲೆ ವಿದ್ಯಾರ್ಥಿಯಾಂಕ `ಸರಸ್ವತಿ ಪುರಸ್ಕಾರ' ಆನೀ 100 ಕ 95 ಕಯೀ ಚಡ ಅಂಕ ಜೋಡಿಲೆಂಕ ‘ವಿದ್ಯಾ ಪುರಸ್ಕಾರ' ರಾಷ್ಟ್ರ ಪ್ರಶಸ್ತಿ ಕೋವಿಡ್ ಮಹಾಮಾರಿಕ ಲಾಗೂನ ಸರ್ಕಾರಾಚೆ ನಿಯಮ ಪಾಲನ ಕರನು ಅಂತರ್ಜಾಲಾಚೆ ಮುಕಾಂತರ ವಾಂಟತಾತಿ ಮ್ಹಣ ಕಳಯಲಾº. ವಿದ್ಯಾರ್ಥಿಯಾನಿ ವಾಟ್ಸಪ್ ನಂಬರ  9743867298 / 7975819611 ಸಂಪರ್ಕ ಕರನು ಪ್ರವೇಶ ಪತ್ರ ಆನೀ ಚಡತಿ ಮಾಹಿತಿ ಫಾವೊ ಕರಯೆತ. ಪ್ರವೇಶ ಪತ್ರ ಪಾವೊಚಾಕ ಆಖೇರಿ ದೀವಸ ಸೆಪ್ಟೆಂಬರ 15, 2021 ಜಾವನು ಆಸಾ ಮ್ಹಣು ಕಳವಣಿಂತುº ಸಾಂಗಲಾº.

ಜಿ ಎಸ್ ಬಿ  ಸಮಾಜಾಚೆ ಸುವಾಸಿಯಾನಿ ಮೇಳನು ಶ್ರಾವಣ ಮಾಸಾಚೆ ಹರ ಶುಕ್ರವಾರ, ಆಯತಾರಾ ಅಂಬಲಪಾಡಿ ರಮಾನಾಥ ಶೆಣೈ ಹಾಂಗೆಲೆ ಘರಾಚೆ ತುಳಸಿ ಸಾನಿಧ್ಯಾಂತುº ಚೂಡಿ  ಪೂಜಾ ಆನೀ ದ್ವಾರ ಪೂಜಾ ಕರನು ಆರತಿ ದಾಕಯಲಿ.