ಮುಂಬಯಿ: ಶಂಬರ ವರಸಾಚೊ ಇತಿಹಾಸ ಆಸಚೊ ಸಂಸ್ಥೊ ಜಿ. ಎಸ್. ಬಿ. ಸ್ಕಾಲರಶಿಪ್ ಲೀಗ್ ಹಾಂನಿ ಆರತಾ° ದಾನಿ ಲೋಕಾಂಚೆ ಸಹಮಿಲನ್ ಆಯೋಜನ ಕೆಲೆ°. ಲೀಗಾಚೊ ಅಧ್ಯಕ್ಷ ಎಸ್. ಎಸ್. ಭಟ್ ಹಾಂನಿ° ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂಗೆಲೊ ಆನಿ ದೇವಾಲೊ ಉಡಗಾಸ ಕಾಡೂನ ಸ್ವಾಗತಾಚೆ ಉತ್ರ° ಸಾಂಗಲಿ°. ಉದ್ಯಮಿ ವಂದನಾ ಆನಿ ಶಶಿಕಾಂತ ಶ್ಯಾನಭಾಗ ಮುಖೇಲ ಸೊಯ್ರೆ ಆಶಿಲೆ. ಕಾರ್ಯದರ್ಶಿ ಗಣೇಶ ಶ್ಯಾನಭಾಗ ಹಾಂನಿ° ಸೊಯ್ರೆಲೊ ವಳಕ ಕರನು ದಿಲೊ ಆನಿ ತಾಂನಿ ಅರ್ಹ ವಿದ್ಯಾರ್ಥಿಯಾಂಕ ದಿವಚೊ ಸಹಕಾರಾಚೊ ಉಡಗಾಸ ಕಾಳೊ. ಚೇರಪರ್ಸನ ಗೀತಾ ಆರ್. ಪೈ ಹಾಂನಿ° ಲೀಗ್ ಕಶಿ° ಕಾಮ ಕರತಾ ಮ್ಹಳೆಲೆ ವಿಷಯ ಕಳಯಲೊ. ವಿದ್ಯಾರ್ಥಿ ವೇತನ ದಿವಚೆ ನದರೇನ ನವೀನ ದಾನಿ ಲೋಕ ಮುಕಾರ ಯೆತಾ ಆಸಾತಿ ಮ್ಹಣು ತೀಣೆ ಸಾಂಗಲೆ°. ದಾನಿ ಲೋಕ ಜಾವನು ಆಸಚೆ ಸತೀಷ್ ಆಚಾರ್, ಗುರುದಾಸ ಪೈ, ಕಾಂಚನ ಗಾರ್ಸೆ, ಸಂಜಯ್ ಲೊಟ್ಲಿಕರ್, ದಿನೇಶ ಕಿಣಿ, ನೀಲಕಂಠ ಶ್ಯಾನಭಾಗ, ಸಮೀರ್ ಕೊಪ್ಪಿಕಾರ್ ಹಾಂನಿ ಶುಭಾಷಯ ಪಾಟಯಲೊ. ಲೀಗ್ ಅತ್ಯುತ್ತಮ ಸೇವಾ ಕರತ ಆಸಾ, ಮುಕಲಾವಯಲೆ ದೀವಸಾಂತು° ಆನಿಕಯೀ ಚಡ ಸೇವಾ ಜಾವೊ ಮ್ಹಣು ತಾಂನಿ° ಸಾಂಗಲೆ°. ಶಶಿಕಾಂತ ಶ್ಯಾನಭಾಗ ಹಾಂನಿ° ಅರ್ಜಿ ಕಶಿ° ಪರಿಶೀಲನ ಕರತಾತಿ ಮ್ಹಣು ಕಳಯಲೆ°. ಲೀಗಾನ ಪನ್ನಾಸ ಲಾಖ ರುಪಯೊ ವಿದ್ಯಾರ್ಥಿ ವೇತನ ದಿಲಾ° ಮ್ಹಣು ತಾಣೆ ಸಾಂಗಲೆ°. ಕಾರ್ಯದರ್ಶಿ ಮಧುಕರ ಪೈನ ಆಭಾರ ಮಾನಲೊ. ಗೋಕರ್ಣ ಮಠ ಸಮಿತಿಚೊ ಅಧ್ಯಕ್ಷ ಮುಕುಂದ ಕಾಮತ, ಪ್ರಕಾಶ ಪೈ ಆನಿ ವಿನಾಯಕ ಶ್ಯಾನಭಾಗ ಉಪಸ್ಥಿತ ಆಶಿಲೆ.

ಮಂಗಳೂರು: ನಾವಾದಿಕ ದಂತ ವೈದ್ಯ, ಎ. ಬಿ. ಶೆಟ್ಟಿ ಮೆಮೋರಿಯಲ್ ಡೆಮಟಲ್ ಸಾಯನ್ಸಸ್ ಹಾಜೊ ಪ್ರಾಂಶುಪಾಲ ಡಾ| ಯು. ಎಸ್. ಕೃಷ್ಣ ನಾಯಕ ಹಾಂಕಾ° ಎಷಿಯಾ ಪೆಸಿಫಿಕ್ ಡೆಂಟಲ್ ಎಕ್ಸಲೆನ್ಸ್ ಕಮಿಟಿ ಹಾಂನಿ° ದಂತ ವೈದ್ಯಕೀಯ ಕ್ಷೇತ್ರಾಂತು° ಜೀವಮಾನ ಸಿದ್ಧಿ ಪುರಸ್ಕಾರ ಫಾವೊ ಕೆಲಾ. ದಂತ ವೈದ್ಯಕೀಯ ಕ್ಷೇತ್ರಾಂತು° ತಾಂತೂಯಿ ಆರ್ಥೊಡಾಂಟಿಕ್ ವ್ಯವಸಾಯ ಆನಿ ಶಿಕ್ಷಣ ಕ್ಷೇತ್ರಾಂತು° ತಾಂನಿ° ದಿಲೆಲಿ ಸೇವಾ ಮಾನೂನ ಘೆವನು ಹೀ ಪ್ರಶಸ್ತಿ ತಾಂಕಾ° ಫಾವೊ ಜಾಲ್ಯಾ.

ಹುಬ್ಬಳ್ಳಿ: ಕೊಂಕಣಿ ಭಾಶೆಚೆ ನಾವಾದಿಕ ಮಾಸಿಕ ಪತ್ರಿಕಾ ಸರಸ್ವತಿ ಪ್ರಭಾ ಹಾಂನಿ° ನಾವಾದಿಕ ಕೊಂಕಣಿ ಸಾಹಿತಿ ಜಯಶ್ರೀ ನಾರಾಯಣ ನಾಯಕ ಎಕ್ಕಂಬಿ ಹಾಂಕಾ° 2023 ವರಸಾಚೆ ಸರಸ್ವತಿ ಪ್ರಭಾ ಪುರಸ್ಕಾರ ಪ್ರದಾನ ಕರಚೆ° ಮ್ಹಣು ಠರಯಲಾ° ಮ್ಹಣು ಪತ್ರಿಕೆಚೊ ಪ್ರಧಾನ ಸಂಪಾದಕ ಆರಗೋಡು ಸುರೇಶ ಶೆಣೈ ಹಾಂನಿ° ಕಳಯಲಾ°.
77 ವರಸಾಚಿ ಜಯಶ್ರೀ ನಾಯಕ ಹಾಂನಿ° ಮಾಕ್ಷಿಚೆ 50 ವರಸಾಂತು° ಕಾವ್ಯ, ಲೋಕವೇದ ಸಾಹಿತ್ಯ ಸಂಗ್ರಹ ಕರನು ಕೊಂಕಣಿ ಆನಿ ಕನ್ನಡ ದೋನಯೀ ಭಾಶೆಚಿ ಸೇವಾ ಕೆಲೆಲಿ ಆಸಾ. ಹಾಂನಿ° ಖೂಬ ಕೊಂಕಣಿ ಸಾಹಿತ್ಯ, ಆಟ ಕೊಂಕಣಿ ಪುಸ್ತಕ°, ಪಂಚ್ವಿಸ ಆಕಾಶವಾಣಿ ಕಾರ್ಯಕ್ರಮ, ಸಾಬಾಋ ಕವಿ ಗೋಷ್ಠಿ, ಸಮಾವೇಶಾಂತು° ವಾಂಟೊ ಗೆತಿಲೊ ಆಸಾ. ಹ್ಯಾ ಪುರಸ್ಕಾರಾಚೆ ಸಾಂಗತ ಹಾಂಕಾ° ಪಾಂಚ ಹಜಾರ ರುಪಯೊ ನಗದ ಇನಾಂಯಿ ಮೇಳತಾ ಮ್ಹಣು ಕಳವಣಿ ಸಾಂಗತಾ.

ಮοಗಳೂರು: 2005 ವರಸ ದಾಕೂನ ಕರ್ನಾಟಕಾಚೆ ತಟವರ್ತಿ ಜಿಲ್ಲಾ ದಕ್ಷಿಣ ಕನ್ನಡ, ಉಡುಪಿ ಆನಿ ಉತ್ತರ ಕನ್ನಡ ಹಾಂಗಾಚೆ ಶಾಳೆಂತು° ಕೊಂಕಣಿ ಎಕ ತಿಸ್ರಿ ಭಾಸ ಜಾವನು ಶಿಖಚಾಕ ಅವಕಾಶ ಮೆಳೆಲೊ. ಹ್ಯಾ ಆಟ್ರ ವರಸಾಂತ ಪಯಲೆ ಪಾವಟಿ ಎಕ ವಿದ್ಯಾರ್ಥಿನ ಶಂಬರ ಅಂಕ ಜೋಡೂನ ದಾಖಲೊ ಕೆಲಾ. ಮಂಗಳೂರಚೆ ನಲಂದಾ ಆಂಗ್ಲ ಮಾಧ್ಯಮ ಶಾಳೆಚಿ ಪೂರ್ಣಿಮಾ ಪ್ರಭು ಹೀಣೆ ಎಸ್. ಎಸ್. ಎಲ್. ಸಿ, ಪರೀಕ್ಷೆಂತು° ಹೊ ದಾಖಲೊ ಕೆಲಾ.

ಮಂಗಳೂರು: ಹಾಂಗಾಚೆ ಶ್ರೀ ಶ್ರೀನಿವಾಸ ಪಾಠಶಾಳೆಚೆ ನಿವೃತ್ತ ಸಂಸ್ಕೃತ ಪ್ರಾಧ್ಯಾಪಕ ದೇವಾದಿನ ವಿದ್ವಾನ್ ಹೊಸ್ಮಠ್ ಮಾಧವ ಭಟ್ ಹಾಂಗೆಲೆ ಜನ್ಮ ಶತಮಾನೋತ್ಸವಾಕ ಲಾಗೂನ (ಜನನ 27-01-1923) ತಾಂಗೆಲೊ ಪೂತು ಪಟ್ಟಾಭಿರಾಮ ಭಟ್ ಹೊಸ್ಮಠ್ ಹಾಂನಿ° ಸಂಗ್ರಹ ಕರನು ರಚನ ಕೆಲೆಲೆ° "ಮಾಧವ ಸೇವಾ" ಋಗ್ವೇದಿ ಸಂಧ್ಯಾವοದನಾ ಆನಿ ತಂತ್ರಸಾರೋಕ್ತ ದೇವಪೂಜಾ ಪದ್ಧತಿ ಮ್ಹಳೆಲೆ° ಗ್ರಂಥಾಚೆ ಮೋಕಳಿಕ ಬೆಳ್ತಂಗಡಿ ಲೈಲಾ ಶ್ರೀ ವೆಂಕಟರಮಣ ದೇವಳಾಂತು° ವಸಂತೋತ್ಸವ ಮೊಕ್ಕಾಂ ಸಂದರ್ಭಾರಿ ಕಾಶೀಮಠಾಧಿಪತಿ ಶ್ರೀ ಸಂಯಮೀοದ್ರತೀರ್ಥ ಸ್ವಾಮೀಜಿ ಹಾಂನಿ° ಕೆಲೆ°. ದೇವಳಾಚೆ ಮೋಕ್ತೆಸರ ಆನಿ ಹೊಸ್ಮಠ್ ಭಟ್ ಕುಟುಂಬೆಚೆ ಸಾಂದೆ ಉಪಸ್ಥಿತ ಆಶಿಲೆ.