ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಹಾಂಗಾ ಪುರುಷೋತ್ತಮ ಅಧಿಕ (ಶ್ರಾವಣ) ಮಾಸ ಅಹೋರಾತ್ರಿ ಭಜನಾ ಮಹೋತ್ಸವ ಅ. 18 ದಾಕೂನ ಅ. 17 ತಾಂಯ ನಿರಂತರ ಗಾಂವ ಪರಗಾಂವಚೆ ಭಜನಾ ಮಂಡಳಿಚಾಲೆ ಉಪಸ್ಥಿತಿರಿ ಎಕ ಮ್ಹಯನೊ ಕಾಳ ಅಹೋರಾತ್ರಿ ಚಲೊ. ಹ್ಯಾ ವೇಳಾರ ಹರ ಎಕ ಆಯತಾರಾ ಸಾಂಜವೇಳಾ ನಗರ ಭಜನಾ ಆನಿ ಆಹ್ವಾನಿತ ನಾವಾದೀಕ ಕಲಾವಿದಾಂಚೆ° ವಿಶೇಷ ಭಜನಾ ಕಾರ್ಯಕ್ರಮ ಚಲನು ಭಜನಾ ಮಂಗಲೋತ್ಸವ ಚಲೊ. ದೇವಳಾಚೆ ಪ್ರಧಾನ ಅರ್ಚಕಾನಿ ಮಂಗಳಾಚರಣೆಚೆ ಮಕಾ ಪೂಜಾ ಕೆಲಿ. ಆಡಳಿತ ಮೊಕ್ತೇಸರ ಪಿ ವಿ ಶೆಣೈ, ಉಮೇಶ್ ಪೈ, ಮಟ್ಟಾರ್ ವಸಂತ ಕಿಣಿ, ವಿಶ್ವನಾಥ ಭಟ್, ಪ್ರಕಾಶ್ ಶೆಣೈ, ಅಶೋಕ ಬಾಳಿಗಾ, ಗಣೇಶ ಕಿಣಿ, ರೋಹಿತಾಕ್ಷ ಪಡಿಯಾರ್, ಪುಂಡಲೀಕ್ ಕಾಮತ್, ಅರ್ಚಕ ದಯಾಘನ್ ಭಟ್, ದೀಪಕ್ ಭಟ್, ಗಿರೀಶ ಭಟ್, ಭಜಹ್ಯಾನಾ ಮುಖೇಲಿ ಸತೀಶ್ ಕಿಣಿ, ವಿವೇಕ ಶಾನಭೋಗ, ವಿಶಾಲ್ ಶೆಣೈ, ಭಾಸ್ಕರ್ ಶೆಣೈ, ಪಾಂಡುರοಗ ಪೈ, ವ್ಯಾಸ ರಘುಪತಿ ಮಲ್ಯ, ಪ್ರಭಾಕರ್ ಭಟ್ ಆನಿ ಭಜನಾ ಸಪ್ತಾಹ ಸಮಿತಿಚೆ ಸಾಂದೆ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜಭಾಂದವ ಉಪಸ್ಥಿತ ಆಶಿಲೆ.

ಹ್ಯಾಚ ಸಂದರ್ಭಾರಿ ಪಯಲೆ° ಪಾವಟಿ ಶ್ರೀ ಪಂಡರಾಪುರಾಚೆ ಶೈಲಿರಿ ದಿಂಡಿ ಉತ್ಸವ ಚಲೊ. ಅರ್ಚಕ ವಿನಾಯಕ ಭಟ್ ಆನಿ ದಯಾಘನ್ ಭಟ್ ಹಾಂನಿ° ಸಾಮೂಹಿಕ ಪ್ರಾರ್ಥನಾ ಕರನು ಮಂಗಳಾರತಿ ದಾಕಯಲಿ. ದೇವಳಾಚೆ ಆಡಳಿತ ಮೋಕ್ತೇಸರ ಪಿ. ವಿ. ಶೆಣೈ ಹಾಂನಿ° ದೀವೊ ಲಾವನು ದಿಂಡಿ ಭಜನಾ ಯಾತ್ರೆಕ ಚಾಲನಾ ದಿಲೆ°. ವ್ಹಿಂಗವ್ಹಿοಗಡ ಭಜನಾ ಪಂಗಡಾಚೆ ಸಾಂಗತ ಭಾಯರ ಸರಲೆಲಿ ಭಜನಾ ದಿಂಡಿ ಐಡಿಯಲ್ ಸರ್ಕಲ್, ಡಯಾನಾ ಸರ್ಕಲ್, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್, ಕೊಳದಪೇಟೆ ಜಾವನು ದೇವಳಾಕ ಪಾವಲೆ.

ಶ್ರೀ ವಿಠೋಭ ರುಖುಮಾಯಿ ದೇವಾಲೆ ಪಾಲ್ಲಂಕಿ ಸಾಂಗತ ಕಾಸ ಮಾರನು ವೇಷ್ಟಿ ನೆಸೂನ ಟೋಪಿ ಧಾರಣ ಕೆಲೆಲೆ ದಾರಲೆ ಜೈ ವಿಠಲ್ - ಹರಿ ವಿಠಲ್ ನಾಮ ಸ್ಮರಣ ಕರನು ನಾಂಚಲೆ. ಸಾಂಪ್ರದಾಯಿಕ ವಸ್ತ್ರ ಧಾರಣ ಕೆಲೆಲೆ ವಸ್ತ್ರ ಸ್ತ್ರೀಯಾನಿ ತೋಣಿಯೆ ಖೇಳ ಖೇಳೊ. ಚೆರಡುಂವಯೀ ಭಜನ ಸಾಂಗತ ನಾಂತಲಿ°. ಹಾಜೆ ಸಾಂಗತ ಆಕರ್ಷಕ ಟ್ಯಾಬ್ಲೊ ಆಸೂನ ಮೆರವಣಿಗೆಚಿ ಚಂದಾಯಿ ವಾಡಲಿ. ವಿಶ್ವನಾಥ್ ಭಟ್, ಪುಂಡಲೀಕ್ ಕಾಮತ, ಗಣೇಶ್ ಕಿಣಿ,ಅಶೋಕ ಬಾಳಿಗಾ, ರೋಹಿತಾಕ್ಷ ಪಡಿಯಾರ್, ಉಮೇಶ್ ಪೈ, ಮಟ್ಟಾರ್ ವಸಂತ ಕಿಣಿ, ಪ್ರಕಾಶ್ ಶೆಣೈ, ಪ್ರಕಾಶ್ ಭಕ್ತ, ನಾರಾಯಣ ಪ್ರಭು, ಸತೀಶ್ ಕಿಣಿ, ವಿಶಾಲ್ ಶೆಣೈ, ಭಾಸ್ಕರ್ ಶೆಣೈ, ಉಮೇಶ ಪೈ, ದೀಪಕ್ ಭಟ್, ನಾರಾಯಣ ಭಟ್, ಗಿರೀಶ ಭಟ್, ನರಹರಿ ಪೈ, ವಿಶಾಲ್ ಶೆಣೈ, ಶಾಮ್ ಪ್ರಸಾದ್ ಕುಡ್ವಾ, ನಾಗೇಶ್ ಪೈ, ಜಿ. ಎಸ್. ಬಿ ಯುವಕ ಮಂಡಳಾಚೊ ಅಧ್ಯಕ್ಷ ನಿತೇಶ ಶೆಣೈ, ಶ್ರೀ ಲಕ್ಷ್ಮೀ ವೆಂಕಟೇಶ್ ಭಗನಿ ವೃಂದಾಚೆ, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿ ಸಾಂದೆ ಆನಿ ಗಾಂವ ಪರಗಾಂವಚೆ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.

ದಾವಣಗೆರೆ: ಅಧಿಕ ಶ್ರಾವಣ ಮಾಸಾಕ ಲಾಗೂನ ಹಾಂಗಾಚೆ ಶ್ರೀ ಸುಕೃತೀಂದ್ರ ಕಲಾಮಂದಿರಾοತು° ಶ್ರೀ ಗಾಯತ್ರಿ ಮಹಾಯಜ್ಞ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾ ಚಲಿ. ಹ್ಯಾ ವೇಳಾರ 33 ಕೋಟಿ ದೇವತೆಂಕ ಉಡಗಾಸ ಕಾಣು 33 ಸುಹಾಸಿನಿಯಾಂಕ ಶಾಸ್ತ್ರೋಕ್ತ  ಜಾವನು ಕಂಕಣ ಬಾಂದೂನ, ಹಳದಿ ಕುಂಕುಮ, ಪಾಚ್ವೆ° ಗ್ಯಾಸಾಚೆ ಕಾಂಕಣ, ಶ್ರೀ ಗಾಯತ್ರಿ ಶ್ಲೋಕಾಚೆ ಪುಸ್ತಕ, ಚೋಳಿಯೆ ಕಣ, ನಾರಲು ದಿವನು ವ್ಹಂಟಿ ಭರರು ಗೌರವಾರ್ಪಣ ಕೆಲೆಲೆ ಅವಿಸ್ಮರಣೀಯ ಘಡಣಿ ಘಡಲಿ. ಶ್ರೀ ಗಾಯತ್ರಿ ಪರಿವಾರದ ಅಧ್ಯಕ್ಷಾ ಡಾ|| ಸುಶೀಲಮ್ಮ ಹಾಂನಿ° ತಾಂಗೆಲೊ ಸಂತೋಸ ವ್ಯಕ್ತ ಕೆಲೊ.
ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಿ ಜ್ಯೋತಿ ಗಣೇಶ್ ಶೆಣೈ ಹಾಂಗೆಲೆ ಮುಖೆಲಪಣಾರಿ ಚಲೆಲೆ ಹ್ಯಾ ಕಾರ್ಯಕ್ರಮಾಂತು° ಕಲಾಕುಂಚ ಮಹಿಳಾ ವಿಭಾಗಾಚಿ ಗೌರವಾಧ್ಯಕ್ಷಾ ವಸಂತಿ ಮಂಜುನಾಥ, ಅಧ್ಯಕಾ ಹೇಮಾ ಶಾಂತಪ್ಪ ಪೂಜಾರಿ, ಕಲಾಕುಂಚ ಸಿದ್ದವೀರಪ್ಪ ಬಡಾವಣೆ ಶಾಖೆಚಿ ಅಧ್ಯಕ್ಷಾ ಲಲಿತಾ ಕಲ್ಲೇಶ್, ಮ್ಹಾಲ್ಗಡಿ ಗಾಯಿಕಾ ವಿದುಷಿ ಸಾವಿತ್ರಮ್ಮ ಶಂಕರನಾರಾಯಣ ಶಾಸ್ತ್ರಿ ಆನಿ ಹೇರ ಉಪಸ್ಥಿತ ಆಶಿಲೆ.

ಉಡುಪಿ: ಶ್ರೀ ರಾಮಂಜೇನೆಯ ದೇವಸ್ಥಾನ ಕಲ್ಯಾಣಪುರ ಹಾಂಗಾ ಶ್ರೀ ರಾಮಂಜೇನೆಯ ಟ್ರಸ್ಟ್ ಹಾಂನಿ° ಅಧಿಕ ಮಾಸಾಚೊ ವಾಂಟೊ ಜಾವನು ಚಕ್ರಾಬ್ದಿ ಮಂಡಲ ಪೂಜಾ ಕೆಲಿ. ವೇ. ಮೂ. ರಾಮಾನಂದ ಭಟ್ ಮೂಲ್ಕಿ ಹಾಂಗೆಲೆ ಮಾರ್ಗದರ್ಶನಾರಿ ಧಾರ್ಮಿಕ ಪೂಜಾ ಚಲಿ. ಗಣೇಶ್ ಭಟ್, ರಮೇಶ್ ಭಟ್, ರಾಮಚಂದ್ರ ಅವಧಾನಿ, ಮಹೇಶ್ ಭಟ್, ಪವನ್ ಭಟ್, ಜಯದೇವ ಪುರಾಣಿಕ, ಸೀತಾರಾಮ್ ಭಟ್, ಕಾಶಿನಾಥ ಭಟ್, ಭಾಗ್ಯ ಕಾಶಿನಾಥ ಭಟ್, ಹೇರ ವೈದಿಕ, ಶ್ರೀ ರಾಮಂಜೇನೆಯ ಟ್ರಸ್ಟಾಚೆ ವ್ಹಾಂಗಡಿ ಉಪಸ್ಥಿತ ಆಶಿಲೆ. ಸಾಮೂಹಿಕ ಪ್ರಾಥನಾ, ಸಾನಿಧ್ಯ ಹವನ, ಪಂಚಾಮೃತ ಅಭಿಷೇಕ, ದೇವಾಕ ವಿಶೇಷ ಅಲಂಕಾರ, ಭಜನಾ ಕಾರ್ಯಕ್ರಮ, ವಿವಿಧ ಮಂತ್ರ ಪಠಣ, ಚಕ್ರ ಮಂಡಲ ಮಹಾಪೂಜಾ ಚಲಿ. ಸುಹಾಸಿನಿ ಪೂಜಾ, ದಂಪತಿ ಪೂಜಾ, ಸಮಾರಾಧನಾ ಆನಿ ಪ್ರಸಾದ ವಾಂಟಪ ಜಾಲೆ°.

ಕಲ್ಯಾಣಪುರ: ಹಾಂಗಾಚೆ ಶ್ರೀ ರಾಮಂಜನೆಯ ದೇವಸ್ಥಾನ ಕಲ್ಯಾಣಪುರ ಹಾಂಗಾ ಅಧಿಕ ಮಾಸಾಚಿ ಚೂಡಿಪೂಜಾ ಭಾಗ್ಯ ಕಾಶಿನಾಥ ಭಟ್ ಹಾಂಗೆಲೆ ಮುಖೆಲಪಣಾರಿ ಆಯತಾರ ಚಲೆ. ಜಿ ಎಸ್ ಬಿ ಸಮಾಜಾಚೆ ಬಾಯಲ ಮನಶಾನಿ ಪ್ರಕೃತಿಂತ ಮೆಳಚೆ ವೆಗವೆಗಳೆ ಫುಲ್ಲಂ ಸಾಂಗತ ಘಾಲನು ಚೂಡಿ ಬಾಂದೂನು ತುಳಸಿ ಕಾಟ್ಟೆರಿ ದವರನು ಆರತಿ ದಾಕೊವನು ಪೂಜಿಲಿ. ಉಪರಾಂತ ಸಮಾಜಾಚೆ ಮ್ಹಾಲ್ಗಡೆ ಸುಮಂಗಲಿಯಾοಕ ಚೂಡಿ ದೀವನು ಆಶೀರ್ವಾದ ಘೆತಲೊ. ಸಗಟಾನ ಪರಸ್ಪರ ಚೂಡಿ ದಿವಚೆ° ಜಾಲೆ°.