ಮಂಗಳೂರು: ಹಾಂಗಾಚೆ ರಥಬೀದಿಚೆ ನಾವಾದಿಕ ಜ್ಯೋತಿಷಿ ಮೇರಿಹಿಲ್ ಕೊಂಚಾಡಿಚೊ ನಿವಾಸಿ, ಮಹಾಲಸಾ ಪಂಚಾಗಾಚೊ ನಿರ್ಮಾತಾ ಕೆ. ದೇವದಾಸ ಕಿಣಿ (70) ಹಾಂನಿ° ಡಿ. 6ಕ ಖಾಸಗಿ ಆಸ್ಪತ್ರೆಂತು° ಹೃದಯಘಾತಾನ ದೇವಾದಿನ ಜಾಲೆ. ಬಿ. ಎಸ್. ಸಿ ಪದವಿದರ ಜಾವನು ಆಶಿಲೆ ಹಾಂನಿ° 1985 ಇಸವಿಂತು° ಬೇಸಿಕ್ ಮ್ಹಳೆಲೆ ಕಂಪ್ಯೂಟರ್ ಲ್ಯಾಂಗುಯೆಜ ವಾಪರೂನ ಪಯಲೆ° ಕಂಪ್ಯೂಟರ್ ಜಾತಕ ಬರಯಿಲೆ°. ಖೂಬ ಲೋಕಾಂಕ ಜಾತಕ ಪಳೊವಚಾಕ ಆನೀ ಮಹೂರ್ತ ಪಳೊವಚಾಕ ಶಿಕಯಿಲೆ ಶ್ರೇಯ ಹಾಂಗೆಲೆ° ಜಾವನು ಆಸಾ. ಹಾಂನಿ° ಸಾಂಗಿಲೊ ಮಹೂರ್ತ ಕೆದನಾಯಿ ಶ್ರೇಷ್ಠ ಆಸತಲೊ ಮ್ಹಳೆಲೆ ನಂಬಿಕೆನ ಸಾಬಾರ ಲೋಕ ಹಾಂಗೆ ಲಾಗಿ ಯೆತಲೆ. ಹಾಂನಿ° ಖಂಚೆಯ ನಮೂನ್ಯಾಚೆ ಪರಿಹಾರ ಸಾಂಗಚಾoತು° ವಿಶ್ವಾಸ ದವರನಾಶಿಲೆ. ಆಮೀ ಜ್ಯೋತಿಷ್ಯ ವಿಜ್ಞಾನಾಚೆ ವೈಜ್ಞಾನಿಕ ವಾಪರಪ ಕರಕಾ ಶಿವಾಯ ಅಂಧ ವಿಶ್ವಾಸ ಕರಚಾಕ ನಜ ಮ್ಹಣು ತಾಂನಿ° ಸಾಂಗತಲೆ. ಬಾಯಲ ಆಶಾ ಕಿಣಿ, ಪೂತು ಡೆಂಟಿಸ್ಟ್ ಆನಂದ ಕಿಣಿ, ದ್ಹುವ ಗೀತಾ ಕಾಮತ ಆನೀ ಅಪಾರ ಬಂಧು ಭಾoದವಾoಕ ಸೋಡೂನ ತಾಂನಿ° ಗೆಲ್ಯಾಂತಿ.