ಕೊಡಿಯಾಲ: ಹಾಂಗಾಚೆ ಜಿ. ಎಸ್. ಬಿ. ಸೇವಾ ಸಂಘ ಹಾಂನಿ° ಎಪ್ರಿಲ್ 23ಕ ಬ್ಯಾಂಕಿοಗ್, ಶಿಕ್ಷಣ, ಆರೋಗ್ಯ, ಸಾಂಸಕೃತಿಕ ಆನಿ ಕೊಂಕಣಿ ಭಾಷಾ ಕ್ಷೇತ್ರಾಂತು° ಭಾರತಾಂತ ಅತ್ಯಅಮೂಲ್ಯ ದೇಣಿಗಾ ದಿಲೆಲೆ ಮಣಿಪಾಲಚೆ ಬ್ರಹ್ಮ ಮ್ಹಣೋನ ಘೆರತಿಲೆ ದೇ. ಪದ್ಮಶ್ರೀ ಡಾ. ಟಿ. ಎಮ್. ಎ ಪೈ ಹಾಂಗೆಲೆ ಶತಮಾನೋತ್ತರ ರಜತ ಜಯಂತಿ ಆಚರಣ ಕರಚೆ° ಠರಯಲಾ°. ಎಪ್ರಿಲ್ 23ಕ ಸುಜೀರ ಸಿ. ವಿ. ನಾಯಕ ಸಭಾಗೃಹ, ಕುದ್ಮಲ್ ರಂಗ ರಾವ ರಸ್ತೆ, ಕದ್ರಿ, ಮಂಗಳೂರು ಹಾಂಗಾ ಚಲಚೆ ಹ್ಯಾ ಕಾರ್ಯಕ್ರಮಾಚೊ ವಾಂಟೊ ಜಾವನು ಶಾಳಾ ಆನಿ ಕಾಲೇಜಾಚೆ ವಿದ್ಯಾರ್ಥಿಯಾಂಕ ಭಾಷಣ ಆನಿ ಪ್ರಭಂದ ಸ್ಪರ್ಧೋ ಆಯೋಜನ ಕೆಲಾ.
ಭಾಷಣ ಸ್ಪರ್ಧೊ - ಪದವಿ ಶಿಕ್ಷಣ ವಿದ್ಯಾರ್ಥಿಯಾಂಕ - ಬ್ಯಾಂಕಿοಗ್, ಶಿಕ್ಷಣ, ಆರೋಗ್ಯ, ಸಾಂಸ್ಕೃತಿಕ ಆನಿ ಕೊಂಕಣಿ ಭಾಶಾ ಕ್ಷೇತ್ರಾಂತು° ಪದ್ಮಶ್ರೀ ಡಾ. ಟಿ.ಎಮ್.ಎ ಪೈ ಹಾಂಗೆಲಿ ದೇಣಿಗಾ ಹ್ಯಾ ವಿಷಯಾರಿ ಭಾಷಣ ಸ್ಪರ್ಧೋ ಚಲತಲೊ. ತೀನ ಮಿನಿಟ ಭಿತರಿ ಸ್ಪರ್ಧಿಕಾನಿ ಇಂಗ್ಲಿಷ, ಕನ್ನಡ, ಕೊಂಕಣಿ, ಹಿಂದಿ, ತುಳು, ಸಂಸ್ಕೃತ ಭಾಷೆಂತು° ತಾಂಗೆಲೊ ವಿಚಾರ ಮಂಡನ ಕರಯೆತ. (ಸಂಸ್ಕೃತ ಭಾಷೆಂತು° ಉಗ್ತೊ ವಿಭಾಗಯೀ ಆಸಾ). ಸ್ಪರ್ಧಿಕಾನಿ 15/4/2023 ಭಿತರಿ ತಾಂಗೆಲೆ° ನಾಂವ° ಕಾಲೇಜ ಮುಖಾಂತರ ನೊಂದ ಕರಕಾ. ಪ್ರತಿ ಭಾಷಾ ವಿಭಾಗಾಂತು° ಫಕತ ಎಕ ನಾಂವ ನೋದ ಕರಚಾಕಲ ಆವಕಾಶ ಆಸಾ.
ಪ್ರಭಂದ ಸ್ಪರ್ಧೊ - ಪ್ರೌಢ ಶಾಳಾ ಆನಿ ಪ.ಪೂ. ವಿದ್ಯಾರ್ಥಿಯಾಂಕ - ಬ್ಯಾಂಕಿοಗ್, ಶಿಕ್ಷಣ, ಆರೋಗ್ಯ, ಸಾಂಸಕೃತಿಕ ಆನಿ ಕೊಂಕಣಿ ಭಾಶಾ ಕ್ಷೇತ್ರಾಂತು° ಪದ್ಮಶ್ರೀ ಡಾ. ಟಿ.ಎಮ್.ಎ ಪೈ ಹಾಂಗೆಲಿ ದೇಣಿಗಾ ಹ್ಯಾ ವಿಷಯಾರಿ ಘರಾಕಡೆನ ಬಯಸೂನುಚೀ 1000 - 1500 ಶಬ್ದ ವಾಪರೂನ ಹಸ್ತ ಲಿಖಿತ ಪ್ರಬಂಧ ದಾಡೂನ ದಿವಕಾ. ಇಂಗ್ಲಿಷ, ಕನ್ನಡ, ಯಾ ದೇವನಾಗರಿ ಲಿಪಿ ವಾಪರೂನ ಕೊಂಕಣಿ, ಹಿಂದಿ, ಸಂಸ್ಕೃತ ಭಾಷೆಂತು° ಬರಯಿಲೆ ಪ್ರಭಂದ° ಜಿ.. ಎಸ್. ಬಿ. ಸೇವಾ ಸಂಘ, ಸುಜೀರ್ ಸಿ. ವಿ. ನಾಯಕ್ ಸಭಾಗೃಹ, ಕುದ್ಮುಲ್ ರಂಗ ರಾವ್ ರಸ್ತೊ, ಮಂಗಳೂರು ಹ್ಯಾ ಪತ್ತೆಕ 15/04/2023 ಭಿತರಿ ದಾಡಕಾ. ಹರ ಎಕ ಭಾಷಾ ವಿಭಾಗಾಂತು ಫಕತ ಎಕ ಪ್ರಭಂದ ದಾಡಚಾಕ ಆವಕಾಶ ಆಸಾ.
ದೋನಯ ಸ್ಪರ್ಧೆಂತು° ಹರ ಎಕ ಭಾಸಾ ವಿಭಾಗಾಂತು° ಪಯಲೆ° ಇನಾ° ರೂ. 1500 ಆನಿ ದುಸ್ರೆ ಇನಾ° ರೂ. 1000 ದಿತಾತಿ. 23/4/2023 ಚಲಚೆ ಸಭಾ ಕಾರ್ಯಕ್ರಮಾಂತು° ಇನಾ° ವಾಂಟಪ ಜಾತಲೆ°. ಪರಗಾಂವಚೆ ಸ್ಪರ್ಧೀಕಾಂಕ ಪ್ರಯಾಣ ಭತ್ತೊ ದಿತಾತಿ ಮ್ಹಣು ಕಳವಣಿಂತು° ಸಾಂಗಲಾ°. ಚಡತೆ ಮಾಹಿತಿಕ ಶಾಲಾ ವಿಭಾಗ - ಜಿ. ಗೋವಿಂದರಾಯ ಪ್ರಭು (ಮೊ: 9481263237), ಕಾಲೇಜ ವಿಭಾಗ - ವೆಂಕಟೇಶ ಎನ್ ಬಾಳಿಗಾ (ಮೊ: 9880701747) ಆನಿ ಹೇರ ಮಾಹಿತಿಕ ಎಮ್. ರಾಧಾಕೃಷ್ಣ ಕಾಮತ (ಮೊ.9448251660) ಯಾ ಇಮೈಲ್ This email address is being protected from spambots. You need JavaScript enabled to view it. ಹಾಕಾ ಸಂಪರ್ಕ ಕರಯೆತ ಮ್ಹಣು ಪತ್ರಿಕಾ ಗೋಷ್ಠಿಂತು° ಸಂಸ್ಥೆಚೊ ಅಧ್ಯಕ್ಷ ಮಣಿಪಾಲ ವಿ.ವಿ. ಚೊ ಮೆಡಿಸಿನ್ ವಿಭಾಗಾಚೊ ವಿಶ್ರಾಂತ ಪ್ರಾಚಾರ್ಯ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಸಾಂಗಲೆ°. ಪತ್ರಿಕಾ ಗೋಷ್ಠಿಂತು° ಜಿ. ವಿಶ್ವನಾಥ ಭಟ್ಟ (ಖಜಾಂಚಿ) ಡಾ. ಎ. ರಮೆಶ ಪೈ (ಉಪ ಕಾರ್ಯದರ್ಶಿ), ಕಾರ್ಯಕ್ರಮ ಸಂಯೋಜಕ ಜಿ. ಗೋವಿಂದರಾಯ ಪ್ರಭು, ವೆಂಕಟೇಶ ಎನ್ ಬಾಳಿಗಾ, ಎಮ್. ರಾಧಾಕೃಷ್ಣ ಕಾಮತ ಆನಿ ಸುಚಿತ್ರಾ ಶೆಣೈ ಉಪಸ್ಥಿತ ಆಶಿಲಿಂತಿ.