ಮುಲ್ಕಿ: ಆರತಾ° ದಕ್ಷಿಣ ಕನ್ನಡ ಆನಿ ಉಡುಪಿ ಜಿಲ್ಲೆಂತು° ಪಾವಸಾನ ತಾಂಡವ ನೃತ್ಯ ಕೆಲೆಲೆ° ಸಗಟಾಂಕ ಅನುಭವ ಜಾಲಾ. ಹ್ಯಾ ಸಂದರ್ಭಾರಿ ಮುಲ್ಕಿ ನಗರ ಪಂಚಾಯತ ವ್ಯಾಪ್ತಿಚೆ ಮಾನಂಪಾಡಿ ಘಜನಿ ಮ್ಹಳೆಲೆ ಪ್ರದೇಶಾಂತು° ಶಾಂಭವಿ ನ್ಹಂಯಿ ಉಕ್ವುನು ಯೆವನು 16 ಕುಟುಂಬೆಚೆ ಘರಾಂತ ಉದಾಕ ಭರನು 36 ಲೋಕ ಸಂತ್ರಸ್ತ ಜಾಲೆ. ಹ್ಯಾ ವೇಳಾರ ಜಿಲ್ಲಾಡಳಿತಾನ ತಾಂಕಾ° ಮಾನಂಪಾಡಿ ಶಾಳೆಂತು° ರಾಬಚಿ ವ್ಯವಸ್ಥಾ ಕೆಲಿ. ಹ್ಯಾ ಸಂತ್ರಸ್ತ ಲೋಕಾಂಕ ಮುಲ್ಕಿ ಶ್ರೀ ವೆಂಕಟರಮಣ ದೇವಳಾ ತರಪೇನ ಜೇವಣಾ ವ್ಯವಸ್ಥಾ ಆನಿ ಲಯನ್ಸ್ ಕ್ಲಬ್ ಬಪ್ಪನಾಡು ಇನ್ಸ್ಪೈರ್  ಹಾಂನಿ° ಫಳಾರಾ ವ್ಯವಸ್ಥಾ ಕೆಲಿ. ಲಯನ್ಸ್ ಉಪಾಧ್ಯಕ್ಷ ವಿಶ್ವನಾಥ ಶೆಣೈ ಫಳಾರಾಚೆ ಪ್ರಾಯೋಜಕ ಆಶಿಲೆ. ಲಯನ್ಸ್ ಅಧ್ಯಕ್ಷ ಎನ್. ಸುಧೀರ ಬಾಳಿಗಾ, ಕಾರ್ಯದರ್ಶಿ ಪುಷ್ಪರಾಜ್ ಚೌಟಾ, ಖಜಾನಧಾರ ಬಿ. ಶಿವಪ್ರಸಾದ್, ಸ್ಥಾಪಕ ಅಧ್ಯಕ್ಷ ವೆಂಕಟೇಶ ಹೆಬ್ಬಾರ್, ವಲಯಾಧ್ಯಕ್ಷ ಪ್ರತಿಭಾ ಹೆಬ್ಬಾರ್ ಆನಿ ಜನ ಪ್ರತಿನಿಧಿ ವಂದನಾ ಕಾಮತ ಉಪಸ್ಥಿತ ಆಶಿಲೆ.