ದಾವಣಗೆರೆ: ಕರ್ನಾಟಕ ಕರಾವಳಿ ಜಿಲ್ಲೆಂಚೆ ಆರಾಧನಾ ಕಲಾ ಯಕ್ಷಗಾನ ಹಾಜೆ ಸರ್ವ ಕಲಾ ಪ್ರಕಾರಾಂತು° ಅಪ್ರತಿಮ ಸಾಧನಾ ಕೆಲೆಲೆ ನಾವಾದಿಕ ಯಕ್ಷಗಾನ ಸಾಹಿತ್ಯ ಕಲಾಕಾರ, ಯಕ್ಷಗಾನ ತಾಳ ಮದ್ದಳೆಚೊ ವಾಕ್ಟ್ಟು, ಆದಲೊ ಶಾಸಕ ಜಾವನು ಆಶಿಲೊ ಕುಂಬ್ಳೇ ಸುಂದರ್ ರಾವ್ ಹಾಂನಿ° ಆಜಿ(ನ.30) ಸಕಾಳಿ ದೇವಾದಿನ ಜಾಲೆ. ಯಕ್ಷಗಾನ ಕಲಾ ಕ್ಷೇತ್ರಾ ಭರಚಾಕ ಜಾಯನಾ ಆಶಿಲೆ ಲುಕ್ಸಾನ ಜಾಲಾ° ಮ್ಹಣು ದಾವಣಗೆರೆಚೆ ಯಕ್ಷರಂಗ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಸಂತಾಪ ವ್ಯಕ್ತ ಕೆಲಾ.
2005 ಇಸವಿಂತು° ಯಕ್ಷರಂಗಾಚೆ ದಶಮಾನೋತ್ಸವ ಕಾರ್ಯಕ್ರಮಾಕ ದಾವಣಗೆರೆಕ ಸುಂದರ್ ರಾವ್ ಹಾಂನಿ° ಭೇಟಿ ದಿಲೆಲೆ ಕ್ಷಣ ತಾಂನಿ° ಉಡಗಾಸ ಕೆಲೆ. ಅಧ್ಯಕ್ಷ ಮಲ್ಯಾಡಿ ಪ್ರಭಾಕರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಬೇಳೂರು ಸಂತೋಷ್ ಕುಮಾರ ಶೆಟ್ಟಿ, ಖಜಾಂಚಿ ನೀಲಾವರ ಭಾಸ್ಕರ ನಾಯಕ್ ಆನಿ ಹೇರ ಸಾಂದ್ಯಾನಯೀ ಶ್ರದ್ಧಾಂಜಲಿ ಅರ್ಪಣ ಕೆಲಿ.