दे. कस्तुरी देवदास नागेश पै हांका जल्मशतमानाचो नमन

वैशाख शुद्ध पंचमीक 35वे पुण्यतिथीक भावपूर्ण श्रद्धांजली

Centenary tributes Late Kasturi Devdas Nagesh Pai

1922 – 2023

 Founder General Manager of Hotel Moti Mahal 1966-78

Managing Director of New Taj Mahal café Pvt Ltd. 1980 - 88

Grandson of Kasturi Subraya Pai – Founder director of Canara Bank and savior of great plague victims from 1900 to 1910

Son of Director of Canara banking Corporation (Now Union Bank) 1930-34 and Philanthropist late Kasturi Nagesh Pai

कोडियाळचे प्रसिद्ध कस्तुरीकार घराणेचो क्रियाशील व्यक्ती ‘दास माम’ आनी ‘दास अण्णा’ म्हणु व्हळखललो दे. श्री कस्तुरी देवदास पै हांनी New Taj Mahal café Pvt Ltd याने ‘ताजमहाल’ कीर्ती महल आनी मोती महल होटेलाचे आडळित मंडळींत 1948 – 88 मेरेन 40 वरसां सेवा दिल्ली. सामान्य मेनेजर स्थाना दकून Managing Director स्थान मेरेन संस्थेचे उदरगतीक वावर केलो. ‘मोती महल’ म्हळ्ळे त्रीतार होटेल रचवुंक तांनी दिल्ली सेवा आनी त्या कालाचेर नंवें औद्योगिक विचार होटेल क्षेत्रांत सर्व प्रथम Corporate Entrepreneurship म्हणुन नांव पावलें. संस्थेचो स्थापक आपण्यालो मांव कुड्पी श्रीनिवास शेणय हांगेले साथ दिवुन तांगेले उप्रांत संस्थेचो Managing Director स्थान मेरेन पावले. 150 वरसां काल कोडियाळचे रथ बीदींत आशिले तांगेले पूर्वजाले घरांत गौड सारस्वत परंपरेचे श्री कृष्ण जल्माष्टमी, श्री गौरी तय, गणेश चौती, महालयांत पितृ तर्पण, नवरात्रींत सरस्वती पूजा, कुटुंबाचे आनी भायले साबार लोकाले घरांचे चेरडुवांलें शुभकार्यांक आपण्याले घर उदार जावुन दिल्ली सेवा, ग्राम देव वीर वेंकटेशाले आनी गोंयचे पूर्वजाली कुड्तर महामाया देलीलो वरसभर चलचे वेगवेगळे उत्सवांत वांटो घेवुन लोकप्रिय आशिलो दे. कस्तुरी देवदास नागेश पै हांका शतमानचो शत शत प्रणाम आनी वैशाख पंचमीक तांगेले पुण्य तिथीक काळजा सावुन श्रद्धांजली.    

मंगळूर: मणिपालाचो ब्रह्म मळ्ळे कीर्ती फ़ाविलो सिंडीकेट ब्यांक्, कस्तुर्बा वैजकीय कालेज, मणिपाल इंजिनीरिंग आनी देंटल कालेज, मणिपाल हास्पिटल, मणिपाल पवर छापखानो, मणिपाल संगीत आनी कला कालेज, अकाडॆमी आफ़ जनरल एजुकेशन अशें अर्थिक, शैक्षणीक आनी सांस्कृतिक संस्थो, १९७६तुं मणिपालांत अखिल भारतीय कोंकणी परिशदेच्या सम्मेलन, उत्कृष्ट कोंकणी पुस्तक पुरस्कार, अखिल भारतीय कोंकणी नाटक सर्त अशें खूब घडोवुन हाडिल्लो महा चैतन्य पद्मश्री डा. टी.एम.एपै हांची १२५ जयंती मंगळूरच्या सुजीर सि.वि.नायक सभागृहांत घडली.

कठीण परिश्रमान यश जोडता म्हळ्ळें सत्य डा. टी.एम.ए पै हांच्या जीण आनी साधनेचो संदेश अशें घडोवपी समितीव्या अध्यक्ष प्रो.डा. कस्तुरी मोहन पै हांनी तांच्या स्वागत भाषणांत म्हळ्ळें. मणिपाल डा. टी.एम.एपै प्रतिष्टानाचो अध्यक्ष श्री अशोक पै हांनी डा. टी.एम.ए पै हांचे लोकांचे अर्थिक बरेपणाक आनी शिक्षणाक ६० वरसांचे निरंतर श्रमांचे उगडास काडलो. सोयरे आसिले भारतीय रिसर्व ब्यांकाचो आद्लो उप राज्यपाल श्री वी.लीलाधर, डा. रवींद्रनाथ शानबाग, माहे विद्यापीठाचो नियोजित वी.सी. डा. दिलीप नायक, भारत बीडी संस्थेचो आनंद जी पै आनी डा. विंध्या पै हानी उत्रांची नमन केलें. शाळेंत कोंकणी शिकपी छात्रांक शिश्य वेतन वांटलें. वेंकटेश बाळिगा आनी विद्या बाळिगा हांनी कोंकणी आनी इतर भाशेंत भाशण आनी निबंध सर्त चलयलो, उषा मोहन पै हांनीं बोमान वांटप केलो. एम.आर. कामत, गोविंदराय प्रभु हांनी रसप्रश्नो आयोजन केलो.  सुचित्रा शेणय हांनी सूत्र संचालन केलें. एम.आर.कामत हांनीं देव बरे करूं म्हळ्ळें.  खजांची विश्वनाथ भट्ट, माल्घड सदस्य पंडित एम.सुरेंद्र आचार्य, बि.आर.शेणय, विजयचंद्र कामत, माधवराय प्रभु, कुंब्ळे नरसिंह प्रभु, सिंडिकेट ब्यांक माजी जनरल मेनेजर प्रवीण भट्ट, एम.आइ.टी माजी प्राध्यापक जी.डी.रै, केनरा चेंबराचो अध्यक्ष गणेश कामत, के.एम.सी उप प्रांशुपाल श्रीकला बाळिगा, विश्व कोंखणी केंद्राचो अध्यक्ष नण्दगोपाल शेणय, मणिपाल संगीत शाळेचो टी. रंग पै, श्रीमती गीता किणी, मिनाक्षी पै, विद्या पै, प्रतिमा प्रभु, अशें सगळेय सोयऱ्य़ान डा. टी.एम.ए पै हांका पुष्प नमन केलें.

ಮಂಗಳೂರು: ಜೋಡಚೆ° ಮನ ಆನಿ ಸಾಧನ ಕರಚೆ° ಛಲ ಆಸಚೆ ಹಜಾರಾನಿ ಸಂಖ್ಯಾನ ಆಸಚೆ ಸಾನ ಸಾನ ಉದ್ಯಮದಾರಾಂಕ ಮದದ ಕರಪಿ ಹಾತ ದೀವನು ಸಾಮಾನ್ಯ ಲೋಕಾಂಕಯೀ ಜೀವಿತ ಬಾಂದಪಾಚೊ ಭರವಸೊ ದಿಲೆಲೊ ಸಂಸ್ಥೊ ಶ್ರೀ ಲಕ್ಷ್ಮಣಾನಂದ ವಿವಿಧೋದ್ದೇಶ ಸಹಕಾರ ಸಂಘ (ನಿ) ಹಾಜೊ ರುಪ್ಯಾಳೊ ಮಹೋತ್ಸವ ಆನಿ ನವೀನ ಇಮಾರತಾಚೆ ಉಗ್ತಾವಣ ಆರತಾಂ ಚಲೆ°. ದ. ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಹಾಜೊ ಅಧ್ಯಕ್ಷ ಡಾ| ಎಂ. ಎನ್, ರಾಜೇಂದ್ರ ಕುಮಾರ್ ಹಾಂನಿ° ಉಗ್ತಾವಣ ಕೆಲೆ°. ಸಂಸ್ಥೊ ಬಾಂದಚೆ° ಸುಲಭ. ಚಲಾವಸೂಚೆ ಕಷ್ಟ. ಬ್ಯಾಂಕಾನ ದೋನ ದಾಕೂನ ತೀನ ಹಜಾರ ರಿಕ್ಷಾಂಕ ರೀಣ್ ದಿವನು ತಾಂಕಾ° ಸ್ವಾವಲಂಬಿ ಕೆಲೆಲೆ ಸಾಧನಾ ಅಭಿನಂದನಿಯ ಮ್ಹಣು ಸಾಂಗೂನ ತಾಂನಿ° ಸಂಸ್ಥೆಕ ಪಾಚ ಲಾಖಾಚೆ ಚೆಕ್ ದಿಲೆ°. ಡಾ. ಶಾಂತಾರಾಮ ಶೆಟ್ಟಿ ಹಾಂನಿ° ಆನಿ ಕಾರ್ಯಕ್ರಮಾಚೆ ಉಗ್ತಾವಣ ಮೇಯರ್ ಜಯಾನಂದ ಅಂಚನ ಹಾಂನಿ° ದಿವೋ ಲಾವನು ಕೆಲೆ°. ತಾಂನಿ ಸಗಟಾನ ಶುಭಾಷಯ ಪಾಟಯಲೊ. ಬ್ಯಾಂಕಾನ ಖೂಬ ಇತಿಹಾಸಿಕ ಸೇವಾ ಕೆಲೆಲಿ ಆಸಾ. ಆನಿ ಮುಕಾರಯೀ ಬರೆ° ಕಾಮ ಕರೊಚಿ ಮ್ಹಣು ಸಾಂಗಲೆ°. ಬ್ಯಾಂಕಾಚೊ ಅಧ್ಯಕ್ಷ ಕೃಷ್ಣ ಜೆ. ಪಾಲೆಮಾರ ಹಾಂನಿ° ಸುವಾಳ್ಯಾಚೆ ಯಜಮಾನಪಣ ಘೆತಲೆ°. ಸರ್ವ ಸದಸ್ಯಾನಿ ಸಹಕಾರ ದಿಲೆಲ್ಯಾನ ನವೀನ ಇಮಾರತ ಸಾಧ್ಯ ಜಾಲೆ°. 20 ಠಕೊ ಡಿವಿಡೆಂಟ್ ದಿಲೆಲೆ° ವಿಶೇಷ ಆಸಾ ಮ್ಹಣು ತಾಂನಿ° ಸಾಂಗಲೆ°. ಮುಖೇಲ ಸೊಯರೆ ಜಾವನು ಮಂಗಳೂರು ದಕ್ಷಿಣ ವಿಧಾನ ಸಭಾ ಕ್ಷೇತ್ರಾಚೊ ಶಾಸಕ ಡಿ. ವೇದವ್ಯಾಸ ಕಾಮತ್, ಕರ್ನಾಟಕ ಬ್ಯಾಂಕಾಚೊ ಆಡಳಿತ ನಿರ್ದೇಶಕ ಮಹಾಬಲೇಶ್ವರ ಎಂ. ಎಸ್., ಆದಲೊ ಶಾಸಕ ಜೆ. ಆರ್. ಲೋಬೊ ಉಪಸ್ಥಿತ ಆಶಿಲೆ. ಲಕ್ಷ್ಮಣಾನಂದ ಸಹಕಾರ ಸಂಘದ ಸ್ಥಾಪಕ ಪ್ರವರ್ತಕ, ಠೇವಣಿದಾರ°, ಇಮಾರತ ಬಾಂದಿಲೊ ಪ್ರವೀಣ, ಸಂಘಾಚೆ ನಿರ್ದೇಶಕ ಆನಿ ಎಂ.ಎನ್.ರಾಜೇοದ್ರ ಕುಮಾರ್ ಹಾಂಕಾ° ಸನ್ಮಾನ ಚಲೊ. ನಿರ್ದೇಶಕ ಮಂಡಳಿಚೆ ಸಾಂದೆ ರಾಮಚಂದ್ರ ಕೆ.ಎಸ್, ಜೆ.ಕೆ. ರಾವ್, ಪಿ. ಬಾಬು, ಸಿ ಇ ಒ, ಶಿವ ಪ್ರಸಾದ್, ಡಾ| ಜೆ. ರವೀಂದ್ರ, ಕೆ.ಎಸ್, ರಂಜನ್, ವಾರಿಜಿ ಕೆ., ಡಾ| ಹೆಚ್. ಪ್ರಭಾಕರ್, ಡಾ. ಮಂಜುಳ ಎ. ರಾವ್, ಕೆ. ರವೀಂದ್ರ, ಜೈರಾಜ್ ಕೆ. ಆನಿ ಸಿಬ್ಬಂದಿ ಉಪಸ್ಥಿತ ಆಶಿಲೆ. ಸಂಧ್ಯಾ ದಿನೇಶ್ ಹಾಂನಿ° ಪ್ರಾರ್ಥನಾ ಗಾಯಲಿ. ದಿನೇಶ್ ರಾವ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗೂನು ಜೆ. ಕೆ. ರಾವ್ ಹಾಂನಿ° ಆಬಾರ ಮಾನಲೊ. ಮನೋಹರ್ ಪ್ರಸಾದ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

ಶ್ರೀ ಲಕ್ಷ್ಮಣಾನಂದ ವಿವಿಧೋದ್ದೇಶ ಸಹಕಾರ ಸಂಘ (ನಿ)
ಸಮಾಜಾಚಿ ಉನ್ನತಿ ಆನಿ ಸಾಮಾನ್ಯ ಲೋಕಾಂಕ ಆರ್ಥಿಕ ಮದದ ದಿವಚೆ ಮಹತ್ತ ಉದ್ದೇಶ ದವರೂನ ಆದಲೊ ಮಂತ್ರಿ ಜೆ. ಕೃಷ್ಣ ಪಾಲೆಮಾರ್ ಹಾಂಗೆಲೆ ಮಾರ್ಗದರ್ಶನಾರಿ 1997 ಡಿಸೆಂಬರ್ 7ಕ ಹ್ಯಾ ಸಂಸ್ಥೆಚೆ ಸ್ಥಾಪನಾ ಜಾಲೆಂ. 1997ತು° ಫಕತ 3 ಲಕ್ಷ ರೂ. ಮೂಲ ಬಂಡವಾಳ, 9 ಲೋಕ ನಿರ್ದೇಶಕ ಆನಿ 800 ಶೇರುದಾರ ಆಸೂನ ಶುರು ಜಾಲೆಲೆ ಶ್ರೀ ಲಕ್ಷ್ಮಣಾನಂದ ವಿವಿಧೋದ್ದೇಶ ಸಹಕಾರ ಸಂಘ (ನಿ) ಆಜಿ 2.8 ರೂ. ಕೋಟಿ ಬಂಡವಾಳ ಆಸೂನ ಸಾಬಾರ 5500ಕಯೀ ಚಡ ಶೇರುದಾರ ಆಸೂನ ವರಸಾಕ ಸಾಬಾರ ರೂ. 400 ಕೋಟಿಕಯೀ ಚಡ ವಹಿವಾಟ ಕರನು ಸಮಾಜಾಕ ಉತ್ತಮ ಸೇವಾ ಸೌಲಭ್ಯ ಆನಿ ಆರ್ಥಿಕ ಸಂಕಷ್ಟಾರ ಆಶಚೆ ದುರಬಳೆ ಲೋಕಾಂಕ ಮದದ ಕರಚೆ° ಕರತಾ ಆಸಾ. 2022 ವರಸಾಂತು° 1 ಕರೋಡಾಕಯಿ ಚಡ ಮುನಾಫೊ ಕರನು ಶೇರುದಾರಾಂಕ 20 ಠಕೊ ಡಿವಿಡೆಂಡ್ ದಿವಚೆ° ಜಾಲಾ°. ಸ್ಥಾಪನಾ ಜಾಯತ ದಾಕೂನ ಎದೋಳು ತಾಂಯ ಎ ಗ್ರೇಡ್ ಮಾನ್ಯತಾ ಫಾವೊ ಕೆಲೆಲೊ ಸಂಸ್ಥೊ ಜಾವನು ಆಸಾ.
2500ಕಯೀ ಚಡ ರಿಕ್ಷಾ ಚಾಲಕಾಂಕ ರೀಣ್ ದಿವನು, ಬೀದಿ ವ್ಯಾಪಾರಿ, ರಾಂದೆಕಾಯಿ ವಿಕತಲ್ಯಾಂಕ ಆಶೆಂ ಹಜಾರಾನಿ ಸಂಖ್ಯಾನಿ ಸಾನಸಾನ ವೃತ್ತಿ ಕರತಲ್ಯಾಂಕ ಮೂಲ ಬಂಡವಾಳನು ತಾಂಕಾ° ಸ್ವಾವಲಂಬಿ ಕರನು ವೃತ್ತಿ ಮಾರ್ಗದರ್ಶನ ಸುತಾ ದಿತಾ ಆಸಾ. ಹ್ಯಾ ನಂತಾ° ಸಂಘಾ ತರಪೇನ ಫುಕಟ ದೋಳೆ ತಪಾಸಣಾ ಶಿಬಿರ, ರಕ್ತದಾನ ಶಿಬಿರ, ಚೆರಡುವಾಂಕ ವಿದ್ಯಾರ್ಥೀವೇತನ ಆನಿ ಖೂಬ ಸಂಘಸοಸ್ಥೆοಕ ಸಹಾಯಧನ ದಿವಚೆ° ಜಾತಾ ಆಸಾ.
ಆಜಿ ಶ್ರೀ ಲಕ್ಷ್ಮಣಾನಂದ ವಿವಿಧೋದ್ದೇಶ ಸಹಕಾರ ಸಂಘ (ನಿ) ಹಾಜಿ ಪ್ರಧಾನ ಕಚೇರಿ ಮೋರ್ಗನ್ಸ್ ಗೇಟ್ ಪ್ರದೇಶಾಂತು° ಆಸೂನು ಮೋರ್ಗನ್ಸ್ ಗೇಟ್, ಹಂಪನಕಟ್ಟೆ, ಕಾವೂರು, ಕಾಟಿಪಳ್ಳ-ಕೈಕಂಬ ಆನಿ ಉಳ್ಳಾಲ ಅಶೆ° ಪಾಂಚ ಶಾಖೆ ಆಸಾತಿ.

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಶ್ರೀ ರಾಮನವಮಿ ಪ್ರಯುಕ್ತ ಶ್ರೀ ದೇವಾಕ ವಿಶೇಷ ಅಲಂಕಾರ, ಭಜನಾ ಕಾರ್ಯಕ್ರಮ, ತೊಟ್ಟಿಲು ಸೇವಾ, ವಸಂತ ಪೂಜಾ, ಅಷ್ಟಾವಧಾನ ಸೇವಾ, ಪಲ್ಲಕಿ ಉತ್ಸವ, ರಾತಿ ಪೇಂಟಾ ಉತ್ಸವ ಚಲೊ. ಧಾರ್ಮಿಕ ಪೂಜಾ ವಿಧಾನ ಅರ್ಚಕ ವಿನಾಯಕ ಭಟ್ ಹಾಂನಿ° ನಿರ್ವಹಣ ಕೆಲೆ°. ದೇವಳಾಚೆ ಆಡಳಿತ ಮೋಕ್ತೆಸರ ಪಿ ವಿ ಶೆಣೈ ಆನಿ ಹೇರ ಸಮಾಜ ಭಾಂದವ ಉಪಸ್ಥಿತ ಆಶಿಲೆ. 

ನಾವಾದಿಕ ಸಿತಾರ್ ವಾದಕ “ಸಿತಾರ್ ರತ್ನ ಶ್ರೀ ಕೊಚ್ಚಿಕಾರ್ ದೇವದಾಸ್ ಪೈ” ಹಾಂನಿ° ಹರ ವರಸಾ ಮ್ಹಣಕೆ ಹ್ಯಾ ಪಾವಟಿ ಸುತಾ ಸಂಸಾರ ಪಾಡ್ವೆ ದೀವಸು ಶ್ರೀ ಮಂಜುನಾಥ ದೇವರು, ಅಣ್ಣಪ್ಪ ದೇವಾಲೆ ಸನ್ನಿಧಿಂತು° ಸಿತಾರ್ ವಾದನ ಕೆಲೆ°. ಹಾಂಕಾ° ವಿರೇಂದ್ರ ಹೆಗ್ಗಡೆ ಹಾಂನಿ° ಶಾಲ ಪಾಂಗರೂನ ಸನ್ಮಾನ ಕೆಲೊ.