ಮಂಗಳೂರು: ಹಾಂಗಾಚೆ ಸುಜೀರ್ ಸಿ. ವಿ. ನಾಯಕ್ ಹಾಲಾಂತು° ಮಾಕ್ಷಿಚೆ ಎಕ ವರಸ ದಾಕೂನ ಹರ ಬುಧವಾರಾ ಚಲತ ಆಸಚೆ ಕೊಂಕಣಿ ವಾಚನ ಸಂಘಾಚೆ ವಿಶೇಷ ಸತ್ರ ಆರತಾ° ಚಲೆ°. ಜಿ.ಎಸ್.ಬಿ ಸೇವಾ ಸಂಘ ಹಾಜೆ ಆಸ್ರಯಾರ ಚಲಚೆ ಹ್ಯಾ ಸತ್ರಾಂತು° ಸಂಘಾಚೆ ಸಾಂದ್ಯಾoಕ ಕೊಂಕಣಿ ಕಾಣಿಯೊ ಬರೊವಚೆ°, ಪ್ರೇಕ್ಷಣೀಕ ಥಳಾ ಬದಲ ಕಾಣಿ ಸಾಂಗಚೆ° ಆಶೆ° ಸಾಬಾರ ಸ್ಪರ್ಧೆ ಚಲೆ. 75ವೊ° ವಾಡ ದೀವಸ ಆಚರಣ ಕೆಲೆಲೆ ಅಧ್ಯಕ್ಷ ಡಾ| ಕಸ್ತೂರಿ ಮೋಹನ ಪೈ ಹಾಂನಿ° ಆಕರ್ಷಕ ಇನಾಂ ಪ್ರಾಯೋಜನ ಕೆಲೆಲಿ°. ಕುಂಬ್ಳೆ ನರಸಿಂಹ ಪ್ರಭುನ ಸ್ವಾಗತಾಚೆ ಉತ್ರ° ಸಾಂಗಲಿ°. ಎಂ. ಆರ್. ಕಾಮತಾನ ಸೂತ್ರ ಸಂಚಾಲನ ಕೆಲೆ°. ಶಾಂಭವಿ ಪ್ರಭುನ ಆಬಾರ ಮಾನಲೊ. ಕೊಂಕಣಿ ಲಿಖಿತ ಕಥಾ ಸ್ಪರ್ಧೆಂತು° ವಿದ್ಯಾ ಪೈ (ಪ್ರಥಮ), ಸುಚಿತ್ರಾ ಶೆಣೈ (ದ್ವಿತೀಯ) ಹಾಗೂ ವೆಂಕಟೇಶ ಬಾಳಿಗಾ (ತೃತೀಯ), ಥಳಾರಿಚಿ ಕಾಣಿ ಸಾಂಗಚೆ ಸ್ಪರ್ಧೆಂತು° ರಾಧಿಕಾ ಪೈ, ಪ್ರೇಕ್ಷಣೀಕ ಥಳ ಪಾತಲಾಚೆ ಸ್ಫರ್ಧೇಂತು° ಡಾ. ರಮೇಶ ಪೈ ಹಾಂನಿ° ಇನಾಂ ಜಿಕಲಿ°. ಉಷಾ ಮೋಹನ ಪೈ ಹಾಂನಿ° ಇನಾಂ ವಾಂಟಿಲಿ°. ಬಿ. ಆರ್. ಶೆಣೈ, ಕೆ. ಸಿ. ಪ್ರಭು, ಎಂ. ಎಸ್. ಪ್ರಭು, ಗೋವಿಂದರಾಯ ಪ್ರಭು, ಗೀತಾ ಸಿ. ಕಿಣಿ, ಮಿನಾಕ್ಷಿ ಪೈ, ಪ್ರಭಾ ಭಟ್, ಸುವರ್ಣಿ ಪಡಿಯಾರ್, ಮೋಹನದಾಸ ಪೈ, ಶ್ರೀಲತಾ ಕಾಮತ, ಅಶೋಕ ನಾಯಕ ಆನಿ ಹೇರ ಉಪಸ್ಥಿತ ಆಶಿಲೆ. ಕೊಂಕಣಿ ಸಾಹಿತ್ಯ ವಾಚನ ಕರಚಾಕ ಉಮೇದಿ ಆಶಿಲ್ಯಾನಿ ದೂರವಾಣಿ 8095270777 ಸಂಪರ್ಕ ಕರಯೇತ.

To Support Kodial Khaber click the following button.

ಬಂಟ್ವಾಳ: ಹಾಂಗಾ ಲಾಗಿಚೆ ಬರಿಮಾರು ಮಹಾಮಾಯಾ ದೇವಸ್ಥಾನಾಚೆ ಆಂಗಣಾoತು° 7ವೆ° ವರಸಾಚೆ ಜಿ.ಎಸ್.ಬಿ ಸಮಾಜ ವೈದಿಕ ಕ್ರೀಡೋತ್ಸವ ಸಂಪನ್ನ ಜಾಲೊ. ಸಕಾಳಿ ಶುರು ಜಾವನು ರಾತಿ(ಫ್ಲಟ್ ಲಿಟ್) ತಾಂಯ ಚಲೆಲೆ ಹ್ಯಾ ಕ್ರಿಕೆಟ್ ಟೂರ್ನಿಂತು° ಕರ್ನಾಟಕ ರಾಜ್ಯಾಚೆ ವೆಗವೆಗಳೆ ಜಿಲ್ಲೆಚೆ 8 ಪಂಗಡಾನಿ ವಾಂಟೊ ಘೆತಿಲೊ. ಫೈನಲ್ ಪಂದ್ಯಾoತು° ಸುಧೇಶ್ ಭಟ್ ಮುಖೆಲಪಣಾಚೆ "ಭಟ್ಜಿಸ್ ಸೂಪರ್ ಕಿಂಗ್ಸ್" ಪಂಗಡಾನ ಸಾರಸ್ವತ್ ವೈದಿಕ್ಸ್ ಪಂಗಡಾಚೆ ವಿರುದ್ಧ ಜೀಕೂನು ವೈದಿಕ ಕ್ರೀಡೋತ್ಸವಾಚೆ 7 ಆವೃತ್ತಿಂತು° 5ವೆ ಪಾವಟಿ ಚಾಂಪಿಯನಶಿಪ್ ಆಪಣಾಯಲೆ°. ಟೂರ್ನಿಂತು° ಸಾರಸ್ವತ್ ವೈದಿಕ್ಸ್ ಪಂಗಡಾಚೆ ಜಿ.ಕೆ ಭಟ್ - ಸರಣಿ ಶ್ರೇಷ್ಠ ಪ್ರಶಸ್ತಿ, ಭಟ್ಜಿಸ್ ಸೂಪರ್ ಕಿಂಗ್ಸ್ ಪಂಗಡಾಚೆ ಸುಧೇಶ್ ಭಟ್ - ಬೆಸ್ಟ್ ಬ್ಯಾಟ್ಸಮನ್ ಹಾಂಕಾ° ಪ್ರಶಸ್ತಿ ಫಾವೊ ಜಾಲಿ. ವೇದಾಂತ್ ಭಟ್ ಹಾಂಕಾ° ಟೂರ್ನಿಚೆ ಬೆಸ್ಟ್ ಬೌಲರ್ ಪ್ರಶಸ್ತಿ ಲಾಭಲಿ. ಮಹಾಮಾಯಾ ಬರಿಮಾರು ಪಂಗಡಾಕ ತಿಸ್ರೆ° ಆನಿ ರಾಯಲ್ ಚಾಲೆಂಜರ್ಸ್ ಪಂಗಡಾಕ ಚೌತೆ° ಸ್ಥಾನ ಪ್ರಾಪ್ತ ಜಾಲೆ°. ಹ್ಯಾಚ ವೇಳಾರ ಮಂಗಳೂರಚೆ ವೀರ ವೆಂಕಟೇಶ ದೇವಸ್ಥಾನಾಚೆ ಸ್ವಯಂ ಸೇವಕ ಆನಿ ವೈದಿಕಾಂಚೆ  ಪಂಗಡಾ ಮಧೆ° ಪ್ರದರ್ಶನ ಪಂದ್ಯ ಚಲೆ. ಆಖೇರಿಕ ಇನಾಂ ವಾಂಟಪ ಜಾಲೆ°. ಸಂಯೋಜಕ ಕಾಶೀನಾಥ್ ಆಚಾರ್ಯ ಮಂಗಳೂರು, ಬರಿಮಾರು ಮಹಾಮಾಯಾ ದೇವಸ್ಥಾನಾಚೆ ಧರ್ಮದರ್ಶಿ ರಾಕೇಶ್ ಪ್ರಭು ಆನಿ ರವೀಶ್ ಪ್ರಭು ಬರಿಮಾರು ಹಾಂನಿ° ಇನಾಂ ವಾಂಟಿಲೆ°. ಗೋಪಿ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಾತ್ವಿಕ್ ಪ್ರಭು, ದೇವಣ್ಣ ಭಟ್ ಆನಿ ಹೇರಾನ ಸಹಕಾರ ದಿಲೊ.

To Support Kodial Khaber click the following button.

ಮಂಗಳೂರು: “ಆಮಗೆಲೆ ಜೀವನಾಂತ ಆಮಿ ಖಾಯ° ಪುಣಿ ಎಕ ಪಾತ್ರ ನಟನ ಕರತ ಆಸತಾತಿ. ಬ್ಹಾಮುಣು, ಬಾಯಲ, ಚೆಲೊ, ಚೆಲಿ ಅಶೆ° ಖೂಬ ತರಾಚೆ ಪಾತ್ರ ನಟನ ಕರತಾತಿ. ಎಕಲೆಲೆ ಡೈಲಾಗಾಕ ಆನಿ ಎಕಲೊ ಕಶಿ° ಸ್ಪಂದನ ಕರತಾ ತಾಜೆ ವಯರಿ ಜೀವನ ಮ್ಹಳೆಲೆ ನಾಟಕಾಚೆ ಸಫಲತಾಯ ನಿರ್ಧಾರ ಜಾತಾ” ಮ್ಹಣು ನಾವಾದೀಕ ನಿರ್ದೇಶಕ ಆನಿ ನಟ ಕಾಸರಗೋಡು ಚಿನ್ನಾ ಹಾಂನಿ° ಸಾಂಗಲೆ°. ಕೊಂಕಣಿ ಸಾಂಸ್ಕೃತೀಕ ಸಂಘ ಮಂಗಳೂರು ಹಾಂನಿ° ಕೊಡಿಯಾಲಚೆ ಶ್ರೀನಿವಾಸ ಕಲ್ಯಾಣ ಮಂಟಪಾoತು° ಘಡೋನ ಹಾಡಲೆಲೆ ದೋನ ದೀವಸಾಚೆ ರಂಗ ತರಬೇತಿ ಕಾರ್ಯಾಗಾರಾಚೆ ಉಗ್ತಾವಣ ಸುವಾಳ್ಯಾಂತು ಪ್ರಾಸ್ತಾವಿಕ ಉತ್ರ ಉಲಯತಾ ತಾಂನಿ° ಆಶೆ° ಸಾಂಗಲೆ°.

ಡಾ| ಕುಂಬ್ಳೆ ಅನಂತ ಪ್ರಭು ಹಾಂನಿ° ದೀವೊ ಲಾವನು ಶಿಬಿರಾಚೆ ಉಗ್ತಾವಣ ಕೆಲೆ°. ಮಾಕಾಯಿ ವೇದಿಕೆರಿ ರಾಬೂನ ಉಲೊವಚೆ° ಮ್ಹಳ್ಯಾರಿ ಭಂಯ ಆಶಿಲೆ°. ಜಾಲ್ಯಾರಿ ಅಸಲೆಂಚಿ ಶಿಬಿರಾಕ ವತರಿ ತೆ° ಗೆಲೆ° ಮ್ಹಣು ತಾಂನಿ° ಕಳಯಲೆ°.

To Support Kodial Khaber click the following button.

ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸುವರ್ಣಿ ಪಡಿಯಾರಾನ ಆಬಾರ ಮಾನಲೊ. ರತ್ನಾಕರ ಕುಡ್ವಾನ ಸೂತ್ರ ಸಂಚಾಲನ ಕೆಲೆ°. ನರಸಿಂಹ ಭಂಡಾರಕಾರ, ಶಕುಂತಳಾ ಆರ್. ಕಿಣಿ, ಮುರಳಿಧರ ಕಾಮತ (ಗುರುಲೀಲಾ) ಆನಿ ಸತೀಶ ನಾಯಕ್ ಎಚ್ ಮಾನಾಚೆ ಸೊಯ್ರೆ ಆಶಿಲೆ. 36 ಶಿಬಿರಾರ್ಥಿಂಕ ಕಾಸರಗೋಡು ಚಿನ್ನಾ ಹಾಂಗೆಲೆ ಸಾಂಗತ ಪ್ರಕಾಶ ನಾಯಕ, ಮುರಳಿಧರ ಕಾಮತ್ ಆನಿ ಹೇರಾನಿ ತರಬೇತಿ ದಿಲಿ. ಶಕುಂತಲ ಕಿಣಿನ ತಾಳೊ ಕಶಿ ವಾಪುರಯೆತ ಮ್ಹಣ್ ತರಬೇತಿ ದಿಲಿ. ಸಮಾರೋಪ ಕಾರ್ಯಕ್ರಮಾಂತು° ಕುಂಬ್ಳೆ ನರಸಿಂಹ ಪ್ರಭು,  ಡಾ| ಕಸ್ತೂರಿ ಮೋಹನ ಪೈ, ಉಷಾ ಮೋಹನ ಪೈ, ಗೀತಾ ಸಿ. ಕಿಣಿ, ಮಿನಾಕ್ಷಿ ಪೈ, ದಿನಕರ ಕಾಮತ್ ಆನಿ ರಾಘವೇಂದ್ರ ಕಿಣಿ ಹಾಂನಿ° ಉಪಸ್ಥಿತ ಆಸೂನ ಶಿಬಿರಾರ್ಥಿಂಕ ಮಾನಪತ್ರ° ವಾಂಟಿಲೆ°.

मोगाचानो

उगादिच्या शुभ उत्सवाक आमी येवकार दितना आमच्या पुराय संपादकीय पंगडा वतीन तुमकां आनी तुमच्या कुटुंबांक उमेदीन परबीं दितां. हें नवें वर्स तुमच्या घरांत भरपूर खोस, भलायकी आनी समृध्दी हाडूं. पारंपारीक कडू गॉड प्रमाण जिणेंतल्या कडू आनी गोड दोनूय खीणांक लवचीकपणान, उपकार मानून आनी फुडल्या उजवाडाच्या वर्साची आस्त बाळगून आलिंगन दिवपाची तांक मेळूं. 

पूण हांगा घरांत नव्या सुरवातीची परब मनयतना लेगीत संवसारीक संघर्शांत सांपडिल्ल्या लोकां खातीर आमचीं काळजां जड उरतात. आयज आमी इराणा आड जाल्लें झूज रोखडेंच सोंपचें अशी उर्बेभरीत प्रार्थना धाडटात. फुडले दीस सगळ्या दुख्खी लोकांक खूब गरज आशिल्ली शांतताय, बरेपण आनी मुत्सद्देगिरीची सुरवात करूं.

• सम्पादक मंडली

ಹ್ಯಾಚ ಸಂದರ್ಭಾರ ಆಮಚೊ ಎಕ ವಾಚಕಾನ ತಾಚಿ ಪರಬಿ ದಾಡಲ್ಯಾ, ತಿ ಹಾಂಗಾ ಪ್ರಕಟ ಕೆಲ್ಯಾ.

೨೦೦೦ ವರಸ ದಾಕೂನ ಆಮಗೆಲೆ ಸಮಾಜಾಚೆ ಆಚಾರ್ಯ ವರ್ಗಾನ ಸಂಸ್ಕೃತಾoತ ಪಾಂಡಿತ್ಯ ಸಾಧ್ಯ ಕರನು ಸಂಸ್ಕೃತಾಚೆ ಉಚ್ಛಾರ, ಸಂಸ್ಕೃತಾoತ ವಿಶ್ಲೇಷಣ ಕರಚೆಂ ಕರನು ಆಯಲ್ಯಾಂತಿ. ಪಾಂಚ ಹಜಾರ ವರಸ ದಾಕೂನ ಮಹಾಭಾರತಾಚೆ ಅಂತ್ಯಾಕ ಕಲಿಯುಗ ಪ್ರಾರಂಭ ಜಾಲೊ ಮ್ಹಣು ಆಮಗೆಲೆ ಪುರಾಣಾಂತು ಆನಿ ಮಹಾಭಾರತಾಂತು ಉಲ್ಲೇಖ ಜಾವನು ಆಸಾ. ಭಾಗವತ ಪುರಾಣಾಂತು° ಶ್ರೀಕೃಷ್ಣಾಲೆ ಗುಣಗಾನ, ಋಷಿ ಮುನಿ, ಆನಿ ಸಾಮಾನ್ಯ ವರ್ಗ ತಾಕಾ ಪ್ರಾರ್ಥನಾ ಕರತಾ ಮ್ಹಣು ಮ್ಹಳೆಲಿ ಸ್ತುತಿ ಆಸಾ. ತೇ ಸ್ತುತಿಚೆ ಅಕ್ಷರಕ್ಷರ ಹರ ಎಕ ಶಬ್ದ ಆಮ್ಚಿಗೆಲೆನ(ಕೊಂಕಣಿ ಭಾಶೆಂತ) ಅನುವಾದ ಕರನು ಆಮಿ ಶ್ರೀಕೃಷ್ಣಾಲೆ ಪಾದಾರಾವಿಂದಾಕ ಗೋವಿಂದಾ ಮ್ಹಣಚೆ ಆಶಿಲೆ.

ಹ್ಯಾ ನವೀನ ಸಂವತ್ಸರಾoತ ಆಮಗೆಲಿ ರೀತಿ ನೀತಿ ಆನಿ ವರ್ಗ ಉಲ್ಲೇಖ ಜಾವನು ಮೇಳಚೆ ತಶಿ ಸರ್ವಾಂಕಯೀ, ಕೊಡಿಯಾಲ ಖಬರ ವಾಚಕಾಂಕ ಪ್ರೀತಿಚೆ ವಂದನಾ ಆನಿ ಶುಭೇಚ್ಛಾ ಸಾಂಗತಾ°. ಹ್ಯಾ ಸಂವoತ್ಸರಾoತ ಪ್ರತಿ ದೀವಸು ಆಮಗೆಲೆ ಆರಾಧ್ಯ ದೇವಾಕ, ಆಚಾರ್ಯಾಕ, ಗುರುಂಕ ಆನಿ ಆಮಗೆಲೆ ಪ್ರಾಧ್ಯಾಪಕಾಂಕ ನಮನ ಕರಚೊ ಯೋಗ ಮೇಳೊ, ಸಂಸ್ಕೃತ ಆನಿ ಆಮ್ಚಿಗೆಲೆಚೆ (ಕೊಂಕಣಿ) ಎಕ ವಿಶೇಷ ಶಬ್ದಕೋಶ ತಯಾರ ಜಾವೊ ಆನಿ ಆಮೀ ಉಲಯತಾನಾ ಚಂದಾಯೇರಿ ಆಮಗೆಲೆ ಸಂಸ್ಕೃತ ಆನಿ ಸಂಸ್ಕೃತಿ ಉಚ್ಛಾರಯೀ ಆನಿ ಕಾರ್ಯಾಂತು ಆನಿ ಕರ್ಮಾಂತು° ಪ್ರತ್ಯಕ್ಷ ಜಾವಚೆ ತಶಿಂ ಜಾವೊ. ಹ್ಯಾ ಸಂವತ್ಸರಾoತು ಆಮಿ ಪ್ರಗತಿಪರ ಚಿಂತನ ದವರೂಂಯಾ°. ಮುಕಾರಿ ಸಗಟಾಂಕ ಚಾಂಗ ಜಾವೊ. ದೇವು ಬರೆಂ ಕರೊ ಮ್ಹಣು ಪ್ರಾರ್ಥನಾ ಕರತಾ°.

- ಗುರುಪರ ಗಿರಿಧರ ಪ್ರಭು, ಮಂಗಳೂರು

ಮoಗಳೂರ: ಗೌಡ ಸರಸ್ವತ ಬ್ರಾಹ್ಮಣ ಸೇವಾ ಸಂಘ, ಮಂಗಳೂರ ಹಾಂನಿ° ಶ್ರೀ ನಾರಾಯಣೀ ಸಂಗೀತ ಕಲಾ ಕೇಂದ್ರ ಹಾಂಚ್ಯಾ ಸಹಕಾರಾನ ಮಾರ್ಚ 15ಕ ಮಂಗಳೂರಚೆ ವಾತಾನುಕೂಲಿತ ಸುಜೀರ ಸಿ. ವಿ, ನಾಯಕ್ ಹಾಲ ಹಾಂಗಾಸರ "ವಸಂತ ಸಂಗೀತೋತ್ಸವ್" ಘಡೋನ ಹಾಡಿಲೊ. ಭರಿಲೆ ಸಭಾಗೃಹಾಂತ ಚಲೆಲೆ ಹ್ಯಾ ಕಾರ್ಯಕ್ರಮಾಂತ ತರನಾಟೆ ಕಲಾಕಾರ ಜಾವೂನ ಆಸಚೆ ವಿದುಶೀ ನಂದಿತಾ ಪೈ , ವಿಭಾ ನಾಯಕ, ಶಾಂತೇರಿ ಕಾಮತ, ವಿದುಶೀ ಮೇಘಾ ಪೈ ಹಾಂನಿ° ಮನಮೋಹಕ ಹಿಂದುಸ್ಥಾನೀ ಗಾಯನ ಸಂಗೀತ ಸಾದರೀಕರಣ ಕೆಲೆ°. ಹಾಂಕಾ° ತಬಲಾಚೇರ ಶ್ರೀವತ್ಸ ಭಟ ಆನೀ ರಾಜೇಶ ಭಾಗವತ, ಆನೀ ಹಾರ್ಮೋನಿಯಮಾಚೇರ ಮೇಧಾ ಭಟ ಆನೀ ಹೇಮಂತ ಭಾಗವತ ಹಾಂನಿ° ಸಾಥ ದಿಲೆ°. ಹ್ಯಾ ಕಾರ್ಯಾವಳೀಚೇ° ಏಕ ಖಾಶೇಲಪಣ ಮ್ಹಳ್ಯಾರ ಕಲಾಕಾರಾನಿ ಪಾರಂಪಾರೀಕ ಶಾಸ್ತ್ರೀಯ ರಾಗಾಂಕ ಸೇಟ ಕೇಲಿ° ಖಾಶೇಲೀ° ಕೋಂಕಣೀ ರಚನಾ° ಸಾದರ ಕರಚೆ° ಜಾವನು ಆಶಿಲೆ°. ತಶೇಂಚ ದ ಗೌಡ ಸರಸ್ವತ ಬ್ರಾಹ್ಮಣ ಸೇವಾ ಸಂಘಾಚೇ ಅಧ್ಯಕ್ಷ ಡಾ. ಕಸ್ತೂರೀ ಮೋಹನ ಪೈ ಹಾಂನಿ° ಅತಿಥಿ ಕಲಾಕಾರ ಜಾವೂನ ಪ್ರಸ್ತುತಿ ಕೆಲಿ.

ಹ್ಯಾ ಕಾರ್ಯಾವಳಿಚೆ ಪ್ರಾಯೋಜಕ ಜಾವೂನ ದಿ. ಏನ್ ಕೆ ಜಿ ಎಸ್ ಬಿ ಕೋ ಆಪರೇಟಿವ್ ಬ್ಯಾಂಕ್, ಐಡಿಯಲ್ ಐಸ್ಕ್ರೀಂ, ಯುನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಸ್ಕೂಲ ಬುಕ ಕಂಪನೀ, ಆನೀ ಭಾರತ ಗ್ರುಪ ಆಫ ಕಂಪನೀ ಹಾಂನಿ° ಸಹಕಾರ ದಿಲೊ. ಕಾರ್ಯದರ್ಶಿ ಡಾ. ರಮೇಶ ಪೈ ಹಾನಿ° ಆಬಾರ ಮಾನಲೊ. ಖಜಾನದಾರ ಕುಂಬಳೆ ನರಸಿಂಹ ಪ್ರಭು, ಶ್ರೀ ನಾರಾಯಣೀ ಸಂಗೀತ ಕಲಾ ಕೇಂದ್ರ ಹಾಜಿ ಸಂಸ್ಥಾಪಕಿ ವಿದುಷಿ ನಂದಿತಾ ಪೈ, ಸಂಸ್ಥಾಪಕ, ಯಜ್ಞವಂತ ಪೈ, ಏನ್ ಕೆ ಜಿ ಎಸ್ ಬಿ ಕೋ ಆಪರೇಟಿವ್ ಬ್ಯಾಂಕ್ ತರಪೇನ ಕಿರಣ ಕುಮಾರ ನಾಯಕ್, ಐಡಿಯಲ್ ಐಸ್ಕ್ರೀಂ ತರಪೇನ ಜಯಾ ಕಾಮತ, ಯುನಿಯನ್ ಬ್ಯಾಂಕ್ ಆಫ್ ಇಂಡಿಯಾ ತರಪೇನ ಪೂರ್ಣಚಂದ್ರ ನಾಯ್ಡು ಹಾಂನಿ° ದೀವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆಂ. ಸುಚಿತ್ರಾ ಶೆಣೈ ಆನಿ ಮಂಗಳಾ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಎಂ. ಆರ್. ಕಾಮತ ಆನಿ ಗೋವಿಂದರಾಯ ಪ್ರಭು ಹಾಂನಿ° ಕಲಾಕಾರಾಂಚೆ ವಳಕ ಕರನು ದಿಲೆ°. ಬಿ. ಆರ್. ಶೆಣೈ, ಜಿ. ಮಾಧವರಾಯ ಪ್ರಭು, ವಿಜಯಚಂದ್ರ ಕಾಮತ, ಮೋಹನದಾಸ ಪೈ ಆನಿ ಪ್ರತಿಮಾ ಪ್ರಭು ಹಾಂನಿ° ಕಲಾಕಾರಾಂಕ ಸನ್ಮಾನ ಕೆಲೊ.

To Support Kodial Khaber click the following button.