ಮಂಗಳೂರು: ಹಾಂಗಾಚೆ ಸುಜೀರ್ ಸಿ. ವಿ. ನಾಯಕ್ ಹಾಲಾಂತು° ಮಾಕ್ಷಿಚೆ ಎಕ ವರಸ ದಾಕೂನ ಹರ ಬುಧವಾರಾ ಚಲತ ಆಸಚೆ ಕೊಂಕಣಿ ವಾಚನ ಸಂಘಾಚೆ ವಿಶೇಷ ಸತ್ರ ಆರತಾ° ಚಲೆ°. ಜಿ.ಎಸ್.ಬಿ ಸೇವಾ ಸಂಘ ಹಾಜೆ ಆಸ್ರಯಾರ ಚಲಚೆ ಹ್ಯಾ ಸತ್ರಾಂತು° ಸಂಘಾಚೆ ಸಾಂದ್ಯಾoಕ ಕೊಂಕಣಿ ಕಾಣಿಯೊ ಬರೊವಚೆ°, ಪ್ರೇಕ್ಷಣೀಕ ಥಳಾ ಬದಲ ಕಾಣಿ ಸಾಂಗಚೆ° ಆಶೆ° ಸಾಬಾರ ಸ್ಪರ್ಧೆ ಚಲೆ. 75ವೊ° ವಾಡ ದೀವಸ ಆಚರಣ ಕೆಲೆಲೆ ಅಧ್ಯಕ್ಷ ಡಾ| ಕಸ್ತೂರಿ ಮೋಹನ ಪೈ ಹಾಂನಿ° ಆಕರ್ಷಕ ಇನಾಂ ಪ್ರಾಯೋಜನ ಕೆಲೆಲಿ°. ಕುಂಬ್ಳೆ ನರಸಿಂಹ ಪ್ರಭುನ ಸ್ವಾಗತಾಚೆ ಉತ್ರ° ಸಾಂಗಲಿ°. ಎಂ. ಆರ್. ಕಾಮತಾನ ಸೂತ್ರ ಸಂಚಾಲನ ಕೆಲೆ°. ಶಾಂಭವಿ ಪ್ರಭುನ ಆಬಾರ ಮಾನಲೊ. ಕೊಂಕಣಿ ಲಿಖಿತ ಕಥಾ ಸ್ಪರ್ಧೆಂತು° ವಿದ್ಯಾ ಪೈ (ಪ್ರಥಮ), ಸುಚಿತ್ರಾ ಶೆಣೈ (ದ್ವಿತೀಯ) ಹಾಗೂ ವೆಂಕಟೇಶ ಬಾಳಿಗಾ (ತೃತೀಯ), ಥಳಾರಿಚಿ ಕಾಣಿ ಸಾಂಗಚೆ ಸ್ಪರ್ಧೆಂತು° ರಾಧಿಕಾ ಪೈ, ಪ್ರೇಕ್ಷಣೀಕ ಥಳ ಪಾತಲಾಚೆ ಸ್ಫರ್ಧೇಂತು° ಡಾ. ರಮೇಶ ಪೈ ಹಾಂನಿ° ಇನಾಂ ಜಿಕಲಿ°. ಉಷಾ ಮೋಹನ ಪೈ ಹಾಂನಿ° ಇನಾಂ ವಾಂಟಿಲಿ°. ಬಿ. ಆರ್. ಶೆಣೈ, ಕೆ. ಸಿ. ಪ್ರಭು, ಎಂ. ಎಸ್. ಪ್ರಭು, ಗೋವಿಂದರಾಯ ಪ್ರಭು, ಗೀತಾ ಸಿ. ಕಿಣಿ, ಮಿನಾಕ್ಷಿ ಪೈ, ಪ್ರಭಾ ಭಟ್, ಸುವರ್ಣಿ ಪಡಿಯಾರ್, ಮೋಹನದಾಸ ಪೈ, ಶ್ರೀಲತಾ ಕಾಮತ, ಅಶೋಕ ನಾಯಕ ಆನಿ ಹೇರ ಉಪಸ್ಥಿತ ಆಶಿಲೆ. ಕೊಂಕಣಿ ಸಾಹಿತ್ಯ ವಾಚನ ಕರಚಾಕ ಉಮೇದಿ ಆಶಿಲ್ಯಾನಿ ದೂರವಾಣಿ 8095270777 ಸಂಪರ್ಕ ಕರಯೇತ.

To Support Kodial Khaber click the following button.

ಮoಗಳೂರ: ಗೌಡ ಸರಸ್ವತ ಬ್ರಾಹ್ಮಣ ಸೇವಾ ಸಂಘ, ಮಂಗಳೂರ ಹಾಂನಿ° ಶ್ರೀ ನಾರಾಯಣೀ ಸಂಗೀತ ಕಲಾ ಕೇಂದ್ರ ಹಾಂಚ್ಯಾ ಸಹಕಾರಾನ ಮಾರ್ಚ 15ಕ ಮಂಗಳೂರಚೆ ವಾತಾನುಕೂಲಿತ ಸುಜೀರ ಸಿ. ವಿ, ನಾಯಕ್ ಹಾಲ ಹಾಂಗಾಸರ "ವಸಂತ ಸಂಗೀತೋತ್ಸವ್" ಘಡೋನ ಹಾಡಿಲೊ. ಭರಿಲೆ ಸಭಾಗೃಹಾಂತ ಚಲೆಲೆ ಹ್ಯಾ ಕಾರ್ಯಕ್ರಮಾಂತ ತರನಾಟೆ ಕಲಾಕಾರ ಜಾವೂನ ಆಸಚೆ ವಿದುಶೀ ನಂದಿತಾ ಪೈ , ವಿಭಾ ನಾಯಕ, ಶಾಂತೇರಿ ಕಾಮತ, ವಿದುಶೀ ಮೇಘಾ ಪೈ ಹಾಂನಿ° ಮನಮೋಹಕ ಹಿಂದುಸ್ಥಾನೀ ಗಾಯನ ಸಂಗೀತ ಸಾದರೀಕರಣ ಕೆಲೆ°. ಹಾಂಕಾ° ತಬಲಾಚೇರ ಶ್ರೀವತ್ಸ ಭಟ ಆನೀ ರಾಜೇಶ ಭಾಗವತ, ಆನೀ ಹಾರ್ಮೋನಿಯಮಾಚೇರ ಮೇಧಾ ಭಟ ಆನೀ ಹೇಮಂತ ಭಾಗವತ ಹಾಂನಿ° ಸಾಥ ದಿಲೆ°. ಹ್ಯಾ ಕಾರ್ಯಾವಳೀಚೇ° ಏಕ ಖಾಶೇಲಪಣ ಮ್ಹಳ್ಯಾರ ಕಲಾಕಾರಾನಿ ಪಾರಂಪಾರೀಕ ಶಾಸ್ತ್ರೀಯ ರಾಗಾಂಕ ಸೇಟ ಕೇಲಿ° ಖಾಶೇಲೀ° ಕೋಂಕಣೀ ರಚನಾ° ಸಾದರ ಕರಚೆ° ಜಾವನು ಆಶಿಲೆ°. ತಶೇಂಚ ದ ಗೌಡ ಸರಸ್ವತ ಬ್ರಾಹ್ಮಣ ಸೇವಾ ಸಂಘಾಚೇ ಅಧ್ಯಕ್ಷ ಡಾ. ಕಸ್ತೂರೀ ಮೋಹನ ಪೈ ಹಾಂನಿ° ಅತಿಥಿ ಕಲಾಕಾರ ಜಾವೂನ ಪ್ರಸ್ತುತಿ ಕೆಲಿ.

ಹ್ಯಾ ಕಾರ್ಯಾವಳಿಚೆ ಪ್ರಾಯೋಜಕ ಜಾವೂನ ದಿ. ಏನ್ ಕೆ ಜಿ ಎಸ್ ಬಿ ಕೋ ಆಪರೇಟಿವ್ ಬ್ಯಾಂಕ್, ಐಡಿಯಲ್ ಐಸ್ಕ್ರೀಂ, ಯುನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ಸ್ಕೂಲ ಬುಕ ಕಂಪನೀ, ಆನೀ ಭಾರತ ಗ್ರುಪ ಆಫ ಕಂಪನೀ ಹಾಂನಿ° ಸಹಕಾರ ದಿಲೊ. ಕಾರ್ಯದರ್ಶಿ ಡಾ. ರಮೇಶ ಪೈ ಹಾನಿ° ಆಬಾರ ಮಾನಲೊ. ಖಜಾನದಾರ ಕುಂಬಳೆ ನರಸಿಂಹ ಪ್ರಭು, ಶ್ರೀ ನಾರಾಯಣೀ ಸಂಗೀತ ಕಲಾ ಕೇಂದ್ರ ಹಾಜಿ ಸಂಸ್ಥಾಪಕಿ ವಿದುಷಿ ನಂದಿತಾ ಪೈ, ಸಂಸ್ಥಾಪಕ, ಯಜ್ಞವಂತ ಪೈ, ಏನ್ ಕೆ ಜಿ ಎಸ್ ಬಿ ಕೋ ಆಪರೇಟಿವ್ ಬ್ಯಾಂಕ್ ತರಪೇನ ಕಿರಣ ಕುಮಾರ ನಾಯಕ್, ಐಡಿಯಲ್ ಐಸ್ಕ್ರೀಂ ತರಪೇನ ಜಯಾ ಕಾಮತ, ಯುನಿಯನ್ ಬ್ಯಾಂಕ್ ಆಫ್ ಇಂಡಿಯಾ ತರಪೇನ ಪೂರ್ಣಚಂದ್ರ ನಾಯ್ಡು ಹಾಂನಿ° ದೀವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆಂ. ಸುಚಿತ್ರಾ ಶೆಣೈ ಆನಿ ಮಂಗಳಾ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಎಂ. ಆರ್. ಕಾಮತ ಆನಿ ಗೋವಿಂದರಾಯ ಪ್ರಭು ಹಾಂನಿ° ಕಲಾಕಾರಾಂಚೆ ವಳಕ ಕರನು ದಿಲೆ°. ಬಿ. ಆರ್. ಶೆಣೈ, ಜಿ. ಮಾಧವರಾಯ ಪ್ರಭು, ವಿಜಯಚಂದ್ರ ಕಾಮತ, ಮೋಹನದಾಸ ಪೈ ಆನಿ ಪ್ರತಿಮಾ ಪ್ರಭು ಹಾಂನಿ° ಕಲಾಕಾರಾಂಕ ಸನ್ಮಾನ ಕೆಲೊ.

To Support Kodial Khaber click the following button.

मंगळूरु: गोंयांत १९६७ जानेवरी १६क घडलेल्या जनमत कौलांत यश पाविल्ले निमित्त आयज कोंकणी जीवीत आसा, देशाच्या खंयचेय कोन्शेंत ‘आमी कोंकणी लोक’ अशें लोकान स्वाभिमानान तकली उबारून जीयेचें तशें जालें. मंगळूरूंत आमी विश्व कोंकणी केंद्र उबो करूंक जालो, कर्नाटकाच्या शाळेंत देवनागरी लिपियेंत कोंकणी शिक्षण दिवूंक जालें” अशें डा. कस्तुरी मोहन पै हानीं मळ्ळें. मंगळूरच्या ;कोंकणी वाचन संघ’ हानीं सुजिर सि.वी.नायक सभागृहांत कोंकणी अस्मिताय दीसाक आयोजन केल्या ‘ जैती गोंय जनमत कौलाच्या निमित्त कोंकणी कशें जीवीत उरली’ म्हळळो विशयाचेर भासाभासांत तांचो मत मांडयलो आनी सगळेय फ़ुडारांक नमन केलें. णवद वर्सां प्रायेचो मट्टार विठल किणी हानीं १९५५-६१ मधींत गोंय सुटकेचो झुझांत आपण्यान वांटो घेतिलो अणभव सांगलो. जेश्ट कोंकणी फ़ुडार पय्यनूर रमेश पै हानीं जनमत कौलाचो फ़ाटबूयेंचेर उजवाड घालो आनी माहाराष्ट्रवादियांचो पात्रांची मायती दिली. जनमत कौलाचे वेळार पणजेंत नोकरेर आशिल्लो शांतकुमार भट्ट हानीं आंदोलनांत वांटो घेतिलो आपण्याचो अणभव, गोंयचो स्वाभिमान आनी कोंकणी भाशेचो जीवन-मरणाचें संघर्शाची कथा मार्मीक जावन वर्णन केली. १९६७ चे उप्रांत जल्मलेले खूब प्रेक्षक जनमत कौलाचो कथा आयकून खूब अभिमान भोगले. “अतीताचे अणभवान कोंकणीचे उदरगतीक भविश्यांत बरो बुन्याद घालूंक जाय’ म्हणु विश्व कोंकणी केंद्राचो अध्यक्ष नंदगोपाल शेणै हानीं म्हळ्ळें.”आयज कोंकणीची कुळार गोयांन गोंय सावन भायर कोंकणीची उदर्गतीक हाथ मळोवपाक जाय” अशें गोवीन्दराय प्रभु हानीं म्हळ्ळें. कोंकणी सांस्कृतिक संघाची अध्यक्ष प्रभा भट्ट, साधना बळग हाचो अध्यक्ष राघवेंद्र किणी, चप्टेकार कोंकणी समाजाचो अध्यक्ष रवींद्र नायक, कोडियाल खबर कोंकणी पत्रिकेचो संपादक वेंकटेश बाळिगा, शकुंतला किणी, उषा मोहन पै,  हानीं वांटो घेतलो. विद्या पै हानीं प्रार्थन म्हळ्ळी. सुचित्रा शेणै हानीं प्रस्थावन करून येवकार मागलो. डॉ. रमेश पै हानीं उपकार मागुन देव बरे करूं म्हळ्ळें.

To Support Kodial Khaber click the following button.

मंगळूर: मंगळूरच्या कद्री वटारांत आसचें सुजीर सि.वी.नायक सभागृहाचे कुशीक गौड सारस्वत ब्राह्मण सेवा संघाचे वतीन ‘वाग्देवी टॉवर्स’ उधेमिक आनी समाजिक सेवेचो इमारताचो भूयं पूजा आनी बुन्यादी फ़ातोर दवरूचो कार्यावळ संपन्न जालो. अध्यक्ष डॉ. कस्तुरी मोहन पै  हानीं ‘वाग्देवी टॉवर्स’ चो जाहिरात पुस्तिकाचो उग्तावण करून तांच्या अध्यक्षीय उत्रांत “६० वर्सांचे फ़ाटी तेन्नाचे समाजिक गरजेंचे प्रमाण ७५० सीटांचे सुजीर सि.वी.नायक स्भागृहाचे बांदप आमी केलें , तें हवा नियंत्रीत केलें, २५००० बुर्ग्यांक शिक्षणीक मजत, शाळा समवस्त्र, १२० LIG आनी MIG दर्जेंचे उणें मोलांची वसती अपार्ट्मेंट बांदून दिलीं, ८५ वर्सां सावन जेष्ट नागरीकांक खातिर वैजकीय सवलत आनी मासिक मुफ़्त वखदांचो वितरण आमचें संघान दिला. आतां निर्माण जावचें “‘वाग्देवी टॉवर्स’ तुं ६०००० स्क्वेर फ़ूटांची विशाल जागो आसून तांतु २०००० स्क्वेर फ़ूटांचो जागो आयज अई.टींत आनी स्टार्ट अप क्षॆत्रांत कामकरचीं तर्नाट्यांचे उद्धेगा खातीर केला. तांचो मूळ गांव सोडुन विदेशांत स्थाइक जावची  स्थीती आतां उबजल्या, तांका परतून हाडून झांटे आयव-बापायंचे सांगात राविताचो आवकास खातिर आमची ही नवी येवजणेचो उद्धीश आसा” म्हणु तानीं सांगलें.

वाग्देवी टॉवर्सांत 5000 स्क्वेर फ़ूटांचो कार्यालय, वृत्तीपर भायलांक वसती निलय, दा तज्ञ दोतोरांक तपासणांक, ल्याब, वखद विक्री केंद्र आसचें पॉली क्लिनिक, तर्नाट्यांक मनोरंजन आनी सांस्कृतिक संकीर्ण, अशें 20000 स्क्वेर फ़ूटांचो जागो, ७० कारां आनी दुचक्री वाहनांक रावुंक जागो रचयला.  कार्यावळेंत जेष्ट उद्देमी डा. दयानंद पै, आइ.टी. उद्धेमी टी.वी.मोहनदास पै, मणिपालाचो डॉ. अशोक पै हाचीं शुभेच्छांचो संदेश वाचलो. आइ.टी. उद्धेम आनी ताचो फ़ायदो, ह्या विशयाचेर आयोजित भासाभा सत्रांत रोहित भट्ट, गुरुदत्त शेणय, आनंद जी पै, लघु उद्धेमप्राधीकाराचो आदलो अधक्ष अजित कामत, कर्नाटक सरकाराचो लघुद्धेम आनी एम.एस.एम.इ चो सह निर्देशक गोकुल्दास नायक, जेष्ट रुमेटोलोजिस्ट डॉ.सज्जन शेण्य आनी पर्यटन उद्धेमी वतिका पै हानीं वांटो घेतलो.

कार्यावळेंत संघाचे कार्यकारी समितीच्या सांधे सचिव डा. रमेश पै, खजांची कुंब्ळे नरसिंह प्रभु, विश्वनाथ भट्ट, एम.आर. कामत, विजयचंद्र कामत, माधवराय प्रभु, अरविंद आचार्य, बि.आर.शेणय, शांभवी प्रभु उपस्थित आशिल्ले. उषा मोहन पै, नंद्गोपाल शेणै, बी.आर.भट्ट, कुड्पी जगदीश शेणै, जेष्ट उध्य्मपती रमेश नायक मैरा, प्रशांत शेट, देवुळाचो धर्मसर्शी सतीश प्रभु, संघाचो प्रमुख आडळित अधिकारी वेंकटेश बाळिगा, वेगवेगळे पत्रकर्त हानी हेर उपस्थित आशिल्ले. सुचित्रा शेणयन सूत्रसंचालन करून सोयर्यांची वळख करून दिलो.

To Support Kodial Khaber click the following button.

ಮಂಗಳೂರು: ಮಾಕ್ಷಿಚೆ ಣವ್ ದಶಕಾ ಸಾವನ ಸಾಮಾಜಾಚೆ ಸಾಮಾಜೀಕ ಉದರ್ಗತಿ ಖಾತಿರ ಸೇವಾ ದೀವೂನ ಆಸಚೆ ಹಾಂಗಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸೇವಾ ಸಂಘ ಹಾಂಗೆಲೆ "ಮೆಡಿಕಲ್ ಮಿಷನ್" ಹ್ಯಾ ವರಸ 85 ವರಸ ಸಂಪನ್ನ ಕರತಾ ಆಸಾ. ಹ್ಯಾ ಸಂದರ್ಭಾರ ಗಾಂವಚೆ ಜಿ.ಎಸ್.ಬಿ ಸಮಾಜಾಚೆ ಸಾಬಾರ ಶಂಬರ ವೈದ್ಯಾಂಕ ಸನ್ಮಾನ ಕರಚೊ ಕಾರ್ಯಕ್ರಮ ಜೂನ್ 29ಕ ಮಂಗಳೂರಚೆ ಸುಜೀರ್ ಸಿ. ವಿ. ನಾಯಕ್ ಸಭಾಗೃಹಾಂತು ಘಡಲೊ. ಶುರುವಾತೆಕ ಸಂಘಾಚೊ ಅಧ್ಯಕ್ಷ ಡಾ. ಕಸ್ತೂರಿ ಮೋಹನ್ ಪೈ ಹಾಂನಿ° ಸಂಘ ವಾಡೊನು ಆಯಿಲೊ ಇತಿಹಾಸ ಸಭೆ ಮುಕಾರ ದವರಲೊ.

"ಮಾಕ್ಷಿಚೆ 85 ವರಸಾಂತು° ಮಂಗಳೂರು ರಥಬೀದಿಚೆ ಎಕ ಸಾನ ಕುಡಾಂತುC ಶುರು ಜಾಲೆಲೆ ಜಿ.ಎಸ್.ಬಿ ಸೇವಾ ಸಂಘ ಮೆಡಿಕಲ್ ಮಿಷನ್ ಮುಕಾರಿ ವಿ. ಟಿ. ರಸ್ತೆಚೆ ಶ್ರೀ ಕೃಷ್ಣ ಮಂದಿರ ಉಪರಾಂತ ಆತಂಚೆ ಸುಜೀರ ಸಿ. ವಿ. ನಾಯಕ ಸಭಾಗೃಹಾ ದಾಕೂನ ಚಲತ ಆಸಾ. ಮೆಡಿಕಲ್ ಮಿಷನಾಚೆ ಸೇವೆಂತು° ಸಾಬಾರ 50000 ರೋಗಿಂಕ ವೈದ್ಯಕೀಯ ತಪಾಸಣಾ, ತ್ಯಾ ಕಾಳಾಂತು° ಆಶಿಲೆ ವಿಶೇಷ ತಪಾಸಣಾ, ಬಾಳಾಂತಿರೆಕ ಮದದ, ಶಸ್ತ್ರ ಚಿಕಿತ್ಸಾ, ದೋಳೆಂಚೆ ತಪಾಸಣಾ ಆನಿ ಛಸ್ಮಾ ದಿವಚೆ° ಔಷಧ ದಿವಚೆ° ಅಶೆ° ಸಾಬಾರ 60 ಲಾಖ ರೂಪಯೊ ಖರ್ಚುನು ಸೇವಾ ದಿಲ್ಯಾ ಆನಿ ಹಿ ಸೇವಾ ಚಲತ ಆಸಾ" ಮ್ಹಣು ತಾಂನೆ ಸಾಂಗಲೆ°.
ಹ್ಯಾ ವೈದ್ಯಕೀಯ ಮಿಷನ್ ಯೋಜನೆಂತು° ಸೇವಾ ದಿಲೆಲೆ ತ್ಯಾ ಪಿಳಗಿಚೆ ವೈದ್ಯ ಜಾವನು ಆಶಿಲೆ ಡಾ. ಕುಳಾಯಿ ರಾಘವೇಂದ್ರ ಕಿಣಿ, ಡಾ. ಯು. ಪದ್ಮನಾಭ ಮಲ್ಯ, ಡಾ. ಕರ್ನಲ್ ಮಿರಾಜಕರ, ಡಾ. ಎಮ್. ಪಿ. ಪೈ, ಡಾ. ವೆಂಕಟರಾವ ಸಹಿತ ಸಾಬಾರ ತೀಸ ವೈದ್ಯಾಂಚೊ ಸಂಸ್ಮರಣ ಕರಚೆ° ಜಾಲೆ°.

ಜುಲೈ 1ಕ ರಾಷ್ಟೀಯ ವೈದ್ಯಕೀಯ ದೀವಸ ಆಶಿಲ್ಯಾನ ಕೊಡಿಯಾಲಾಚೆ ಹ್ಯಾ ಪೀಳಗಿಚೆ ಜಿ. ಎಸ್.ಬಿ ಸಾಮಾಜಾಚೆ ಸಾಬಾರ ಪನ್ನಾಸ ವೈದ್ಯಾಂಕ ಸನ್ಮಾನ ಚಲೊ. ಡಾ. ವಾಮನ್ ಶೆಣೈ, ಡಾ. ಆರ್. ಎನ್. ಸುಜೀರ್, ಡಾ. ಎಂ. ವಿ. ಪ್ರಭು, ಡಾ. ನರೇಂದ್ರ ಕಾಮತ್, ಡಾ. ಸಜ್ಜನ್ ಶೆಣೈ ಹಾಂನಿ° ಶುಭಾಷಯ ಪಾಟಯಲೊ. ಹ್ಯಾಚ ಸಂದರ್ಭಾರ ಸಕಾಳಿ 9 ದಾಕೂನ ದೋನಪಾರ 1 ತಾಂಯ್ ಕೆ. ಎಮ್. ಸಿ ಆಸ್ಪತ್ರೆಚೆ ಸಹಯೋಗಾರಿ ವೈದ್ಯಕೀಯ ತಪಾಸಣಾ ಶಿಬಿರ ಘಡಲೆಂ. ಸಾಬಾರ 250 ಲೋಕಾನ ಹಾಜೆ° ಉಪೇಗ ಘೆತಲೆ°.
ಖಜಾಂಚಿ ಕುಂಬ್ಳೆ ನರಸಿಂಹ ಪ್ರಭುನ ಸ್ವಾಗತಾಚೆ ಉತ್ರ° ಸಾಂಗಲಿ°. ಸುಚಿತ್ರಾ ಶೆಣೈನ ಸೂತ್ರ ಸಂಚಾಲನ ಕೆಲೆ°. ಕಾರ್ಯದರ್ಶಿ ಡಾ. ಎ. ರಮೇಶ ಪೈನ ಆಬಾರ ಮಾನಲೊ. ಎಂ. ಆರ್. ಕಾಮತ ವೈದ್ಯಕಿಯ ಶಿಬಿರಾಚೆ ಸಂಚಾಲಕ ಆಶಿಲೆ. ವಿದ್ಯಾ ಪೈನ ಪ್ರಾರ್ಥನಾ ಸಾಂಗಲಿ. ಕಾರ್ಯಕಾರಿ ಮಂಡಳಿಚೆ ಸಾಂದೆ ಬಿ. ಆರ್. ಶೆಣೈ, ವಿಜಯಚಂದ್ರ ಕಾಮತ್, ಜಿ. ಎಂ. ಪ್ರಭು, ಶಾಂಭವಿ ಪ್ರಭು, ಸೇವಾ ಸಂಘ ಗ್ರೂಪಾಚೆ ಸಾಂದೆ ಗೋವಿಂದರಾಯ್ ಪ್ರಭು, ದಿನಕರ್ ಪ್ರಭು ಆನಿ ಹೇರ ಉಪಸ್ಥಿತ ಆಶಿಲೆ.

To Support Kodial Khaber click the following button.

"ಶ್ರೀರಾಮಲಿ ನಿರ್ವಿಕಾರತಾ ಆಪಣ್ಯಾಲಾರಿ ಆಧ್ಯಾತ್ಮಿಕ ಉನ್ನತಿ ಸಾಧ್ಯ ಜಾತಾ. ಆದ್ಯಾತ್ಮಿಕತಾ ವಾಡೊನು ಲೋಕಕಲ್ಯಾಣಾ ಖಾತಿರ ವಾವ್ರ ಕರಚೆ° ಜೀವನಾಚೆ ಉದ್ಧೇಶ ಜಾವಕಾ" ಮ್ಹಣು ಬೈಲೂರು ಶ್ರೀ ರಾಮಕೃಷ್ಣ ಆಶ್ರಮಾಚೆ ಸ್ವಾಮಿ ವಿನಾಯಕಾನಂದಜೀ ಮಹಾರಾಜ್ ಹಾಂನಿ° ಸಾಂಗಲೆ°. ಮಂಗಳೂರಚೆ ಜಿ.ಎಸ್.ಬಿ ಸೇವಾ ಸಂಘ ಹಾಂನಿ° ಜ.21ಕ ಸುಜೀರ್ ಸಿ. ವಿ. ನಾಯಕ್ ಸಭಾಭವನಾಂತು° ಆಯೋಜನ ಕೆಲೆಲೆ ಅಂತರ ಶಾಲಾ ಸ್ಪರ್ಧೊ "ರಾಮಾಯಣ ಜ್ಞಾನಧಾರಾ" ಹಾಜೆ° ಉಗತಾವಣ ಕರನು ತಾಂನಿ ಉಲಯಲೆ. ಸಕಾಳಿ 9 ದಾಕೂನುಚಿ ಮಂಗಳೂರು ಪರಿಸರಾಚೆ ವಿದ್ಯಾರ್ಥಿ ಆನಿ ತಾಂಗೆಲೆ ವ್ಹಡಿಲ ಸುಜೀರ್ ಸಿ.ವಿ. ನಾಯಕ್ ಹಾಲಾಂತು° ಭರಿಲೆ.

ಸಭಾ ಕಾರ್ಯಕ್ರಮಾಂತು° ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಮೋಕ್ತೆಸರ ಕೆ. ಸತೀಶ ಪ್ರಭು ಮಾನಾಚೆ ಸೊಯ್ರೆ ಆಶಿಲೆ. "ಮುಕಾವುಲೆ ಪಿಳಗಿನ ಕಶಿ° ಆಸೂಕಾ ಮ್ಹಣಚಾಕ ಶ್ರೀ ರಾಮಾಲೆ ಜೀವನಚಿ ಆದರ್ಶ ಜಾವಕಾ. ಜೀವನಾಚೆ ಹರ ಎಕ ಸ್ಥರಾರ ಕಶಿಂ ಜೀವನ ಕರಕಾ ಮ್ಹಳೆಲೆಂ ರಾಮಾಯಣಾಚೆ ಅಧ್ಯಯನ ಕೆಲ್ಯಾರಿ ಕಳತಾ" ಮ್ಹಣು ತಾಣೆ ಸಾಂಗಲೆ°. ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆದಲೆ ತಂತ್ರಿ ಪಂಡಿತ ಎಂ. ಸುರೇಂದ್ರ ಆಚಾರ್ಯ ಹಾಂನಿ° ಕಾರ್ಯಕ್ರಮಾಚೊ ಉದ್ಧೇಶ ಸ್ಪಷ್ಟ ಕೆಲೊ. ಸಂಘಾಚೊ ಅಧ್ಯಕ್ಷ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ರಾಮಾಯಣಾಚೆ ಮೌಲ್ಯ° ಸಾಂಗಚೆoಚಿ ಆಯಚೆ ಕಾರ್ಯಕ್ರಮಾಚೊ ಉದ್ಧೇಶ ಆಸಾ ಮ್ಹಣು ತಾಂನಿ° ಸಾಂಗಲೆ°. ಕಾರ್ಯದರ್ಶಿ ಡಾ. ಎ. ರಮೇಶ ಪೈನ ಆಬಾರ ಮಾನಲೊ. ಖಜಾಂಚಿ ಜಿ. ವಿಶ್ವನಾಥ ಭಟ್, ಕಾರ್ಯಕಾರಿ ಮಂಡಳಿಚೆ ಸಾಂದೆ ಬಿ. ಆರ್. ಶೆಣೈ, ಎಂ. ಆರ್. ಕಾಮತ್, ಸುಚಿತ್ರಾ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಜಿ. ಗೋವಿಂದರಾಯ್ ಪ್ರಭುನ ರಾಮಾಯಣ ಕಥಾ ಸ್ಪರ್ಧಾ ಸಾಂಬಾಳನು ಹಾಡಲಿ. ಎಂ. ಆರ್. ಕಾಮತ್ ಹಾಂನಿ° ರಾಮಾಯಣ ಬದಲ ಸವಾಲ ವಿಚಾರಲೆ. ಸುಚಿತ್ರಾ ಶೆಣೈನ ಸೂತ್ರ ಸಂಚಾಲನ ಕೆಲೆ°.

ಆಡಳಿತಾಧಿಕಾರಿ ಎಂ. ವೆಂಕಟೇಶ ಬಾಳಿಗಾನ ಸ್ವಾಮೀಜಿಲೆ ವಳಕ ಕರನು ದಿಲೆ. ಮಂಗಳಾ ಭಟ್, ವಿದ್ಯಾ ಬಾಳಿಗಾ, ಸುಂದರ ಶೆಟ್ಟಿ, ವೀಣಾ ಗಣೇಶ, ಕೆ. ಆರ್. ಭಟ್, ಪಿ. ಸುಭ್ರಮಣ್ಯ, ಸುರೇಖಾ ತಂತ್ರಿ, ಅಜೀತ್ ಕಾಮತ್, ವಿದ್ಯಾ ಪೈ, ಕೇಶವ ಕಾಮತ್, ಡಾ. ಎ. ರಮೇಶ ಪೈ ಆನಿ ಎಚ್. ವಿ. ಕಾಮತ್ ವರೇಣ್ಯಾರ ಆಶಿಲೆ. ದಿನಕರ್ ಕಾಮತ ಆನಿ ಸಾಂಗಡ್ಯಾನಿ ಸಹಕಾರ ದಿಲೊ. ರಾಮಾಯಣ ರಸಪ್ರಶ್ನೆ ಸ್ಪರ್ಧೆಂತು° ಚಡ ಅಂಕ ಜೋಡೂನ ಕೆನರಾ ಇಂಗ್ಲಿಷ್ ಹಾಯರ್ ಪ್ರೆöÊಮರಿ ಶಾಲೆ ಡೊಂಗರಕೇರಿ ಹಾಂನಿ° ಚಾಂಪಿಯನ ಪ್ರಶಸ್ತಿ ಜಿಕಲಿ.

ರಾಮಾಯಣ ಕಥಾ ಸ್ಪರ್ಧೆಂಚೆ ಫಲಿತಾಂಶ.
ಸoಸ್ಕೃತ ವಿಭಾಗ: ಪ್ರಥಮ - ಮಾಹತಿ ರಾವ್, ಕೆನರಾ ಹೈಸ್ಕೂಲ್ ಉರ್ವಾ, ದ್ವಿತೀಯ - ಸುರೇಶ, ಶ್ರೀ ಶ್ರೀನಿವಾಸ ಪಾಠಶಾಲಾ ಒರಿಯೆಂಟಲ್ ಶಾಲೆ,
ಕೊಂಕಣಿ 6 ದಾಕೂನ 8 ವಿಭಾಗ - ಪ್ರಥಮ - ದೀವಾ ಅನಂತ ಪೈ, ಸೆಂಟ್ ಅಲೋಶಿಯಸ್ ಗೊನ್ಜಾಗಾ ಹೈಸ್ಕೂಲ್, ದ್ವಿತೀಯ - ವಿನಯಾ ಎ. ಕುಡ್ವ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ, ಮುಲ್ಕಿ. ಕೊಂಕಣಿ 9 ಆನಿ 10 ವಿಭಾಗ - ಪ್ರಥಮ - ನಂದನ ಪ್ರಭು, ಅಶೋಕಾ ವಿದ್ಯಾಲಯ, ದ್ವಿತೀಯ - ನಿವೇದಿತಾ ಕಾಮತ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ, ಮುಲ್ಕಿ.
ತುಳು 6 ದಾಕೂನ 8 ವಿಭಾಗ - ಪ್ರಥಮ - ಪ್ರಶಸ್ತ ಸುವರ್ಣ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ, ತುಳು 9 ಆನಿ 10 ವಿಭಾಗ - ಪ್ರಥಮ - ಪಾಲ್ಗುಣಿ ಅಜಯ್ ಕುಮಾರ್ - ಶ್ರೀ ಚೈತನ್ಯಾ ಟೆಕ್ನೊ ಶಾಲೆ, ದ್ವಿತೀಯ - ತನ್ವಿ ಕೆ., ಕೆನರಾ ಹೈಸ್ಕೂಲ್ ಉರ್ವಾ.
ಕನ್ನಡ 6 ದಾಕೂನ 8 ವಿಭಾಗ - ಪ್ರಥಮ - ವಸುಂದರಾ ಡಿ. ಎಂ, ಚಿನ್ಮಯ ಹೈಸ್ಕೂಲ್, ದ್ವಿತೀಯ - ವಿಶ್ವಪ್ರಿಯಾ ಎಚ್. ಎನ್., ಶಾರದಾ ವಿದ್ಯಾನಿಕೇತನ, ತಲಪಾಡಿ, ಕನ್ನಡ 9 ಆನಿ 10 ವಿಭಾಗ - ಪ್ರಥಮ - ಅನಿತಾ ತಂತ್ರಿ, ಕೆನರಾ ಹೈಸ್ಕೂಲ್, ಡೊಂಗರಕೇರಿ, ದ್ವಿತೀಯ - ದೀಪಶ್ರೀ, ಶ್ರೀ ಶ್ರೀನಿವಾಸ ಪಾಠಶಾಲಾ ಓರಿಯೆಂಟಲ್ ಶಾಲೆ.
ವೇಷಭೂಷ - ಪ್ರಥಮ - ವಸುಂದರಾ ಡಿ. ಎಂ, ಚಿನ್ಮಯ ಹೈಸ್ಕೂಲ್, ದ್ವಿತೀಯ - ಪಂಚಮಿ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ.
ಸಾನ ಚೆರಡುವಾಂಕ ಘಡಲೆಲೆ ರಂಗ ಭರಚೆ ಸ್ಪರ್ಧೆಂತು° ಕೃತಿ ಸಾಲಿಯಾನ್ ಆನಿ ನಿಕಿತಾ ಪ್ರಥಮ ಆನಿ ಸಾಯಿಶಾ ದ್ವಿತೀಯ ಇನಾಂ ಜಿಕಲಿಂಚಿ.

To Support Kodial Khaber click the following button.

ಮಂಗಳೂರು: ಜಿ ಎಸ್ ಬಿ ಸೇವಾ ಸಂಘ ಮಂಗಳೂರು ಹಾಂನಿ° ಜನವರಿ 21, ಆಯತಾರಾ ಸುಜೀರ್ ಸಿ ವಿ ನಾಯಕ್ ಸಭಾಂಗಣ, ಕುದ್ಮುಲ್ ರಂಗರಾವ್ ರಸ್ತೊ, ಕದ್ರಿ, ಮಂಗಳೂರು ಹಾಂಗಾ "ರಾಮಾಯಣ ಜ್ಞಾನಧಾರಾ" ರಾಮಾಯಣ ಆಧಾರಿತ ಅಂತರ ಶಾಲಾ ಸ್ಪರ್ಧೆ ಆಯೋಜನ ಕೆಲಾ°. ಅಯೋಧ್ಯೆಂತು° ಶ್ರೀರಾಮ ಮಂದಿರ ಪುನರ್ ನಿರ್ಮಾಣ ಜಾಲೆಲೆ ಉಡಗಾಸಾಕ ಹೋ ಕಾರ್ಯಕ್ರಮ ಚಲತಾ. ತ್ಯಾ ದೀಸ ಸಕಾಳಿ 9 ಗಂಟ್ಯಾಕ ರಾಮಾಯಣ ರಸಪ್ರಶ್ನೊ, ರಾಮಾಯಣ ನಿರೂಪಣಾ ಆನಿ ರಾಮಾಯಣ ರಂಗ ಭರಚೊ ಸ್ಪರ್ಧೆ ಚಲತಾತಿ. ಬೈಲೂರು ಶ್ರೀ ರಾಮಕೃಷ್ಣ ಆಶ್ರಮಾಚೆ ಸ್ವಾಮಿ ವಿನಾಯಕಾನಂದಜಿ ಮಹಾರಾಜ ಹಾಂನಿ° ಸ್ಪರ್ಧೆಚೆ ಉಗತಾವಣ ಕರತಾತಿ. ಕೆ. ಸತೀಶ್ ಪ್ರಭು, ಟ್ರಸ್ಟಿ, ಶ್ರೀ ವೆಂಕಟರಮಣ ದೇವಸ್ಥಾನ, ಕಾರಸ್ಟ್ರೀಟ್, ಮಂಗಳೂರು ಹಾಂನಿ° ಮಾನಾಚೆ ಸೊಯ್ರೆ ಆಸತಲೆ. ಮಂಗಳೂರು ಕಾರ್‌ಸ್ಟ್ರೀಟ್‌ ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆದಲೆ ತಂತ್ರಿ ಪಂಡಿತ್ ಎಂ. ಸುರೇಂದ್ರ ಆಚಾರ್ಯ ಹಾಂಗೆಲೆ ಮಾರ್ಗದರ್ಶನಾರಿ ಹ್ಯಾ ಸ್ಪರ್ಧೆ ಚಲತಾತಿ ಮ್ಹಣು ಜಿ. ಎಸ್. ಬಿ. ಸೇವಾ ಸಂಘ ಮಂಗಳೂರು ಹಾಜೆ ಅಧ್ಯಕ್ಷ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಪತ್ರಿಕಾ ಪರಿಶಧೆಂತು° ಕಳಯಲೆ°.
ಮಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಚೆ 1 - 10ವೆ° ಕಕ್ಷಾಚೆ ಸಾಬಾರ 75 ಶಾಳೆಂಚೆ 750ಕಯೀ ಚಡ ವಿದ್ಯಾರ್ಥಿಯಾನಿ ರಾಮಾಯಣ ನಿರೂಪಣಾ, ರಾಮಾಯಣ ರಸಪ್ರಶ್ನೊ ಆನಿ ರಾಮಾಯಣ ರಂಗ ಭರಚೆ ಸ್ಪರ್ಧೆಂತು° ವಾಂಟೊ ಘೆವಚೆ ನಿರೀಕ್ಷಾ ಆಸಾ ಮ್ಹಣು ಆಡಳಿತಾಧಿಕಾರಿ ವೆಂಕಟೇಶ ಎನ್. ಬಾಳಿಗಾ ಹಾಂನಿ° ಕಳಯಲೆ°. ರಾಮಾಯಣ ನಿರೂಪಣಾ ಕೊಂಕಣಿ, ಕನ್ನಡ, ತುಳು ಯಾ ಸಂಸ್ಕೃತ ಭಾಷೆಂತು° ಚಲಚೆ ಆಸಾ ಆನಿ 1 ದಾಕೂನ 5ವೆ° ಕಕ್ಷಾಚೆ ವಿದ್ಯಾರ್ಥಿಯಾಂಕ ರಾಮಾಯಣ ರಂಗ ಭರಚೊ ಸ್ಫರ್ಧೊ ಚಲತಾ, ಹಾಕಾ ಛಾಪಲೆಲೆ ರೇಖಾಚಿತ್ರ ಸಭಾಂಗಣಾoತು° ದಿತಾತಿ ವಿದ್ಯಾರ್ಥಿಯಾನಿ ಸ್ವಂತ ಕ್ರೆಯಾನ ಹಾಡಕಾ ಮ್ಹಣು ತಾಣೆ ಸಾಂಗಲೆ°. ಸ್ಪರ್ಧಾ ವಿಜೇತಾಂಕ ಆಕರ್ಷಕ ಇನಾಂ ಆನಿ ವಾಂಟೊ ಘೆತಿಲೆ ಸಗಟ ವಿದ್ಯಾರ್ಥಿಯಾಂಕ ಸಹಭಾಗಿತ್ವಾಚೆ ಪ್ರಮಾಣಪತ್ರ ದಿತಾತಿ. ಆಸಕ್ತ ಲೋಕಾಂಕ ಪ್ರವೇಶ ಮುಕ್ತ ಆಸಾ. ಡಾ. ಎ. ರಮೇಶ್ ಪೈ, ಕಾರ್ಯದರ್ಶಿ, ಜಿ ಎಸ್ ಬಿ ಸೇವಾ ಸಂಘ, ವಿಶ್ವನಾಥ ಭಟ್, ಕೋಶಾಧಿಕಾರಿ, ಜಿ ಎಸ್ ಬಿ ಸೇವಾ ಸಂಘ, ಪಂಡಿತ್ ಎಂ. ಸುರೇಂದ್ರ ಆಚಾರ್ಯ, ಆಡಳಿತ ಮಂಡಳಿ ಸದಸ್ಯ, ಜಿ ಎಸ್ ಬಿ ಸೇವಾ ಸಂಘ ಆನಿ ಜಿ. ಗೋವಿಂದರಾಯ ಪ್ರಭು, ಕಾರ್ಯಕ್ರಮ ಸಂಯೋಜಕ ಉಪಸ್ಥಿತ ಆಶಿಲೆ.

 मंगळूर: “कोंकणी भासेक भारताचे संविधानांत मान्यताय मेळून तीस वरसां हुपलीं आनी एक संपूर्ण नवी पिळीगा आयज उबो राबल्या. ह्या पर्व कालाचेर मंगळूरच्या नलंदा आंग्ल माध्यम शाळेच्या पूर्णिमा प्रभुन कर्नाटक sslc बोर्ड परीक्षेंत कोंकणींत १००% अंक जोडुन इतिहास निर्माण केला. तिका सुजिर सि.वी. नायक सभागृहांत कोंकणी वाग्देवी पुरस्कार, शिश्यवेतन आनी उड्गेरें मंगळूरच्या सेवा संघाचो अध्यक्ष डा. कस्तुरी मोहन पै हानी फ़ावो केलो. सेवा संघाचो ८५ संस्थापन दिवसाचे सुवाळ्यांत एक्सपर्ट शिक्षण संस्थेच्या उप अध्यक्ष डा.उशाप्रभा नायक, अर्थिक तज्ञ डा. प्रकाश कामत आनी  धर्मदर्शी सतीश प्रभु हे मुखैल सोयरे आसिल्ले. विश्वनाथ भट्ट, उशा मोहन पै, सुचित्रा शेणाइ, वेंकटेश बाळिगा, एम. आर. कामत उपस्थित आशिल्ले. शिक्षणिक क्षमताय जोडलेल्या १६० छात्रांक एम.आर.कमत आनी माधव्रय प्रभु हानीं सम्मान केलो. उषा मोहन पै, चंद्रिका मल्या, विद्या बाळिगा, मिनाक्षी पै आनि विध्या पै हांनी २५ शाळेंच्या २५० छात्रांक वेग वेग्ळे कोंकणी सर्त चलोवुन बोमान वांटलीं. गौरव सचिव डा. रमेश पै हानी देव बरे करूं म्हळ्ळें.   

ಮಂಗಳೂರು: "ಮನಶಾಲೆ ಜೀವನಾಂತು° ಶಿಕ್ಷಣಾಚೆ ಯೋಗದಾನ ಪ್ರಮುಖ ಆಸಾ. ಶಿಸ್ತು ಪಾಲನ ಕರನು ಜೀವನ ಕೆಲ್ಯಾರಿ ಕಸಲೆಂಯಿ ಸಾಧನಾ ಕರಯೆತ" ಮ್ಹಣು ಎಕ್ಸಪರ್ಟ್ ವಿದ್ಯಾ ಸಂಸ್ಥೆಚಿ ಉಪಾಧ್ಯಕ್ಷಾ ಡಾ. ಉಷಾಪ್ರಭಾ ನಾಯಕ್ ಹಾಂನಿ° ಸಾಂಗಲಾ°. ಜಿ. ಎಸ್. ಬಿ. ಸೇವಾ ಸಂಘ ಮಂಗಳೂರು ಹಾಂಗೆಲ ಸಂಸ್ಥಾಪನಾ ದೀವಸ ಸುವಾಳ್ಯಾಂತು° ಶೈಕ್ಷಣಿಕ ಸಾಧಕ ವಿದ್ಯಾರ್ಥಿಯಾಂಕ ಸನ್ಮಾನ ಕರನು ತಾಂನಿ° ಆಶೆ° ಸಾಂಗಲೆ°. ಎಸ್ ಎಸ್ ಎಲ್ ಸಿ ಪರೀಕ್ಷೆಂತು 100 ಠಕೋ ಅಂಕ ಜೋಡಿಲಿ ಮಂಗಳೂರಚೆ ನಳಂದಾ ಶಾಳೆಚಿ ವಿದ್ಯಾರ್ಥಿನಿ ಪೂರ್ಣಿಮಾ ಪ್ರಭುಕ "ವಾಗ್ದೇವಿ" ಪುರಸ್ಕಾರ ಆನಿ ಶಾಳೆಂತು° ಕೊಂಕಣಿ ಶಿಖಚೆ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ಪ್ರದಾನ ಜಾಲೆ°. ಪ್ರಶಸ್ತಿ ಪ್ರದಾನ ಕೆಲೆಲೆ ಮಂಗಳೂರು ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆಡಳಿತ ಮೊಕ್ತೇಸರ ಸತೀಶ್ ಪ್ರಭು ಹಾಂನಿ° "ಜಿ.ಎಸ್. ಬಿ. ಸಮಾಜ ಅತ್ಯಂತ ಶಿಕ್ಷಿತ ಸಮಾಜ ಜಾವನು ಆಸಾ, ಹರ ಎಕ ಕ್ಷೇತ್ರಾಂತು° ಆಮಿ ಯೋಗದಾನ ದಿಲಾಂ. ಹೆ° ಆಮಕಾ ಭರಮೆಚೊ ವಿಷಯ ಆಸಾ" ಮ್ಹಣು ಸಾಂಗಲೆ°. ನಿವೃತ್ತ ಅಧಿಕಾರಿ ಡಾ. ಪ್ರಕಾಶ್ ಕಾಮತ್ ಹಾಂನಿ° ಶುಭಾಶಯ ಪಾಟಯಲೊ. ಎಸ್. ಎಸ್. ಎಲ್. ಸಿ. ದಾಕೂನ ಪಿ. ಜಿ. ತಾಂಯ ಸಾಬಾರ 150 ಸಾಧಕ ವಿದ್ಯಾರ್ಥಿಯಾಂಕ ಸನ್ಮಾನ ಚಲೊ. ಸಕಾಳಿ ದಾಕೂನ ವೆಗವೆಗಳೆ ಕೊಂಕಣಿ ಸ್ಫರ್ಧೆ ಚಲೆ. ಜಿಕಿಲ್ಯಾಂಕ ಇನಾಂ ವಾಂಟಚೆ° ಜಾಲೆ°. ಸಂಘಾಚೊ ಅಧ್ಯಕ್ಷ ಡಾ. ಕೆ. ಮೋಹನ್ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಹ ಕಾರ್ಯದರ್ಶಿ ಡಾ. ರಮೇಶ್ ಪೈ ಹಾಂನಿ° ಆಬಾರ ಮಾನಲೊ. ಸುಚಿತ್ರಾ ಶೆಣೈನ ಸೂತ್ರ ಸಂಚಾಲನ ಕೆಲೆ°. ಎಚ್ ವಿ ಕಾಮತ, ಉಷಾ ಮೋಹನ್ ಪೈ, ಮಾಧವರಾಯ ಪ್ರಭು, ಎಂ. ಆರ್. ಕಾಮತ್, ಗೋವಿಂದರಾಯ್ ಪ್ರಭು, ಮೀನಾಕ್ಷಿ ಪೈ, ಚಂದ್ರಿಕಾ ಮಲ್ಯ, ವಿದ್ಯಾ ಬಾಳಿಗಾ, ವಿದ್ಯಾ ಪೈ, ಮೇಘನಾ ಪೈ, ವೆಂಕಟೇಶ್ ಬಾಳಿಗಾ ಹಾಂನಿ° ಸಂಯೋಜಕ ಆಶಿಲೆ.

ಮಂಗಳೂರು: 1938 ಇಸವಿಂತು° ತೇದನಾಚೆ ಸಮಾಜ ಸುಧಾರಕಾಂಚೆನ ಪ್ರಭಾವಿತ ಜಾವನು ಥೊಡೆ ಯುವ ಉದ್ಯಮಿಯಾಂಚೆ ಪಂಗಡಾನ ಶುರು ಕೆಲೆಲೊ ಸಂಸ್ಥೊ ಗೌಡ್ ಸಾರಸ್ವತ ಬ್ರಾಹ್ಮಣ ಸೇವಾ ಸಂಘ ಸೆಪ್ಟೆಂಬರ್ 10 ಕ ಮಂಗಳೂರಚೆ ಕುದ್ಮುಲ್ ರಂಗರಾವ್ ರಸ್ತೆಚೆ ಸುಜೀರ್ ಸಿ. ವಿ. ನಾಯಕ್ ಕನ್ವೆನ್ಷನ್ ಹಾಲಾಂತು° 85ವೊ ಸಂಸ್ಥಾಪನಾ ದೀವಸ ಆಚರಣ ಕರತ ಆಸಾ. ತ್ಯಾ ದೀವಸ ಸಂಘಾನ ಶಾಳಾ-ಕಾಲೇಜಾಚೆ ವಿದ್ಯಾರ್ಥಿಯಾಂಕ ಕೊಂಕಣಿ ಕಥಾ ಅನುವಾದ, ಕೊಂಕಣಿ ಸಮಾನಾಂತರ ಶಬ್ದ, ಭಾಷಣ ಸ್ಪರ್ಧೊ ಆಯೋಜನ ಕೆಲಾ ಮ್ಹಣು ಕಾರ್ಯಕ್ರಮ ಉಸ್ತುವಾರಿ ವೆಂಕಟೇಶ ಬಾಳಿಗಾ ಹಾಂನಿ° ಕಳಯಲಾ°. ಹ್ಯಾ ನಂತಾ° ಎಸ್‌ಎಸ್‌ಎಲ್‌ಸಿ ದಾಕೂನ ಪಿಜಿ ತಾಂಯ ಶಿಕಿಲೆ ಸಾಬಾರ 150 ವಿದ್ಯಾರ್ಥಿಯಾಂಕ ಶೈಕ್ಷಣಿಕ, ಕ್ರೀಡಾ, ಖೇಳ, ಆನಿ ಲಲಿತಕಲೆಂತ ಕೆಲೆಲೆ ಸಾಧನೆಕ ಪ್ರಶಸ್ತಿ ದೀವನು ಸನ್ಮಾನ ಕರತಾ ಆಸಾತಿ ಮ್ಹಣು ತಾಂನಿ° ಸಾಂಗಲೆ°. ಸ್ಥಾಪನ ಜಾಯತ ದಾಕೂನ ಜಿಎಸ್‌ಬಿ ಸೇವಾ ಸಂಘ ಸಮಾಜಾಚೆ ಆರ್ಥಿಕ ಜಾವನು ದುರ್ಬಲ ಲೋಕಾಂಕ ಖೂಬ ಸೇವಾ ಯೋಜನಾ ಮಾಂಡೂನ ಹಾಡಿಲೆ ಆಸಾ. ಉದಾಹರಣೆಕ, 120 MIG ಆನಿ LIG  ಸ್ಥರಾಚೆ ಅಪಾರ್ಟ್ಮೆಂಟ°, ಸಾಬಾರ 360 ಕುಟುಂಬೆοಕ ಮದದ ಪಾವಲಾ, ಸಾಬಾರ 25000 ವಿದ್ಯಾರ್ಥಿಯಾಂಕ ಫುಕಟ ಪುಸ್ತಕ° ಆನಿ ಯುನಿಫಾರ್ಮ, ಕೊಂಕಣಿ ಅಧ್ಯಯನ ವಿದ್ಯಾರ್ಥಿ ವೇತನ (ವರಸಾಕ ರೂ. ಎಕ ಲಾಖ), 10 ವೆ° ದಾಕೂನ ಪಿಜಿ ತಾಂಯ ಹರ ವರಸ ಸಾಬಾರ ಶಂಬರ ಸಾಧಕಾಂಕ ಶೈಕ್ಷಣಿಕ ಸಾಧನಾ ಪ್ರಶಸ್ತಿ. ತರನಾಟೆ ಮಧೆ° ಉದ್ಯಮಶೀಲತಾ ವಾಡೋಚಾಕ ಆನಿ ಭಾರತೀಯ ಶಾಸ್ತ್ರೀಯ ಸಂಗೀತ ಬದಲ ಉಮೇದಿ ವಾಡೊಚೆ ತಸಲೆ ಕಾರ್ಯಕ್ರಮ, ಕೊಂಕಣಿ ಭಾಸ ಆನಿ ಲೋಕಾಲೊ ಇತಿಹಾಸ ಕಳೊವಚಾಕ ಟಿವಿ ಧಾರಾವಾಹಿ ಕರಚೆ°, 40 ವರಸ ದಾಕೂನ ಚಾಲೂ ಆಸಚೆ ಚಾರಿಟಬಲ್ ಡಿಸ್ಪೆನ್ಸರಿ ತರಪೇನ ಎದೋಳು 1200 ಚೆರಡುವ°, ಸ್ತ್ರೀಯೊ ಆನಿ ಮ್ಹಾಲ್ಗಡೆ ಲೋಕಾಂಕ ಫುಕಟ ಔಷಧ ದಿವಚೆ° ಕರತ ಆಸಾತಿ.
ಸಂಸ್ಥಾಪನಾ ದೀವಸಾಚೆ ಮುಖೇಲ ಸೊಯ್ರೆ ಜಾವನು ಎಕ್ಸ್ಪರ್ಟ್ ಗ್ರೂಪ್ ಹಾಜೆ, ಸಹ ಸಂಸ್ಥಾಪಕ ಆನಿ ಉಪಾಧ್ಯಕ್ಷ ಡಾ. ಉಷಾಪ್ರಭಾ ನಾಯಕ್, ಶ್ರೀ ವೆಂಕಟರಮಣ ದೇವಸ್ಥಾನ ಮಂಗಳೂರು ಹಾಜೆ ಆಡಳಿತ ಮೋಕ್ತೆಸರ ಕೆ. ಸತೀಶ್ ಪ್ರಭು ಆನಿ ಮಹೀಂದ್ರಾ ಮತ್ತು ಮಹೀಂದ್ರ ಹಾಜೆ ನಿವೃತ್ತ ಜಿ.ಎಂ. ಡಾ. ಪ್ರಕಾಶ್ ಕಾಮತ್ ಉಪಸ್ಥಿತ ಆಸತಾತಿ. ಜಿ. ಎಸ್. ಬಿ ಸೇವಾ ಸಂಘಾಚೊ ಅಧ್ಯಕ್ಷ ಡಾ. ಕೆ. ಮೋಹನ್ ಪೈ ಕಾರ್ಯಕ್ರಮಾಚೆ ಅಧ್ಯಕ್ಷ ಆಸತಲೆ ಮ್ಹಣು ತಾಂನಿ° ಕಳಯಲೆ°. ಖಜಾಂಚಿ ವಿಶ್ವನಾಥ ಭಟ್, ಸಹ ಕಾರ್ಯದರ್ಶಿ ಡಾ. ಎ. ರಮೇಶ ಪೈ, ಕೊಂಕಣಿ ಕಾರ್ಯಕ್ರಮಾಚೊ ಉಸ್ತುವಾರಿ ಎಂ. ಆರ್. ಕಾಮತ್ ಆನಿ ಪ್ರಭಂದಕ ಗುರುದತ್ತ ಉಪಸ್ಥಿತ ಆಶಿಲೆ.