ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್, ಸಂದೇಶ ಫಾಂವ್ಡೇಶನ್, ಮಾಂಡ್ ಸೊಭಾಣ್, ಕೊಂಕ್ಣಿ ಲೇಖಕ್ ಸಂಘ್, ಕರ್ನಾಟಕ, ಸಾಂ.ಲುವಿಸ್ ಕೊಲೆಜ್, ದಾಯ್ಜಿ ದುಬಾಯ್, ಮಂಗ್ಳುರ್ ಘಟಕ್, ಕೊಂಕ್ಣಿ ಭಾಷಾ ಮಂಡಳ್, ಕರ್ನಾಟಕ್ ಹಾಂಚ್ಯೆ ಜೋಡ್ ಮೆಳಿನ್ ಮಾಂಡುನ್ ಹಾಡ್ಲಲೆಂ ಸಾಹಿತಿ, ಪ್ರಕಾಶಕಿ, ಕೊಂಕ್ಣಿ ವಾವ್ರಾಡಿ ದೆವಾಧಿನ್ ಗ್ಲೇಡಿಸ್ ರೇಗೊ ಶೃದ್ಧಾಂಜಲಿ ಸಭಾ 26-6-2025 ವೆರ್ ಸಂದೇಶ ಫಾಂವ್ಡೇಶನಾಚ್ಯಾ ಸಭಾಸಾಲಾಂತ್ ಚಲ್ಲೆಂ. ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೊ ಅಧ್ಯಕ್ಶ್ ಶ್ರೀ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್ ಹಾಣೆಂ ಆಪ್ಲ್ಯಾ ಪ್ರಾಸ್ತಾವಿಕ್ ಉಲೊವ್ಪಾಂತ್ ತಿಚ್ಯಾ ಕೊಂಕ್ಣಿ ವಾವ್ರಾಚಿ ತೊಕ್ಣಾಯ್ ಕೆಲಿ. ಕೊಂಕ್ಣಿ ಸಾಹಿತ್ಯಾಚೆರ್ ತಿಕಾ ಆಸ್ಲಲಿ ಕಾಳ್ಜಿ, ಕೊಂಕ್ಣಿಚೆರ್ ತಿಕಾ ಆಸ್ಲಲೊ ಹುಸ್ಕೊ ವಾಖಣ್ಲೊ ಆನಿ ತಿಕಾ ಸಾಸಣ್ ವಿಶೆವ್ ಮಾಗ್ಲೊ. ತಶೆಂಚ್ ದೊಗಾಂ ಮ್ಹಾಲ್ಗಡ್ಯಾ ಬರೊವ್ಪ್ಯಾಂನಿ ಪಾಟಯಿಲ್ಲೆ ಸಂದೇಶ್ ಜಮ್ಲಲ್ಯಾಂಕ್ ವಾಚುನ್ ಸಾಂಗ್ಲೆ. ಉಪ್ರಾಂತ್ ಗ್ಲೇಡಿಸ್ ರೆಗೊಚ್ಯೆ ತಸ್ವಿರೆಕ್ ಫುಲಾಂಜಲಿ ಅರ್ಪಿಲಿ.

ಹ್ಯಾ ವೆಳಾ ಹಾಜರ್ ಆಸ್ಲಲ್ಯಾ ಕೊಂಕಣಿ ಸಾಹಿತ್ಯ್ ಅಕಾಡೆಮಿ ಸಾಂದೆ ಸಪ್ನಾ ಕ್ರಾಸ್ತಾ, ರೊನಿ ಕ್ರಾಸ್ತಾ ತಶೆಂಚ್ ಸಹಯೋಗ್ ದಿಲ್ಲ್ಯಾ ಸಂದೇಶ ಫಾಂವ್ಡೇಶನ್, ಮಾಂಡ್ ಸೊಭಾಣ್, ಕೊಂಕ್ಣಿ ಲೇಖಕ್ ಸಂಘ್, ಕರ್ನಾಟಕ್, ಕೊಂಕ್ಣಿ ಸಂಸ್ಥೊ ಸಾಂ. ಲುವಿಸ್ ಕೊಲೆಜ್, ದಾಯ್ಜಿ ದುಬಾಯ್ , ಮಂಗ್ಳುರ್ ಘಟಕ್ ಆನಿ ಕೊಂಕ್ಣಿ ಭಾಶಾ ಮಂಡಳ್, ಕರ್ನಾಟಕ್ ಹ್ಯಾ ಸಂಸ್ತ್ಯಾಂಚ್ಯಾ ಹುದ್ದೆದಾರಾಂನಿ ತಶೆಂಚ್ ಜಮ್ಲಲ್ಯಾ ಸರ್ವಾಂನಿ ತಿಚ್ಯೆ ತಸ್ವಿರೆಕ್ ಫುಲಾಂ ಭೆಟಯ್ಲಿಂ.
ಮಾಂಡ್ ಸೊಭಾಣ್ ಸಂಸ್ತ್ಯಾ ತರ್ಫೆನ್ ಮಾನೆಸ್ತ್ ರೊನಿ ಅರುಣ್ ಉಲೊವ್ನ್ ತಿಚ್ಯಾ ವೆಕ್ತಿತ್ವಾಚಿ ವಳಕ್ ಕರುನ್ ದಿಲಿ. ಕೊಂಕ್ಣಿಕ್ ದಿಲ್ಲ್ಯೆ ಸೆವೆ ಖಾತಿರ್ ತಿಣೆಂ ಸಗ್ಳೊ ಕೊಂಕ್ಣಿ ಸಮಾಜ್ ಆಪ್ಲೊ ಕರುನ್ ಘೆತ್ಲಾ ಮ್ಹಣಾಲೊ.

ಸಾಹಿತಿಕ್ ವಾವ್ರಾವಿಶಿಂ ಕೊಂಕ್ಣಿ ಲೇಖಕ್ ಸಂಘ್ ಕರ್ನಾಟಕ ಹಾಚ್ಯಾ ತರ್ಫೆನ್ ಮಾನೆಸ್ತ್ ಡೊಲ್ಫಿ ಕಾಸ್ಸಿಯಾ ಉಲೊವ್ನ್ ಕೊಂಕ್ಣಿ ಭಾಸ್ ಆನಿ ಸಾಹಿತ್ಯಾಚೆರ್ ಅಪಾರ್ ಆಸಕ್ತ್ ತಿಕಾ ಆಸ್‌ಲ್ಲಿ. ತ್ಯೆ ಆಸಕ್ತೆನ್ ಜೊಡ್ಲಲ್ಯಾಚ್ಯಾಕೀ ಚಡಿತ್ ಹೊಗ್ಡಾಯಿಲ್ಲಿ ಕೊಂಕ್ಣಿಂತ್ಲಿ ಏಕ್ ಅದ್ಬುತ್ ಲೇಕಿಕಾ ಮ್ಹಣಾಲೊ.

ಸಾಂ.ಲುವಿಸ್ ಕೊಲೆಜಿ ತರ್ಫೆನ್ ಮಾನೆಸ್ತ್ ಜೋಕಿಂ ಪಿಂಟೊ ವಾಮಂಜೂರ್ ಸಂಸೊದ್ ವಾವ್ರ್ ಕರ್ಪ್ಯಾಂಕ್ ಹಿಣೆಂ ಬರಯಿಲ್ಲಿಂ ಥೊಡಿಂ ಪುಸ್ತಕಾಂ ಉಪ್ಕಾರಾಚಿಂ ಜಾತಾತ್ ಮ್ಹಣಾಲೊ. ಪರ್ಗಾಂವಾಂತ್ ಆಸ್ತಾನಾ ತಿಣೆಂ ಸಾಹಿತಿಂಕ್ ದಿಲ್ಲಿ ಕುಮಕ್ ಆನಿ ಸಾಹಿತ್ಯಾಕ್ ದಿಲ್ಲೊ ವಾವ್ರ್ ಹ್ಯಾ ವಿಶಿಂ ಮಾನೆಸ್ತ್ ಹೆಮಾಚಾರ್ಯ ಉಲಯ್ಲೊ. ಆಪ್ಲ್ಯಾ ಉಲೊವ್ಪಾಂತ್ ತಿಣೆಂ ಕೊಂಕ್ಣಿ ಖಾತಿರ್ ಕೊಣಾಕೀ ನಾ ಮ್ಹಣ್ಲೆಂನಾ, ಇಸರ್ಲಲ್ಯಾಚ್ಯಾಕೀ ಚಡಿತ್ ದಿತಾಲಿ ಮ್ಹಣಾಲೊ.

ಕೊಂಕ್ಣಿ ಭಾಷಾ ಮಂಡಳಿ ತರ್ಫೆನ್ ಮಾನೆಸ್ತ್ ರೇಮಂಡ್ ಡಿಕುನ್ಹ ಉಲೊವ್ನ್ ಗ್ಲೇಡಿ ಬಾಯ್ ಬರೊವ್ಪಿಣ್, ಸಂಸೊದ್ಪಿ ಆನಿ ಸಂಘಟಕ್ ತಿನೀ ಜಾವ್ನಾಸ್‌ಲ್ಲಿ. ತಿಣೆಂ ಕೆಲ್ಲಿ ದಾಖಲಾತಿ ವಿಶೇಸ್. ಹರ್ಯೆಕ್ಲ್ಯಾಚ್ಯಾ ಉಪ್ಕಾರಾಕ್ ಪಡ್ಚ್ಯಾ ತಸಲಿ ಮ್ಹಣುನ್ ಆಪ್ಲಿಂ ಭೊಗ್ಣಾಂ ಉಚಾರ್ಲಿಂ.
ಐರಿನ್ ರೆಬೆಲ್ಲೊನ್ ಕಾರ್ಯೆಂ ಚಲೊವ್ನ್ ಉಪ್ಕಾರ್ ಆಟಯ್ಲೊ.

To Support Kodial Khaber click the following button.

गोंयांत पोर्चुगल आडळित प्रारंभ जालेले पयलेचि दक्षिण दिक्काक वलसे आयिले कोंकणी एक उलोवचे भास जावन वरिल्यान, मागशीचे पांच शतमान अवधिंतु भाषा शास्त्रीय जावनु दाखल जायनाशि नष्ट जावनु वत्त आसा. हें कारणा निमित्त हें कोंकणि जन गोंयचे प्रमाण बद्द कोंकणी ताकुनु दूर वरचे तशिं जालें. असलि एक विशिष्ट भाषा प्रबेध प्राकृताक लागि आसूनु मूल रूपाचे कोंकणि म्हणूनु घेता. विश्व कोंकणी केंद्र हें वावर करचाक कार्यप्रवृत्त जालां. त्या  खातिर एक होड प्रमाणाचे लेखन संग्रह  (टेक्श्ट कार्पस) तयार करचे योजना हातांत घेतलां अशिं विश्व कोंकणि केंद्राचे अध्यक्ष सि ए नंदगोपाल शेणै हान्नि कळयलें. हें भाषा कार्पस बद्दल आपयलें वाव्राडिंगेले पयले तरबेति सभेंत साबार इतले ल्हान ल्हान कुड्के लेखन द्वारि समकालीन भास, कला, संस्कृतीक दाकोवचे मुखांतर होड मट्टाचे लेखन संग्रह कशिं करयेत हाजे बद्दल माहिति दिलें. हें बद्दल विवरण डा बि देवदास पै हान्नि डिजिटल कार्पस नवीन बुद्दिमत्ताक अन्वय कशिं  आनि कितले अगत्य म्हळेले विचाराक विस्तार जावनु विवरिशिले. हें योजना सुमार एक वरस अवधिंत पूर्ण जात्तले.

To Support Kodial Khaber click the following button.

मंगळूरूच्या विश्व कोंकणी केंद्रांत दोन दिवसाचो राष्ट्रीय रवींद्र मनोहर जल्मशताब्दी उत्सव घडलो. महाराष्ट्र, गोंय, कर्नाटक आनी केरळ राज्यां सावन खूब अभिमानयों कार्यावळेंत जमलेले. “कोंकणीची अस्मिताय, गोंय सुटको, राज्यभाशा आंदोलन अशें सर्वाण्गींण सेवा दिल्लो महापुरुश रवींद्रबाब केळेकार सगळेय संसाराक आदर्श” अशें उग्तावणेंचो मुखैल सोयरो गोंय सरकाराचो राजभाशा संचालनालयाचो संचालक प्रशांत शिरोडकार हांनीं तांच्या उत्रांत म्हळ्ळें. विश्व कोंकणी केंद्राचो अध्यक्ष सीए नंदगोपाल शेणै हानीं येवकार दिल्लो.  पयलो दीस रवीन्द्रबाबाचो दीस म्हणु अड. उदय भेंब्रे हांचे बीजभाषण आनी कोंकणी भाशेक रवीन्द्रबाबांचे वेग वेगळ्यो क्षेत्रांता दिल्ली देणेचेर भासाभास घडली. मंगळूरच्या एम.ए. कोंकणीच्या छात्रांन तांची साहित्याचो विश्लेशण केलें. श्री गिरीश केळेकार आनी साहितिका शीला कोळंबकार मानाचे सोयरे आशिल्ले. दूसरे दीस मनोहर दर्शन कार्यावळेंत लोककवी मनोहरराय सरदेसाय हांचे गीतां विदुशी नंदिता पै हांचे निर्देशनांत शास्त्रीय संगीताचे माध्यामांत तशेंच गोंयचे नमुन्याचेर अनंत अग्नी हांचे निर्देशनांत प्रस्तुत जालीं. कोंकणी शिक्शिका ऐश्वर्या भट्ट आनी विद्यार्थिनी दिवा अनंत पै हांचे मुखैल्पणांत मनोहरबाबांचे २५ बालगीतां १४ बुर्गींयानी  वाचत केलीं. समारोप समारंभांत गोंय सरकाराचे राजभाशा संचालनालयाचो उपसंचालक श्री अनील सावंत मुखैल सोयरे आनी श्री सुनिल सरदेसाय, उमेश सर्देसाय आनी श्रीमती माया सरदेसाय मानाचि सोयरे आ्शिल्ले. माधव बोरकार हानीं बीज भाशण केल्लें. विश्व कोंकणी केंद्राचे सचिव डॉ. कस्तुरी मोहन पै, भांडारी बी.आर.भट्ट, उपाध्यक्ष डा. कीरण बुड्कुले, विलियम डीसोज आनी रमेश नायक, कार्यावळेंचो प्रमुख संचालक गोकुलदास प्रभु, विश्वस्थ मेल्विन रोड्रिगस, प्रशांत शेट,  एम.आर.कामत केंद्राचो कार्यवाहक डॉ. देवदास पै उपस्थित आशिल्ले. सुचित्रा शेणै आनी डॉ. विजयलक्ष्मी नायक, वेंकटेश बाळिगा हानीं सूत्रसंचालन केलें. साहित्य अकादमी विरचित दोनयांचे माहितीपटांचो प्रदर्शन जालो. 

To Support Kodial Khaber click the following button.

ಮಂಗ್ಳೂರೂಚ್ಯಾ ವಿಶ್ವ ಕೊಂಕಣಿ ಕೆಂದ್ರಾಂತ್ ದೊನ್ ದಿವ್ಸಾಚೊ ರಾಷ್ಟ್ರೀಯ್ ರವೀಂದ್ರ್ ಮನೊಹರ್ ಜಲ್ಮಶತಾಬ್ದಿ ಉತ್ಸವ್ ಘಡ್ಲೊ. ಮಹಾರಾಷ್ಟ್ರ್, ಗೊಂಯ್, ಕರ್ನಾಟಕ್ ಆನಿ ಕೆರಳ್ ರಾಜ್ಯಾಂ ಸಾವ್ನ್ ಖೂಬ್ ಅಭಿಮಾನಯೊಂ ಕಾರ್ಯಾವಳೆಂತ್ ಜಮ್ಲೆಲೆ.“ಕೊಂಕ್ಣೀಚಿ ಅಸ್ಮಿತಾಯ್, ಗೊಂಯ್ ಸುಟ್ಕೊ, ರಾಜ್ಯಭಾಶಾ ಆಂದೊಲನ್ ಅಶೆಂ ಸರ್ವಾಣ್ಗೀಂಣ್ ಸೆವಾ ದಿಲ್ಲೊ ಮಹಾಪುರುಶ್ ರವೀಂದ್ರಬಾಬ್ ಕೆಳೆಕಾರ್ ಸಗ್ಳೆಯ್ ಸಂಸಾರಾಕ್ ಆದರ್ಶ್” ಅಶೆಂ ಉಗ್ತಾವಣೆಂಚೊ ಮುಖೈಲ್ ಸೊಯ್ರೊ ಗೊಂಯ್ ಸರ್ಕಾರಾಚೊ ರಾಜ ಸಂಚಾಲನಾಲಯಾಚೊ ಸಂಚಾಲಕ್ ಪ್ರಶಾಂತ್ ಶಿರೊಡಕಾರ್ ಹಾಂನಿಂ ತಾಂಚ್ಯಾ ಉತ್ರಾಂತ್ ಮ್ಹಳ್ಳೆಂ. ವಿಶ್ವ್ ಕೊಂಕ್ಣಿ ಕೆಂದ್ರಾಚೊ ಅಧ್ಯಕ್ಷಸಿಎ ನಂದಗೋಪಾಲ್ ಶೆಣೈ ಹಾನಿಂ ಯೆವ್ಕಾರ್ ದಿಲ್ಲೊ.  ಪಯ್ಲೊ ದೀಸ್ ರವೀಂದ್ರಬಾಬಾಚೊ ದೀಸ್ ಮ್ಹಣು ಅಡ್ವೊ. ಉದಯ್ ಭೆಂಬ್ರೆ ಹಾಂಚೆ ಬೀಜಭಾಷಣ್ ಆನಿ ಕೊಂಕ್ಣಿ ಭಾಶೆಕ್ ರವೀಂದ್ರಬಾಬಾಂಚೆ ವೆಗ್ ವೆಗ್ಳ್ಯೊ ಕ್ಷೆತ್ರಾಂತಾ ದಿಲ್ಲಿ ದೆಣೆಚೆರ್ ಭಾಸಾಭಾಸ್ ಘಡ್ಲಿ. ಮಂಗ್ಳೂರ್ಚ್ಯಾ ಎಮ್.ಎ. ಕೊಂಕ್ಣೀಚ್ಯಾ ಛಾತ್ರಾಂನ್ ತಾಂಚಿ ಸಾಹಿತ್ಯಾಚೊ ವಿಶ್ಲೆಶಣ್ ಕೆಲೆಂ. ಶ್ರಿ ಗಿರೀಶ್ ಕೆಳೆಕಾರ್ ಆನಿ ಸಾಹಿತಿಕಾ ಶೀಲಾ ಕೊಳಂಬಕಾರ್ ಮಾನಾಚೆ ಸೊಯ್ರೆ ಆಶಿಲ್ಲೆ. ದುಸರ್ ದೀಸ್ ಮನೊಹರ್ ದರ್ಶನ್ ಕಾರ್ಯಾವಳೆಂತ್ ಲೋಕ ಕವಿ ಮನೊಹರರಾಯ್ ಸರ್ದೆಸಾಯ್ ಹಾಂಚೆ ಗೀತಾಂ ವಿದುಶಿ ನಂದಿತಾ ಪೈ ಹಾಂಚೆ ನಿರ್ದೆಶನಾಂತ್ ಶಾಸ್ತ್ರೀಯ್ ಸಂಗೀತಾಚೆ ಮಾಧ್ಯಾಮಾಂತ್ ತಶೆಂಚ್ ಗೊಂಯ್ಚೆ ನಮುನ್ಯಾಚೆರ್ ಅನಂತ್ ಅಗ್ನಿ ಹಾಂಚೆ ನಿರ್ದೆಶನಾಂತ್ ಪ್ರಸ್ತುತ್ ಜಾಲಿ. ಕೊಂಕ್ಣಿ ಶಿಕ್ಶಿಕಾ ಐಶ್ವರ್ಯಾ ಭಟ್ಟ್ ಆನಿ ವಿದ್ಯಾರ್ಥಿನಿ ದಿವಾ ಅನಂತ್ ಪೈ ಹಾಂಚೆ ಮುಖೈಲ್ಪಣಾಂತ್ ಮನೊಹರಬಾಬಾಂಚೆ 25 ಬಾಲ್ಗೀತಾಂ 14 ಬುರ್ಗೀಂಯಾನಿ  ವಾಚತ್ ಕೆಲಿಂ. ಸಮಾರೊಪ್ ಸಮಾರಂಭಾಂತ್ ಗೊಂಯ್ ಸರ್ಕಾರಾಚೆ ರಾಜ ಭಾಸ್ ಸಂಚಾಲನಾಲಯಾಚೊ ಉಪಸಂಚಾಲಕ್ ಶ್ರಿ ಅನೀಲ್ ಸಾವಂತ್ ಮುಖೈಲ್ ಸೊಯ್ರೆ ಆನಿ ಶ್ರಿ ಸುನಿಲ್ ಸರ್ದೆಸಾಯ್, ಉಮೆಶ್ ಸರ್ದೆಸಾಯ್ ಆನಿ  ಮಾಯಾ ಸರ್ದೆಸಾಯ್ ಮಾನಾಚಿ ಸೊಯ್ರೆ ಆಸಿಲ್ಲೆ. ಮಾಧವ್ ಬೊರ್ಕಾರ್ ಹಾನಿಂ ಬೀಜ್ ಭಾಶಣ್ ಕೆಲ್ಲೆಂ. ವಿಶ್ವ್ ಕೊಂಕ್ಣಿ ಕೆಂದ್ರಾಚೆ ಸಚಿವ್ ಡೊ. ಕಸ್ತುರಿ ಮೊಹನ್ ಪೈ, ಭಾಂಡಾರಿ ಬಿ.ಆರ್.ಭಟ್ಟ್, ಉಪಾಧ್ಯಕ್ಷ್ ಡಾ. ಕೀರಣ್ ಬುಡ್ಕುಲೆ, ವಿಲಿಯ್ಮ್ ಡೀಸೊಜ್ ಆನಿ ರಮೆಶ್ ನಾಯ್ಕ್, ಕಾರ್ಯಾವಳೆಂಚೊ ಪ್ರಮುಖ ಸಂಚಾಲಕ್ ಗೊಕುಲದಾಸ್ ಪ್ರಭು, ವಿಶ್ವಸ್ಥ್ ಮೆಲ್ವಿನ್ ರೊಡ್ರಿಗಸ್, ಪ್ರಶಾಂತ್ ಶೆಟ್,  ಎಮ್.ಆರ್.ಕಾಮತ್ ಕೆಂದ್ರಾಚೊ ಕಾರ್ಯವಾಹಕ್ ಡೊ. ದೇವದಾಸ ಪೈ ಉಪ್ಸ್ಥಿತ್ ಆಶಿಲ್ಲೆ. ಸುಚಿತ್ರಾ ಶೆಣೈ ಆನಿ ಡೊ. ವಿಜಯ ಲಕ್ಶ್ಮಿ ನಾಯ್ಕ್, ವೆಂಕಟೇಶ್ ಬಾಳಿಗಾ ಹಾನಿಂ ಸೂತ್ರಸಂಚಾಲನ್ ಕೆಲೆಂ. ಸಾಹಿತ್ಯ್ ಅಕಾದಮಿ ವಿರ್ಚಿತ್ ದೊನ್ಯಾಂಚೆ ಮಾಹಿತೀಪಟಾಂಚೊ ಪ್ರದ್ರ್ಶನ್ ಜಾಲೊ.

विश्व कोंकणी केंद्राचे  २०२५ वे  वरसाचे   डा पी.दयानंद पै विश्व कोंकणी रंग श्रेषट पुरसकाराक गुलवाडी रामदास दत्तात्रेय भट हानी विंचून आयलांती. ल्हान प्राया दाकुनुची नाटकक्षेत्राक आकरषीत जालेलो मानेसत गुलवाडी हानी आरतां मेरेन निरंतर  जावन (८) आट दशक मेरेन  सुदीर्घ जालेले हव्यासी रंगकलाचे  जिणेंत सांपरदायीक जालेले, विशेष  जावनू  पौराणीक नाटक (प्रचंड परशू, आत्मलिंग, संत ज्ञानेश्वर, तुलसी जलंदर)    मेक अप,  उजवाडू  दाकुनू, स्वंत नाटक रचना, अभिनय, निर्देशन सामर्थ्य सांगाताक मंगळूरा थावनू मुंबै मेरेन  नांव पाविले आसा. आरतां हानी गोयांत राबुनू आसाती. हांगेले नाटक क्षेत्रांतू  दिलेले वावरक  विश्व कोंकणी केंद्र, डा पी.दयानंद पै विश्व कोंकणी रंग श्रेषट पुरसकार दिवनू मान करताती. तशींची २०२५ने  वरसाचे डा पी.दयानंद पै भाषानुवाद पुरसकाराक डा गीता शेणै   हानी विंचून आयलांती. डा गीता शेणै हानी वचन  साहित्य, कनकदासालो  समग्र साहित्य, कुवेंपू साहित्य  असले बृहत बहुभाषा अनुवाद काऱ्यं, नंता २१ कोंकणी काणियो,   कादंबरी सकड  कन्नडाक , ४ कन्नड कृती कोंकणीक, १६  इंगलीष कृती कन्नडाक अनुवाद केलेले आसा तांगेले सुमार (३०० ) तिनशीं  स्व लेखन, अनुवाद केलेले लेखन प्रकट जालेले आसा. कोंकणी साहित्य भंडार कन्नडिगांक परिचयिसुनू दिवचे डा गीता शेणै हांगेली भाषांतर सेवा मान्वून घेवनू,  विश्व कोंकणी केंद्राचे  २०२५ वे वरसाचे  डा. पी. दयानंद पै विश्व कोंकणी  अनुवाद पुरसकार  दिवनू मान करताती.    

२ प्रशसती, एक लाखह  रुपयो, फलक, सन्मान  श्रीफळ, शाल आसुनू, हें दोनीय प्रशसतियों ०८ तारीक फेबरवरी २०२५  टी.वी.रमण पै सभागृह  हांगा संजेवेळा चलचे विश्व कोंकणी नाटकोत्सव समारंभा वेळारी प्रदान करचे आसा.

To Support Kodial Khaber click the following button.

ಮಂಗಳೂರು: "ಸಕಾರಾತ್ಮಕ ಉದ್ದೇಶ ಆಸಲ್ಯಾರಿ ದೇವಾಲಿ ದಯಾ ಆನಿ ಆಶೀರ್ವಾದ ಜರೂರ ಮೇಳತಾ. ಹಾಕಾ ಎಸ್. ವಿ. ಟಿ. ಮ್ಯಾಟ್ ಫ್ರೆಂಡ್ಸ್ ಸಾಕ್ಷಿ" ಮ್ಹಣು ಮ್ಹಾಲ್ಗಡೊ ವಕೀಲ್ ಕೆ. ಪಿ. ವಾಸುದೇವ್ ರಾವ್ ಹಾಂನಿ° ಸಾಂಗಲಾ°. ಪಂದ್ರಾ ವಾಕ್ ಶ್ರವಣ ಯಂತ್ರ ದಿವಚೊ ಉದ್ಧೇಶ ದವರೂನ ಆಯೋಜಕಾನಿ ಮಾಕಾ ಸಂಪರ್ಕ ಕರತನಾ ಸಾಂಗಿಲೆ°. ಆಜಿ 25 ಶ್ರವಣ ಯಂತ್ರ ದೀತಾ ಆಸಚೆ° ಹ್ಯಾ ಸಂಸ್ಥೆ ವಯರಿ ಲೋಕಾನ ದವರಲೆಲೊ ವಿಶ್ವಾಸ ದಾಕಯತಾ ಮ್ಹಣು ಮಾನಾಚೊ ಸೊಯ್ರೊ ಸೇವ್ ಲೈಫ್ ಚಾರಿಟೇಬಲ್ ಟ್ರಸ್ಟ್ ಹಾಜೊ ಮುಖೆಲಿ ಅರ್ಜುನ್ ಭಂಡಾರ್ಕರ್ ಹಾಂನಿ° ಸಾಂಗಲೆ°. ಸಕಾಳಿ ಜಿ. ವೈಕುಂಠ ಭಟ್ ಆನಿ ಹೇರ ವೈದಿಕಾನಿ ನವಗ್ರಹ ಹವನ ಆನಿ ರಾತಿ ವಿಶೇಷ ಪ್ರಾಥನಾ ಕರನು ಸಾರ್ವಜನಿಕ ಶನೈಶ್ಚರ ಪೂಜಾ ಕೆಲಿ. ಎಂಡೋಸಲ್ಫಾನ್ ನಿಮಿತ ದುಬಾವಾರಿ ಆಸಚೆ ಎಕ ಕುಟುಂಬಾಕ ವೀಸ ಹಾಜಾರೊ ರುಪಯೊ ದಿವಚೆ° ಜಾಲೆ°. ಉಪರಾಂತ ಶ್ರೀ ಲಲಿತೆ ಪಂಗಡಾ ತಾವನ "ಶನಿ ಮಹಾತ್ಮೆ" ಮ್ಹಳೆಲೆ ಪೌರಾಣಿಕ ತುಳು ನಾಟಕಾಚೆ ಪ್ರದರ್ಶನ ಜಾಲೆ°. ಸಂದ್ಯಾ ಆನಿ ವಿಜಯಲಕ್ಷ್ಮಿ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಗೌರವದ್ಯಕ್ಷ ಎಂ. ವಾಮನ್ ಪೈ, ಆದಲೊ ಅಧ್ಯಕ್ಷ ಅರುಣ್ ಪಡಿಯಾರ್, ವಿನೋದ್ ಕಾಮತ್, ಅಧ್ಯಕ್ಷ ವೆಂಕಟ್ರಾಯ ಶೆಣೈ ಆನಿ ಸಾಂದೊ ಅರುಣ್ ಡಿ ರಾವ್ ಉಪಸ್ಥಿತ ಆಶಿಲೆ. ಪ್ರತಿಕ್ಷಾ ಭಟ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಕೇದಾರ್ ಶೆಣೈನ ಆಭಾರ ಮಾನಲೊ.

To Support Kodial Khaber click the following button.

कोडियाल: “कोंकणी समाजाक कोंकणी भासच आमगेली अस्मिताय आनी विश्वास, आयच्या जगांत आमची आवय भास कोंकणी तर उरल्यार आमचो समाज आसता नासल्यार समाज दूसरे समाजांत विलीन जाता. त्या खातीर विश्व कोंकणी केंद्राचो कोंकणी कार्यावळां आपण्याक खूब आवडता”. अशें गोंयचो फ़ोमेंटो उद्देमीक समूहाचो अध्यक्ष भोमानेस्त अवधूतबाब तिंबलो हांनी म्हळ्ळें. ते विश्व कोंकणी केंद्रांत घडलेल्या ‘कोंकणी समारोह २०२४’ दबाज्यांत मुखैल सोयरो जावन टी. विमला वी पै विश्व कोंकणी साहित्य पुरस्कार आनी बस्ती वामन शेणै सॆवा पुरस्कार प्रदान करून आपण्याले उत्रांत तानीं सांगलें. कोंकणीचे प्रसरणाचे काम ‘मळबांत विध्यापीठ’ म्हळ्यार आधुनिक तंत्रज्ञान वापुरून करूक जाय म्हणु सल्ला दिल्ली. फ़ा. मोहिजिनो दे आताइद हांका जीवन सिद्धी सम्मान, प्रकाश डी नायक हांका कविता कृती पुरस्कार, सेवा भारती संस्थेक आनी श्रीमती वीणा अडिगे हांका बस्ती वामन शेणै सेवा पुरस्कार प्रदान केल्लो. मेघा पैन कोंकणी अभीमान गीत गायलो, अध्यक्ष सीऎ नंदगोपल शेणै हानी येवकार दिलो. विश्व कोंकणी केंद्राच्या गौरवाध्यक्ष डॉ. पी दयानंद पै आनी टी.वी.मोहन्दास पै हांचो संदॆश प्रसार जालो. कर्नाटक राज्योत्सवाचो जिल्ला प्रशस्ती फ़ावो जालेल्या विश्वस्थ विलियम डी’सौजा हांका अभिनंदन पेटौन सम्मान जालो. कोंकणी भास बरौव्पाचे सर्तांत मंग्ळूरच्या नलंदा आंग्ल माध्यम शाळेचो गगन भट्ट आनी गोंयचो अक्षय प्रकाश नायक हांका भोवमान मुखैल सोयर्यान दिलो. तांचे धन्यवादाचे उत्रांत विश्व कोंकणी केंद्राचो गौरव सचीव डा. कस्तूरी मोहन पै हांनीं गोंय सावन थळांतर आयिल्या कर्नाटक आनी केरळ लोकानी कोंकणी भास कशें दवरून घेतली आनी ताची उदरगत कशें केल्ली म्हणुन सांगलें आनी सोयर्यांक धन्यवाद सांगलें आनी देव ब्रे करूं म्हळाले. कार्यावळेंत तीन उपाध्यक्ष गील्बर्ट डी’सौज़ा, कुड्पी जगदीश शेणै, डॉ. कीरण बुडुकुले, गौरव खजांची बी.आर.भट्ट, विश्वस्थ रमेश नायक, मेल्वीन रोड्रिगस,शकुंतला कीणी, वतीका पै, विलीयम डी’सौज़ा, नारायण नायक उपस्थीत आशील्ले. स्मीता शेणै आनी सुचित्रा शेणै हानीं कार्यावळेची सूत्र संचालन केलें. केरळ, कर्नाटक, गोंय आनी महारास्ट्र सावन खूब प्रतिनीधी आशिल्ले.    

To Support Kodial Khaber click the following button.

ಮಂಗಳೂರು: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿನ ಹರ ವರಸ ಕೊಂಕಣಿ ಸಾಹಿತ್ಯ, ಕಲಾ, ಜಾನಪದ ಕ್ಷೇತ್ರಾಂತ ಸಾಧನಾ ಕೆಲೆಲೆ ಮ್ಹಾಲ್ಗಡೆಂಕ ವಿಂಚೂನ ಗೌರವ ಪ್ರಶಸ್ತಿ ಆನಿ ಕೊಂಕಣಿ ಕವನ, ಸಾನ ಕಾಣಿಯೊ, ಕಾದಂಬರಿ, ಲೇಖನ ಆನಿ ಭಾಷಾಂತರ ಪುಸ್ತಕಾಂಕ ಪುಸ್ತಕ ಪುರಸ್ಕಾರ ದಿವಚೊ ಕಾರ್ಯಕ್ರಮ ಹ್ಯಾ ವರಸ ನವೆಂಬರ್ 10ಕ ಹೊನ್ನಾವರಚೆ ಕಾಸರಕೋಡಾಚೆ ಶ್ಯಾನಭಾಗ್ ರೆಸಿಡೆನ್ಸಿಚೆ ವಠಾರಾಂತ ಚಲಚೆ ಆಸಾ.
ಗೌರವ ಪ್ರಶಸ್ತಿಯೊ ಹಾಂಕಾ° ಫಾವೊ ಜಾತಾ.
ಕೊಂಕಣಿ ಸಾಹಿತ್ಯ: ಮಾರ್ಸೆಲ್ ಎಮ್. ಡಿಸೋಜ, ಮಂಗಳೂರು,
ಕೊಂಕಣಿ ಕಲಾ: ಹ್ಯಾರಿ ಫೆರ್ನಾಂಡಿಸ್, ಮುಂಬಯಿ,
ಕೊಂಕಣಿ ಜಾನಪದ: ಅಶೋಕ್ ದಾಮು ಕಾಸರಕೋಡ್.
ಪುಸ್ತಕ ಪುರಸ್ಕಾರ:
ಕೊಂಕಣಿ ಕವನ : "ಅಟ್ವೊ ಸುರ್" - ಮೇರಿ ಸಲೋಮಿ ಡಿಸೋಜ, ಬಂಟ್ವಾಳ
ಕೊಂಕಣಿ ಸಾನ ಕಾಣಿಯೊ: "ಪಯ್ಲಿ ಭೆಟ್" - ಫಾ.ರೊಯ್ಸನ್ ಫೆರ್ನಾಂಡಿಸ, ಹಿರ್ಗಾನ್
ಕೊಂಕಣಿ ಭಾಷಾಂತರ: "ಎಕ್ಲೊ ಎಕ್ಸುರೊ" - ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ), ಮಂಗಳೂರು
ಗೌರವ ಪ್ರಶಸ್ತಿ ಸಾಂಗತ ರೂ. 50,000/-ನಗದ, ಪ್ರಮಾಣ ಪತ್ರ, ಶಾಲ, ಹಾರ, ಪೇಟ, ಸ್ಮರಣಿಕಾ, ಫಲಪುಷ್ಪ ಆಸತಾ.
ಪುಸ್ತಕ ಪುರಸ್ಕಾರಾಚೆ ಸಾಂಗತ ರೂ.25,000/- ನಗದ, ಪ್ರಮಾಣ ಪತ್ರ, ಶಾಲ, ಹಾರ, ಸ್ಮರಣಿಕಾ, ಫಲಪುಷ್ಪ ಆಸತಲೆಂ.
ಕರ್ನಾಟಕ ಸರ್ಕಾರಾಚೊ ಮೀನುಗಾರಿಕೆ, ಬಂದರು ಮತ್ತು ಒಳನಾಡು ಜಲಸಾರಿಗೆ ಆನಿ ಉತ್ತರ ಕನ್ನಡ ಜಿಲ್ಲೆಚೊ ಉಸ್ತುವಾರಿ ಮಂತ್ರಿ ಮಂಕಾಳ ಎಸ್. ವೈದ್ಯ ಹಾಂನಿ° ಪ್ರಶಸ್ತಿ ಪ್ರದಾನ ಕರತಾತಿ. ಶಾಸಕ ಸತೀಶ್ ಸೈಲ್, ಕುಮಟ-ಹೊನ್ನಾವರ ಶಾಸಕ ದಿನಕರ ಶೆಟ್ಟಿ, ಕಾಸರಕೋಡು ಪಂಚಾಯತ ಅಧ್ಯಕ್ಷಾ ಮಂಕಾಳಿ ಪ್ರಕಾಶ್ ಹರಿಜನ್ ಆನಿ ಹೇರ ಮಾನಾಚೆ ಸೊಯ್ರೆ ಆಸತಲೆ ಮ್ಹಣು ಅಕಾಡೆಮಿಚೆ ಕಳವಣಿಂತು° ಸಾಂಗಲಾ°.

ಮಂಗಳೂರು: ನವಾರಾತ್ರಿ ಶುರು ಜಾಲ್ಯಾ. ರಸ್ತೆ ಸಗಟ ಶೃಂಗಾರಾನ ಪರಜಳತಾ ಆಸಾತಿ. ರಥಬೀದಿಚೆ ಆಚಾರ್ಯ ಮಠಾಚೆ ಸಾರ್ವಜನಿಕ ಶಾರದಾ ಉತ್ಸವ ಆರಂಭ ಜಾವನು 102 ವರಸ ಜಾಲ್ಯಾಂತಿ. ಕುದ್ರೊಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಾಂತು ಶಾರದಾ ಉತ್ಸವ ಶುರು ಜಾವನು 35 ವರಸ° ಜಾಲ್ಯಾಂತಿ. ಸಾಬಾರ ವರಸ ದಾಕೂನ ಮಂಗಳೂರು ದಸರ ಮ್ಹಣೂನ ಘೆವಚೆ ಹ್ಯಾ ಉತ್ಸವ ಆಜಿ ರಾಜ್ಯ ಭರ ದಾಕೂನ ಭಜಕಾಂಕ ಮಂಗಳೂರಾಕ ತಾಂಡೂನ ಹಾಡತಾ ಆಸಾ. ಈತಿಹಾಸ ಪ್ರಸಿದ್ಧ ಶ್ರೀ ಮಂಗಳಾದೇವಿ ದೇವಳಾಂತೂಯಿ ಆದಿ ದಾಕೂನ ಜಾತ್ರಾ ಹ್ಯಾಚ ವೇಳಾರ ಚಲಚೆ° ಆಸಾ. ಮಂಗಳೂರ ಮ್ಹಣು ನಾಂವ ಆಯಿಲೆ° ಹ್ಯಾಚ ದೇವಿಲೆ ನಿಮಿತ ಮ್ಹಣು ಸಾಂಗತಾತಿ. ಕೊಡಿಯಾಲ ಖಬರ ತುಮಕಾ ಹ್ಯಾ ಬದಲ ವಿಶೇಷ ಮಾಹಿತಿ ದಿವಚೆ° ಕರತಾ ಆಸಾ. ನಾವಾದೀಕ ಫೋಟೊಗ್ರಾಫರ ಕೃಷ್ಣ ನಾಯಕ ಹಾಂನಿ ತಾಂಗೆಲೆ ಕ್ಯಾಮಾರಾಂತು ಧರಲೆಲೆ ಥೋಡಿ° ತಸ್ವಿರಾ° ಹಾಂಗಾ ಪ್ರಕಟ ಕೆಲ್ಯಾಂತಿ. ಮಂಗಳೂರಚೆ ರಸ್ತೆಚೊ ಶೃಂಗಾರ, ದೇವಳಾ ಮುಕಾರಚೆ ದೃಶ್ಯ°, ದಸರಾಚೆ ವೇಸ, ಸಾಂತ ಆಶೆ° ಖೂಬ ತಸ್ವಿರ° ತಾಣೆ ದಾಡಿಲೆ° ಆಸಾ. 

ಮಂಗಳೂರು: ಶಕ್ತಿ ಪಿ. ಯು. ಕಾಲೇಜಾಂತು° ಉಪನ್ಯಾಸಕ ಜಾವನು ಸೇವಾ ದಿವನು ಆಸಚೆ ಸಬಿತಾ ರಂಜಿತ್ ರಾವ್ ಹಾಂಕಾ° ಆರತಾ° ಘಡಲೆಲೆ ಸ್ಪರ್ಧೇಂತು ಮಿಸಸ್ ಕರ್ನಾಟಕ ಕ್ಲಾಸಿಕ್ - 2024  ಪುರಸ್ಕಾರ ಲಾಭಲಾ. ಹಾಜೇನ ಡಿಸೆಂಬರ್ ಮ್ಹಯನ್ಯಾಂತು° ರಾಜಸ್ಥಾನಾಚೆ ಜೈಪುರಾಂತು° ಘಡಚೆ ರಾಷ್ಟ್ರೀಯ ಸ್ಥರಾಚೆ ಮಿಸಸ್ ಇಂಡಿಯಾ ಕ್ಲಾಸಿಕ್ ಸ್ಪರ್ಧೇಂತು° ವಾಂಟೊ ಘೆವಚೊ ಅವಕಾಶ ಹಾಂಕಾ° ಮೆಳಾ. ದೋನ ಚೆರಡುವಾಂಲಿ ಆವಸು ಜಾವನು ಆಸಚೆ ಹಾಂನಿ° ಜೆ.ಸಿ.ಐ ಇಂಪಾಕ್ಟ್ ಆನಿ ಸಾಧನಾ ಬಳಗ ಮಂಗಳೂರು ಹಾಜೆ ಸದಸ್ಯ ಜಾವನೂಯಿ ಆಸಾತಿ. ಹ್ಯಾ ಪಯಲೆ° ಮಂಗಳೂರಾoತು° ಘಡಲೆಲೆ ಸ್ಫರ್ಧೇಂತು° ಹಾಂನಿ° ವಿಜೇತ ಜಾಲ್ಯಾಂತಿ. ಬಿ.ಎಸ್ಸಿ, ಬಿ. ಎಡ್, ಎಂ.ಎ (ಎಡುಕೇಶನ್), ಪಿ.ಜಿ. ಡಿ.ಸಿ (ಕೌನ್ಸೆಲಿಂಗ್) ಆನಿ ಎಂ. ಎ (ಹಿಂದಿ) ಪದವೀದರಾ ಜಾವನು ಆಸಾತಿ. ಪ್ರತಿಭಾಶಾಲಿ ಜಾವನು ಆಸಚೆ ಹಾಂನಿ° ಕೊಂಕಣಿ ನಾಟಕ "ಘೊಟಾಳೊ" ಹಾಂತು ನಟನ ಕೆಲೆಲೆ° ಆಸಾ.

मंगळूरु: मंगळूरच्या विश्व कोंकणी केंद्रांत कोंकणी मान्यताय दीसाचो सुवाळ्यांत मंगळूरु विद्यापीठांत ७ एम.ये कोंकणी शिकपीयांक आनी तीन शिकोवप्यांक रू. १०००० चे भोमान केंद्राच्या तर्पेन अध्यक्ष नंदगोपाल शेणै आनी तांची घरकार्णी श्रीमती उषा शेणै दंपतीन फ़ावो केलो. सुवाळ्यांत कर्नाटकाच्या हळियाळ प्रांथाचे श्रीमती लक्ष्मी सिद्धी आनी पंगडान ‘सिद्धी नाच आनी बजपेच्या मोहन गौडा-शेखर गौडा हांचे पंगडान कुडुमी गुमट आनी तोनया खेळाचे झलक दाखयलो. तांका केंद्राच्या तर्पेन भोमान जालो. श्रीमती सबीता मरोळी कामत हांचे मुखैलपणांत ‘लग्नांचो होवियो’ प्रदर्शन दिल्लें. केंद्राचो गौरव सचीव डा. कस्तुरी मोहन पै हांनी मान्यताय दीसाचो महत्व, गोंय आनी मंगळूराचे कोंकणी संबंधाचेर म्हायती दिल्ली. सिद्धी समाजाचे मुखैल बोस्त्याम सिद्धी हांचे भावचित्र तांच्या धर्म पतीन आनी कुटुमाच्यान कोंकणी कीर्ती मंदिरांत अनावरण केलें. सुवाळ्यांत केंद्राच्या दोन उपाध्यक्ष गिल्बर्ट डीसोझ आनी कुडुपी जगदीश शेणै हांका सम्मान जालो. श्रीमती सुचित्रा शेणाय हांनी कार्यावळेचें सूत्र संचालन केलें आनी श्रीमती सुचित्रा नायक हांनी संघटन केलो. खजांची बी.आर.भट्ट. विश्वस्थ रमेश नायक, शकुंतला किणी हांनी सभा मांडयलो. आडळीत अधिकारी डा. देवदास पै हांनी उपकार मागुन देवबरे करूं म्हळ्ळें.