ಮಂಗಳೂರು : ಮಾಕ್ಷಿಚೆ ಚಾರ ದಶಕಾ ದಾಕೂನ ಕೊಂಕಣಿ ಭಾಸ್ ಆನಿ ಸಂಸ್ಕೃತಿಚಿ ಸೇವಾ ದೀವೂನ ಆಸಚೆ ಕೊಂಕಣಿ ಸಾಂಸ್ಕೃತಿಕ ಸಂಘ ಹಾಂನಿ° ಆರತಾ° "ಫೂಲ್ ಕುಂಕುಮ್" ಕಾರ್ಯಕ್ರಮ ಘಡೋನ ಹಾಡಲೊ. ಶ್ರೀ ಸುಧೀಂದ್ರ ಸಭಾಭವನಾಂತ ಚಲಲೆ ಹ್ಯಾ ಕಾರ್ಯಕ್ರಮಾಚೆ ಉಗ್ತಾವಣ ಉಷಾ ನಂದಗೋಪಾಲ ಶೆಣೈ ಹಾಂನಿ° ದೀವೊ ಲಾವನು ಕೆಲೆ° ಆನಿ ಶುಭಾಷಯ ಪಾಟಯಲೊ. ಮಾನಾಚೊ ಸೊಯ್ರೆ ಜಾವನು ಚಲನಚಿತ್ರ ನಟ ನಿರ್ದೇಶಕ ರಂಗಕರ್ಮಿ ಕಾಸರಗೋಡು ಚಿನ್ನ, ಸಿಎ. ಪಿ. ನರೇಂದ್ರ ಪೈ, ತ್ರಾಯಿ ಜಯುವೆಲ್ರ‍್ಸ್ ಹಾಜಿ ನಿರ್ದೇಶಕಿ ಶ್ರದ್ಧಾ ಸುಬ್ರಾಯ ಪೈ ಉಪಸ್ಥಿತ ಆಶಿಲಿಂಚಿ. ಹ್ಯಾಚ ಸಂದರ್ಭಾರ ಸಮಾಜ ಸೇವಕಿ ಗಾಯತ್ರಿ ಮಂಜುನಾಥ್ ಕಾಮತ್ ಆನಿ ಜಿ.ಎಸ್.ಬಿ ಮಹಿಳಾ ವೃಂದಾಚಿ ಅಧ್ಯಕ್ಷಾ ವಿಜಯಲಕ್ಷ್ಮೀ ಪಿ. ಕಾಮತ್ ಹಾಂಕಾ° ವ್ಹಂಟಿ ಭರನು ಸನ್ಮಾನ ಚಲೊ. ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ಟಾನ ಸ್ವಾಗತಾಚೆ ಉತ್ರ° ಸಾಂಗಲಿ°. ಶ್ವೇತಾ ಕಾಮತಾನ ಅಭಿಮಾನ ಗೀತ ಗಾಯಲೆ°. ವಿದ್ಯಾ ಬಾಳಿಗಾನ ಸೂತ್ರವ ಸಂಚಾಲನ ಕೆಲೆ°. ರಂಜಿತ ಶೆಣೈ ಆನಿ ಪ್ರತಿಮಾ ನಾಯಕ್ ಸನ್ಮಾನಿತಾಲೆ° ವಳಕ ಕರನು ದಿಲೆ°. ಕಾರ್ಯದರ್ಶಿ ಸುವರ್ಣಿ ಪಡಿಯಾರಾನ ಆಬಾರ ಮಾನಲೊ. ಉಪಾಧ್ಯಕ್ಷಾ ವೀಣಾ ಕಾಮತ್, ಗೀತಾ ಸಿ. ಕಿಣಿ, ಜನಾರ್ಧನ ಸವನಾಳ್, ವೆಂಕಟೇಶ ಬಾಳಿಗ ಮಾವಿನಕುರ್ವೆ, ರತ್ನಾಕರ ಕುಡ್ವ ಆನಿ ಹೇರ ಉಪಸ್ಥಿತ ಆಶಿಲೆ.

ಸಭಾ ಕಾರ್ಯಕ್ರಮಾಚೆ ಉಪರಾಂತ ಪ್ರಭಾ ಭಟ್ ಹಿಣೆ ಬರೋವನು ಮುರಳೀಧರ ಕಾಮತ್ ಗುರುಲೀಲಾನ ನಿರ್ದೇಶನ ಕರನು, ಮುರಳೀಧರ ಕಾಮತ್ ಕೊಂಚಾಡಿ ಹಾಣೆ ಸಂಗೀತ ನಿರ್ದೇಶನ  ಕೆಲೆಲೆ ಕೊಂಕಣಿ ಪ್ರಹಸನ "ಸವಾಯಿ ಬುದ್ದವಂತಾಲೊ ಸಂಘಚೋ ರೂಪ್ಯಾಳೋ ಮಹೋತ್ಸವ್" ಹಾಜೆಂ ಪ್ರದರ್ಶನ ಜಾಲೆ°. 

To Support Kodial Khaber click the following button.

ಮಂಗಳೂರು : ಮಾಕ್ಷಿಚೆ ಚಾರ ದಶಕಾ ದಾಕೂನು ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ಕರೂನ ಆಸಚೆ ಹಾಂಗಾಚೆ ಕೊಂಕಣಿ ಸಾಂಸ್ಕೃತಿಕ ಸಂಘ ಹಾಂನಿ° ಅ.23ಕ "ಕೊಂಕಣಿ ಮಾನ್ಯತಾಯ್ ದಿವಸ" ಆಚರಣ ಕೆಲೊ. ಕೆನರಾ ಶಾಳೆಚೆ ಶ್ರೀ ಸುಧೀಂದ್ರ ಸಭಾಭವನಾಂತು° ಚಲೆಲೆ ಹ್ಯಾ ಕಾರ್ಯಕ್ರಮಾಚೆ ಉಗ್ತಾವಣ ಶಾಸಕ ಡಿ. ವೇದವ್ಯಾಸ ಕಾಮತ್ ಹಾಂನಿ° ದೀವೊ ಲಾವನು ಕೆಲೊ. "ಕೊಂಕಣಿ ಎಕಿ ಸಮೃದ್ಧ ಭಾಸ. ವೆಗವೆಗಳೆ ಧರ್ಮಾಚೆ ಆನಿ ವ್ಹಿಂಗವ್ಹಿoಗಡ ಪಂಗಡಾಚಾಲಿ ಮಾತೃಭಾಸ ಜಾವನು ಆಸಾ. ಮ್ಹಾಲ್ಗಡೆಲೆ ನಿಸ್ವಾರ್ಥ ಸೇವೆಚೆ ನಿಮಿತ ಆಮಗೆಲೆ ಭಾಶೆಕ ಸರ್ವ ಸ್ಥಾನಮಾನ° ಮೆಳ್ಯಾಂತಿ. ತೆ° ವರೋನ ಹಾಡಚಿ ಜಬಾಬ್ದಾರಿ ಆಮಗೆಲಿ ಜಾವನು ಆಸಾ. ಆಮಿ ಸಗಟಾನ ಮೇಳನು ತೆ° ಕರೂಂಕ ಜಾಯ" ಮ್ಹಣು ತಾಣೆ ಸಾಂಗಲೆ°.
ಎಸ್ ಎಲ್ ಶೇಟ್ ಜ್ಯುವೆಲ್ಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೊ ಮಾಲಕು ಪ್ರಶಾಂತ್ ಶೇಟ್ ಮುಖೇಲ ಸೊಯ್ರೆ ಆಶಿಲೆ. "ಮೆಗೆಲೊ ಬಾಪೂಸು ದೇವಾದಿನ ಎಂ. ರಘುನಾಥ್ ಶೇಟ್ ಹಾಂನಿ° ಕೊಂಕಣಿ ಭಾಸೆಚೆ ಝುಜಾಂತು° ಮುಕಾರ ಆಶಿಲೆ. ತಾಂಗೆಲೆ ಮಾರ್ಗದರ್ಶನಾಚೆ ವಾಟೆರಿ ಕೊಂಕಣಿ ಭಾಶೆಚಿ ಸೇವಾ ಕರಚಾಂತು° ಹಾಂವ° ಆಸತಲೊ. ಜಾತಿ ಮತ ಭೇದ ಕರನಾಶಿ° ಆಮೀ ಸಗಟ ಮೇಳನು ಮಾತೃಬಾಸ ಕೊಂಕಣಿಚಿ ಸೇವಾ ಕರೂಯಾ°" ಮ್ಹಣು ತಾಣೆ ಉಲೋ ದಿಲೊ.
ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಎನ್. ಬಾಳಿಗಾ ಹಾಂನಿ° ಕೊಂಕಣಿ ಮಾನ್ಯತಾ ದೀಸಾಚೊ ಸಂದೇಶ ದಿಲೊ. "ಸರಕಾರಾನಿ ಆಮಗೆಲೆ ಭಾಶೆಕ ದಿವಕಾ ಜಾಲೆಲೆ ಸಗಟ ಮಾನ್ಯತಾಯ ದಿಲೆಲೆ ಆಸಾ. ದೇಶಾಚೆ ಸಂವಿಧಾನಾಚೆ 8ವೇ ವಳೇರಿಂತು° ಸ್ಥಾನ, ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ ಮಾನ್ಯತಾ, ಶಾಳಾ ಕಾಲೇಜಾಂತು° ಕೊಂಕಣಿ ಶಿಕ್ಷಣ, ಕೊಂಕಣಿ ಎಂ. ಎ. ಕರಚಾಕ ಅವಕಾಶ, ಜ್ಞಾನಪೀಠ ಪ್ರಶಸ್ತಿ, ಸರಸ್ವತಿ ಸಮ್ಮಾನ ಅಶೆ° ಸರ್ವ ಮಾನ್ಯತಾ ಆಮಗೆಲಿ ಮಾತೃಭಾಸ ಕೊಂಕಣಿಕ ಮೆಳೆಲಿ ಆಸಾ. ಆಜಿ ಆಮಿ ಕೊಂಕಣಿ ಶಿಕ್ಷಣಾಕ ಚಡ ಮಹತ್ವ ದಿವಚೆ° ಗರಜೆಚೆ° ಆಸಾ. ಬರೊವಚೆ ಆನಿ ವಾಚೂಚೆ° ಕರನಾಶಿ° ಖಂಚೆಯಿ ಭಾಸ ವರನಾ" ಮ್ಹಣು ತಾಣೆ ಸಾಂಗಲೆ°.
ಹ್ಯಾಚ ಕಾರ್ಯಕ್ರಮಾಂತು° ಸಂಘಾಚೊ ಸಂಸ್ಥಾಪಕ ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂಗೆಲೆ ಸಂಸ್ಮರಣ ಜಾಲೆ°. ಸ್ಥಾಪಕ ಸಾಂದೊ ಸವನಾಳ ಜನಾರ್ಧನ ರಾವ್ ಹಾಂನಿ ಸ್ಥಾಪಕಾಲೆ° ಗುಣಗಾನ ಕೆಲೆ°. ಸ್ಥಾಪಕಾಲೆ ಕುಟುಂಬೆ ತರಪೇನ ಸೂನ ಮಿತ್ರಾ ಪ್ರಭು ಉಪಸ್ಥಿತ ಆಶಿಲಿ. ಕೆನರಾ ಹೈಸ್ಕೂಲ್ ಅಸೋಸಿಯೇಷನಾಚೊ ಸಿ. ಎ. ವಾಮನ್ ಕಾಮತ್ ಆನಿ ಉದ್ಯಮಿ ಯಜ್ಞವಂತ ಪೈ ಮಾನಾಚೆ ಸೊಯ್ರೆ ಆಶಿಲೆ.
ಕೊಂಕಣಿ ಸಾಧಕ ಪ್ರಕಾಶ ನಾಯಕ ಆನಿ ಗೌರಿ ಆರ್. ಮಲ್ಯ ಹಾಂಕಾ° ದೇವಾದಿನ ಎಂ. ರಘುನಾಥ್ ಶೇಟ್ ಸ್ಮಾರಕ ಪ್ರಶಸ್ತಿ ದೀವನು ಸನ್ಮಾನ ಚಲೊ. ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ ಹಾಂನಿ ಯೆವ್ಕಾರ ಮಾಘಲೊ. ಕಾರ್ಯದರ್ಶಿ ಸುವರ್ಣಿ ಪಡಿಯಾರಾನ ಆಬಾರ ಮಾನಲೊ. ರತ್ನಾಕರ ಕುಡ್ವ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಂಘಾಚೆ ಸಾಂದ್ಯಾನಿ ಬಿ. ವಿ. ಬಾಳಿಗಾ ಹಾಂಗೆಲಿ ರಚನಾ "ಗೊಡಿ ಗೊಡಿ ಹೋಡಿ ಭಾಸ ಕೊಂಕಣಿ" ಗಾಯಲಿ. ಸಪ್ತಮಿ ಮಲ್ಯ ಹೀಣೆ ಕೊಂಕಣಿ ಗೀತೆಕ ಭರತನಾಟ್ಯ ಕೆಲೆ°. ಬಾಲ ಕಲಾವಿದಾ° ಸ್ತುತಿ ನಾಯಕ್ ಆನಿ ಸ್ಮಿತಿ ನಾಯಕ ಹಾಂನಿ° ಕೊಂಕಣಿ ಗೀತೆತ ನ್ರತ್ಯ ಪ್ರದರ್ಶನ ಕೆಲೆ°. ಆಖೇರಿಕ ವಿಶ್ವನಾಥ್ ಭಟ್ ಆನಿ ಪಂಗಡಾನ "ಸಕಲ ಕಲಾ ವಲ್ಲಭ" ಕೊಂಕಣಿ ನಾಟ್ಕುಳೆ° ಪ್ರರ್ದಶನ ಕೆಲೆ°.

To Support Kodial Khaber click the following button.

ಮಂಗಳೂರು: 1981 ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತಿ ಬದಲ ಸೇವಾ ದೀವೂನ ಆಸಚೆ ಕೊಂಕಣಿ ಸಾಂಸ್ಕೃತಿಕ ಸಂಘ (ರಿ.) ಮಂಗಳೂರು ಹಾಂನಿ° ಆರತಾ° ಅಗಸ್ಟ 10ಕ ಪಂಚಮಹಾಶಕ್ತಿ ಶ್ರೀ ಗಾಯತ್ರಿ ದೇವಿ ದೇವಸ್ಥಾನ ಮಂಗಳೂರು ಹಾಂಗಾ ಶ್ರೀ ಕೃಷ್ಣ ಜಲ್ಮಾಷ್ಟಮಿ ಪ್ರಯುಕ್ತ ಚೆರಡುವಾ° ಕಾತಿರ ಕೊಂಕಣಿ ಕಾಣಿಯೋ ಸಾಂಗಚೊ, ಕೃಷ್ಣ ವೇಸ ಆನಿ ಛದ್ಮ ವೇಸ ಸ್ಪರ್ಧೊ ಅಯೋಜನ ಕೆಲೆಲೊ. 2 ವರಸ ಪ್ರಾಯೇಚೆ ದಾಕುನು 10ವೆ ಕಕ್ಷಾ ತಾಂಯ ಸಾಬಾರ 65 ಚೆರಡುವಾನಿ ಹ್ಯಾ ಸ್ಪರ್ಧೆಂತು ವಾಂಟೊ ಘೆತಿಲೊ. ಗೋಕುಲನಾಥ್ ಶೆಣೈ, ಶಿಬರೂರು ಉಮೇಶ್ ಕಾಮತ್, ಸೌಮ್ಯಾ ಶ್ರೀನಿವಾಸ ಕಾಮತ್, ಪ್ರಕಾಶ ಶೆಣೈ ಆನಿ ಆದಲಿ ಅಧ್ಯಕ್ಷಾ ಗೀತಾ ಸಿ ಕಿಣಿ ಹಾಂನಿ ದಿವೊ ಲಾವನು ಸ್ಪಧೆಂಚೆ ಉಗ್ತಾವಣ ಕೆಲೆ°. ಚಂದ್ರಿಕಾ ಮಲ್ಯ ಆನಿ ಮಂಜುನಾಥ ಕಾಮತ ಸೂತ್ರ ಸಂಚಾಲಕ ಆಶಿಲೆ. ಜಿಕಿಲೆ ಸ್ಪರ್ಧಿಕಾಂಕ ಇನಾ° ವಾಂಟಪ ಜಾಲೆ°. ಅಧ್ಯಕ್ಷಾ ಪ್ರಭಾ ಭಟ್ ಹಾಂನಿ° ಸ್ವಾಗತಾಚೆ ಉತ್ರಂ ಸಾಂಗಲಿ°. "ಸಂಘಾಚಿ ಕಾರ್ಯಕಾರಿ ಮಂಡಳಿ ಹರ ಮ್ಹಯನೊ ಮೆಳತಾ, ಸಾಬಾರ 600 ಸಾಂದೆ ಆಸಚೊ ಸಂಘು ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಉದರಗತಿ ಕಾತಿರ ನಿರಂತರ ವಾಂವಟ ಕಾಡತ ಆಸಾ. ಕೊಂಕಣಿ ಮಾನ್ಯತಾ ದಿವಸ್, ಕೊಂಕಣಿ ಯಕ್ಷಗಾನ, ಕೊಂಕಣಿ ನಾಟಕ, ಮಕರ ಸಂಕ್ರಮಣ ಪೂಲಕುಂಕುಮ, ಧಾರ್ಮಿಕ ಪ್ರವಾಸು, ಮಂಗಲನಿಧಿ, ಗೀತಾ ಜಯಂತಿ, ಕೊಂಕಣಿ ನೃತ್ಯ ಭಜನ ಆಶೆ° ಖೂಬ ಕಾರ್ಯಕ್ರಮ ಮಾಂಡುನ ಹಾಡತಾ" ಮ್ಹಣು ತೀಣೆ ಸಾಂಗಲೆ°. ಕಾರ್ಯದರ್ಶಿ ಸುವರ್ಣಿ ಪಡಿಯಾರ್, ಖಜಾಂಚಿ ರಾಧಿಕಾ ಪೈ, ದಿನಕರ ಕಾಮತ್, ವೀಠೊಬ್ ಶೆಣೈ , ಅಶೋಕ್ ಕಾಮತ್ ಆನೀ ಹೇರಾನಿ ಸಹಕಾರ ದಿಲೊ. ಸಂಚಾಲಕ ಕ್ರಷ್ಣ ಕಾಮತ್ ಹಾಂನಿ° ಆಭಾರ ಮಾನಲೊ.

To Support Kodial Khaber click the following button.

ಮಂಗಳೂರು: 1981 ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತೀಚಿ ಸೇವಾ ಕರೂನ ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಮಂಗಳೂರು ಹಾಂನಿ° ಜೂನ್ 1 ತಾರೀಕೆಕ ಮಂಗಳೂರು ನಗರಾಚೆ ಕುದ್ಮುಲ್ ರಂಗ ರಾವ್ ಪುರಭವನಾಂತು° "ದಮಯಂತಿ ಪುನಃ ಸ್ವಯಂವರ" ಕೊಂಕಣಿ ಯಕ್ಷಗಾನ ಪ್ರದರ್ಶನ ಕೆಲೆಂ. ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಸ್ಥಾಪನಾ ಕೆಲೆಲೆ ಹ್ಯಾ ಸಂಸ್ಥೆoತು ಆಜಿ ಸಾಬಾರ 700 ಸದಸ್ಯ ಆಸಾತಿ ಆನಿ ಹರ ವರಸ ಆಮಿ ಕೊಂಕಣಿ ಯಕ್ಷಗಾನ, ನಾಟಕ ಆನೀ ಸಾಂಸ್ಕೃತೀಕ ಕಾರ್ಯಕ್ರಮ ಮಾಂಡೋನ ಹಾಡತ ಆಸಾತಿ. ಆಜಿ ಬಾರಾವೆ° ವರಸಾಚೊ ಪ್ರಸಂಗ ಪ್ರದರ್ಶನ ಜಾತಾ ಆಸಾ. ಆದಲೊ ಅಧ್ಯಕ್ಷ ಎಂ. ಆರ್. ಕಾಮತ ಆನಿ ಉಪಾಧ್ಯಕ್ಷಾ ಪ್ರಫುಲ್ಲಾ ಹೆಗ್ಡೆ ಹಾಂನಿ° ಹಾಜೆ ಶುರುವಾತ ಕೆಲೆಲೆ° ಮ್ಹಣು ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ (ಕ್ಯಾಪ್ಟನ್) ಹೀಣೆ ತಿಗೆಲೆ ಸ್ವಾಗತಾಚೆ ಉತ್ರಾಂತು ಕಳಯಲೆ°. ವಿಶ್ವ ಕೊಂಕಣಿ ಕೇಂದ್ರ ಮಂಗಳೂರು ಹಾಜೊ ಅಧ್ಯಕ್ಷ ನಂದಗೋಪಾಲ ಶೆಣೈ ಸಭಾ ಕಾರ್ಯಕ್ರಮಾಚೆ ಉಗ್ತಾವಣ ದಿವೋ ಲಾವನು ಕೆಲೆ°. "ಆಮಿ ಕೊಂಕಣಿ ಲೋಕ ಸಗಟ ಎಕ, ಜಾತಿ ಧರ್ಮು ಭೇದ ಕರನಾಶಿ° ಆಮಿ ಆವಸು ಭಾಸ ಕೊಂಕಣಿಚಿ ಸೇವಾ ಕರಕಾ. ಹ್ಯಾ ಕಾಮಾಂತು° ವಿಶ್ವ ಕೊಂಕಣಿ ಕೇಂದ್ರ ಮುಖೆಲಪಣ ಘೆವಚಾಕ ತಯಾರ ಆಸಾ" ಮ್ಹಣು ತಾಣೆ ಸಾಂಗಲೆ°.

ಹ್ಯಾಚ ವೇಳಾರ ಯಕ್ಷಗಾನ ಕಲಾವಿದು, ನಿರ್ದೇಶಕ ಮೂಡುಬಿದಿರೆಚೊ ಶಾಂತರಾಮ ಕುಡ್ವ ಹಾಂಕಾ° "ಸಾಂಸ್ಕೃತೀಕ ಯಕ್ಷ ರತ್ನ" ಪ್ರಶಸ್ತಿ ದೀವನು ಸನ್ಮಾನ ಚಲೊ. ನಂದಗೋಪಲ ಶೆಣೈ ಆನಿ ಮಾನಾಚೆ ಸೊಯ್ರೆ ಟ್ರಾಯಿ ಜ್ಯುವೆಲ್ರ‍್ಸ ಹಾಜಿ ನಿರ್ದೇಶಕಿ ಶ್ರದ್ಧಾ ಸುಬ್ರಾಯ ಪೈ ಆನಿ ಟಾಟಾ ರಿಫ್ರಾಕ್ಟರಿಚೊ ನಿವೃತ್ತ ಆಡಳಿತ ನಿರ್ದೇಶಕು ಸಿ. ಡಿ. ಕಾಮತ ಹಾಂನಿ° ಶಾಲ, ಮಾಳಾ, ಫಲ, ಯಾದಸ್ತಿಕಾ ದಿವನು ಪೇಟಾ ನೆಸೊನು ಸನ್ಮಾನ ಕೆಲೊ.
"ಆಮಿ ಆಮಗೆಲಿ ಆವಸು ಭಾಸ ಆನಿ ಸಂಸ್ಕೃತಿ ವಿಸೊರುಂಕ ನಜ. ಅಸಲೊ ಕಾರ್ಯಕ್ರಮ ತಾತಾವಳಿ ಜಾವಕಾ, ಮೆಗೆಲೊ ಸಹಕಾರ ಕೆದನಾಯೀ ಆಸತಲೊ" ಮ್ಹಣು ಶ್ರದ್ಧಾ ಸುಬ್ರಾಯ ಪೈ ಹಾಂನಿ° ಸಾಂಗಲೆ°. ಉಪರಾಂತ ಶೈಕ್ಷಣಿಕ ಸಾಧನಾ ಕೆಲೆಲೆ ಥೊಡೆ ವಿದ್ಯಾರ್ಥಿಯಾಂಕ ನಗದ ಇನಾಂ ದೀವನು ಸನ್ಮಾನ ಚಲೊ. "ಕೊಂಕಣಿ ಸಾಂಸ್ಕೃತೀಕ ಸಂಘಾಚೆ ಸಾಂಗತ ಮಾಕ್ಷಿಚೆ ದ್ಹಾ ವರಸ ದಾಕೂನ ಮೆಗೆಲೊ ಸಂಭoದ ಆಸಾ. ತೊ ಆನಿ ಮುಕಾರಯೀ ಆಸತಾ. ಬರೆ° ಜಾವೊ" ಮ್ಹಣು ಮ್ಹಾಲ್ಗಡೊ ಮನೀಸ ಸಿ. ಡಿ. ಕಾಮತ ಹಾಂನಿ° ಆಶೀರ್ವಾದ ದಿಲೊ.

ಮೇಘಾ ಪೈನ ಪ್ರಾರ್ಥನಾ ಗಾಯಲಿ. ಕಾರ್ಯದರ್ಶಿ ಸುವರ್ಣಿ ಪಡಿಯಾರ ಹೀಣೆ ಆಬಾರ ಮಾನಲೊ. ಖಜಾಂಚಿ ರಾಧಿಕಾ ಪೈ ಆನಿ ಕಾರ್ಯಕ್ರಮಾಚೊ ಸಂಚಾಲಕ ಕೃಷ್ಣ ಕಾಮತ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮಂಗಳೂರು: "ಸೂರ್ಯಾನ  ಧನು ರಾಶಿ ದಾಕೂನ ಮಕರ ರಾಶಿಕ ವಚೆ° ಸಂಕ್ರಮಣ ಕಾಲ ಮ್ಹಾಣೂನ ಘೆತಾ. ಸಂಕ್ರಮಣ ಮ್ಹಳ್ಯಾರ ಬದಲಾವ ಮ್ಹಣೂಯೀ ಅರ್ಥು ಆಸಾ. ತ್ಯಾ ದೆಕೂನ ಆಮಗೆಲೆ ಜೀವನಾಂತೂಯಿ ವಾಯಟಾ ದಾಕೂನ ಚಾಂಗಾಕ ವಚೆ° ಜಾವೊ ಮ್ಹಣು ಆಮಿ ಮಕರ ಸಂಕ್ರಮಣ ಆಚರಣ ಕರತಾತಿ. ಪರಸ್ಪರ ಪ್ರೀತಿ ವಿಶ್ವಾಸ ದವರೂನ ಜೀವನ ಕರಚೆ° ಗರಜೆಚೆ° ಆಸಾ. ಕಾಲಾಚೆರಿ ಆಮಕಾ ನಿಯಂತ್ರಣ ನಾ. ತೆ° ಆಸಚೆ° ಫಕತ ಪರಮಾತ್ಮಾಲೆ ಹಾತಾಂತು°" ಮ್ಹಣು ಆದ್ಯಾತ್ಮಿಕ ಚಿಂತನಗಾರ್ತಿ ಸುಲತಾ ಆರ್ ನಾಯಕ ಹಾಂನಿ° ಸಾಂಗಲಾ°. ಆರತಾ° ಜ.14ಕ ಕೊಂಕಣಿ ಸಾಂಸ್ಕೃತಿಕ ಸಂಘ ಮಂಗಳೂರು ಹಾಂನಿ° ಮಕರ ಸಂಕ್ರಮಣಾಚೆ ಪ್ರಯುಕ್ತ ಆಯೋಜನ ಕೆಲೆಲೆ "ಫೂಲ್ ಕುಂಕುಮ" ಕಾರ್ಯಕ್ರಮಾಂತು° ಸುವಾಸಿನಿಯಾಂಕ ವ್ಹಂಟಿ ಭರನು ತಾಂನಿ° ಉಲಯತಲೆ. ಪ್ರಭಾ ಭಟ್(ಅಧ್ಯಕ್ಷಾ), ಸುವರ್ಣಿ ಪಡಿಯಾರ್ (ಕಾರ್ಯದರ್ಶಿ), ರಾಧಿಕಾ ಪೈ(ಖಜಾಂಚಿ), ಚಂದ್ರಿಕಾ ಬಾಳಿಗಾ, ಸುಮಾ ಪಂಡಿತ್, ಗೀತಾ ಭಟ್, ಪ್ರತಿಮಾ ನಾಯಕ, ವೀಣಾ ಕಾಮತ ಆನಿ ಮಾಲತಿ ಹೆಗ್ಡೆ ಹಾಂನಿ° ಸಾಥ ದಿಲೆ°.

ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ (ಕ್ಯಾಪ್ಟನ್) ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. "1981 ಇಸವಿಂತು° ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಹ್ಯಾ ಸಂಘಾಚೆ ಸ್ಥಾಪನಾ ಕೆಲೆಲೆ°. ಆಮಗೆಲೆ ಲೋಕಾನ ಕೊಂಕಣಿ ಭಾಸ ಆನಿ ಸಂಕೃತೀಚಿ ಸೇವಾ ಕರಕಾ ಮ್ಹಳೆ ಉದ್ಧೇಶಾನ ಹೊ ಸಂಸ್ತೋ ತಾಂನಿ° ಶುರು ಕೆಲೆಲೊ. ಫಕತ ಜಿ. ಎಸ್. ಬಿ ಲೋಕಾ ಕಾತಿರ ನ್ಹಹಿ° ಅಶಿ° ಕೊಂಕಣಿ ಉಲೊವಪಿ ಹೇರ ಸಮಾಜಾಚಾಂಕ ಸಾಂಗತ ಘೆವನು ಕಾಮ ಕರಕಾ ಮ್ಹಣ ಸ್ಥಾಪಕ ಸದಸ್ಯಾಲೊ ಆಶಯ ಆಸಾ. ತ್ಯಾ ದೀಸ ದಾಕೂನ ಎದೋಳು ತಾಂಯ° ಸಾಬಾರ ಲೋಕಾನ ಹ್ಯಾ ಸಂಘಾಚೆ ಅಧ್ಯಕ್ಷಪಣ ಘೆತಿಲೆ ಆಸಾ. ಕೊಂಕಣಿ ಯಕ್ಷಗಾನ, ಕೊಂಕಣಿ ನಾಟಕ, ಕೊಂಕಣಿ ಭಜನ, ನೃತ್ಯ ಭಜನ, ಚೆರಡುವಾಂಕ ಸ್ಪರ್ಧೊ ಆಶೆಂ ಖೂಬ ಕಾರ್ಯಕ್ರಮ ಚಲೋನು ಆಯಲ್ಯಾಂತಿ. ಅಜಿ ಸಂಘಾoತು° ಸಾಬಾರ 600 ಸದಸ್ಯ ಆಸಾತಿ. ಆಮಗೆಲೆ ಸಂಘಾಕ ಎಕ ದಫ್ತರ ಜಾವಕಾ ಮ್ಹಳೆಲೆ° ಸೋಪನ ಆಮಗೆಲೆ ಜಾವನು ಆಸಾ" ಮ್ಹಣು ತಿಣೆ ಸಾಂಗಲೆ°. ಮಾನಾಚೆ ಸೊಯರಿಣಿ ಜಾವನು ಆಯಲೆ ಜಿ. ಎಸ್. ಬಿ ಮಹಿಳಾ ವೃಂದ ಮಂಗಳೂರು ಹಾಜಿ ಅಧ್ಯಕ್ಷಾ ಪೂರ್ಣಿಮಾ ಭಂಡಾರಕಾರ್ ಆನಿ ಶಿಕ್ಷಣ ತಜ್ಙಾ ಡಾ. ವಿಜಯಲಕ್ಷ್ಮೀ ಹಾಂನಿ° ಶುಭಾಷಯ ಪಾಟಯಲೊ. ಸಂಗೀತಗಾರ ಪಾಂಡುರoಗ ಕಾಮತ ಹಾಂಕಾ° ಸನ್ಮಾನ ಚಲೊ. ಆದಲೆ ಅಧ್ಯಕ್ಷ ವೆಂಕಟೇಶ ಎನ್. ಬಾಳಿಗಾ, ಕೆ. ರತ್ನಾಕರ ಕುಡ್ವ, ಸಂತೋಷ ಶೆಣೈ ಆನಿ ಸಾಧನಾ ಬಳಗಾಚೆ ಗೌರವಾಧ್ಯಕ್ಷ ನರಸಿಂಹ ಭಂಡಾರಕಾರ್ ಹಾಂನಿ° ಸನ್ಮಾನ ಕೆಲೊ. ಆರತಾ° ಕೊಂಕಣಿ ಎಂ.ಎ ಉತ್ತಿರ್ಣ ಜಾಲೆಲೆ ರತ್ನಾಕರ ಕುಡ್ವ, ವೀಣಾ ಕಾಮತ, ಪೂರ್ಣಿಮಾ ಪೈ ಆನಿ ಅನಿತಾ ಶೆಣೈ ಹಾಂಕಾ° ಶಾಲ ಪಾಂಗರೂನ ಸನ್ಮಾನ ಚಲೊ. ಆದಲಿ ಅಧ್ಯಕ್ಷಾ ಗೀತಾ ಸಿ. ಕಿಣಿನ ಕೊಂಕಣಿ ಎಂ.ಎ ಬದಲ ಮಾಹಿತಿ ದಿಲಿ.

ಪ್ರತಿಮಾ ನಾಯಕ, ರಾಧಿಕಾ ಪೈ ಆನಿ ವೀಣಾ ಕಾಮತ ಹಾಂನಿ° ಸೊಯ್ರೆಲೊ ವಳಕ ಕರನು ದಿಲೊ. ಆಯಿಲೆ ಸಭಾಸದಾಂಕ ಪುರ್ಣಿಮಾ ಕಿಣಿ, ಚಂದ್ರಿಕಾ ಮಲ್ಯ, ರಂಜಿತಾ ಶೆಣೈ, ಪದ್ಮಿನಿ ಕಾಮತ ಆನಿ ಚಂದ್ರಿಕಾ ಬಾಳಿಗಾ ಹಾಂನಿ° ಕೊಡು, ಗೋಡ, ಫುಲ, ಕುಂಕುಮ ವಾಂಟೂಚೆ ಕೆಲೆ°. ಸಾಂಸ್ಕೃತೀಕ ಕಾರ್ಯಕ್ರಮಾಂತು° ವಿದೂಷಿ ವೈಷ್ಣವಿ ಕಾಮತ ಆನಿ ಸಾಂಗಡ್ಯಾನಿ ಕೊಂಕಣಿ ಪದಾಂಕ ಭರತನಾಟ್ಯ ಪ್ರದರ್ಶನ ಕೆಲೆ°. ಮೇಘಾ ಪೈ ಹಾಂಗೆಲೆ ಶಿಷ್ಯಾನಿ ಕೊಂಕಣಿ ಪದಾಂ ಗಾಯಲಿ°. ಸಂಧ್ಯಾ ಪೈನ ನೃತ್ಯ ಪ್ರದರ್ಶನ ಕೆಲೆ°. ಕೃಷ್ಣ ಕಾಮತ ಹಾಂನಿ° ಬರೋವನು ನಿರ್ದೇಶನ ಆನಿ ನಟನ ಕೆಲೆಲೆ° ಕೊಂಕಣಿ ನಾಟ್ಕುಳೆಂ "ಜ್ಯೋತಿಷಿ ಕಿಟ್ಟ ಮಾಮ್" ಹಾಜೆ° ಪ್ರದರ್ಶನ ಜಾಲೆ°. ಸಹ ಕಾರ್ಯದರ್ಶಿ ಪದ್ಮಿನಿ ಕಾಮತ ಆನಿ ಆದಲೊ ಅಧ್ಯಕ್ಷ ಸಂತೋಷ ಶೆಣೈನ ಆಬಾರ ಮಾನಲೊ. ಆದಲೊ ಅಧ್ಯಕ್ಷ ರತ್ನಾಕರ ಕುಡ್ವಾನ ಸೂತ್ರ ಸಂಚಾಲನ ಕೆಲೆ°.

To Support Kodial Khaber click the following button.

ಮಂಗಳೂರು: 43 ವರಸ ದಾಕೂನ ಮಂಗಳೂರು ಶಹರಾಂತು° ಕೊಂಕಣಿ ಭಾಸ ಆನಿ ಸಂಸ್ಕೃತಿಚಿ ಸೇವಾ ಕರನು ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕçತಿಕ ಸಂಘ (ರಿ.) ಮಂಗಳೂರು ಹಾಂನಿ° ಮೇ 31ಕ ಕೊಡಿಯಾಲಚೆ ಕುದಮುಲ್ ರಂಗ ರಾವ್ ಪುರಭವನಾಂತು° "ಸೀತಾ ಕಲ್ಯಾಣ" ಕೊಂಕಣಿ ಕಾಲಮಿತಿ ಯಕ್ಷಗಾನ ಪ್ರಸ್ತುತ ಕರತಾತಿ. ಸಾಂಜವೇಳಾ 5.30ಕ ಚಲಚೆ ಉಗ್ತಾವಣ ಸುವಾಳ್ಯಾಂತು° ಟಾಟಾ ರಿಫ್ರೇಕ್ಟರಿಸ್ ಹಾಜೊ ನಿವೃತ್ತ ಆಡಳಿತ ನಿರ್ದೇಶಕ ಸಿ.ಡಿ. ಕಾಮತ್, ದೇವಗಿರಿ ಚಹಾಚೊ ಮಾಲಕು ನಂದಗೋಪಾಲ ಶೆಣೈ, ಎಸ್.ಎಲ್. ಶೇಟ್ ಜುವೆಲ್ಲರ್ಸ್ ಅಂಡ್ ಡೈಮಂಡ್ಸ್, ಕೆ. ಎಸ್. ರಾವ್ ರಸ್ತೊ ಮಂಗಳೂರು ಹಾಜೊ ಪ್ರಶಾಂತ್ ಶೇಟ್ ಆನಿ ಸಾಧನಾ ಬಳಗ ಹಾಜೊ ಗೌರವಾಧ್ಯಕ್ಷ ನರಸಿಂಹ ಭಂಡಾರ್‌ಕಾರ್ ಮಾನಾಚೆ ಸೊಯ್ರೆ ಆಸತಲೆ. ಹ್ಯಾ ಯಕ್ಷಗಾನ ಖೇಳಚಾಕ ಯಕ್ಷಕಲಾವಿದ ಗಣೇಶಪುರ ಗಿರೀಶ್ ನಾವಡ ಹಾಂನಿ° ದ ತರಬೇತಿ ದಿಲ್ಯಾ. ಸಾಹಿತ್ಯ ಎಂ. ಶಾಂತರಾಮ ಕುಡ್ವ, ಮೂಡುಬಿದಿರೆ ಹಾಂಗಲೆ° ಜಾವನು ಆಸಾ.
ದೇವಾದಿನ ಜಿ. ಜಿ. ವಾಸುದೇವ ಪ್ರಭಹು ಹಾಂನಿ° ಸ್ಥಾಪನಾ ಕೆಲೆಲೆ ಹ್ಯಾ ಸಂಸ್ಥೆoತು° ಆಜಿ ಸಾಬಾರ 600 ಸಾಂದೆ ಆಸಾತಿ ಆನಿ ವಸರಸಾಕ ಸಾಬಾರ ಕಾರ್ಯಕ್ರಮ ಆಯೋಜನ ಕರತ ಆಸಾತಿ ಮ್ಹಣು ಸಂಘಾಚೊ ಅಧ್ಯಕ್ಷ ಮಣೇಲ್ ಗಜಾನನ ಶೆಣೈನ ಪತ್ರಿಕಾ ಪರಿಶಧೆಂತು° ಕಳಯಲಾ°. ಹ್ಯಾಚ ಕಾರ್ಯಕ್ರಮಾಂತು° ಕಟೀಲು ಮೇಳಾಚೊ ಕಲಾವಿದ ಗಣೇಶ್ ಪಾಲೆಚಾರ್ ಹಾಂಕಾ° "ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ" ಬಿರುದು ದೀವನು ಸನ್ಮಾನ ಚಲಚಾ ಆಸಾ. ಪತ್ರಿಕಾ ಪರಿಶದೇಂತು° ಕಾರ್ಯದರ್ಶಿ ಕೃಷ್ಣ ಕಾಮತ್, ಖಜಾಂಚಿ ರತ್ನಾಕರ ಕುಡ್ವಾ ಎಂ. ಆನಿ ಯಕ್ಷಗಾನ ಕಲಾವಿದ ಆನಿ ಲೇಖಕು ಎಂ. ಶಾಂತಾರಾಮ ಕುಡ್ವಾ, ಮೂಡುಬಿದಿರೆ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮಂಗಳೂರು: "ಕೊಂಕಣಿ ಭಾಶೆಕ ಮೇಳಕಾ ಆಶಿಲೆ ಸರ್ವ ಮಾನ್ಯತಾ ಮೇಳಯಾ. ಹಾಜೆ° ಉಪೇಗ ಕೊಂಕಣಿ ಲೋಕಾಣ ಕರಕಾ. ಶಾಳೆಂತು° ಕೊಂಕಣಿ ಶಿಖಚಾಕ ಅವಕಾಶ ಆಸಾ, ಸ್ನಾತಕೋತರ ಸ್ಥರಾರಿ ಕೊಂಕಣಿ ಎಂ. ಎ ಅಧ್ಯಯನ ಕರಯೇತ. ಕೊಂಕಣಿ ಸಂಘ ಸಂಸ್ಥೆ ಆನಿ ಅಭಿಮಾನಿ ಲೋಕ ಕೊಂಕಣಿ ಶಿಖತಲ್ಯಾಂಕ ವಿದ್ಯಾರ್ಥಿ ವೇತನ ದಿತಾತಿ. ಹಾಜೆ° ಸದುಪಯೋಗ ಕರನು ಕೊಂಕಣಿ ಭಾಸ ಆನಿ ಸಂಸ್ಕೃತಿ ಮುಕಾವಯಲೆ ಪೀಳಗಿಕ ಪಾವೊಚೆ° ಜಾವಕಾ ಮ್ಹಣು ಮಂಗಳೂರು ವಿರ್ಶವ ವಿದ್ಯಾನಿಲಯಾಚೆ ಕೊಂಕಣಿ ಅಧ್ಯಯನ ಪೀಠ ಹಾಜೊ ಸಂಚಾಲಕ ಡಾ. ಜಯವಂತ ನಾಯಕ್ ಹಾಂನಿ° ಸಾಂಗಲೆ°. ಕೊಂಕಣಿ ಸಾಂಸ್ಕೃತಿಕ ಸಂಘ ಹಾಂನಿ° ಆಯೋಜನ ಕೆಲೆಲೆ ಕೊಂಕಣಿ ಮಾನ್ಯತಾ ದೀವಸ ಸುವಾಳ್ಯಾಂತು° "ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ" ಪ್ರಶಸ್ತಿ ಸ್ವೀಕಾರ ಕರನು ತಾಂನಿ° ಆಶೆ° ಸಾಂಗಲೆ°.

ಎಸ್. ಎಲ್. ಶೇಟ್ ಜುವೆಲ್ಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೆ ಮಾಲಕ ಎಂ. ಪ್ರಶಾಂತ್ ಶೇಟ್ ಮುಖೇಲ ಸೊಯರೆ ಆಶಿಲೆ. ಕೊಂಕಣಿ ಎಕ ಶ್ರೇಷ್ಠ ಭಾಸ ಆಸಾ. ವ್ಹಿಂಗವ್ಹಿοಗಡ ಸಮುದಾಯಾಚಾಲಿ ಮಾತೃಭಾಸ ಕೊಂಕಣಿ ಆಸಾ. ಆಮಿ ಸಗಟಾನ ಮೇಳನು ಆಮಗೆಲಿ ಮಾತೃಭಾಶೆಚಿ ಸೇವಾ ಕರಕಾ. ಮುಕಾವಯಲೆ ದೀವಸಾಂತು° ಎಂ. ಎ ಕೊಂಕಣಿ ಅಧ್ಯಯನ ಕರಚೆ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ದಿತಾತಿ ಮ್ಹಣು ತಾಂನಿ° ಸಾಂಗಲೆ°. ಕೊಡಿಯಾಲ ಖಬರ್ ಡಾಟ್ ಕಾಮ್ ಸಂಪಾದಕ ವೆಂಕಟೇಶ್ ಬಾಳಿಗಾ ಹಾಂನಿ° ಮಾನ್ಯತಾ ದೀಸಾಚೊ ಸಂದೇಶ ದಿಲೊ. "ಕೊಂಕಣಿ ಭಾಶೆಕ ಮಾನ್ಯತಾ ಮೇಳಚಾಕ ಆಮಗೆಲೆ ಮ್ಹಾಲ್ಗಡೆನಿ ನಿಸ್ವಾರ್ಥ ಸೇವಾ ದಿಲೆಲಿ ಆಸಾ. ಆಮಿ ತಾಂನಿ ದಾಕಯಿಲೆ ಪಾಯವಾಟೆರಿ ಚಲಕಾ ಮ್ಹಣು ಉಲೊ ದಿಲೊ. ಹ್ಯಾಚ ಸುವಾಳ್ಯಾಂತು° ಸಂಘಾಚೊ ಸಂಸ್ಥಾಪಕ ಜಿ. ಜಿ. ವಾಸುದೇವ್ ಪ್ರಭು ಹಾಂಗೆಲೆ° ಸಂಸ್ಮರಣ ಮಮತಾ ಕಾಮತ್ ಹಾಂನಿ° ಕೆಲೆ°. ಮಾನಾಚಿ ಸಯ್ರಿಣಿ ಸಾಮರಸ್ಯ ಮಂಗಳೂರು ಹಾಜಿ ಅಧ್ಯಕ್ಷಾ ಮಂಜುಳಾ ನಾಯಕ್ ಹಾಂನಿ° ಶುಭಾಷಯ ಪಾಟಯಲೊ. ಸಂಘಾಚೊ ಅಧ್ಯಕ್ಷ ಮಣೆಲ್ ಗಜಾನನ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಉಪಾಧ್ಯಕ್ಷಾ ಚಂದ್ರಿಕಾ ಬಾಳಿಗಾ, ಖಜಾಂಚಿ ರತ್ನಾಕರ ಕುಡ್ವ ವೇದಿಕೆರಿ ಉಪಸ್ಥಿತ ಆಶಿಲೆ. ಕಾರ್ಯದರ್ಶಿ ಕೃಷ್ಣ ಕಾಮತಾನ ಆಬಾರ ಮಾನಲೊ. ವಿದ್ಯಾ ಶೆಣೈನ ಪ್ರಾರ್ಥನಾ ಗಾಯಲಿ. ಪ್ರತಿಮಾ ನಾಯಕ್ ಆನಿ ಮಮತಾ ಕಾಮತ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಭಾ ಕಾರ್ಯಕ್ರಮಾಚೆ ಉಪ್ರಾಂತ ಪ್ರತಿಮಾ ನಾಯಕಾನ ಬರೊವನು ಪ್ರಕಾಶ ನಾಯಕಾ ನಿರ್ಧೇಶನ ಕೆಲೆಲೆ "ಘರ ಘರಚಿ ಕಾಣಿ" ಕೊಂಕಣಿ ನಾಟ್ಕುಳೆ° ಪ್ರದರ್ಶನ ಜಾಲೆ°. ಉಪರಾಂತ ವ್ಹಿಂಗವ್ಹಿοಗಡ ಸಾಂಸ್ಕೃತೀಕ ಕಾರ್ಯಕ್ರಮಾಚೆ ಪ್ರದರ್ಶನ ಜಾಲೆ°.

ಮಂಗಳೂರು: ಮಾಕ್ಷಿಚೆ 42 ವರಸ ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ದೀವೂನ ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ, ಮಂಗಳೂರು ಹಾಂನಿ° ಸೆ. 9 ಶನಿವಾರ ಸಾಂಜವೇಳಾ 5.00 ಗಂಟ್ಯಾಕ ಕೊಂಕಣಿ ಮಾನ್ಯತಾ ದೀವಸ ಆನಿ ಸಂಸ್ಥಾಪಕ ಜಿ. ಜಿ. ವಾಸುದೇವ ಪ್ರಭು ಸಂಸ್ಮರಣಾ ದೀವಸ ಆಚರಣ ಕರತ ಆಸಾತಿ. ಡೊಂಗರಕೇರಿಚೆ ಕೆನರಾ ಶಾಳಾಚೆ ಸುಧೀಂದ್ರ ಸಬಾಭವನಾಂತು ಚಲಚೆ ಹ್ಯಾ ಕಾರ್ಯಕ್ರಮಾಂತು° ಮಂಗಳೂರು ವಿಶ್ವವಿದ್ಯಾನಿಲಯಾಚೆ ಕೊಂಕಣಿ ಅಧ್ಯಯನ ಪೀಠಾಚೊ ಸಂಚಾಲಕ ಡಾ. ಜಯವಂತ ನಾಯಕ್ ಹಾಂಕಾ° "ಕೊಂಕಣಿ ಸಾಂಸ್ಕೃತೀಕ ರಾಯಬಾರಿ" ಪ್ರಶಸ್ತಿ ಪ್ರದಾನ ಕರತಾತಿ. ಮುಖೇಲ ಸೊಯರೊ ಜಾವನು ಎಸ್. ಎಲ್. ಶೇಟ್ ಜ್ಯುವೆಲ್ಲರ್ಸ ಎಂಡ್ ಡೈಮಂಡ್ ಹೌಸ್ ಹಾಜೊ ಎಂ. ಪ್ರಶಾಂತ್ ಶೇಟ್ ಆನಿ ಮಾನಾಚೆ ಸೊಯ್ರೆ ಜಾವನು ಸಾಮರಸ್ಯ ಮಂಗಳೂರು ಹಾಜಿ ಅಧ್ಯಕ್ಷಾ ಮಂಜುಳಾ ನಾಯಕ್ ಆನಿ ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಉಪಸ್ಥಿತ ಆಸತಲೆ. ಸಂಘಾಚೊ ಅಧ್ಯಕ್ಷ ಮಣೇಲ್ ಗಜಾನಾನ್ ಶೆಣೈ ಕಾರ್ಯಕ್ರಮಾಚೊ ಅಧ್ಯಕ್ಷ ಆಸತಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಪ್ರತಿಮಾ ನಾಯಕ್ ಹಾಂನಿ° ಬರೋವನು ನಿರ್ದೇಶನ ಕೆಲೆಲೆ° ಕೊಂಕಣಿ ಕೊಂಕಣಿ ನಾಟ್ಕುಳೆ° ಆನಿ ಹೇರ ಸಾಂಸ್ಕೃತೀಕ ಪ್ರದರ್ಶನ ಜಾವಚೆ° ಆಸಾ ಮ್ಹಣು ಸಂಘಾಚೊ ಕಾರ್ಯದರ್ಶಿ ಕೃಷ್ಣ ಕಾಮತ ಹಾಂನಿ° ಕಳವಣಿಂತು° ಸಾಂಗಲಾ°.

ಮಂಗಳೂರು: 1981 ಇಸವಿ ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತೀಚಿ ಸೇವಾ ಕರೂನ ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಹಾಂನಿ° ಆರತಾಂ ಕೃಷ್ಣಾಷ್ಟಮೀಕ ಲಾಗೂನ ಛದ್ಮ ವೇಸ ಸ್ಪರ್ಧೊ ಆನಿ ಕೊಂಕಣಿ ಕಾಣಿಯೊ ಸಾಂಗಚೊ ಸ್ಪರ್ಧೊ ಆಯೋಜನ ಕೆಲೊ. ಡೊಂಗರಕೇರಿಚೆ ಕೆನರಾ ಶಾಳೆಚೆ ಸುಧೀಂದ್ರ ಸಭಾ ಭವನಾಂತ ಚಾರ ವಿಭಾಗಾಂತ ಚಲೆಲೆ ಹ್ಯಾ ಸ್ಫರ್ಧೆಂತ ಸಾಬಾರ ತೀಸ ಚೆರಡುವಾನಿ ವಾಂಟೊ ಘೆತಲೊ. ಕಾರ್ಯಾಕ್ರಮಾಚೆ ಶುರುವಾತ ಸಂಘಾಚಿ ಉಪಾಧ್ಯಕ್ಷಾ ಚಂದ್ರಿಕಾ ಬಾಳಿಗಾ ಹಾಂನಿ° ದಿವೊ ಲಾವನು ಕೆಲೊ. ತಾಂನಿ° ಸಂಘಾಕ ಉಡಗಿರೆ ದಿಲೆಲೆ ದಿವ್ಯಾಚೆ ಉದ್ಘಾಟನಾಯಿ ಹ್ಯಾಚ ವೇಳಾರ ಜಾಲೆ°.

ಅಧ್ಯಕ್ಷ ಮಣೇಲ ಗಜಾನನ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಕಾರ್ಯದರ್ಶಿ ಕೃಷ್ಣ ಕಾಮತ, ಖಜಾಂಚಿ ರತ್ನಾಕರ ಕುಡ್ವ, ವರೇಣ್ಯಾರ ಮುರಳಿಧರ ಕಾಮತ ಆನಿ ಪುಷ್ಪಲತಾ ಭಟ್ ವೇದಿಕೆರಿ ಉಪಸ್ಥಿತ ಆಶಿಲಿಂತಿ. ಸಮಾರೋಪ ಕಾರ್ಯಕ್ರಮಾಂತು° ಕೊಂಕಣಿ ಮೋಗಿ ಸಿ. ಡಿ. ಕಾಮತ ಹಾಂನಿ° ಇನಾಂ ವಾಂಟಿಲೆ°.

ಸ್ಪರ್ಧೇಚೆ ಫಲಿತಾಂಶ ಆಶೆ° ಆಸಾ.

ಛದ್ಮವೇಶ ಸ್ಪರ್ಧೊ
ಎಕ ದಾಕೂನ ತೀನ ವರಸ ತಾಂಯ
ಆಕಾοಷ್ಕಾ ಪ್ರಭು - ಪಯಲೆ°,
ವಿಕಲ್ಪ ಭಟ್ - ದುಸ್ರೆ°
ಶ್ರೇಯಸ್ ಪ್ರಭು - ತಿಸ್ರೆ°

ಎಲ್. ಕೆ. ಜಿ, ಯು. ಕೆ. ಜಿ ಆನಿ ಪಯಲೆಂ ಕಕ್ಷಾ
ಆರ್ಯಾ ಪೈ - ಪಯಲೆ°
ದೃಷಾ ನಾಯಕ - ದುಸ್ರೆ°
ಶ್ರೀಮಾ ಪ್ರಭು - ತಿಸ್ರೆ°

ದುಸ್ರೆ, ತಿಸ್ರೆ ಆನಿ ಚೌತೆ° ಕಕ್ಷಾ
ವೈಷ್ಣವಿ ಪಡಿಯಾರ್ - ಪಯಲೆ°
ಆಷ್ಲೇಶ ಪ್ರಭು - ದುಸ್ರೆ°
ಶೃದ್ಧಾ ಮಲ್ಯ - ತಿಸ್ರೆ°

ಪಾοಚವೆ°, ಸ್ಹವೆ° ಆನಿ ಸಾತಾವೆ° ಕಕ್ಷಾ
ಯಶಸ್ವಿ ಕಾಮತ - ಪಯಲೆ°
ಮಧುಸೂಧನ ಶೇಟ್ - ದುಸ್ರೆ° 

ಐಶ್ವರ್ಯಾ ಪೈ - ತಿಸ್ರೆ°

ಕೊಂಕಣಿ ಕಾಣಿ ಸಾಂಗಚೊ ಸ್ಪರ್ಧೊ
ಆದ್ಯಾ ಪೈ - ಪಯಲೆ°
ವೈಷ್ಣವಿ ಪಡಿಯಾರ - ದುಸ್ರೆ°
ದೀಕ್ಷಾ ಪ್ರಭು - ತಿಸ್ರೆ°

ಪಾοಚವೆ°, ಸ್ಹವೆ° ಆನಿ ಸಾತಾವೆ° ಕಕ್ಷಾ
ಯಶಸ್ವಿ ಕಾಮತ - ಪಯಲೆ°
ಐಶ್ವರ್ಯಾ ಪೈ - ದುಸ್ರೆ°
ಮಧುಸೂಧನ ಶೇಟ್ - ತಿಸ್ರೆ°

ಆಟ್ವೆ°, ಣವೆ° ಆನಿ ದ್ಹಾವೆ° ಕಕ್ಷಾ
ಸ್ವಾತಿ ಭಟ್ - ಪಯಲೆ°
ಮೇಘನಾ - ದುಸ್ರೆ°

ಮಂಗಳೂರು: ಮಾಕ್ಷಿಚೆ ಚಾರ ದಶಕಾ ದಾಕೂನು ಕೊಂಕಣಿ ಭಾಸ ಆನಿ ಸಂಸ್ಕೃತಿಚಿ ಸೇವಾ ಕರನು ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಹಾಂನಿ° ಜ. 14ಕ ಹಾಂಗಾಚೆ ಕೆನರಾ ಶಾಳೆಚೆ ಶ್ರೀ ಭುವನೇಂದ್ರ ಸಭಾಂಗಣಾοತು° ಮಕರ ಸಂಕ್ರಾಂತಿ ಪ್ರಯುಕ್ತ "ಫುಲ-ಕುಂಕುಮ" ಕಾರ್ಯಕ್ರಮ ಮಾಡೋನ ಹಾಡಲೊ. ಕೊಂಕಣಿ ಸಮಾಜಾಚೆ ಸ್ತ್ರಿಯಾಂಕ ಕಾಂಕಣ ಆನಿ ತಿಳೆಉಂಡೊ ವಾಂಟೂಚೆ° ಜಾಲೆ°.

ವೇದಮೂರ್ತಿ ವಾಸುದೇವ ಭಟ್ ಹಾಂನಿ° ಮಕರ ಸಂಕ್ರಾಂತಿಚೊ ಸಂದೇಶ ದಿಲೊ. "ಮಕರಸಂಕ್ರಾಂತಿಕ ಉತತ್ತರಾಯಣ ಶುರು ಜಾತಾ. ಆಜಿ ದಾಕೂನ ದೀಸ ಹೋಡು ರಾತಿ ಸಾನಿ. ಹ್ಯಾ ದೀಸಾಂತ ಕೆಲೆಲೆ ಕಾಮ ಸಫಲ ಜಾತಾ" ಮ್ಹಣು ತಾಂನಿ° ಸಾಂಗಲೆ°.

ವೈಷ್ಣವಿ ವಿ. ಕಾಮತ ಮುಖೇಲ ಸೊಯ್ರಿಣಿ ಆಶಿಲಿಂತಿ. ಶೋಭಾ ರಮೇಶ ಶೇಟ್, ಸುಧಾ ಶೇಟ್ ಆನಿ ಸುಚಿತ್ರಾ ನಾಯಕ್ ಮಾನಾಚೆ ಸೊಯ್ರಿಣಿ ಆಶಿಲಿಂತಿ. ಸುಧಾ ಶೇಟ್ ಹಾಂನಿ° ಮಕರ ಸಂಕ್ರಾಂತಿ ಬದಲ ಎಕ ಕವಿತಾ ವಾಚನ ಕೆಲೆ°, ಸುಚಿತ್ರಾ ನಾಯಕ ಹಾಂನಿ° ಫುಲ ಕುಂಕುಮಾ ಬದಲ ವ್ಯಾಕ್ಯಾನ ಕೆಲೆ°. "ಕುಂಕುಮಾಚೊ ರಂಗ ತಾಂಬಡೊ ಆಸಾ. ತೆ° ಶಕ್ತಿಚೆ ಪ್ರತಿಕ ಆಸಾ. ಬಾಯಲ ಮನಶಾಲೆ ನಿಡಲ್ಯಾರಿ ಶಕ್ತಿಚೆ ಕೇಂದ್ರ ಆಸಾ. ಕುಂಕುಮ ಧಾರಣ ಕರಚಾನ ಸ್ತ್ರಿಯಾಂಕ ಶಕ್ತಿ ಮೇಳತಾ" ಮ್ಹಣು ತಾಂನಿ° ಸಾಂಗಲೆ°. ಹಾಂಕಾ° ಸಂಘಾಚೆ ಸಾಂದ್ಯಾನಿ ವ್ಹಂಟಿ ಭರನು ಸನ್ಮಾನ ಕೆಲೊ.

ಕೊಂಕಣಿ ಎಂ.ಎ. ಉತೀರ್ಣ ಜಾಲೆಲೆ ಚಂದ್ರಿಕಾ ಮಲ್ಯ ಹಾಂಕಾ° ಶಾಲ ಪಾಂಗರೂನ ಸನ್ಮಾನ ಜಾಲೊ.

ಸಭಾ ಕಾರ್ಯಕ್ರಮಾಚೆ ಉಪರಾಂತ, ಶ್ವೇತಾ ಕಾಮತ ಆನಿ ಮೇಘಾ ಪೈ ಹಾಂಗೆಲೆ° ಭಾವಗೀತಾ ಆನಿ ಭಕ್ತಿಗೀತಾ ಪ್ರಸ್ತುತ ಜಾಲೆ°.

ಸಂಘಾಚೊ ಅಧ್ಯಕ್ಷ ಎಂ. ದಿನೇಶ ಭಟ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°.

ಕಾರ್ಯದರ್ಶಿ ಮಮತಾ ಕಾಮತಾನ ಆಬಾರ ಮಾನಲೊ. ಎಂ. ಆರ. ಕಾಮತಾನ ಸೂತ್ರ ಸಂಚಾಲನ ಕೆಲೆ°. ಆದಲೊ ಅಧ್ಯಕ್ಷ ಕಕ್ವ ರಾಘವ ಕಾಮತ, ಖಜಾಂಚಿ ವಸಂತ ರಾವ್ ಆನಿ ಉಪಾಧ್ಯಕ್ಷ ಸವನಾಳ ಜನಾರ್ಧನ ರಾವ್ ಉಪಸ್ಥಿತ ಆಶಿಲಿಂತಿ. ಶ್ವೇತಾ ಕಾಮತಾನ ಪ್ರಾರ್ಥನಾ ಗಾಯಲಿ. ಸ್ಥಾಪಕ ಸದಸ್ಯ ಟಿ. ಆರ್. ಶೆಣೈ ಹಾಂಕಾ° ಶ್ರದ್ಧಾಂಜಲಿ ಅರ್ಪಣ ಜಾಲೆ°. ಅರ್ಣವ್ ಪ್ರಭುನ ಬೀಟ್ ಬಾಕ್ಸ್ ಪ್ರದರ್ಶನ ದಿಲೆ°, ಉಪರಾಂತ ಅರುಣ್ ಪ್ರಕಾಶ ನಾಯಕ ಹಾಂಗೆಲೆ° ನಿರ್ದೇಶನಾರಿ ಹಾಸ್ಯಮಯ ಕೊಂಕಣಿ ನಾಟ್ಕುಳೆ° "ಸಂಶಯ ಭೂತ" ಹಾಜೆ° ಪ್ರರ್ದಶನ ಜಾಲೆ°. ಪ್ರಕಾಶ ನಾಯಕ, ಪುಷ್ಪಲತಾ ಭಟ್, ವಿಶ್ವನಾಥ ಭಟ್, ಸುರೇಶ ಭಟ್, ಗಜಾನನ ಶೆಣೈ ಆನಿ ಅಮೃತಾ ಪ್ರಭು ಹಾನಿ° ನಟನ ಕೆಲೆ°.