मंगळूरु: गोंयांत १९६७ जानेवरी १६क घडलेल्या जनमत कौलांत यश पाविल्ले निमित्त आयज कोंकणी जीवीत आसा, देशाच्या खंयचेय कोन्शेंत ‘आमी कोंकणी लोक’ अशें लोकान स्वाभिमानान तकली उबारून जीयेचें तशें जालें. मंगळूरूंत आमी विश्व कोंकणी केंद्र उबो करूंक जालो, कर्नाटकाच्या शाळेंत देवनागरी लिपियेंत कोंकणी शिक्षण दिवूंक जालें” अशें डा. कस्तुरी मोहन पै हानीं मळ्ळें. मंगळूरच्या ;कोंकणी वाचन संघ’ हानीं सुजिर सि.वी.नायक सभागृहांत कोंकणी अस्मिताय दीसाक आयोजन केल्या ‘ जैती गोंय जनमत कौलाच्या निमित्त कोंकणी कशें जीवीत उरली’ म्हळळो विशयाचेर भासाभासांत तांचो मत मांडयलो आनी सगळेय फ़ुडारांक नमन केलें. णवद वर्सां प्रायेचो मट्टार विठल किणी हानीं १९५५-६१ मधींत गोंय सुटकेचो झुझांत आपण्यान वांटो घेतिलो अणभव सांगलो. जेश्ट कोंकणी फ़ुडार पय्यनूर रमेश पै हानीं जनमत कौलाचो फ़ाटबूयेंचेर उजवाड घालो आनी माहाराष्ट्रवादियांचो पात्रांची मायती दिली. जनमत कौलाचे वेळार पणजेंत नोकरेर आशिल्लो शांतकुमार भट्ट हानीं आंदोलनांत वांटो घेतिलो आपण्याचो अणभव, गोंयचो स्वाभिमान आनी कोंकणी भाशेचो जीवन-मरणाचें संघर्शाची कथा मार्मीक जावन वर्णन केली. १९६७ चे उप्रांत जल्मलेले खूब प्रेक्षक जनमत कौलाचो कथा आयकून खूब अभिमान भोगले. “अतीताचे अणभवान कोंकणीचे उदरगतीक भविश्यांत बरो बुन्याद घालूंक जाय’ म्हणु विश्व कोंकणी केंद्राचो अध्यक्ष नंदगोपाल शेणै हानीं म्हळ्ळें.”आयज कोंकणीची कुळार गोयांन गोंय सावन भायर कोंकणीची उदर्गतीक हाथ मळोवपाक जाय” अशें गोवीन्दराय प्रभु हानीं म्हळ्ळें. कोंकणी सांस्कृतिक संघाची अध्यक्ष प्रभा भट्ट, साधना बळग हाचो अध्यक्ष राघवेंद्र किणी, चप्टेकार कोंकणी समाजाचो अध्यक्ष रवींद्र नायक, कोडियाल खबर कोंकणी पत्रिकेचो संपादक वेंकटेश बाळिगा, शकुंतला किणी, उषा मोहन पै,  हानीं वांटो घेतलो. विद्या पै हानीं प्रार्थन म्हळ्ळी. सुचित्रा शेणै हानीं प्रस्थावन करून येवकार मागलो. डॉ. रमेश पै हानीं उपकार मागुन देव बरे करूं म्हळ्ळें.

To Support Kodial Khaber click the following button.

ಮoಗಳೂರು: ಲಯನ್ಸ್ ಪ್ರಕೋಸ್ತ ಲಯನ್ಸ್ ಡಿಸ್ಟ್ರಿಕ್ಟ್ 317 D ಹಾಂನಿ ಲಯನ್ಸ್ ಕ್ಲಬ್ ಮಂಗಳೂರು ಹಾಂಗೆಲೆ ಸಹಯೋಗಾರ ಜನವರಿ 9ಕ ಹಾಂಗಾಚೆ ಮಲ್ಲಿಕಟ್ಟೆಚೆ ಲಯನ್ಸ್ ಸೇವಾ ಮಂದಿರಾoತ ಪೊರನೆ ಹಿಂದಿ ಚಲನಚಿತ್ರಾಂಚೆ ಸಂಗೀತ ಸಾಂಜ "ಸುಹಾನ ಸಫರ್ - ಬಿನಾಕಾ ಗೀತಮಾಲಾ" ಕಾರ್ಯಕ್ರಮ ಆಯೋಜನ ಕೆಲೆಲೊ. ದಾಯಜಿ ವರ್ಲ್ಡ್ ಸ್ಥಾಪಕ ಆನಿ ಪ್ರಧಾನ ಸಂಪಾದಕ ವಾಲ್ಟರ್ ನಂದಳಿಕೆ ಹಾಂನಿ° ದೀವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆ°. ಲಯನ್ ಡಿಸ್ಟ್ರಿಕ್ಟ್ ಗವರ್ನರ್ ಕುಡ್ಪಿ ಅರವಿಂದ್ ಶೆಣೈ ಮುಖೆಲ ಸೊಯ್ರೊ ಆಶಿಲೊ. ಡಾ. ಕುಂಬ್ಳೆ ಅನಂತ್ ಪ್ರಭು - ಸರ್ಜರಿ ಪ್ರೊಫೆಸರ್ ಯೆನೆಪೋಯ ಮೆಡಿಕಲ್ ಕಾಲೇಜ್, ಗುರುದತ್ತ ಶೆಣೈ - ಮ್ಯಾನೇಜಿಂಗ್ ಪಾರ್ಟ್ನರ್ ವರ್ಟೆಕ್ಸ್ ವರ್ಕ್ಸ್ಪೇಸ್ & ಮುಕುಂದ್ ರಿಯಾಲ್ಟಿ ಆನಿ ಲಯನ್ಸ್ ಕ್ಲಬ್ ಮಂಗಳೂರು ಹಾಜೊ ಅಧ್ಯಕ್ಷ ಎಂ. ರಾಜೇಶ್ ಕಾಮತ್ ಮಾನಾಚೆ ಸೊಯ್ರ ಆಶಿಲೆ. ನಾವಾದೀಕ ರೇಡಿಯೋ ಆಂಕರ್ ಅಮೀನ್ ಸಯಾನಿ ಹಾಂಕಾ° ಶ್ರದ್ಧಾಂಜಲಿ ಅರ್ಪಣ ಕೆಲೆಲೆ ಹ್ಯಾ ಕಾರ್ಯಕ್ರಮಾಂತ ಸಾಬಾರ ತೀನ ಗಂಟೆ ಕಾಳ ಪೊರನೆ ಹಿಂದಿ ಚಲನಚಿತ್ರಾಂಚೆ ಗೀತ ಗಾಯನ ಡಾ. ಕುಂಬ್ಳೆ ಅನಂತ್ ಪ್ರಭು, ಮಾಲಿನಿ ಕೇಶವ ಪ್ರಸಾದ್ ಆನಿ ಹೇರ ಪ್ರತಿಭಾನ್ವಿತ ಗಾವ್ಪಿನಿ ಗಾಯಚೆ° ಜಾಲೆ°. ಉಪಾಸನಾ ಪಂಗಡಾ ತಾವ್ನ ವಿಶೇಷ ನೃತ್ಯ ಪ್ರದರ್ಶನ ಆಶಿಲೆ°. ಕುಂಬ್ಳೆ ನರಸಿಂಹ ಪ್ರಭು ಕಾರ್ಯಕ್ರಮಾಚೆ ಮುಖ್ಯ ಸಂಚಾಲಕ ಆನಿ ನಿರ್ವಾಹಕ ಆಶಿಲೆ. ರಜಿನಾ ದಿನೇಶ್ ಆನಿ ಭಾರತಿ ಪುಷ್ಪರಾಜನ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಾಬಾರ ತಿನ್ಶೆಕಯಿ ಚಡ ಸಂಗಿತ ಮೋಗಿ ಉಪಸ್ಥಿತ ಆಶಿಲೆ.

To Support Kodial Khaber click the following button.

कोंकणी भाषा प्रचारसभेचे आभिमुख्यार उत्कृष्ट कोंकणी साहित्यकृतीं खातीर आसिलें "एन.एम.सरस्वती बाय पुरस्कार" १० जानेवारी २०२६ शनिवारा सांजे ४ वारांचेर कोंकणी भाषा भवनांतु घडोंवचे सम्मेळनांतु वितरण करतलीं. बसकेची सुरवात एक प्रार्थनेन जातली. कोंकणी भाषा प्रचार सभेचो संयुक्त सचिव श्री पी. सुरेष पै येवकार सांगतोलो. कॅनरा बँकांतसून निवृत्त डी.जी.एम श्री.जी. सन्नकुमार प्रभु बसकेच्या उक्तावण करून सभागृहाचे नांव अनावरण करतले. निवृत्त न्यायाधीश आनी कोंकणी भाषा प्रचार सभेचो श्री. मनोहर एस. किणी अध्यक्ष आसतले. तिरुवनन्तपुरम दूरदर्शन केन्द्राचो सह संचालक श्री. डॉ. पी. आर. हरीन्द्र शर्मा मुखेल सोयर म्हणु आसतले. कोंकणी शिक्षक विद्यालयाची प्राचार्य श्रीमति. रानी रामकृष्ण किणी सौ. सम्पदा विष्णु सवासे हांका "एन.एम.सरस्वती बाय पुरस्कार" भेंटेयेतली. त्या उपरांत, पद्मश्री एन. पुरुषोत्तम मल्ल्या हाणी बरेयल्लो "कोच्चि केरळेश्वर शिवक्षेत्र चरित्र" पुस्तकाचे प्रकाशन नामनेचो कोंकणी साहित्यकार आनी केंद्र साहित्य अकादेमी पुरस्कार विजेता श्री शरतचन्द्र शेणाय करतले. निवृत्त मुख्याध्यापक आनी कोंकणी केन्द्र गोश्रीपुर संस्थेचो अध्यक्ष श्री. जी. मोहन शेणाय, कोच्ची तिरुमल देवस्थानाचो अध्यक्ष श्री अविनाश पी. कम्मत आशंसा दित्तले. कोंकणी भाषा प्रचार सभेचे कोषाध्यक्ष श्री. मनोहर आर शेणाय आभार व्यक्त करतले सभाकार्यक्रमानन्तर भुरर्यांगेलीं सांस्कृतिक कार्यावळ आसतली.

To Support Kodial Khaber click the following button.

आदरणीय केरळ राज्यपाल  भौमानेस्त श्री राजेंद्र विश्वनाथ आर्लेकार हांका नामनेचे लेखक आर.एस.भास्कर हे आपणान मलयाळम भाशेंत भाशांतर केल्लो "अठरा जून एक क्रांतियात्रा" पुस्तक सन्मान करतना. लोक भवन तिरुवनंतपुरम.

To Support Kodial Khaber click the following button.

ಪರ್ತಗಾಲಿ, ಗೋವಾ: ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶರಾದ ಶ್ರೀ ಶ್ರೀ ವಿದ್ಯಾಧೀಶತೀರ್ಥ ವಡೇರ ಸ್ವಾಮೀಜಿ ಹಾಂನಿ° ಡಿಸೆಂಬರ್ 21ಕ ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆ (ರಿ.), ಉಡುಪಿ ಜಿಲ್ಲಾ ಹಾಂಗೆಲಿ ಯೋಜನಾ ಜಾವೂನ ಆಸಚೆ "ವಯೋವಂದನಾ ಆತಿಥ್ಯ ಗೃಹ" ಹಾಜೆ ವಾಸ್ತು ಆನಿ ಮಾಹಿತಿ ದಾಕೋವಚೆ ಸಚಿತ್ರ ಸಂಚಿಕಾ ಹಾಜೆ° ಮೋಕಳಿಕ ಗೋವಾಚೆ ಶ್ರೀ ಸಂಸ್ಥಾನ ಪರ್ತಗಾಳಿ ಗೋಕರ್ಣ ಜೀವೋತ್ತಮ ಮಠ ಹಾಂಗಾಸರ ಕರನು ಆಶೀರ್ವಚನ ದಿಲೆ°.
ಜಿ ಎಸ್ ಬಿ ಸಮಾಜ ಹಿತರಕ್ಷಣಾ ವೇದಿಕೆಚೆ ಮಹತ್ವಪೂರ್ಣ ಯೋಜನಾ ಜಾವೂನ ಆಸಚೆ "ವಯೋವಂದನ ಆತಿಥ್ಯ ಗೃಹ" ಹಾಜೆ° ನಿರ್ಮಾಣ ವಗೀಚ ಜಾವನು ಮ್ಹಾಲ್ಗಡೆ ಲೋಕಾಂಕ ಸಮಾಧಾನಚೆ ಜೀವನಾಕ ಆಸ್ರೋ ಮೇಳನು ತಾಂನಿ° ಶಾಂತ ಮನಾನ ಜೀವನ ಕರಚೆ° ತಶಿ° ಜಾವೊ" ಮ್ಹಣು ಗುರುವರ್ಯಾನ ಶುಭಾಷಯ ಪಾಟಯಲೊ. ಮಣಿಪಾಲಚೆ ಉದ್ಭವ್ ಡೆವಲಪರ್ಸ್ ಸಂಸ್ಥೆಚೊ ಇಂಜಿನಿಯರ್ ಕುಂದಾಪುರಚೊ ಸಚಿತ್ ಪೈ ಹಾಂನಿ° ಹ್ಯಾ ಇಮಾರತಾಚೆ ವಾಸ್ತುಶಿಲ್ಪಿ ಆಸೂನ ವಯೋವೃದ್ಧ ಲೋಕಾಂಕ ಗರಜೆಚೆ ಸೌಕರ್ಯ ಮೇಳಚೆ ತಶಿ° ಬಾಂದಪ ಜಾತಲೆ° ಮ್ಹಣು ಸಾಂಗಲೆ°. ಉಡುಪಿ ಜಿಲ್ಲಾ ಬ್ರಹ್ಮಾವರ ತಾಲೂಕಾಚೆ ಉಪ್ಪೂರು ಗ್ರಾಮ ಪಂಚಾಯತ್ ವ್ಯಾಪ್ತಿಂತು° ಖರೀದಿ ಕೆಲೆಲೆ 1.11 ಎಕ್ರೆ ಜಮೀನಾರಿ "ವಯೋವಂದನ ಆತಿಥ್ಯ ಗೃಹ" ಹಾಜೆ ನಿರ್ಮಾಣಾಕ ಭೂಂಯಪುಜಾ 2026 ಫೆಬ್ರುವರಿ 8ಕ ಪರಮಪೂಜ್ಯ ಕಾಶಿ ಮಠಾಧೀಶ ಜಾವನು ಆಶಿಲೆ ಶ್ರೀ ಶ್ರೀ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಜನ್ಮ ನಕ್ಷತ್ರ(ಸ್ವಾತಿ ನಕ್ಷತ್ರ) ತೇಸು ಚಲಚೆ ಆಸಾ ಮ್ಹಣು ಜಿಎಸ್‌ಬಿ ಸಮಾಜ ಹಿತ ರಕ್ಷಣಾ ವೇದಿಕೆ (ರಿ.) ಹಾಜೊ ಸಂಚಾಲಕ ಆರ್. ವಿವೇಕಾನಂದ ಶೆಣೈ ಹಾಂನಿ° ಹ್ಯಾ ವೇಳಾರ ಕಳಯಲೆ°.
ಉಡುಪಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡ ಆನಿ ಶಿವಮೊಗ್ಗ ಜಿಲ್ಲೆ ದಾಕೂನ ಸಹಸ್ರ ಸಂಖೆನ ಆಯಿಲೆ ಹಿತ ರಕ್ಷಣಾ ವೇದಿಕೆಚೆ ಕಾರ್ಯಕರ್ತ ಆನಿ ಹೇರಾನಿ ಗುರುವರ್ಯಾಲೆ ಭಿಕ್ಷಾ ಸೇವೆಂತು° ವಾಂಟೊ ಘೆವನು ಫಲಮಂತ್ರಾಕ್ಷತಾ ಸ್ವೀಕಾರ ಕೆಲೆ°. ಹ್ಯಾ ವೇಳಾರ ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಚೊ ಅಧ್ಯಕ್ಷ ಜಿ .ಸತೀಶ್ ಹೆಗ್ಡೆ, ಕೋಟ, ಪ್ರಧಾನ ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್, ಕೋಶಾಧ್ಯಕ್ಷ ಕಲ್ಯಾಣಪುರ ವಿನೋದ್ ಕಾಮತ್, ವಿದ್ಯಾಪೋಷಕ ನಿಧಿಚೊ ಅಧ್ಯಕ್ಷ ಸಿಎ ಎಸ್. ಎಸ್. ನಾಯಕ್, ಸಂಚಾಲಕ ವಿಜಯಕುಮಾರ್ ಶೆಣೈ, ನಾಗೇಶ್ ಕಾಮತ್, ಉಪೇಂದ್ರ ಕಾಮತ್, ಅನಂತ ಪೈ, ಸಿದ್ದಾಪುರ ವಾಸುದೇವ ಪೈ, ಪಾಂಡುರoಗ ಪೈ, ಮೋಹನ್ ದಾಸ್ ಶಾನಭಾಗ್, ಕಾರ್ಕಳ ಗೋಪಾಲಕೃಷ್ಣ ಜೋಶಿ, ಮಣೇಲ್ ವಾಮನ್ ನಾಯಕ್ ಆನಿ ಹೇರ ಉಪಸ್ಥಿತ ಆಶಿಲೆ.

To Support Kodial Khaber click the following button.