ಮಂಗಳೂರು: ವಿ. ಬಿ. ಕ್ರೀಯೆಷನ್ಸ್ ಹಾಂನಿ° ಮಾಂಡೋನ ಹಾಡಲೆಲೆ "ಆನ್ನಾಲಿ ವಾಸರಿ" ಯೂಟ್ಯೂಬ್ ಕಾರ್ಯಕ್ರಮಾಚೆ ಚಿತ್ರಿಕರಣ ಆರತಾ° ಲೇಡಿಹಿಲ್ಲಾಚೆ 'ಕಸ್ತೂರಿ ನಿವಾಸ' ಹಾಂಗಾ ಜಾಲೆ°. ಪಣಂಬೂರ್ ವಿಠೋಭಾ ಭಂಡಾರಕಾರ್ ಹಾಂಗೆಲೆ ನಿರ್ದೇಶನಾರ ಚಲಚೆ ಹ್ಯಾ ರಾಂದಪಾ ಕಾರ್ಯಕ್ರಮಾಂತ ದಾರಲೆ ಲೋಕ ಜಿ.ಎಸ್.ಬಿ ಖಾಣ ಜೇವಣಾಚೆ ತಯಾರಿ ಕರನು ದಾಕಯತಾತಿ ಮ್ಹಣು ತಾಣೆ ಹ್ಯಾ ವೇಳಾರ ಸಾಂಗಲೆ°. ನ್ಯೂ ತಾಜಮಹಲ್ ಕೆಫೆ ಹಾಜೊ ಆಡಳಿತ ನಿರ್ದೇಶಕ ಕುಡ್ಪಿ ಜಗದೀಶ ಶೆಣೈ ಹಾಂನಿ° ದಿವೊ ಲಾವನು ಗ್ಯಾಸ ಸ್ಟವಾಕ ಅಗ್ನಿ ಸ್ಪರ್ಶ ಕರನು ಕಾರ್ಯಕ್ರಮಾಕ ಚಾಲನ ದಿವನು ಶುಭಾಷಯ ಪಾಟಯಲೊ. ಶಾಸಕ ವೇದವ್ಯಾಸ ಕಾಮತ ಹಾಂನಿ° ಭೇಟಿ ದಿವನು ಶುಭಾಷಯ ಪಾಟಯಲೊ ಆನಿ ರಾಂದಪಾಚಿ ರುಚಿ ಪಳಯಲಿ. ಕೊಡಿಯಾಲಚೆ ಶ್ರೀ ವೆಂಕಟರಮಣ ದೇವಳಾಚೆ ಮೋಕ್ತೆಸರ ಎಂ. ಕಿರಣ್ ಪೈ, ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ, ವಿಶ್ವ ಕೊಂಕಣಿ ಸ್ತ್ರೀ  ಶಕ್ತಿ ಮಿಷನ್ ಹಾಜಿ ಸಂಚಾಲಕಿ ಗೀತಾ ಸಿ. ಕಿಣಿ, ಕೊಂಕಣಿ ಚಲನಚಚಿತ್ರ ನಟು ಎಂ. ದಿನೇಶ ಪ್ರಭು, ರೊನಾಲ್ಡ್ ಮಸ್ಕರೇನಸ್, ಕಾರ್ಯಕ್ರಮಾಚೊ ಸಹ ನಿರ್ದೇಶಕ ಮುಲ್ಕಿ ಗಣೇಶ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಶಾಂತಿ ಶೆಣೈನ ಪ್ರಾರ್ಥನಾ ಸಾಂಗಲಿ. ವರ್ಷಾ ಸಂತೋಷ ಕಾಮತಾನ ಸೂತ್ರ ಸಂಚಾಲನ ಕೆಲೆ°.

https://www.youtube.com/watch?v=t1IiEv34Rak

To Support Kodial Khaber click the following button.

ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ತಾನ ತೆಂಕಪೇಟೆ ಉಡುಪಿ ಹಾಜೆ ಶತಮಾನೋತ್ತರ ರಜತ ಮಹೋತ್ಸವ (125 ವರಸ°) ಪ್ರಯುಕ್ತ ಚಲತ ಆಸಚೆ ಅಹೋರಾತ್ರಿ ನಿರಂತರ ಭಜನಾ ಮಹೋತ್ಸವಾಚೆ ಸಂದರ್ಭಾರಿ ಶ್ರೀ ಚಿತ್ರಾಪುರ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಗುರುವರ್ಯ ಶ್ರೀಮದ್ ಸದ್ಯೋಜಾತ ಶಂಕರಾಶ್ರಮ ತೀರ್ಥ ಹಾಂನಿ° ದೇವಳಾಕ ಭೇಟಿ ದಿಲಿ. ಹ್ಯಾ ಸಂದರ್ಭಾರಿ ಗುರುವರ್ಯಾನಿ ಜಯ ಅಂಜನೇಯ ಸ್ವಾಮೀ ಆನಿ ಶ್ರೀ ಕೃಷ್ಣಾ ಜಗದ್ ಗುರು ಭಜನ ಗಾಯಲೆಂ. "ಹರಿನಾಮ ಸಂಕೀರ್ತನ ಶುರು ಕರನು 125 ವರಸ° ಜಾವನು ಆಸಚೆ° ಖೂಬ ಸಂತೋಸಾಚೊ ವಿಚಾರ. ಹರಿ ನಾಮ ಸಂಕೀರ್ತನ ಕೆಲೆಲೆ ನಿಮಿತ ಮನಾಕ ಶಾಂತಿ ಮೇಳನು ಲೋಕಾಂಕ ಸಾಂಗತ ಹಾಡಚಾಕ ಜಾತಾ, ಗುರುಲೊ ಆನಿ ದೇವಾಲೆ ಅನುಗ್ರಹ ಸಗಳೆ ಸಾಮಜಾಚೆರಿ ಉರೊ ಮ್ಹಣು" ಗುರುವರ್ಯಾನಿ ಆಶೀರ್ವಚನಾಂತು° ಸಾಂಗಲೆ°.

ಭಜನಾ ರೂವಾರಿ ಮಟ್ಟಾರ್ ಸತೀಶ್ ಕಿಣಿ ಹಾಂನಿ° ಭಜನಾ ಮಹೋತ್ಸವಾ ಬದಲ ಮಾಹಿತಿ ದೇವಳಾಚೆ ಅರ್ಚಕ ದಯಘಾನ್ ಭಟ್, ವಿನಾಯಕ್ ಭಟ್, ದೀಪಕ್ ಭಟ್, ಆಡಳಿತ ಮೋಕ್ತೇಸರ ಪಿ ವಿ ಶೆಣೈ, ಆಡಳಿತ ಮಂಡಳಿಚೆ ಸಾಂದೆ ವಿಶ್ವನಾಥ್ ಭಟ್, ವಸಂತ್ ಕಿಣಿ, ಪುಂಡಲೀಕ್ ಕಾಮತ್, ಶಾಂತಾರಾಮ್ ಪೈ, ಗಣೇಶ್ ಕಿಣಿ, ಉಮೇಶ್ ಪೈ, ಕೈಲಾಸನಾಥ ಶೆಣೈ, ಭಾಸ್ಕರ್ ಶೆಣೈ, ವಿವೇಕ್ ಶಾನಭೋಗ್, ರಮೇಶ್ ಭಟ್, ಗಣೇಶ್ ಕಿಣಿ ಆನೆ ವ್ಹಿಂಗವ್ಹಿoಗಡ ಭಜನಾ ಮಂಡಳಿಷಚೆ ಸಾಂದೆ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಹೇರ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ಉಡುಪಿ ಸಂತೆಕಟ್ಟೆ ಲಾಗಿಚೆ ನಯಂಪಳ್ಳಿ ಕಾಶೀಮಠ ಶ್ರೀ ಗೋಪಾಲಕೃಷ್ಣ ದೇವಸ್ಥಾನಾಕ ಶ್ರೀ ಕಾಶಿ ಮಠ ಸಂಸ್ಥಾನಾಚೆ ಮಠಾಧೀಶ ಶ್ರೀ ಸಂಯಮಿoದ್ರ ತೀರ್ಥ ಸ್ವಾಮೀಜಿ ಹಾಂನಿ° ಆರತಾ° ಭೇಟಿ ದಿಲಿ. ಹ್ಯಾ ವೇಳಾರ ತಾಂಕಾ° ದೇವಳಾಚೆ ವತಿನ ಮಂಗಳವಾದ್ಯ ಸಹಿತ ಪೂರ್ಣ ಕುಂಭ ಸ್ವಾಗತ ದಿವಚೆ ಜಾಲೆ°. ಉಪರಾಂತ ಪಾದಪೂಜಾ ಕರನು ಫಲ ಪುಷ್ಪ ಕಾಣಿಕಾ ಅರ್ಪಣ ಕರಚೆ ಜಾಲೆ°. ದೇವಾಲೆ ದರ್ಶನ ಘೆತಿಲೆ ಗುರುವರ್ಯಾನಿ ದೇವಳಾಚೆ ಅಭಿವೃದ್ಧಿ ಕಾರ್ಯ° ಜಾವನು ಆಸಚೆ ನವೀಕೃತ ಸುತ್ತುಪೌಳಿ, ನಾಗಬನ, ನೂತನ ಪುಷ್ಕರಣಿಚೆ ವಿಕ್ಷಣ ಕರನು ದೀವೊ ಲಾವನು ಉಗ್ತಾವಣ ಕೆಲೆ°. "ಆಮಗೆಲೆ ಮ್ಹಾಲ್ಗಡೆನಿ ಸಮಾಜಾಚೆ ಅಭಿವೃದ್ಧಿ ಕಾತಿರ ದೇವಳ° ಬಾಂದಿಲಿ°, ಭಜನಾ ಮಂಡಳಿ ಸ್ಥಪನಾ ಕರನು ಹರಿನಾಮ ಸಂಕೀರ್ತನಾ ಶುರು ಕರನು 25 ವರಸ° ಜಾಲ್ಯಾಂತಿ. ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಜನ್ಮ ಶತಮಾನೋತ್ಸವಾಚೆ ಹ್ಯಾ ಶುಭಸಂದರ್ಭಾಚೆರಿ ತುಮಿ ಶಂಬರಗಟ್ಲೆನ ಘರಾಂತ ಭಜನ ಕರನು ಗುರುಲೆ ಆರಾಧನಾ ಕರಚೆ° ಸಂತೋಸಾಚೊ ವಿಚಾರ. ಸಗಟಾಂಕ ದೇವಾಲೊ ಆನಿ ಗುರುಲೊ ಅನುಗ್ರಹ ಪ್ರಾಪ್ತ ಜಾವೊ ಮ್ಹಣು ದೇವಾಲಾಗಿ ಮಾಘತಾತಿ" ಮ್ಹಣು ಗುರುವರ್ಯಾನ ಹ್ಯಾ ಸಂದರ್ಭಾರಿ ಆಶೀರ್ವಚನ ದಿಲೆ°.

"1825 ಇಸವಿಂತು° ಶ್ರೀಮದ್ ಸುಮತಿಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಕಾಳಾಂತು° ಹೆ° ದೇವಳ ಶ್ರೀ ಕಾಶಿಮಠಾಕ ಹಾತಾಂತರ ಜಾಲೆಲೆ°. ತ್ಯಾ ದೆಕೂನು 2025 ಸಂಪೂರ್ಣ ವರಸ ದೇವಳಾಚೆ 200ವೆ° ಮಹೋತ್ಸವ ಆಚರಣ ಕರತಾ ಆಸಾತಿ, ಏಕಾಹ ಭಜನ ಶುರು ಜಾವನು 25 ವರಸ° ಜಾಲ್ಯಾಂತಿ" ಮ್ಹಣು ನಯಂಪಳ್ಳಿ ಶ್ರೀ ಕಾಶಿ ಮಠಾಚೆ ವ್ಯವಸ್ಥಾಪಕ ಸಮಿತಿಚೊ ಅಧ್ಯಕ್ಷ ಶಿರಿಯಾರ ಗಣೇಶ್ ನಾಯಕ್ ಹಾಂನಿ° ಕಳಯಲೆ°. ದೇವಳಾಚೆ ಪ್ರಧಾನ ಅರ್ಚಕ ಶ್ರೀಜಿತ್ ಶರ್ಮಾ, ರಘುವೀರ ಆಚಾರ್ಯ, ವೇದ ಮೂರ್ತಿ ಚೇ0ಪಿ ಶ್ರೀಕಾಂತ್ ಭಟ್ ಹಾಂಗೆಲೆ ಮುಖೇಲಪಣಾರಿ ಧಾರ್ಮಿಕ ಪೂಜಾ ವಿಧಾನ ಚಲೆ°. ಉಪಾಧ್ಯಕ್ಷ ಸತೀಶ್ ಪೈ, ಕಾರ್ಯದರ್ಶಿ ಅರವಿಂದ್ ಭಟ್, ಸಹ ಕಾರ್ಯದರ್ಶಿ ಸುಭಾಶ್ ಭಟ್, ಖಜಾನದಾರ ನಾಗೇಂದ್ರ ನಾಯಕ್, ಕಾಶೀನಾಥ್ ಭಟ್ ಕಲ್ಯಾಣಪುರ, ದಿನೇಶ್ ಶೆಣೈ, ಶಂಕರ್ ಶೆಣೈ, ರಾಮಚಂದ್ರ ಕಿಣಿ, ಅಜಿತ್ ಪೈ, ಸೀತಾರಾಮ್ ಭಟ್, ವಾಸುದೇವ ಶೆಣೈ, ಸುಭಾಶ್ ಕಾಮತ್, ಸಂತೋಷ್ ಭಕ್ತ, ಸಂದೀಪ್ ನಾಯಕ್, ಮೆನೇಜರ್ ಜಗದೀಶ್ ಕಿಣಿ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜಭಾದವ ಉಪಸ್ಥಿತ ಆಶಿಲೆ.

To Support Kodial Khaber click the following button.

 विश्व कोंकणी केंद्राचे वतीन विश्व कोंकणी नाटक महोत्सव आनी  डा.पी दयानंद पै विश्व कोंकणी रंगश्रेषठ आनी  अनुवाद प्रशसती प्रदान समारंभ ०८-०२-२०२५ तारीक कोडी याल बैल‌ टी.वी. रमण पै सभांगणांत चल्ले. म्हाल्गडे रंगकर्मी गुलवाडी रामदास दत्तात्रेय भट आनी नामनेचे साहिती, अनुवादकी डा.गीता शेणै  हांका प्रशसती प्रदान केलें.

विश्व कोंकणी केंद्राचे अध्यक्ष  श्री सिए नंद गोपाल शेणै हानी उलोवनू, डा.पी. दयानंद पै हानी १ कोटी रू. देणिगा विश्व कोंकणी केंद्राक दिलां. हें वापरुनू प्रती वरस प्रशसती दिवचे   सांगाताक  कोंकणी काऱ्यक्रमय करचाक  तान्नी सुचयलां. हें मुखारसुचे काम विश्व कोंकणी केंद्र वतीन चलत आसा अशीं सांगलें.

उद्यमी डा.पी. दयानंद पै हानी अंतर्जाला मुखांतर उलोवनू,  कोंकणी भास एक बलिषठ जावनू वाडका. कोंकणी लोकांनी आवय भास वाडचे तशीं पोळोवका. कोंकणी खातीर  सर्व रीतीन पाटिंबा दिवचाक हांव तयार आसा अशीं उलों दिलें,

म्हाल्गडे रंगकर्मी गुल्ताडी राम दास दत्तात्रेय भट हांका डा.पी. दयानंद पै विश्व कोंकणी रंगश्रेषठ प्रशसती आनी  नामनेचे साहिती, अनुवादकी डा.गीता शेणै हांका  डा.पी. दयानंद पै विश्व कोंकणी अनुवाद प्रशसती प्रदान  केलें. प्रशसती १ लाख रुपयी, शाल, श्रीपळ आनी प्रशसती फलक दिवनू फुल्ला म्हाळा घालनू तांका मान केलें.

महाराषट्राचे सुधाकर भट नेतृत्वारी नामानेचे कलातंड आम्मी रंगकर्मी, मुंबयी हानी 'पोसट कार्ड' आनी कर्नाटक-केरळ राज्य कासरगोडू चिन्ना हांगेले नेतृत्वारी रंग चिन्नारी, कासर गोडू- अभिनय केलेले जनमोगाळ 'कर्माधीन' कोंकणी नाटक प्रदर्शन, चल्लें. हें विश्व कोंकणी नाटकोत्सव काऱ्यावळीक एं आर कामत हानी निरूपण केलें. 

प्रशसती प्रदान करचे सभा काऱ्यक्रमांत विश्व कोंकणी केंद्र पधादिकारी बी.आर. भट,  डा.कसतूरी मोहन पै, विलियं डिसोज, डी रमेश नायक, नारायण नायक, शकुंतला किणी उपस्थीत आशिलिंची. सुचित्रा एस. शेणै हानी काऱ्यक्रम निरूपण केलें. अशीं डा.पी.दयानंद पै विश्व कोंकणी रंगश्रेषठ, अनुवाद प्रशसती प्रदान आनी विश्व कोंकणी नाटकोत्सवांत सुमार पांयंशी (५००) लोक भागी आसुनू कोंकणी नाटकाचे आनंद पावलिंती.

ವಿಶ್ವ ಕೊಂಕಣಿ ಕೇಂದ್ರಾಚೆ ವತೀನ ವಿಶ್ವ ಕೊಂಕಣಿ ನಾಟಕ ಮಹೋತ್ಸವ ಆನಿ  ಡಾ.ಪಿ ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಠ ಆನಿ  ಅನುವಾದ ಪ್ರಶಸ್ತಿ ಪ್ರದಾನ ಸಮಾರಂಭ ೦೮-೦೨-೨೦೨೫ ತಾರೀಕ ಕೊಡಿ ಯಾಲ್ ಬೈಲ್‌ ಟಿ.ವಿ. ರಮಣ ಪೈ ಸಭಾಂಗಣಾಂತ ಚಲ್ಲೆ.

ಮ್ಹಾಲ್ಗಡೆ ರಂಗಕರ್ಮಿ ಗುಲ್ವಾಡಿ ರಾಮದಾಸ್ ದತ್ತಾತ್ರೇಯ ಭಟ್ ಆನಿ ನಾಮನೆಚೆ ಸಾಹಿತಿ, ಅನುವಾದಕಿ ಡಾ.ಗೀತಾ ಶೆಣೈ  ಹಾಂಕಾ ಪ್ರಶಸ್ತಿ ಪ್ರದಾನ ಕೆಲೆಂ.

ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ  ಶ್ರೀ ಸಿಎ ನಂದ ಗೋಪಾಲ ಶೆಣೈ ಹಾನಿ ಉಲೊವನು, ಡಾ.ಪಿ. ದಯಾನಂದ ಪೈ ಹಾನಿ 1 ಕೋಟಿ ರೂ. ದೇಣಿಗಾ ವಿಶ್ವ ಕೊಂಕಣಿ ಕೇಂದ್ರಾಕ ದಿಲಾಂ. ಹೆಂ ವಾಪರುನು ಪ್ರತಿ ವರಸ ಪ್ರಶಸ್ತಿ ದಿವಚೆ   ಸಾಂಗಾತಾಕ  ಕೊಂಕಣಿ ಕಾರ್ಯಕ್ರಮಯ ಕರಚಾಕ  ತಾನ್ನಿ ಸುಚಯಲಾಂ. ಹೆಂ ಮುಖಾರಸುಚೆ ಕಾಮ ವಿಶ್ವ ಕೊಂಕಣಿ ಕೇಂದ್ರ ವತೀನ ಚಲತ ಆಸಾ ಅಶಿಂ ಸಾಂಗಲೆಂ.

ಉದ್ಯಮಿ ಡಾ.ಪಿ. ದಯಾನಂದ ಪೈ ಹಾನಿ ಅಂತರ್ಜಾಲಾ ಮುಖಾಂತರ ಉಲೊವನು,  ಕೊಂಕಣಿ ಭಾಸ ಏಕ ಬಲಿಷ್ಠ ಜಾವನು ವಾಡಕಾ. ಕೊಂಕಣಿ ಲೋಕಾಂನಿ ಆವಯ ಭಾಸ ವಾಡಚೆ ತಶಿಂ ಪೊಳೊವಕಾ. ಕೊಂಕಣಿ ಖಾತಿರ  ಸರ್ವ ರೀತೀನ ಪಾಟಿಂಬಾ ದಿವಚಾಕ ಹಾಂವ ತಯಾರ ಆಸಾ ಅಶಿಂ ಉಲೊಂ ದಿಲೆಂ,

ಮ್ಹಾಲ್ಗಡೆ ರಂಗಕರ್ಮಿ ಗುಲ್ತಾಡಿ ರಾಮ ದಾಸ್ ದತ್ತಾತ್ರೇಯ ಭಟ್ ಹಾಂಕಾ ಡಾ.ಪಿ. ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಠ ಪ್ರಶಸ್ತಿ ಆನಿ  ನಾಮನೆಚೆ ಸಾಹಿತಿ, ಅನುವಾದಕಿ ಡಾ.ಗೀತಾ ಶೆಣೈ ಹಾಂಕಾ  ಡಾ.ಪಿ. ದಯಾನಂದ ಪೈ ವಿಶ್ವ ಕೊಂಕಣಿ ಅನುವಾದ ಪ್ರಶಸ್ತಿ ಪ್ರದಾನ  ಕೆಲೆಂ. ಪ್ರಶಸ್ತಿ 1 ಲಾಖ ರುಪಯಿ, ಶಾಲ, ಶ್ರೀಪಳ ಆನಿ ಪ್ರಶಸ್ತಿ ಫಲಕ ದಿವನು ಫುಲ್ಲಾ ಮ್ಹಾಳಾ ಘಾಲನು ತಾಂಕಾ ಮಾನ ಕೆಲೆಂ.

ಮಹಾರಾಷ್ಟ್ರಾಚೆ ಸುಧಾಕರ ಭಟ್ ನೇತೃತ್ವಾರಿ ನಾಮಾನೆಚೆ ಕಲಾತಂಡ ಆಮ್ಮಿ ರಂಗಕರ್ಮಿ, ಮುಂಬಯಿ ಹಾನಿ 'ಪೋಸ್ಟ್ ಕಾರ್ಡ್' ಆನಿ ಕರ್ನಾಟಕ-ಕೇರಳ ರಾಜ್ಯ ಕಾಸರಗೋಡು ಚಿನ್ನಾ ಹಾಂಗೆಲೆ ನೇತೃತ್ವಾರಿ ರಂಗ ಚಿನ್ನಾರಿ, ಕಾಸರ ಗೋಡು- ಅಭಿನಯ ಕೆಲೆಲೆ ಜನಮೊಗಾಳ 'ಕರ್ಮಾಧೀನ' ಕೊಂಕಣಿ ನಾಟಕ ಪ್ರದರ್ಶನ, ಚಲ್ಲೆಂ. ಹೆಂ ವಿಶ್ವ ಕೊಂಕಣಿ ನಾಟಕೋತ್ಸವ ಕಾರ್ಯಾವಳಿಕ ಎಂ ಆರ್ ಕಾಮತ ಹಾನಿ ನಿರೂಪಣ ಕೆಲೆಂ. 

ಪ್ರಶಸ್ತಿ ಪ್ರದಾನ ಕರಚೆ ಸಭಾ ಕಾರ್ಯಕ್ರಮಾಂತ ವಿಶ್ವ ಕೊಂಕಣಿ ಕೇಂದ್ರ ಪಧಾದಿಕಾರಿ ಬಿ.ಆರ್. ಭಟ್,  ಡಾ.ಕಸ್ತೂರಿ ಮೋಹನ ಪೈ, ವಿಲಿಯಂ ಡಿಸೋಜ, ಡಿ ರಮೇಶ್ ನಾಯಕ್, ನಾರಾಯಣ್ ನಾಯಕ್, ಶಕುಂತಲಾ ಕಿಣಿ ಉಪಸ್ಥಿತ ಆಶಿಲಿಂಚಿ. ಸುಚಿತ್ರಾ ಎಸ್. ಶೆಣೈ ಹಾನಿ ಕಾರ್ಯಕ್ರಮ ನಿರೂಪಣ ಕೆಲೆಂ. ಅಶಿಂ ಡಾ.ಪಿ.ದಯಾನಂದ ಪೈ ವಿಶ್ವ ಕೊಂಕಣಿ ರಂಗಶ್ರೇಷ್ಠ, ಅನುವಾದ ಪ್ರಶಸ್ತಿ ಪ್ರದಾನ ಆನಿ ವಿಶ್ವ ಕೊಂಕಣಿ ನಾಟಕೋತ್ಸವಾಂತ ಸುಮಾರ ಪಾಂಯಂಶಿ (೫೦೦) ಲೋಕ ಭಾಗಿ ಆಸುನು ಕೊಂಕಣಿ ನಾಟಕಾಚೆ ಆನಂದ ಪಾವಲಿಂತಿ.

To Support Kodial Khaber click the following button.