ಮಂಗಳೂರು: ಶತಮಾನೋತ್ಸವ ಆಚರಣ ಕರತ ಆಸಚೆ ಶ್ರೀ ವಾಗೀಶ್ವರಿ ಯಕ್ಷಗಾನ ಕಲಾವರ್ಧಕ ಸಂಘ ಹಾಜೆ° ಚಾಳಿಸಾವೆ° ಹಪ್ತ್ಯಾಚೊ ಕಾರ್ಯಕ್ರಮ ಆರತಾ° ಹಾಂಗಾಚೆ ಶ್ರೀ ಮಹಾಮಾಯಿ ದೇವಳಾಚೆ ವಠಾರಾಂತು° ಘಡಲೊ. ಹ್ಯಾ ಸಂದರ್ಭಾರಿ ಯಕ್ಷಗಾನ ಕ್ಷೇತ್ರಾಂತು° 46 ವರಸ° ಸುಧೀರ್ಘ ಸೇವಾ ದಿಲೆಲೆ ವೇಷಧಾರಿ, ಪ್ರಸಂಗ ಕರ್ತೃ ಆರ್ಗೋಡು ಮೋಹನದಾಸ ಶೆಣೈ ಹಾಂಕಾ° ಸನ್ಮಾನ ಚಲೊ. ವೈವಿಧ್ಯ ಮಯ ಪಾತ್ರ ಕರನು ಲೋಕಾ ಮೋಗಾಳ ಜಾಲೆಲೆ ಆರ್ಗೋಡು ಮೋಹನದಾಸ ಶೆಣೈ ಹಾಂಗೆಲೆ° ವಳಕ ಸಂಘಾಚೊ ಪ್ರಧಾನ ಕಾರ್ಯದರ್ಶಿ ಸಂಜಯ ಕುಮಾರ್ ರಾವ್ ಹಾಂನಿ° ಕರನು ಅಭಿನಂದನ ಪಾಟಯಲೆ°. ಸನ್ಮಾನ ಸ್ವೀಕಾರ ಕೆಲೆಲೆ ಆರ್ಗೋಡು ಮೋಹನದಾಸ್ ಶೆಣೈ ಹಾಂನಿ° ಉಲಯಲೆ. 1976 ಇಸವಿಂತು° ತಾಂನಿ° ವೇಷಧಾರಿ ಜಾವನು ಯಕ್ಷಗಾನಾಚಿ ಬ್ಹೊಂವ್ಡಿ ಶುರು ಕರತನಾ ಭೊಗಿಲೆ ಕಷ್ಟ ತಾಂನಿ° ವಿವರ ಜಾವನು ಸಾಂಗಲೆ°. 10 ಮೈಲ್, ಪರಿಕರ ಮಾತ್ಯಾರಿ ವ್ಹವನು ದೂರ ದೂರ ಚಮಕೂನು ವೇಷ ಕರಚೆ ಕಲಾವಿದಾಂಗೆಲೆ ಪರಿಶ್ರಮಾಚೆ ನಿಮಿತ ಯಕ್ಷಗಾನ ಕಲಾ ವರಲ್ಯಾ ಮ್ಹಣು ತಾಂನಿ° ಸಾಂಗಲೆ°. ಕಶಿ° ಹರ ಎಕ ಥೆಂಬೆ ಉದಾಕ ಮೇಳನು ಸಿಂಧು ಜಾತಾ ಕೀ, ರೆವೆಂ ಕಣ ಮೇಳನು ಕಶಿಂ ರಾಶಿ ಜಾತಕೀ ತಶಿಂಚಿ ಎಕ್ವಟಾನ ಕಾಮ ಕರನು ಶತಮಾನೋತ್ಸವ ಆಚರಣ ಕರತ ಆಸಚೆ ಶ್ರೀ ವಾಗೀಶ್ವರಿ ಯಕ್ಷಗಾನ ಕಲಾವರ್ಧಕ ಸಂಘ ಹಾಜೆ ಸಾಂದ್ಯಾಲಿ ಕಾರ್ಯ ವೈಖರಿ ಅಭಿನಂದನಿಯ ಮ್ಹಣು ತಾಂನಿ° ಸಾಂಗಲೆ°. ಹ್ಯಾ ಸಂದರ್ಭಾರಿ

ಹಿಮ್ಮೆಳ ವಾದಕ, ಸಂಘಟಕ ಮಧುಸೂದನ ಅಲೆವೂರಾಯ ಹಾಂಕಾοಯಿ ಸನ್ಮಾನ ಚಲೊ. ಸಂಘಾಚಿ ಉಪಾಧ್ಯಕ್ಷಾ ಶೋಭಾ ಐತಾಳ್ ಹಾಂನಿ° ಅಲೆವೂರಾಯ ಹಾಂಕಾ° ಅಭಿನಂದನ ಪಾಟಯಲೆ°.

ಕರ್ನಾಟಕ ಯಕ್ಷಗಾನ ಅಕಾಡೆಮಿಚೆ ಸಹಯೋಗಾಂತ ಚಲೆಲೆ ಹ್ಯಾ ಕಾರ್ಯಕ್ರಮಾಚೆ ಅಧ್ಯಕ್ಷ ಆರ್. ಆರ್. ಪೈ ಎಂಡ್ ಕಂಪೆನಿಚೆ ನಾಗೇಶ್ ಪೈ ಆಶಿಲೆ. ಕಷ್ಟಾ ಕಾಳಾಂತೂಯಿ ಕಲಾವಿದಾನಿ ದಿಲೆಲೆ ನಿಸ್ವಾರ್ಥ ಸೇವಾ ಯಕ್ಷಗಾನ ಕಲಾ ವರೋನ ಹಾಡಚಾಕ ಪ್ರಮುಖ ಕಾರಣ ಮ್ಹಣು ತಾಂನಿ° ಸಾಂಗಲೆ°. ಹ್ಯಾಚ ಕಾರ್ಯಕ್ರಮಾಂತು° ಹೆಜಮಾಡಿ ಗೋವಿಂದ ರಾವ್ ಹಾಂಗೆಲಿ ಯಕ್ಷಗಾನ ಸೇವಾಚೆ ಸಂಸ್ಮರಣ ಜಾಲೆ°.

ವಾಗೀಶ್ವರಿ ಯಕ್ಷಗಾನ ಸಂಘಾಚೆ ನಾಗೇಶ್ ಪ್ರಭು ಹಾಂಗೆಲಿ ಧರ್ಮಪತ್ನಿ ಶಾಂತಿ ಎನ್. ಪ್ರಭು ಹಾಂನಿ° ಆರತಾ° ದೇವಾದಿನ ಜಾಲೆಲೆ ಬದಲ ಶೃದ್ಧಾಂಜಲಿ ಅರ್ಪಣ ಜಾಲೆ.

ಸಂಘಾಚೆ ಗೌರವಾಧ್ಯಕ್ಷ ಪ್ರದೀಪ ಕುಮಾರ ಕಲ್ಕೂರ ಹಾಂನಿ° ಉಲಯತಾ ಅಶೆಂ ಮ್ಹಣಾಲೆ. “153 ವರಸ ದಾಕೂನ ಘರಾ ಕಡೆನಚೀ ತಾಳಮದ್ದಳೆ ಚಲಾವನು ಆಯಿಲೆ ಆರ್ಗೋಡು ಮೋಹನದಾಸ ಶೆಣೈ ಕುಟುಂಬ, 100 ವರಸ ಇತಿಹಾಸ ಆಸಚೆ ಆರ್. ಆರ್. ಪೈ ಸಂಸ್ಥೊ ಆನಿ ಶತಮಾನೋತ್ಸವ ಆಚರಣ ಕರಚೆ ವಾಗೀಶ್ವರಿ ಕಲಾವರ್ಧಕ ಸಂಘ ಎಕಚ ವೇದಿಕೆರಿ ಆಸಚೆ° ಪಳಯತಾನ ಶತಮಾನೋತ್ಸವಾಚೆ ತ್ರಿವಳಿ ಸಂಗಮ ಜಾಲಾಂ ಮ್ಹಣಯೆತ” ಮ್ಹಣು ಸಾಂಗಲೆ°.

ಪುರಾಣಾಚೆ ಜ್ಞಾನ ದಿವಚೆ ಯಕ್ಷಗಾನ ಕಲಾವಿದ° ಶ್ರೇಷ್ಟ ಗುರು ಜಾತಾತಿ ಮ್ಹಣು ತಾಂನಿ° ಸಾಂಗಲೆ°. ಅಶೋಕ್ ಬೋಳೂರು ಹಾಂನಿ° ಸನ್ಮಾನ ಪತ್ರ° ವಾಚಲಿ°. ಸಂಘಾಚೊ ಅಧ್ಯಕ್ಷ ಶ್ರೀನಾಥ್ ಪ್ರಭು, ಉಪಾಧ್ಯಕ್ಷಾ ಪ್ರಫುಲ್ಲಾ ನಾಯಕ್, ಪ್ರಧಾನ ಸಂಚಾಲಕ ನವನೀತ್ ಶೆಟ್ಟಿ, ಎಂ. ಆರ್. ಕಾಮತ್, ಕಸ್ತೂರಿ ಎಂ. ಶೆಣೈ, ವಿಷ್ಣು ಶೆಣೈ, ವೆಂಕಟೇಶ್ ಬಾಳಿಗ ಉಪಸ್ಥಿತ ಆಶಿಲಿಂತಿ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಚಲೆಲೆ “ಸೀತಾ ಪರಿತ್ಯಾಗ” ತಾಳಮದ್ದಳೆ ಕಾರ್ಯಕ್ರಮಾಂತು° ಆರ್ಗೋಡು ಮೋಹನದಾಸ ಶೆಣೈ ಹಾಂನಿ° ಶ್ರೀ ರಾಮಲೆ ಪಾತ್ರ ಕೆಲೆ°.

ದಾವಣಗೆರೆ: ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ ಸಾಂದೆ, ವಾಂಗಡಿ ಹಾಂನಿ° ಕರಾವಳಿ ಕರ್ನಾಟಕಾಂತ ದೋನ ದಿವಸಾಚಿ ಬ್ಹೊಂವ್ಡಿ ಕೆಲಿ. ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಡಾ. ಶಿವರಾಮ ಕಾರಂತರ ಜನ್ಮಭೂಮಿ ಕೋಟಾಚೆ ಕಾರಂತ್ ಥೀಮ್ ಪಾರ್ಕ್’, ಸಾಲಿಗ್ರಾಮಾಚೆ ಡಿವೈನ್ ಪಾರ್ಕ್, ಶ್ರೀ ಗುರು ನರಸಿಂಹ ದೇವಸ್ಥಾನ, ಶ್ರೀ ಆಂಜನೇಯ ದೇವಸ್ಥಾನ, ಹಲವು ಮಕ್ಕಳ ತಾಯಿ ಕೋಟಾಚಿ ಶ್ರೀ ಅಮೃತೇಶ್ವರಿ, ಶ್ರೀ ಆನೆಗುಡ್ಡೆ ಶ್ರೀ ವಿನಾಯಕ, ಕುಂಭಾಶಿಚೆ ಶ್ರೀ ಚಂಡಿಕಾ ಚಾಮುಂಡೇಶ್ವರಿ, ಕೋಟೇಶ್ವರಚೆ ಕೋಟಿಲಿಂಗ ದೇವಾಲಯ, ಪಂಚಪಾοಡವಾನಿ ನಿರ್ಮಾಣ ಕೆಲೆಲೆ ಬೃಹತ್ ಪುಷ್ಕರಣಿ, ಶ್ರೀ ಲಕ್ಷ್ಮೀ , ಶ್ರೀ ಸರಸ್ವತಿ, ಶ್ರೀ ಪಾರ್ವತಿ, ಲಿಂಗರೂಪಾಚೆ ಮರಲ ದೇವಲಯ, ಉದ್ಭವ ಗಣಪತಿ, ಹಟ್ಟಿಯಂಗಡಿ, ಕೊಲ್ಲೂರು, ಸಿಗಂಧೂರೇಶ್ವರಿ ದೇವಾಲಯ, ಗಿಳಿಯಾರು ಸ್ವಾಮಿ ವಿವೇಕಾನಂದಾಲೆ 52 ಅಡಿ ಊಂಚಾಯೆಚಿ ಪುತ್ಥಳಿ, ಸಮುದ್ರ ತಡಿ (ಬೀಚ್), ಮಾರಣಕಟ್ಟೆ ದೈವಾಚಿ ಗುಡಿ ಅಶೆ° ಸಾಬಾರ ದೇವಳಂ ಆನಿ ದೈವಸ್ಥಾನಾಚೆ ವಿಕ್ಷಣ ಹ್ಯಾ ಪಂಗಡಾನ ಕೆಲೆ°. ಧಾರ್ಮಿಕ, ಸಾಂಸ್ಕೃತಿಕ, ಸಾಹಿತ್ಯ, ಆಧ್ಯಾತ್ಮಿಕ, ಐತಿಹಾಸಿಕ ಪರಂಪರಾ, ದಿವ್ಯ ಕ್ಷೇತ್ರಾಂಚೊ ಪ್ರವಾಸ ಅತ್ಯಂತ ಯಶಸ್ವಿ ತರಾನ ಜಾಲೊ ಮ್ಹಣು ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°.

ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಾ ಜ್ಯೋತಿ ಗಣೇಶ್ ಶೆಣೈ, ಮ್ಹಾಲ್ಗಡಿ ಸಾಹಿತಿ ಶಶಿಕಲಾ ಶಂಕರಮೂರ್ತಿ, ಜಯಶ್ರೀರಾಜು, ಸುಮಾ ಏಕಾಂತಪ್ಪ, ಗಿರಿಜಮ್ಮ ಚನ್ನಬಸಪ್ಪ, ಸಾವಿತ್ರಿ ರೇವಣಸಿದ್ದಪ್ಪ, ಮಮತ ಕೊಟ್ರೇಶ್, ಗಣೇಶ್ ರಾವ್, ನಂಜಮ್ಮ ಆನಿ ಹೇರ ಹ್ಯಾ ಬ್ಹೊಂವ್ಡಿ ಪಂಗಡಾοತು° ಆಶಿಲೆ.

ಮೂಡುಬಿದಿರೆ: “ಸಾಕ್ಷರತಾ ವಾಡಿಲೆ ತಶಿ° ಸಭ್ಯ ನಾಗರಿಕ ಸಮಾಜ ನಿಮಾರ್ಣ ಜಾವಕಾ. ತಾಜೆ ಕಾತಿರ ಮೌಲಿಕ ಶಿಕ್ಷಣ, ಸಮಾಜಮುಖಿ ಚಿಂತನಶೀಲ ಶಿಕ್ಷಣ ವ್ಯವಸ್ಥಾ ಗರಜೆಚೆ° ಆಸಾ. ಜಾತಿ ಧರ್ಮಾ ಪಶಿ ಪಯಲೆ° ದೇಶ ಮ್ಹಳೆಲಿ ಭಾವನಾ ಹರ ಎಕ ವಿದ್ಯಾರ್ಥಿಲೆ ಮನಾಂತ ಯೆವಕಾ. ಭಾರತೀಯ ಶಿಕ್ಷಣ ಪದ್ಧ್ದತಿಂತು° ಸಾಮಾಜಿಕ ಸಾಮರಸ್ಯ ವಾಡೊನು ವಿಶ್ವಭ್ರಾತೃತ್ವ ಫಾಯಸ ಕರನು ದೇಶ ಬಾಂದೂಚೆ ವಿಶೇಷ ಪರಿಕಲ್ಪನಾ ಆಸಾ.” ಮ್ಹಣು ಸಮಾಜ ಕಲ್ಯಾಣ ಇಲಾಖಾ ಆನಿ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖಾ ಹಾಜೊ ಮಂತ್ರಿ ಕೋಟ ಶ್ರೀನಿವಾಸ ಪೂಜಾರಿ ಹಾಂನಿ° ಸಾಂಗಲಾ°. ಹಾಂಗಾಚೆ ಎಕ್ಸಲೆಂಟ್ ಕಾಲೇಜಾಚೆ ದಶಮಾನೋತ್ಸವಾಚೆ ವೇಳಾರ ಚಲೆಲೆ ಪೋಷಕ ಆನಿ ಮ್ಹಾಲ್ಗಡೆ ವಿದ್ಯಾರ್ಥಿಯಾಲೆ° ಸಮ್ಮಿಲನ ಕಾರ್ಯಕ್ರಮಾಚೊ ಮುಖೇಲ ಸೊಯ್ರೊ ಜಾವನು ತಾಂನಿ° ಅಶೆ° ಸಾಂಗಲೆ°. ಹ್ಯಾ ವಾಟೆರಿ ಎಕ್ಸಲೆಂಟ್ ವಿದ್ಯಾ ಸಂಸ್ಥೊ ಆಧುನಿಕ ಶಿಕ್ಷಣಾಚೆ ಸಾಂಗತ ಸಂಸ್ಕಾರವοತ ಆನಿ ಜವಾಬ್ದಾರಿಯುತ ಪ್ರಜಾ ನಿರ್ಮಾಣ ಕರಚೆ ಬದಲ ಉಮೇದಿ ದಾಕಯತಾ ಆಸಚೆ° ಸಂತೋಸಾಚೊ ವಿಷಯ ಮ್ಹಣು ತಾಂನಿ° ಸಾಂಗಲೆ°. ಉಜಿರೆ ಎಸ್.ಡಿ.ಎಂ ಕಾಲೇಜಾಚೆ ಪ್ರಾಂಶುಪಾಲ ಡಾ. ಜಯಕುಮಾರ್ ಶೆಟ್ಟಿ ಮಾನಾಚೆ ಸೊಯ್ರೆ ಆಶಿಲೆ. “ವಿದ್ಯಾರ್ಥಿಯಾನಿ ಸವಾಲ ಘಾಲಚೊ ಅಭ್ಯಾಸ ಕರಕಾ ಆನಿ ತಾಜೆ ಸಾಂಗತ ನಾಕಾ ಜಾಲೆಲೆ ವಿಷಯಾಂಚೆ ಬದಲ ಆಕರ್ಷಿತ ಜಾವಚಾಕ ನಜ ಮ್ಹಣು ಉಲೊ ದಿಲೊ. ಶಿಕ್ಷಣ ತಜ್ಞ, ಆಪ್ತ ಸಮಾಲೋಚಕ ಪುಷ್ಪರಾಜ್ ಬದಿಯಡ್ಕ ಹಾಂನಿ° ಉಪಸ್ಥಿತ ಆಸೂನ ವಿದ್ಯಾರ್ಥಿಯಾಂಕ ಶಿಖತನಾ ಯೆವಚೆ ದುಬಾವ ಆನಿ ಪೋಷಕಾಂಕ ಯೆವಚೆ ಸಂದೇಹಾ ಬದಲ ಮಾಹಿತಿ ದಿಲಿ. ಅಧ್ಯಕ್ಷ ಯುವರಾಜ್ ಜೈನ್ ಹಾಂನಿ° ವಿದ್ಯಾರ್ಥಿಯಾನಿ ವ್ಹಡಿಲ ಆನಿ ಅದ್ಯಾಪಕಾಂಚೆರಿ ವಿಶ್ವಾಸ ದವರನು ಶಿಸ್ತು ಆಪಣಾವನು ಜ್ಞಾನ ಸಂಪಾದನ ಕರಚೆ° ಕರಕಾ ಮ್ಹಣು ಸಾಂಗಲೆ°. ಮ್ಹಾಲ್ಗಡೊ ಉಪನ್ಯಾಸಕ ಪುರುಷೋತ್ತಮ ತುಳುಪುಳೆ ಹಾಂನಿ° ವರದಿ ವಾಚಲಿ. ಕಾರ್ಯದರ್ಶಿ ಶ್ರೀಮತಿ ರಶ್ಮಿತಾ ಜೈನ್, ಪ್ರಾಂಶುಪಾಲ ಪ್ರದೀಪ್ ಕುಮಾರ್ ಶೆಟ್ಟಿ, ಮುಖ್ಯೋಪಾಧ್ಯಾಯ ಶಿವಪ್ರಸಾದ್ ಭಟ್ ವೇದಿರಿ ಉಪಸ್ಥಿತ ಆಶಿಲಿಂತಿ. ಸಾಧಕ ಮ್ಹಾಲ್ಗಡೆ ವಿದ್ಯಾರ್ಥಿಯಾಂಕ ಗೌರವಾರ್ಪಣ ಜಾಲೆ°. ಸಭಾ ಕಾರ್ಯಕ್ರಮಾಚೆ ಉಪರಾಂತ ಪೋಷಕ ಆನಿ ಮ್ಹಾಲ್ಗಡೆ ವಿದ್ಯಾರ್ಥಿಯಾನಿ ಮೇಳನು ಸಾಂಸ್ಕೃತೀಕ ಕಾರ್ಯಕ್ರಮ ಸಾದರ ಕೆಲೊ. ಉಪನ್ಯಾಸಕ ತೇಜಸ್ವಿ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

कोची: प्रथम सुशीला त्रिविक्रम भट स्मृती साहित्य पुरस्कारां जाहीर जाली. कोंकणी साहित्य पुरस्कार आर.एस.भास्कर हांका जाल्यार कोंकणी सेवा पुरस्कार नम्रता पी.किणी हांकां फावो जालें. कथा रचना पुरस्कार वसंतकुमारी पी.एस. आनी कविता रचना पुरस्कार विजयकुमार एन.पै हांकांय फावो जालें. पुरस्कारांचे स्वरूप मेम्मंडो, शाल आनी रोख अशीं आसतलें. 

नामनेची लेखिका कोंकणी फुडारी स्वर्गस्त सुशीला त्रिविक्रम भट हांगेल्या यादीक ताचे कुटुंब परिवारानी पुरस्कारां स्थापीत केल्याय. कोची कोंकणी भाशा प्रचार सभा सभाघरांत डिसेंबर 25 तारिखेक सांजेचे 5 वरार जावपी पुरस्कार समर्पण सुवाळ्यांत पुरस्कारां भेटेयतलें. कार्यावळीक सगट कोंकणी मोग्यांनी हाजीर रावचे अशीं सुशीला त्रिविक्रम भट हांगेल्यो धूवों सध्या वी.प्रभु आनी सिंधु वी.शेणै हांणीं पत्रांतल्यान विनंती केल्या.

ಊಡುಪಿ: ‘ಪಂಚ್ಕದಾಯಿ' ಕೊಂಕಣಿ ಮಾಸಿಕ ಪತ್ರಿಕೆಚೊ ಆದಲೊ ಸಂಪಾದಕ ಬಂಟ್ವಾಳ ಶಾಂತರಾಮ ಬಾಳಿಗಾ (87) ಹಾಂನಿ° ಆಜಿ (ಡಿ. 19) ಸಕಾಳಿ ಅಂತರಲಿοತಿ. ಥೊಡೆ ಕಾಳ ದಾಕೂನ ತಾಂಗೆಲೆ° ಆರೋಗ್ಯ ಬರೆ° ನಾ ಆಶಿಲೆ° ಜಾಲ್ಯಾರಯಿ ಸ್ಹ ಮ್ಹಯನೆ ಫಾಟಿ ತಾಂಯ ಬರೊವಚೆಂ ಕರತಲೆ ಮ್ಹಣು ತಾಂಕಾ° ವಳಕತಲೆ ಸಾಂಗತಾತಿ.
ಕಲ್ಯಾಣಪುರಚೆ ದೇವಾದಿನ ಕೃಷ್ಣ ಬಾಳಿಗಾ ಆನೀ ದೇವಾದಿನ ರಮಾ ಬಾಳಿಗಾ ಹಾಂಗೆಲೊ ಪೂತು ಜಾವನು ಆಸಚೆ ಬಿ. ಶಾಂತರಾಮ ಬಾಳಿಗಾ ಹಾಂಗೆಲೆ° ಮೂಳಾವೆ ಶಿಕ್ಷಣ ಬಂಟ್ವಾಳಚೆ ಎಸ್. ವಿ. ಎಸ್ ಪ್ರೌಡ ಶಾಳೆಂತು° ಜಾಲೆಲೆ°. ಉಪರಾಂತ ಚಾಳಿಸ ವರಸ° ಹಾಂನಿ° ಅಂಚೆ-ತοತಿ ಇಲಾಖೆಂತು° ಸೇವಾ ದಿವನು ನಿವೃತ್ತ ಜಾತರಿ ‘ಪಂಚ್ಕದಾಯಿ' ಕೊಂಕಣಿ ಮಾಸಿಕ ಪತ್ರಿಕೆಚೆ ಸಂಪಾದಕ ಜಾವನು ಕೊಂಕಣಿ ಭಾಶೆಚಿ ಸೇವಾ ದಿಲ್ಯಾ. ಕನ್ನಡ – ಕೊಂಕಣಿ, ಕನ್ನಡ – ಇಂಗ್ಲಿಷ್, ಇಂಗ್ಲಿಷ್ – ಕೊಂಕಣಿ ಅಣಕಾರಾಂತು° ಪಂಡಿತ ಆಶಿಲೆ ಹಾಂನಿ° ಖೂಬ ಲೇಖನ° ಆನೀ ಪುಸ್ತಕ° ಅಣಕಾರ ಕರನು ಪ್ರಕಟ ಕೆಲೆಲೆ° ಆಸಾ. ಸ್ವತ: ಗೀತ ರಚನ ಕರನು ಸಂಗೀತ ಸಂಯೋಜನ ಕರತಲೆ ಹಾಂನಿ° ಸಾಬಾರ ಕ್ಯಾಸೆಟ° ಫಾಯಸ ಕೆಲ್ಯಾಂತಿ.
ಉಡುಪಾಂತು° ಘಡಲೆಲೆ ಪುರಂದರದಾಸ ನಿರ್ಮಾಣ ಚತುಶತಮಾನ ಸಂಭ್ರಮಾಚೆ ವೇಳಾರಿ ‘ಪುರಂದರದಾಸರು' ಮ್ಹಳೆಲೆ ಗೀತ ನಾಟಕ ರಚನ ಕರನು ಸ್ವತ: ಪುರಂದರದಾಸಲೆ ಪಾತ್ರ ಹಾಂನಿ° ನಿರ್ವಹಣ ಕೆಲೆಲೆ° ಆಸಾ. ‘ಸಚತುಶಾಖಾ ಸುಭಾಷಿತ ಗಂಗಾ' ಆನೀ ‘ದ್ವಾದಶ ಪಂಜರಿಕಾ' ತಸಲೆ ಕೃತಿ ಸುತಾ ರಚನ ಕೆಲೆಲೆ ಹಾಂಗೆಲೆ° ವಿದ್ವತ್ ಮನೂನ ಘೆವನು ಉಡುಪಾಚೆ ಅದಮಾರು ಮಠಾಚೆ ಶ್ರೀ ಶ್ರೀ ಈಶಪ್ರೀಯ ತೀರ್ಥ ಶ್ರೀಪಾದ ಸ್ವಾಮೀಜಿ ಹಾಂನಿ° ತಾಂಗೆಲೆ ಪ್ರಥಮ ಪರ್ಯಾಯಾಚೆ ದೀಕ್ಷಾ ವಿಶ್ವಾರ್ಪಣ ಕಾರ್ಯಕ್ರಮಾಂತು° ‘ಸಾಹಿತ್ಯ ಶೇಖರಾ' ಪ್ರಶಸ್ತಿ ದೀವನು ಸಮ್ಮಾನ ಕೆಲಾ. ಉಡುಪಿ ಮಠಾಚೆ ರಾಜಾಂಗಣಾοತು° ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಉಪಸ್ಥಿತ ಆಶಿಲೆ.