ಕಾಞಂಗಾಡ್: ಹಾಂಗಾ ಲಾಗೀಚೆ ನಿಲೇಶ್ವರಚೆ ಸಮುದ್ರ ತಡಿಯೆರಿ ಗುರುಪುರ ಶೆಣೈ ಕುಟುಂಬೆಚೆ ಜಿ. ಜಿ. ಶೆಣೈ ಬೆಂಗಳೂರು ಹಾಂಗೆಲೆ ‘ಪ್ರಿಮೀಯರ್ ಹಾಲೆಡೇ ವಿಲೇಜ’ ಯೋಜನಾ ಸ್ಥಳಾಕ ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂನಿ° ಡಿ. 10ಕ ಪಾದಸ್ಪರ್ಷ ಕೆಲೆ°.

ಕಾಞοಗಾಡ್ ಕ್ಯಾಂಪಾ ದಾಕೂನ ಸಾಂಜವೇಳಾ ಜುಸ್ತ್ 5.30ಕ ಆಯಿಲೆ ಗುರುವರ್ಯಾಂಕ ವೇದಘೋಷಾರಿ ಶೆಣೈ ಕುಟುಂಬೆಚಾನಿ ಆನಿ ವೈದಿಕ ವರ್ಗಾನ ಸ್ವಾಗತ ಕೆಲೆ°. ಗುರುವರ್ಯಾನಿ ಬೀಚ್ ಪ್ರಾಪರ್ಟಿ ಪಳಯತರಿ ತಾಂಕಾ° ಶೆಣೈ ಕುಟುಂಬೆಚಾನಿ ಮೆಳನು ಪಾದಪೂಜಾ ಕರನು ಫಲಮಂತ್ರಾಕ್ಷತ ಸ್ವೀಕಾರ ಕೆಲೆ°. ಉಪರಾಂತ ಗಾಯಿಕಾ ಮಹಾಲಕ್ಷ್ಮಿಶೆಣೈ ಹಾಂಗೆಲೆ ಭಜನಾ ಕಾರ್ಯಕ್ರಮ ಚಲೊ. ಫಳಾರ ಸ್ವೀಕಾರ ಕರನು ಗರುವರ್ಯ ಕಾಞಂಗಾಡ್ ಕ್ಯಾಂಪಾಕ ಪರತಲೆ.
ಖೂಬ ಬೀಚ್ ಫ್ರಂಟ್ ಆಸಚೆ ಹ್ಯಾ 10 ಎಕ್ರೊ ಜಾಗೇರಿ ವ್ಹಾರ್ಡಿಕೆಚೆ ರಿಸೆಪ್ಶನ್, ಜಾಯದೀಸಾಚೆ ಸಂಭ್ರಮಾಚರಣ, ಬಿಸಿನೆಸ್ ಕಾನ್ಫರೆನ್ಸ್ಸ್ಆನೀ ಹೇರ ಕಾರ್ಯಕ್ರಮ ಕರಚಾಕ ಅವಕಾಶ ಆಸಾ ಮ್ಹಣು ಜಿ. ಜಿ. ಶೆಣೈ ಹಾಂನಿ° ಕಳಯಲೆ°. ಭರಪೂರ ಪಾರ್ಕಿಂಗ್ ವ್ಯವಸ್ಥಾ ಆಸಚೆ ಹಾಂಗಾ ವಗೀಚ್ ವಾಟರ್ ಸ್ಪೋರ್ಟ್ಸ, ವಾಟರ್ ಸರ್ಫೀಂಗ್, ಫೀಶಿಂಗ, ಸೀವಾಟರ್ ಸ್ವೀಮಿಂಗ್, ಸರ‍್ಕೆಲಿಂಗ್, ಪಾರಾ ಸೈಲಿಂಗ್, ರಾತಿಚೆ° ಕ್ಯಾಂಪಿοಗ್ ಕರಚಾಕ ಅವಕಾಶ ಕರನು ದಿತಾತಿ ಮ್ಹಣೂಯಿ ತಾಂನಿ° ಕಳಯಲಾ°. ಹ್ಯಾ ಸಂದರ್ಭಾರಿ ಶೆಣೈ ಕುಟುಂಬೆಚೆ ಮ್ಹಾಲ್ಗಡೆ, ಹೇರ ಸಾಂದೆ ಆನಿ ಅಭಿಮಾನಿ ಲೋಕ ಉಪಸ್ಥಿತ ಆಶಿಲೆ.

ದಾವಣಗೆರೆ: “ಮಾನವಾಲೆ ಜೀವನಾಂತು° ದುಡು ಜೋಡಚೆ° ಆನಿ ಪೋಟ ಬರಚೆ° ಸಹಜ ಪ್ರಕ್ರಿಯಾ. ಮಾನವೀಯ ಮೌಲ್ಯಾಂಚೆ ಸಾಂಗತ ಸಾಮಾಜಿಕ ಕಾಳಜಿ ದವರೂನ ಸಾಂಸ್ಕೃತಿಕ ಕರ‍್ಯಾವಳಿ ಕೆಲ್ಯಾರಿ ಆಮಿ ಹೃದಯಾನ ಶ್ರೀಮಂತ ಜಾತಾತಿ. ಕಲಾ, ಸಾಹಿತ್ಯ, ಸಂಗೀತ, ಸಂಸ್ಕೃತಿ ಹಾಂಚಿ ಕೃಷಿ ಜೀವನಾಚೊ ಎಕ ವಾಂಟೊ ಜಾವಕಾ. ಹ್ಯಾ ನದರೇನ ದಾವಣಗೆರೆಂತು° ಮಾಕ್ಷಿಚೆ ತೀನ ದಶಕಾ ದಾಕೂನ ಕ್ರಿಯಾಶೀಲ ಸಾಂಸ್ಕೃತಿಕ ಕಾರ್ಯಾವಳಿ ಕರನು ಸಾಧನಾ ಕೆಲೆಲೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ ಕಾಮ ಖರೆ° ಜಾವನು ಶ್ಲಾಘನೀಯ. ಜಿಲ್ಲಾಡಳಿತ, ಜಿಲ್ಲಾ ಪಂಚಾಯಿತಿ, ಮಹಾನಗರ ಪಾಲಿಕಾ ಹಾಂನಿ ಕರಕಾ ಜಾಲೆಲೆ “ದಾವಣಗೆರೆ ಜಿಲ್ಲೆ ರಜತ ಸಂಭ್ರಮ” ಮ್ಹಳೆಲೆ ನವೀನ ಪರಿಕಲ್ಪನಾ ಕಲಾಕುಂಚ ಸಂಸ್ಥೆಚೆ ಮುಕುಟಾಂತು° ಎಕ ಭಾಂಗರಾಚೆ ಪಿಸಾ°(ಗರಿ) ಜಾತಾ” ಮ್ಹಣು ಆದಲೊ ಮುಖ್ಯಮಂತ್ರಿ ಜೆ. ಹೆಚ್. ಪಟೇಲ್ ಹಾಂಚೊ ಪೂತು ಮಹಿಮಾ ಜೆ. ಹೆಚ್. ಪಟೇಲ್ ಹಾಂನಿ° ಸಾಂಗಲೆ°.
ದಾವಣಗೆರೆ ಜಿಲ್ಲಾ ಜಾವನು 25 ವರಸಂ ಜಾಲೆಲೆ ಉಡಗಾಸಾಕ ಆರತಾ° ದಾವಣಗೆರೆಚೆ ಕುವೆಂಪು ಕನ್ನಡ ಭವನಾಂತು° ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಆನಿ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ ಜೋಡ ಆಶ್ರಯಾರಿ ಘಡಲೆಲೆ “ದಾವಣಗೆರೆ ಜಿಲ್ಲೆ ರಜತ ಸಂಭ್ರಮ” ಹಾಜೆ ಸಮಾರೋಪ ಸಮಾರಂಭಾAತು° ಯಜಮಾನಪಣ ಘೆವನು ತಾಂನಿ° ಉಲಯಲೆ. ಕಲಾಕುಂಚ ಸಂಸ್ಥೆಚೊ ಅಧ್ಯಕ್ಷ ಕೆ. ಹೆಚ್. ಮಂಜುನಾಥ್, ದಾವಣಗೆರೆಚೆ ಚಿಗಟೇರಿ ಘರಾಣೆಚೆ ತಿಸ್ರಿ ಪಿಳಗಿಚೆ ಜಯಪ್ರಕಾಶ್ ಚಿಗಟೇರಿ, ಬ್ರಹ್ಮಪ್ಪ ತವನಪ್ಪ ಘರಾಣೆಚೆ ತಿಸ್ರಿ ಪಿಳಗಿಚೆ ಉಷಾ ಜೈಪ್ರಕಾಶ್, ಸಿ. ವಿ. ಶಿವಕುಮಾರ್ ಮಾನಾಚೆ ಸೊಯ್ರೆ ಆಶಿಲೆ.
ಸಿ. ವಿ. ಶಿವಕುಮಾರ್ ಹಾಂನಿ° ಪ್ರಾರ್ಥನಾ ಸಾಂಗಲಿ. ಕಲಾಕುಂಚ ಮಹಿಳಾ ವಿಭಾಗಾಚಿ ಅಧ್ಯಕ್ಷಾ ಹೇಮಾ ಶಾಂತಪ್ಪ ಪೂಜಾರಿ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗಲಿ°. ದಾವಣಗೆರೆ ಫಕತ ಬೆಣ್ಣೆ ದೋಸೆ, ಖಾರ ಮಂಡಿಕ್ಕಿ ಹಾಕಾ ಸೀಮಿತ ಜಾಯನಾಶಿ° ವಾಣಿಜ್ಯ ನಗರಿಕ ಸಾಂಸ್ಕೃತಿಕ ನಗರಿ ಕರಚೊ ಉದ್ಧೇಶ ಕಲಾಕುಂಚ ಸಂಸ್ಥೆಚೊ ಜಾವನು ಆಸಾ ಮ್ಹಣು ತಾಂನಿ° ಸಾಂಗಲೆ°. ಸಗಟಾಂಕ ದಾವಣಗೆರೆ ಜಿಲ್ಲಾ ರಜತ ಲಾಂಛನ ಆಸಚೆ ಯಾದಸ್ತಿಕಾ ದಿವನು ಸನ್ಮಾನ ಚಲೊ. ಸಕಾಳಿ ದಾಕೂನ ಚಲೆಲೆ ಸ್ಪರ್ಧೇಚೆ ವಿಜೇತಾಂಕ ಇನಾಂ ವಾಂಟಪ ಜಾಲೆ°.

ಮಂಗಳೂರು: ಸಾರಸ್ವತ ಲೋಕಾ ಮಧೆ° ಉದ್ಯಮಶೀಲತಾ ವಾಡೋಚಾಕ ನದರೇನ ಮುಂಬಯಿ ಮೂಳಾಚೆ ‘ಸಾರಸ್ವತ ಚೇಂಬರ್’ ಹಾಂನಿ° ಸಾರಸ್ವತ ಬ್ಯಾಕಾಚೆ ಸಾಂಗತ ಮೇಳನು ನವೀನ ರೀಣ್ ಯೋಜನಾ ಶುರು ಕೆಲ್ಯಾ. ಲೀಪ್(LEAP) (Loan for  entrepreneurship & professionals) ನಾಂವಾಚೆ ಹ್ಯಾ ಯೋಜನೆಚೆ ಸಕಳ ಸಾರಸ್ವತ ಸಮಾಜಾಚೆ ಪಯಲೆ ಪಾವಟಿ ಉದ್ಯಮ ಕರತಲೆ ಲೋಕಾಂಕ ಅತ್ಯಂತ ಕನಿಷ್ಠ ವ್ಯಾಜ್ಯಾಚೆ ದರಾರಿ ದ್ಹಾ ಕರೋಡ ತಾಂಯ ರೀಣ್ ದಿತಾತಿ ಮ್ಹಣು ಸಾರಸ್ವತ ಚೇಂಬರ್ ಹಾಜೊ ನಿರ್ದೇಶಕ ಸಿಧಾರ್ಥ ಸಿಂಕರ ಹಾಂನಿ° ಸಾಂಗಲೆ°.
ಮಂಗಳೂರಾοತು° ಘಡಲೆಲೆ ಪತ್ರಿಕಾ ಗೋಷ್ಠಿಂತು° ತಾಂನಿ° ಸಾರಸ್ವತ ಚೇಂಬರ್ ಹಾಜೆ ಬದಲ ಮಾಹಿತಿ ದವನು ಅಶೆ° ಸಾಂಗಲೆ°.
ಸಾರಸ್ವತ ಚೇಂಬರಾನ ದಕ್ಷಿಣ ಕನ್ನಡ, ಉಡುಪಿ ಆನಿ ಉತ್ತರ ಕನ್ನಡ ಜಿಲ್ಲಾ ಮೆಳೋನು ಎಕ ಶಾಖಾ (ಚಾಪ್ಟರ್) ಶುರು ಕೆಲಾಂ, ಎದೊಳು ಹಾಂತು° 50 ಸದಸ್ಯ ಆಸಾತಿ ಮ್ಹಣು ಚರ‍್ಟರ್ಡ ಅಕೌಂಟೆοಟ್ ಎಂ. ಎನ್. ಪೈ ಹಾಂನಿ° ಕಳಯಲೆ°. ಹಾಜೆ ಕೋರ್ ಕಮಿಟಿಂತು° ಅಂಕುಶ್ ನಾಯಕ್, ವತಿಕಾ ಪೈ, ಸುಧೀರ್ ಭಂಡಾರಕಾರ ಆನಿ ನರೇಶ ಭಟ್ ಆಸಾತಿ ಮ್ಹಣು ತಾಂನಿ° ಸಾಂಗಲೆ°. ಕೆನರಾ ಚಾಪ್ಟರಾಚೆ ಸಾಂದೆ ಜಾಲೆಲ್ಯಾನಿ ಹ್ಯಾ ಪ್ರದೇಶಾಚೆ ಸಾರಸ್ವತ ಲೋಕಾನಿ ಹ್ಯಾ ಯೋಜನೆಚೆ ಫಾಯದೊ ಘೆವಯೆತ ಮ್ಹಣು ಸಿಧಾರ್ತ ಹಾಂನಿ° ಕಳಯಲೆ°. ಎಂ.ಎನ್. ಪೈ, ಶುಭಾ ಬಾಳಿಗಾ ಆನಿ ಕೋಮಲ್ ಪ್ರಭು ಹಾಂನಿ° ಆಸಚಿ ಸಮಿತಿ ರೀಣಾಚೆ ಅಜಿಯೊ ಪರಿಶೀಲನ ಕರನು ಕೇಂದ್ರಿಯ ಸಮಿತಿಕ ದಾಡಚೆ° ಕರತಾ ಮ್ಹಣು ತಾοನಿ° ಸಾಂಗಲೆ°.
ಸಾರಸ್ವತ ಉದ್ಯಮಿ ಮಧೆ° ಸಂಭοದ ವಾಡೊಚೆ°, ಉದ್ಯಮಿಯಾನಿ ತಾಂಚೆ ಉದ್ಯಮ ವಾಡೋಚಾಕ ಮದದ ಕರಚೆ°, ತಾಂಕಾ° ಮಾರ್ಗದರ್ಶನ ದಿವಚೆ°, ಕರ‍್ಯಾಗಾರ ಆನಿ ತರಬೇತಿ ಶೀಬಿರ ಆಯೋಜನ ಕರಚೆಂ ಗ್ಲೋಬಲ್ ಸಾರಸ್ವತ ಚೇಂಬರಾಚೆ° ದ್ಯೇಯ ಜಾವನು ಆಸಾತಿ ಮ್ಹಣು ತಾಂನಿ° ಕಳಯಲೆ°.