ಅನಾರೋಗ್ಯ  ಪರಿಸ್ಥಿತಿರಿ ಆಶಿಲೆ ರಾಮಚಂದ್ರ ನಾರಾಯಣ ಗೌಡ ಹಂದಿಗೊಣ, ತಿಮ್ಮು ನಾರಾಯಣ ಮುಕ್ರಿ ಕರ್ಕಿಮಕ್ಕಿ ಆನೀ ವಾಮನ ನಾರಾಯಣ ಶಾನಭಾಗ ಉಪ್ಪಿನಪಟ್ಟಣ ಹಾಂಕಾ° ಕೆ ಡಿ ಸಿ ಸಿ ಬ್ಯಾಂಕಾಚೆ ಪರಿಹಾರ ನಿಧಿ ಚೆಕ್ ಕೆ. ಡಿ ಸಿ ಸಿ ಬ್ಯಾಂಕ್ ನಿರ್ದೇಶಕ ಗಜಾನನ ಪೈ ಹಾಂನಿ ದಿಲಿ°.

ಆಜಿ ಸಾಂಜವೇಳಾ 4 ಗಂಟ್ಯಾಕ ಗೌಡಪಾದಾಚಾರ್ಯ ಮಠ ಕವಲೆ ಗೋಂಯ ಹಾಜೆ ಪೀಠಾಧಿಪತಿ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮಿ ಮಹಾರಾಜ್ ಹಾಂನಿº ಪರ್ತಗಾಲಿಚೆ ಶ್ರೀ ಗೋಕರ್ಣ ಮಠಾಕ ಯೆವನು ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ವಡೇರ ಸ್ವಾಮೀಜಿ ಹಾಂಗೆಲಿ ಭೇಟಿ ಕೆಲಿ. ಗೋಕರ್ಣ ಮಠಾಧೀಶಾನಿ ಕೈವಲ್ಯ ಮಠಾಧೀಶಾಂಕ ಪರ್ತಗಾಲಿಚೊ ಮಠ ದಾಕಯಲೊ. ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ವಡೇರ ಸ್ವಾಮೀಜಿ ಹಾಂನಿº ಪೀಠಾರೋಹಣ ಕರತರಿ ಉಭಯ ಪೀಠಾಧಿಪತಿಂಗೆಲಿ ಹೀ ಪ್ರಥಮ ಭೇಟಿ ಜಾವನು ಆಸಾ. ಹ್ಯಾ ವೇಳಾರ ಉಭಯ ಕುಶಲೋಪರಿ ಕೆಲೆಲೆ ಗುರುವರ್ಯಾನಿ ಉಪರಾಂತ ಮಠಾಂತ ಪ್ರದರ್ಶನಾಕ ದವರಲೆಲೆ ಎದೊಳು ಘಡಲೆಲೆ ಚಾತುರ್ಮಾಸಾಚೆ ತಸ್ವಿರº ಪಳಯಲಿº. ಹ್ಯಾ ವೇಳಾರ ಯೊಗೀಶ ಕಾಮತ ಕುಮಟಾ, ಮಹೇಶ ನಾಯಕ ಯಲ್ಲಾಪುರ, ಶ್ರಿಕಾಂತ ಶ್ಯಾನಭಾಗ ಗೋಕರ್ಣ, ಗಣೇಶ ಕಾಮತ ಗೋಕರ್ಣ, ನಿಲೇಶ ಬೋರ್ಕರ್ ಕುಮಟಾ, ಕಮಲೇಶ ಬೋರ್ಕರ್, ಸುನಿಲ್ ಗಾಯತೊಂಡೆ, ನವೀನ ನಾಡಕರ್ಣಿ, ಶ್ರೀಕಾಂತ ಶ್ಯಾನಭಾಗ್  ಉಪಸ್ಥಿತ ಆಶಿಲೆ. 

ಆರ್. ಎಸ್. ಭಾಸ್ಕರ್ ಹಾಂಗೆಲೆ ಕವಿತಾ ಪುಸ್ತಕ್ "ಯುಗಪರಿವರ್ತನಾಚೋ ಯಾತ್ರಿ" ಹಾಕಾ 2020 ವರ್ಸಾಚಿ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಫಾವೊ ಜಾಲ್ಯಾ

आर्. ऎस्. भास्कर् हांगॆलॆ कविता पुस्तक् "युगपरिवर्तनाचो यात्रि" हाका 2020 वर्साचि साहित्य अकाडॆमि प्रशस्ति फावॊ जाल्या

ಕೇಂದ್ರ ಸಾಹಿತ್ಯ ಅಕಾಡೆಮಿಚೆ  2020 ವರಸಾಚೆಂ ಅಣಕಾರ ಖಾತೀರಚೇಂ ಪ್ರಶಸ್ತಿ

ಜಯಶ್ರೀ ಶಾನಭಾಗ ಹಾಂಕಾಂ ಫಾವೋ ಜಾಲಾಂ. 2015 ವರಸಾಂತ ಗೋಪಾಲಕೃಷ್ಣ ಪೈ ಹಾಂನಿ ರಚನ ಕೆಲೆಲೆಂ ಕನ್ನಡ ಕೃತಿ ಸ್ವಪ್ನ ಸಾರಸ್ವತ ಹಾಜೆಂ ಅಣಕಾರ ಹೆಂ ಜಾವನು ಆಸಾ.

साहित्य अकादेमीचें 2020 वर्सा खातीरचें अणकारा खातीरचें इनाम :

स्वप्न सारस्वत (कादंबरी)(2015)

अनुवादक: जयश्री शानभाग हांकां फावो जालां.

श्री. गोपाळकृष्ण पै हांणी कन्नड भाशेंत त्याच नांवान बरयल्ले मुळावे कादंबरेचो हो अणकार. 

ಕೊಂಕಣಿ ಸಾಂಸ್ಕೃತೀಕ ಸಂಘಾಚೊ ಆದಲೊ ಅಧ್ಯಕ್ಷ, ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಖಜಾಂಚಿ, ರಾಘವೇಂದ್ರ ಮಿತ್ರ ಮಂಡಳಿಚೊ ಅಧ್ಯಕ್ಷ ಸಮಾಜ ಸೇವಕ, ಭಾರತೀಯ ಜನತಾ ಪಾರ್ಟಿಚೊ ನಿಷ್ಠಾವಂತ ಕಾರ್ಯಕರ್ತ ವಿಠಲ ಕುಡ್ವ (54 ವರಸ) ಸೆ. 13ಕ ಸಕಾಳಿ ಬಜೀಲಕೇರಿಚೆ ಸ್ವಗೃಹಾಂತು° ಹೃದಯಾಘಾತಾನ ಅಂತರಲೊ. ಆರತಾ° ಸೆ.18ಕ ಮಂಗಳೂರಾoತು° ತಾಂಗೆಲೆ ಆತ್ಮಾಕ ಶಾಂತಿ ಮಾಘಚಾಕ ಶ್ರದ್ಧಾಂಜಲಿ ಸಭಾ ಚಲಿ. ಮಂಗಳೂರು ದಕ್ಷಿಣ ಕ್ಷೇತ್ರಾಚೊ ಶಾಸಕ ವೇದವ್ಯಾಸ ಕಾಮತ ಹಾಂನಿ° ಭಾಷ್ಪಾಂಜಲಿ ಅರ್ಪಣ ಕೆಲಿ. “ವಿಠಲ ಕುಡ್ವ ಹಾಂನಿ° ಬಾರತೀಯ ಜನತಾ ಪಾರ್ಟಿಚೆ ನಿಷ್ಠಾವಂತ ಕಾರ್ಯಕರ್ತ ಆಶಿಲೆ. ತಾಂಗೆಲೆ ಸ್ಥಾನ ಕೋಣಯಿ ಭರಚಾಕ ಜಾಯನಾ. ಪಕ್ಷಾಕ ಆನೀ ಸಮಾಜಾಕ ಹೆ° ಎಕ ಹೊಡ ನಷ್ಟ” ಮ್ಹಣು ತಾಂನಿ° ಸಾಂಗಲೆ°. ವಿಠಲ ಕುಡ್ವ ಹಾಂಗೆಲೆ ಕುಟುಂಬೆಚೆ ಸಾಂಗತ ಆಮೀ ಸಗಟ ಆಸತಾತಿ ಮ್ಹಣು ತಾಂನಿ ಭಾಷೈಲೆ°. ರೊಟರಿ ಸಂಸ್ಥೆ ತರಪೇನ ಕೃಷ್ಣ ಶೆಟ್ಟಿ ಹಾಂನಿ° ಶ್ರದ್ಧಾoಜಲಿ ಅರ್ಪಣ ಕೆಲೆ. ರೊಟರಿ ಸಂಸ್ಥೆ ತರಪೇನ ವಿಠಲ ಕುಡ್ವ ಹಾಂಗೆಲೆ ನಾಂವಾರಿ ಬಿ. ಇ. ಎಂ ಹೈಸ್ಕೂಲಾಕ 25 ಕಂಪ್ಯೂಟರ° ದಿತಾತಿ ಮ್ಹಣು ತಾಂನಿ° ಕಳಯಲೆ°. ಶ್ರೀ ಕೃಷ್ಣ ಮಂದಿರಾಚೆ ತರಪೇನ ಉಲಯತಾ ಮೋಕ್ತೆಸರ್ ನರೇಶ ಕಿಣಿ ಹಾಂನಿ° ಮಂದಿರಾಚೆ ಪಯಲೆ ಮ್ಹಾಳಿಯೆರ ಆಸಚೆ ಶ್ರೀಕೃಷ್ಣಾಲೆ ವಿಗ್ರಹಾಕ ವಿಠಲ ಕುಡ್ವ ಹಾಂಗೆಲೆ ನಾಂವಾರಿ ಮಾಂಟೊವ ಬಸಯತಾತಿ ಮ್ಹಣು ಕಳಯಲೆ°. ಕೊಂಕಣಿ ಭಾಶಾ ಮಂಡಳಾಚೊ ಅಧ್ಯಕ್ಷ ವೆಂಕಟೇಶ ಎನ್. ಬಾಳಿಗಾ, ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಖಜಾಂಚಿ ಎಂ. ಆರ್. ಕಾಮತ, ಸಾಧನಾ ಬಳಗಾಚೆ ತರಪೇನ ಪ್ರಕಾಶ ಶೆಣೈ, ಬಿ. ಇ. ಎಂ ಹೈಸ್ಕೂಲಾಚಿ ನಿವೃತ್ತ ಶಿಕ್ಷಕಿ, ಛಾಯಾಗ್ರಾಹಕ ಸಂತೋಷ ಶೆಣೈ ಹಾಂನಿ° ಶೃದ್ಧಾಂಜಲಿ ಅರ್ಪಣ ಕರನು ಉಲಯಲಿಂತಿ.  ಪದ್ಮಿನಿ ಕಾಮತ ಹಾಂನಿ° ಪ್ರಾರ್ಥನಾ ಸಾಂಗಲಿ.