ಉಡುಪಿ: ಭಾರತೀಯ ಲೆಕ್ಕಪರಿಶೋಧಕಾಂಚೊ ಸಂಸ್ಥೊ ಹಾಂನಿ° ಆರತಾ° ಆಸಾ ಕೆಲೆಲೆ ಸಿಎ ಅಂತಿಮ ಪರೀಕ್ಷೆಂತು° ಹೆಬ್ರಿ ಸಂತೆಕಟ್ಟೆಚೊ ಅರ್ಬೆಟ್ಟುಚೆ ಭೀಮರಾಯ ಕಾಮತ್ ಆನಿ ಭಾಗ್ಯಶ್ರೀ ಕಾಮತ್ ಹಾಂಗೆಲೊ ಪೂತು ಗಣೇಶ ಕಾಮತ್ ಹಾಂನಿ° ಉತ್ತೀರ್ಣ ಜಾಲ್ಯಾಂತಿ. ಹಾಂನಿ° ಸಿಎ ಎಮ್. ರವಿ ರಾವ್ ಹಾಂಗೆಲಾಗಿ ಆರ್ಟಿಕಲ್ ಶಿಪ್ ಕೆಲೆಲೆ°. 

ಮಂಗಳೂರು: ಯು.ಸಿ.ಸಿ (ಯುನಿಫಾರ್ಮ ಸಿವಿಲ್ ಕೋಡ್) ಯಾ ಸಮಾನ ನೀತಿ ಸಂಹಿತಾ ಬದಲ ದೇಶಭರ ಚರ್ಚಾ ಖೂಬ ಚಳವಳ್ಯಾ. ಹಾಜೆನ ದೇಶಾಂತ ಸಗಟಾಂಕ ಸಮಾನ ಕಾನೂನ ಯೆತಾ ಆನಿ ತಾಜೆನ ಸಗಟಾಂಕ ಬರೆ° ಜಾತಾ ಮ್ಹಳೆಲೆ ಭಾವನಾ ಆಸಾ. ರಿಸರ್ವೆಶನ್ ಅಂತ್ಯ ಜಾತಾ, ಮುಸಲ್ಮಾನಾನಿ ಎಕಾ ಪಶಿ ಚಡ ವ್ಹಾರ್ಡಿಕ ಕರಚಾಕ ಜಾಯನಾ ಅಶೆ° ಥೊಡೆ ವಿಶಯ ಆಯಕೂಂಕ ಮೆಳತಾ. ಯು.ಸಿ.ಸಿ ಆಯಲ್ಯಾರಿ ಎಚ್.ಯು.ಎಫ್ (ಹಿಂದೂ ಅನಡಿವೈಡೆಡ್ ಫ್ಯಾಮಿಲಿ) ಮ್ಹಳೆಲೆ ಪರಿಕಲ್ಪನಾಚೆರಿ ಕಸಲೊ ಪ್ರಭಾವ ಪಡತಲೊ ಮ್ಹಳೆಲೆ ವಿಷಯಾರಿ ಚರ್ಚಾ ಜಾವಚೆ ದಿಸೂನ ಯೆನಾ.
ಭಾರತ ದೇಶಾಂತು° ಹಿಂದು ಲೋಕ ಬಹುಸಂಖ್ಯಾನ ಆಸೂನ ಖೂಬ ಲೋಕ ಎಚ್.ಯು.ಎಫ್ ಹಾಜೊ ಫಾಯದೊ ಘೆತಾ ಆಸಾತಿ. ಯು.ಸಿ.ಸಿ ಆಯಲ್ಯಾರಿ ಎಚ್.ಯು.ಎಫ್ ಮ್ಹಳೆಲೆ ಆಸತಲೆ ಯಾ ನಾ ಮ್ಹಳೆಲೆ° ಎದೋಳು ಕಳನು ಯೆನಿ ಇತ್ಯಾಕ ಮ್ಹಳ್ಯಾರಿ ಆಮಗೆಲೆ ಮುಕಾರಿ ಖಂಚೆಯ ಲಿಖಿತ ರುಪಾರಿ ಯೆನಿ. ಎಚ್. ಯು. ಎಫ್ ಗೆಲ್ಯಾರಿ ಖಂಚೆಯ ಹಿಂದು ವ್ಯಕ್ತಿನ ತಾಗೆಲೆ ಪಿತ್ರಾರ್ಜಿತ ಆಸ್ತಿಂತು ವಾಂಟೊ ಘೆವಚಾಕ ಕಷ್ಟ ಜಾತಾ ಮ್ಹಣತಾತಿ. ಹ್ಯಾ ಬದಲ ತಜ್ಞ ಲೋಕಾನ ಉಜ್ವಾಡ ಘಾಲಕಾ ಜಾತಾ. ಇನಕಂಟ್ಯಾಕ್ಸಾಚೆ ಕಾನುನು ಪ್ರಮಾಣೆ ಎಚ್.ಯು.ಎಫ್ ಸುತಾ ಎಕ ವ್ಯಕ್ತಿಲೆ ಮ್ಹಣಕೆ ಎಕ ವ್ಹಿಂಗಡ ಟ್ಯಾಕ್ಸ್ ಯುನಿಟ್ ಜಾತಾ ಆನಿ ಎಕ ವ್ಯಕ್ತಿಕ ಮೆಳಚೆ ಸರ್ವ ಟ್ಯಾಕ್ಸ್ ಎಕ್ಸಂಪ್ಷನ್ ತಾಕಾಯಿ ಮೆಳತಾ. ತ್ಯಾ ನಂತಾ° ಹೇರ ಎಕ್ಸಂಪ್ಷನಾಕಯೀ ತೆ° ಅರ್ಹ ಆಸಾ.
ಯು.ಸಿ.ಸಿ ಯೆತರಿ ಎಚ್.ಯು.ಎಫ್ ಮ್ಹಳೆಲೆ ಪರಿಕಲ್ಪನಾ ಆಸತಾಕೀ ವತಾ ಮ್ಹಳೆಲೊ ಗೊಂದೋಳು ಸಾಬಾರ ಹಿಂದು ಲೋಕಾ ಮಧೆ° ಆಸಾ. ಬಹುಸಂಖ್ಯಾತ ಹಿಂದೂ ಲೋಕಾನ ಹ್ಯಾ ಬದಲ ಆಲೋಚನಾ ಕೆಲ್ಯಾಕಿ ನಾ ಮ್ಹಣು ಕಳನಾ. ಸೋಶಿಯಲ್ ಮಿಡಿಯಾಂತು° ಹ್ಯಾ ವಿಷಯಾರಿ ಖಾಂಯ ಚರ್ಚಾ ದಿಸೂನ ಯೆನಾ. ಸರಕಾರಾನ ಯು.ಸಿ.ಸಿ. ಲಿಖಿತ ರೂಪಾರಿ ಲೋಕಾ ಮುಕಾರ ದವರತರಿ ಚಿತ್ರಣ ಸ್ಪಷ್ಟ ಜಾತಲೆ°.

ನವದೆಹಲಿ: ಜೂನ್ 2 ತಾರೀಕೆಕ ಓಡಿಶಾಚೆ ಬಾಲಸೋರಾಂತ ಘಡಲೆಲೆ ತೀನ ಟೈನಾಂಚೆ ಅವಘಡಾಚೆ ಸಂಬοಧ ಸಿಬಿಐನ ತೀನ ರೈಲ್ವೆ ಕರ್ಮಚಾರಿಂಕ ಬಂಧನ ಕೆಲಾ°. ಅವಘಢಾಕ ಕ್ರಿಮಿನಲ್ ಷಡ್ಯಂತರ ಕಾರಣ ಆಶಚೆ ಶಂಖಾ ಆಸೂನ ಕೇಂದ್ರ ಸರಕಾರಾನ ಹಾಜಿ ತನಿಖಾ ಸಿಬಿಐಕ ದಿಲೆಲಿ.
ಎಜೇನ್ಸಿನ ಹ್ಯಾ ಕೇಸಾಂತು° ಪಯಲೆ° ಬಂಧನ ಕೆಲ್ಯಾಂತಿ. ಬಾಲಸೋರಾಚೆ ಸಿನಿಯರ್ ಸೆಕ್ಷನಲ್ ಇಂಜಿನಿಯರ್ ಅರುಣ ಕುಮಾರ, ಸೆಕ್ಷನಲ್ ಇಂಜಿನಿಯರ್ ಅಮೀರ ಖಾನ, ತಂತ್ರಜ್ಞ ಪಪ್ಪು ಕುಮಾರ ಬಂಧನ ಜಾಲೆಲೆ ವ್ಯಕ್ತಿ ಜಾವನು ಆಸಾತಿ. ಹ್ಯಾ ಅವಘಡಾಂತು° 290 ಲೋಕ ದೇವಾದಿನ ಜಾಲೆಲೆ.
ಜೂನ್ 2ಕ ಶಾಲಿಮಾರ - ಚೆನೈ ಕೊರೊಮಂಡಲ್ ಎಕ್ಸಪ್ರೆಸ್, ಯಶವಂತಪುರ - ಹೌರಾ ಎಕ್ಸಪ್ರೆಸ್ ಆನಿ ಲೋಖಂಡ ಭರಲೆಲೆ ಗೂಡ್ಸ್ ಟ್ರೈನಾ ಮಧೆ° ಹ್ಯಾ ಅವಘಡ ಬಾಣಗಾ ಬಜಾರ ರೈಲ್ವೇ ಸ್ಟೇಶನಾಚೆ ಪರಿಸರಾಂತು° ಘಡಲೆಲೆ.

ಮುಲ್ಕಿ: ಆರತಾ° ದಕ್ಷಿಣ ಕನ್ನಡ ಆನಿ ಉಡುಪಿ ಜಿಲ್ಲೆಂತು° ಪಾವಸಾನ ತಾಂಡವ ನೃತ್ಯ ಕೆಲೆಲೆ° ಸಗಟಾಂಕ ಅನುಭವ ಜಾಲಾ. ಹ್ಯಾ ಸಂದರ್ಭಾರಿ ಮುಲ್ಕಿ ನಗರ ಪಂಚಾಯತ ವ್ಯಾಪ್ತಿಚೆ ಮಾನಂಪಾಡಿ ಘಜನಿ ಮ್ಹಳೆಲೆ ಪ್ರದೇಶಾಂತು° ಶಾಂಭವಿ ನ್ಹಂಯಿ ಉಕ್ವುನು ಯೆವನು 16 ಕುಟುಂಬೆಚೆ ಘರಾಂತ ಉದಾಕ ಭರನು 36 ಲೋಕ ಸಂತ್ರಸ್ತ ಜಾಲೆ. ಹ್ಯಾ ವೇಳಾರ ಜಿಲ್ಲಾಡಳಿತಾನ ತಾಂಕಾ° ಮಾನಂಪಾಡಿ ಶಾಳೆಂತು° ರಾಬಚಿ ವ್ಯವಸ್ಥಾ ಕೆಲಿ. ಹ್ಯಾ ಸಂತ್ರಸ್ತ ಲೋಕಾಂಕ ಮುಲ್ಕಿ ಶ್ರೀ ವೆಂಕಟರಮಣ ದೇವಳಾ ತರಪೇನ ಜೇವಣಾ ವ್ಯವಸ್ಥಾ ಆನಿ ಲಯನ್ಸ್ ಕ್ಲಬ್ ಬಪ್ಪನಾಡು ಇನ್ಸ್ಪೈರ್  ಹಾಂನಿ° ಫಳಾರಾ ವ್ಯವಸ್ಥಾ ಕೆಲಿ. ಲಯನ್ಸ್ ಉಪಾಧ್ಯಕ್ಷ ವಿಶ್ವನಾಥ ಶೆಣೈ ಫಳಾರಾಚೆ ಪ್ರಾಯೋಜಕ ಆಶಿಲೆ. ಲಯನ್ಸ್ ಅಧ್ಯಕ್ಷ ಎನ್. ಸುಧೀರ ಬಾಳಿಗಾ, ಕಾರ್ಯದರ್ಶಿ ಪುಷ್ಪರಾಜ್ ಚೌಟಾ, ಖಜಾನಧಾರ ಬಿ. ಶಿವಪ್ರಸಾದ್, ಸ್ಥಾಪಕ ಅಧ್ಯಕ್ಷ ವೆಂಕಟೇಶ ಹೆಬ್ಬಾರ್, ವಲಯಾಧ್ಯಕ್ಷ ಪ್ರತಿಭಾ ಹೆಬ್ಬಾರ್ ಆನಿ ಜನ ಪ್ರತಿನಿಧಿ ವಂದನಾ ಕಾಮತ ಉಪಸ್ಥಿತ ಆಶಿಲೆ.

ಬೆಂಗಳೂರು: ನವೀನ ಜಾವನು ಘಟನ ಜಾಲೆಲೆ ಸಿದ್ದರಾಮಯ್ಯಾ ಸರಕಾರಾನ ಕಾಂಗ್ರೇಸ್ ಪಕ್ಷಾಚೆ 5 ಗ್ಯಾರಂಟಿοಕ 52 ಹಜಾರ್ ಕೋಟಿ ರುಪಯೊ ಅನುದಾನ ದಿಲಾ°. ತ್ಯಾಚ ವೇಳಾ ಅಬಕಾರಿ ಕರ ಖೂಬ ಚಡ ಕೆಲಾ. ಕರ ಚಡ ಸಂಖ್ಯಾನ ಸಂಗ್ರಹ ಕರಚೆ° ದ್ಯೇಯ ದಿಸುನ ಯೆತಾ.

ಹೈಲೈಟ್ಸ್:
♦ ಕರ್ನಾಟಕ ಬಜೆಟ್ 2023-24 ಹಾಜೆ° ಗಾತ್ರ: 3 ಲಾಖ 27 ಹಜಾರ ಕೋಟಿ ರೂಪಯೊ.
♦ 5 ಗ್ಯಾರಂಟಿ ಯೋಜನೆಂಕ 52 ಸಾವಿರ ಕೋಟಿ ರೂಪಯೊ ಆರಕ್ಷಿತ ಕೆಲಾ.
♦ ಅಬಕಾರಿ ಕರ 20 ಠಕೊ ತಾಂಯ ಚಡ ಜಾಲಾ. ಬಿಯರಾಚೆರಿ ಅಬಕಾರಿ ಸುಂಕ 10 ಠಕೊ ತಿತಲೊ ಚಡ ಜಾಲಾ.
♦ ಇಂದಿರಾ ಕ್ಯಾಂಟೀನಾಕ 100 ಕೋಟಿ ರೂ. ಅನುದಾನ
♦ ಬೆಂಗಳೂರಾಕ 45 ಹಜಾರ ಕೋಟಿ ರೂ. ಅನುದಾನ
♦ ನಮ್ಮ ಮೆಟ್ರೋ ಆನಿ ಉಪನಗರ ರೈಲು ಯೋಜನೆಂಕ 30 ಸಾವಿರ ಕೋಟಿ ರೂ. ಅನುದಾನ
♦ ಬೆಂಗಳೂರಚೆ ಬೈಯ್ಯಪ್ಪನ ಹಳ್ಳಿಂತು° ಸರ್. ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್ ಲಾಗಿ ಮೇಲ್ಸೇತುವೆ ನಿರ್ಮಾಣ.
♦ ಮೈಸೂರಾಂತು° ಚಾಮುಂಡೇಶ್ವರಿ ದೇವಸ್ಥಾನ ಅಭಿವೃದ್ಧಿ ಪ್ರಾಧಿಕಾರ ರಚನ ಕರಚಾಕ ನಿರ್ಧಾರ.
♦ ಗಾಯಿ, ಬೈಲು, ಮಶಿ ಮೆಲ್ಯಾರಿ 10 ಸಾವಿರ ರೂ. ಪರಿಹಾರ - 'ಅನುಗ್ರಹ ಯೋಜನೆ' ಮರು ಜಾರಿ
♦ ಶೇತಗಾರಾಲೆ° ಉತ್ಪನ್ನಾಂಕ ಏಕೀಕೃತ ಬ್ರಾಂಡಿοಗ್ ವ್ಯವಸ್ಥಾ 10 ಕೋಟಿ ರೂ. ಆರಕ್ಷಿತ.
♦ ಎಪಿಎಂಸಿ ಕಾಯ್ದೆ ವಾಪಸ ಘೆವಚಾಕ ರಾಜ್ಯ ಸರ್ಕಾರಾಚೊ ನಿರ್ಧಾರ
♦ ರಾಮನಗರ, ಶಿಡ್ಲಘಟ್ಟ ಹಾಂಗಾ ರೇಷ್ಮೆ ಮಾರುಕಟ್ಟೆ ಸ್ಥಾಪನಾ: 75 ಕೋಟಿ ರೂ. ಅನುದಾನ
♦ ಕಾಫಿ ಟೂರಿಸಂ, ಪೋಡಿಪಾನ, ಮೈಸೂರು ಮಲ್ಲಿಗೆಕ ಬ್ರಾಂಡಿοಗ್
♦ 'ಕೃಷಿ ಭಾಗ್ಯ ಯೋಜನೆ'ಕ ನರೇಗಾ ಸಕಳ 100 ಕೋಟಿ ರೂ.
♦ ಜಳಕೆ ಉದ್ಯಮಾಚೆ ಸ್ತ್ರೀಯಾಂಕ ದಿವಚೆ ರೀಣಾಚಿ ಮಿತಿ 50 ಸಾವಿರ ರೂ. ದಾಕೂನ 3 ಲಾಖಾಕ ಚಡಯಲಾ.
♦ ಕೊಪ್ಪಳ, ಕಾರವಾರ, ಕೊಡಗು ಹಾಂಗಾಚೆ ಜಿಲ್ಲಾಸ್ಪತ್ರಾ ಉನ್ನತೀಕರಣ
♦ ಕನಕಪುರ ತಾಲ್ಲೂಕಾಂತು° ನವೀನ ವೈದ್ಯಕೀಯ ಕಾಲೇಜ.
♦ ಮೈಸೂರು, ಬೆಳಗಾವಿ, ಕಲಬುರಗಿ ಜಿಲ್ಲೆಂತು° ಸೂಪರ್ ಸ್ಪೆಷಾಲಿಟಿ ಆಸ್ಪತ್ರಿ
♦ ಕಲಬುರಗಿಯಲ್ಲಿ ತಾಯಿ - ಮಗು ಆಸ್ಪತ್ರೆ ನಿರ್ಮಾಣ - 70 ಕೋಟಿ ರೂ.
♦ ಮಾಕ್ಷಿ ಸರ್ಕಾರಾಚೆ ಪಠ್ಯ ಪರಿಷ್ಕರಣ ಕರಚೊ ನಿರ್ಧಾರ: ಪರಿಷ್ಕರಣ ಕೆಲೆಲೆ° ಪಠ್ಯ ಸೊಡೂಂಕ ನಿರ್ಣಯ.
♦ ಸರ್ಕಾರಿ, ಅನುದಾನಿತ ಶಾಳೆಂಚೆ° 1 ದಾಕೂನ 10ವೆ° ಕಕ್ಷಾಚೆ ವಿದ್ಯಾರ್ಥಿಂಕ ವಾರಾಕ 2 ಪಾವಟಿ ಮೊಟ್ಟೆ, ಶೇಂಗಾ ಚಿಕ್ಕಿ ಯಾ ಕೆಳೆ° ವಿತರಣ.
♦ 1 ಲಾಖ 62 ಹಜಾರ ಕೋಟಿ ರೂ. ಕರ ಸಂಗ್ರಹಾಚೊ ಉದ್ಧೇಶ.
♦ ವಾಣಿಜ್ಯ ತೆರಿಗೆ ಇಲಾಖೆಕ 1,01,000 ಕೋಟಿ ರೂ. ಕರ ಸಂಗ್ರಹಾಚೊ ಲಕ್ಷ್ಯ.
♦ ಅಬಕಾರಿ ಇಲಾಖೆಕ 36 ಹಜಾರ ಕೋಟಿ ರೂ. ಕರ ಸಂಗ್ರಹಾಚೆ ಲಕ್ಷ್ಯ.
♦ ನೋಂದಣಿ ಆನಿ ಮುದ್ರಾಂಕ ಇಲಾಖೆಕ 25 ಹಜಾರ ಕೋಟಿ ರೂ. ಕರ ಸಂಗ್ರಹಾಚೊ ಲಕ್ಷ್ಯ.